أستفسار : تيربو باترول ربع

[Tyer_shalwa]

السلام عليكم ورحمة الله وبركاتة

مساء الخير

حبيت اسئل عن التيربو للباترول ربع 2005 ..

سمعت ان اسعارهن متفاوتة ..

ودخلت على موقع امازون ولقيت انواع واشكال من التيربو .

لاكن المشكلة مادري وش التريبو الي يركب على الباترول

معلومات الموتر :

باترول باب " ربع "
مكينة 4500 بخاخ
مديل 2005

وماهي خصائص التريبو سمعت انه له شاشة تحكم " تقدر تشغله وتطفية بأي وقت "

وهل له اضرار ؟
وهل يصلح للنفود ؟
وماهو افضل نوع للباترول ؟ وكم يكلف ؟


ياليت منكم يالاخوان الافادة ..

[Tyer_shalwa]

ولا رد . ???

[محرين باالخير]

حياك الله اخوي .
انت تسال عن شي يجهله الغالب في هذا المنتدي لانهم توجههم وميولهم مغايره لما تسال عنه .
واستفسارك هذا له منتديات متخصصه فيه تفيدك اكثر .
لاكن من وجهة نظري البسيطه الخصهالك بما اعرف :
اولا التيربو لايركب مباشرة علي المكينه لازم تكون المكينه مجهزه باالاصل لتحمل ظغط التيربو من شنابر وسبايك وانظغاط منخفظ للمكينه يتناسب مع حجم التيربو .
ثانيا التيربو لايمكن التحكم فيه باالفتح او الاغلاق عبر شاشه او نظام كهرباء علي اغلب ظني لانه مركب علي مخرج العادم ويتم وزنه عبر الوست قيت والبوست .
اكيد هو ممتاز باالاستخدام ويطربك خاصة اذا تم تركيبه علي ايدي فنيه محترفه .
نصيحه اذا مكينتك نظيفه ........ حطها علي جنب ودور لك مكينه مستخدمه من الي تجي مجهزه بتيربو من المصنع وجربها لو اظبطت معاك وناسبة لك خلها لو ما كانت بخاطرك رجع مكينتك .
اتمني اني افدتك بمعلو ماتي البسيطه ........ تقبل مروري

[الكدن1]

هذا الرابط قد يفيدك
http://www.grraf.com/vb/f6.html

[abo naser 1]

السلام عليكم


من خصائص التيربو أستخراج أكبر قدر من القوة للمحرك يضاعف قوة المكينة حسب التجهيز للمحرك فيه محركات 250 حصان وصلو بتيربو 1200 وطالع
التكاليف جداً باهضة من تقريباً 50000 الى 200000 الف حسب التجهيز والرقم الذي تريد يعني يبي ميزانية مفتوحة وشخص عندة خبرة في الميكانيكا وكيفية الأستخدام
حسب ما سمعت بأمكانك رفع البوست وخفضة
الأضرار كبيرة أستهلاك المحرك عدو اللدود الصيف خصوصاً أجوائنا
نعم هو دواء النفود اذا تجهيز كامل مايلحقة الطيور الطايرة لامرهم ولا غيرة
بس محرك 4500 ما يتحمل التيربو راعي حرارة ولا يعطيك استجابة في التعديل
الخيار الأول في المحركات يافتك او تويوتا 4500 هي الي تتحمل التيربو وتستجيب للتعديل خصوصاً الفتك

[Tyer_shalwa]

الله يعطيكم العافية ماقصرتو صراحة جزاكم الله خير