المساعد الشخصي الرقمي

مشاهدة النسخة كاملة : :: مشكلة والحل عندكم ان شاء الله ::


حسين الناشري
24/02/2013, 10:07 PM
''السلام عليكم ورحمة الله وبركاته ''

اخباركم يالربع عساكم زينين

أنا عندي سيارة باترول فتك وقبل يومين فكيت مقاعد السيارة
ومن بعدها صارت لمبت الايرباق شغالة وما ادري المشكلة وشو
آن شاء الله العلم يكون عندكم يااهل الخير
ابوسند9
25/02/2013, 12:31 AM
وعليكم السلام
اخوي المفترض قبل فك المراتب انك فصلت اصابع البطاريه
لذا عندك الحلول التاليه
جرب افصل البطاريه
كذالك سو شوي بحث بقوقل واكتب طريقة برمجة لمبة الارباق للفتك وهذي الطريقة مجربه لكن المشكلة انها تضبط مع سياره وسياره لا يعني انت وحظك وهذي البرمجه سهله وتسويها بنفسك
او انك تذهب لمتخصص برمجه ويطفى اللمبه
او انك تفك الطبلون وتشيل اللمبه
جي تي
25/02/2013, 01:01 AM
او فيه سلك تحت المرتبه حق الحساس الارباق ما شبكته

(( وضيفة الحساس هو اذا استشعر ان في احد جالس على المرتبه شبك الايرباق واذا ماكان فيه احد جالس وصارلك حادث ما يطلع الارباق ))
أبوحرب1
25/02/2013, 02:07 AM
الحل الاكييييد اللي مجربه انا

رح لمحل فحص كمبيوتر ويفصلها لك ب ١٠٠

من يوم تجيه وتقوله لمبه الارباق يعرف
ls1.5700
25/02/2013, 04:03 AM
حياك اخوي
مشكلتك بسيطه مره
افصل اصبع البطاريه السالب 40 دقيقه ورجعها وتنتهي المشكله بأذن الله
الغلط اللي سويته انك فكيت فنش الايرباق قبل ماتفصل اصبع البطاريه
لانه توجد حساسات خاصه بالايرباق
المفروض ماتفصل اي فنش خاص بـ حساس الا بعد فصل اصبع البطاريه
ارجو اني افدتك
وبالتوفيق
سيد النشاما..
26/02/2013, 08:35 AM
حتى لو تفصل البطارية ماتنفع ماأعتقد أنها تطفا اللمبة لو تخلي البطارية مفصولة يوم كامل

الحل ياطويل العمر أنك تركز معي شوي .....
افتح سويتش لين تولع لمبات الطبلون كلها طبعا ( انتبه لا تشغل السيارة )
اذا فتحت السويتش وبعدها ولعت لمبات الطبلون حط عينك ولاحظ لمبة الإيرباق وبعد ماتطفا مباشرة من الطبلون قفل السويتش بسرعة لاتنتظر وتسمح لها تأشر مرة ثانية..

المهم سو هالحركة خمس مرات بالضبط تفتح سويتش واذا طفت اللمبة اقفل السويتش وهكذا .... والسادسة شغل السيارة وتوكل على الله وادع لي لاتنساني
ls1.5700
26/02/2013, 02:20 PM
فصل الصبع ينفع وانا وياك من حق الا اذا كان الايرباق خربان ماتطفي اللمبه
انا توي مطفي جيب سكويا 2013 نفس الحركه اللي صارت على صاحب الموضوع
بالضبط ملبس الارضيه بلاستك وفصلو الافناش وبعده ولعة اللمبه والرجال يبي يوديه الوكاله
وقلت له ميحتاج فصلت الصبع 40 دقيقه وطفت اللمبه ولا يومك مارجعت
حسين الناشري
26/02/2013, 04:34 PM
يعطيكم العافية جميع
وجربت طريقة اخوي سيد النشاما وظبطت الحمد لله
ls1.5700
26/02/2013, 08:29 PM
يعطيكم العافية جميع
وجربت طريقة اخوي سيد النشاما وظبطت الحمد لله
الحمدلله انها انتهت المشكله وهذا اللي حنا نسعى من شانه
انا وبقيت الاعضاء لحل اي مشكله بي اقل الخساير
ولو فصلت الصبع مثل ماشرحت لك فوق
كان ماخسرت 150 ريال من شان لمبه كان
وكلها نفس الشي
انا مجربها اكثر من مره
وعندي جهاز فحص سيارات وفنان فيه
وجربت اكثر من مره اذا ولعة المبه وفصلت الصبع
بعدين ارجع وافحص بالجهاز ما احصل اي اثر للكود او رمز العطل
ارجو لك التوفيق والسداد
سيد النشاما..
27/02/2013, 02:45 PM
يالغالي من دون حق ومايلحق
انا معي فتك نفس موتر الرجال وقد جربت وفصلت البطارية اكثر من ساعتين ماطفت اللمبة معي .. ماقدرت اطفيها الا بالطريقة اللي سواها اخوي حسين الناشري