المساعد الشخصي الرقمي

مشاهدة النسخة كاملة : مشيت على المكينة بدون زيت لمدة نصف ساعة


مهجول بحري
25/02/2013, 02:25 PM
السلام عليكم
مع العجلة ركبت لي البنزين في التانكي الثاني وماحطيت زيت ومشيت مدة تقريبا نصف ساعة لين طفت المكينة وشغلتها ومشيت ربع ساعة بعدين تذكرت ووقفت وعبيت زيت وشغلتها شويه ومشيت اكثر من نصف ساعة
هل تتوقعون حصل شي بالمكينة انا مالاحظت اي صوت مختلف وحتى حرارة الماء بعد تعبئة الزيت كانت عادية
وكيف اتأكد ان المكينة تمام ما جاها شي
المكينة اربعين
عقام الرايس
25/02/2013, 03:49 PM
سلامات وان شاء الله جات سليمة

مكاين الاربعين للكرف العالي وتتحمل فوق ما تتخيل ومع ذلك نقول ربك ستر لانه نص ساعة ماهي قليلة بدون زيت وكثير من المكاين تخبط او يضرب الشنبر او تصلب المكينة لعدم وجود الزيت

بما ان المكينة شغالة طبيعي ومافيه اصوات قول الحمد لله
الفرضة
25/02/2013, 04:02 PM
بما انها شغاله تمام زي ما ذكر اخونا عقام الرايس ان شاء الله تكون تمام اهم شي خل بالك من الحرارة
والحمدلله على السلامة
wafi6556
25/02/2013, 11:48 PM
سلامات ان شاء الله

اذا وصل الأمر ان المكينه تكفش (تطفي) فصدقني الكفشه هذي تركت اثر قد لا يكون ملاحظ مثل صوت البستم لكن خشونه
اقترح عليك تزيد الزيت من اليوم ورايح والزياده بسيطه عشان لا تدخل في مشاكل الكربريتر
مهجول بحري
26/02/2013, 12:08 AM
مشكور يالوافي على التوضيح
بالنسبة للطفية المكينة عندي والاربعين بشكل عام اذا حست بحرارة تطفي مباشرة ما تقاوم ولما طفت اول مرة خليتها اكثر من عشر دقايق بعدين شغلتها
فكرتك ممتازة وانا هذا الي افكر فيه اني ازيد الزيت من اليوم ورايح
مهجول بحري
27/02/2013, 01:45 AM
شغلت المكينة اليوم لمدة نصف ساعة تقريبا مع زيادة الزيت صوتها كويس ماشاء الله الماء الخارج منها بارد لكن لما المس اعلى الراس احس بحرارة هل هذه الحرارة عادية ؟
وهل تقترحون افصل بلف الحرارة من اجل تبريد اضافي ؟

شاكر ومقدر لكم
wafi6556
27/02/2013, 07:13 AM
السلام عليكم
نقص الزيت يسبب حراره وعاليه جداً حتى لو دورة التبريد شغاله 100%100 لكن حرارة نقص الزيت ممكن نسميها حراره داخليه مثل الرمانات والبنوز وهذي يتم تبريدها بدورة الوقود المخلوط بالزيت
فإذا ماعندك مشكله مع الحراره اصلاً اوزن كمية الخلط ولا تشيل همها ...وبالنسبه للبلف وجوده يحسن من اداء المكينه فإذا عندك مشاكل حراره فكه واذا ماعندك شخصياً افضل وجوده
مهجول بحري
01/03/2013, 07:09 PM
يعطيك العافية يالوافي
اليوم طلعت البحر والمكينة شغاله تمام الحمدلله بس الاحظ وجود زيت على حواف الغطاء بين جرم المكينة ومحل ما يطبق الغطاء وداخل مافي شي نظيف وبرا برضو مافي شي الزيت اشوفه على الاطراف فقط
غريبه من وين هالزيت وهل ممكن اني زودت كمية الزيت بشكل مبالغ فيه ؟
تقريبا وضعت زيت ٨٠٠ ملل على ٣٠ لتر بنزين يعني علبتين الاربع تقريبا
ومشكورين جميعا
wafi6556
03/03/2013, 09:41 PM
بكذا انت تخلط لتر وربع زيت على 50 لتر بنزين وان شاء ماعندك الا العافيه
م/عبدالله
07/03/2013, 02:50 PM
بارك الله فيك يالوافي .

بخصوص الزيت اخوي ... هذا بخار الزيت لانه زائد
يلتصق ويتكثف . وخلي بالك من الحرارة في المره الجاية
لان الطبقة المصقولة في الاجزاء الداخلية استنفذت في المره الاولى
بمعنى اصبحت الان مكشوفة وعرضة لاي تلف بمعنى قابلة للتخديش والخشونة
في حالة نقص الزيت مره اخرى . سوف يظهر الصوت واضح معك في دوران المحرك
مهجول بحري
07/03/2013, 07:16 PM
يا هلا وغلا بالغالي مهندس عبدالله
والحمدلله على السلامة
مشكوووور على التوضيح وهذا الي كنت ابغى افهمه ووضحته انت لي الي هو الاثر الحاصل من غلطة عدم تعبأة الزيت
الحمدلله جات سليمه ولله الحمد
والشكر واصل للوافي والي افادو في الموضوع