محتار ومحتاج نصيحه

[انفردو]

مساكم الله بلخير


لي كم يوم ادورلي على راس تريله ابيه قلاب ولقيت راس تريله انعرض علي ب 58 مع التدير
وانا والله من ذاك الوقت والبال مشغووول اخاف احط فلوسي وتطلع السياره ماوراها غير الشقى الشي الي محتار فيه ياخوان شركتها اسمها اسكاني موديل 96 وناس ماتمدح وناس يقول توكل وناس تقول مالها صيانه تكفون ياجماعه الي جربها ولا عنده خبره يوسع علي عسى الله يوسع عليه

[ذئب اليل]

إسال عن سيارات البر وبشر لاكن التريلات معندي خبر

[الحيسوني-]

والله مادري عن اسكاني بس نصيحه اذا تبي ترتاح خذ مورسدس البي موديل الـ تسعينات او فوق الـ ٨٥


وافضل شي اللي تجي ثمانية سليندر
وفضل حجم هو ٣٥ او ٢٨ او ٢٦
بس بحكم انك تبي راس يعني بيصير علي. حمل ثقيل خذ ٣٥
طبعا فيه مواصفات ثانية كثيرة يطول شرحها
بس تراء الـ البي غالية يعني موديل ٩١ النظيف فوق ١٤٠ الف
اذا عادي عندك الفلوس علمني واشرحلك اللي اقدر عليه






وبنسبة لـ اسكاني مادري عن خيره ولا شره

[انفردو]

تسلمون تسلمون بيض الله وجهيكم وماقصرتم وبخصوص البي ال١٢٠ ماتجيب اللي تريح الراس

[الحيسوني-]

الله يوفقك اخوي بس نصيحه شاور اهل الخبرة قبل لا تشتري لان فيه سيارات علة

واذا تعرف احد بخص بالسيارات يقدر يطلعلك سيارات ١٢٠ بس تبغلها شوي تحسينات وتصير تسواء ١٥٠

[الحيسوني-]

ولاء تلقى البي موديل قديم شوي ٨٥ او حولة بتلقى شي رخيص حول بين الـ٨٠ و١٠٠





وانتبه من غش اهل المعارض

[تنومه1]

الراس الي تتكلم عنه ( سكانيا )
نصيحه لوجه الله ابعد عن هالنوعيات ..........ليش ؟

1- ما لها شعبيه في السوق في حال البيع .
2 - الصيانه مهوب اي ورشه .
3 - السياره ممتازه وروعه لكن في السعوديه ما تمشي ولا يقدر عليها الا الشركات .
4 - عليك بــــــ المرسيدس ثم الفولفو وبالاخير المان .
انا ما ادري عن مدى خبرتك في الميكانيكا والكهرباء بالنسبه للسيارات الكبيره وبامكانك تستعين بواحد من معارفك في هالموضوع وتمر المزادات المذكوره في الرابط التالي ترى فيها اشياء طيبه ...... والله يوفقك ويدلك

http://www.mekshat.com/vb/showthread.php?t=550698

[هايل العتيبي]

اذا صملت تشتريها
لازم تفحص على محركاتها

[انفردو]

يعني افهم ان خرباتها كثيره

[الوقيدي]

السلام عليكم : اخي الكريم ابتعد عن هذه السياره فليس لها صيانه والقطع شبه معدومه اذا كنت تبحث عن رأس يجر تيدر قلاب فا الافضل شراء سياره البى مرسيدس 2 تيربو من موديل 88 وفوق ماكين 8 سلندر 2 تيربو . حجم 1935_ 1944_1948 قير عايدي 8 رقم واذا لم تجد خذ كهرباء والافضل يكون الرأس سست وليس منافيخ . ابتعد عن سياره مرسيدس اللاكتروس فهى حساسه ونظامها الكتروني . اذا كانت المنطقه التي تعمل فيها غير اسفلتيه وكثيره التغريز خذ سياره البي سكس محور كبير . ويفضل مقاس التيدر 22 او 24 متر صناعه معترف بها مثل المطلق الشمراني وهكذا ابتعد عن الورش الصغيره لتصنيع القلابات اكثر تيادرهم فيها مسحيه كفرات وسريع الانقلاب . اشتر سياره مفحوصه بمعرفه خبيرشاحنات . سليم الشاص ومدبله والماكينه صوتها ناعم وهادئ وتبديلات الجير تعمل بدون ثقل اوحنه ودفرنس محور كبيرليس فيه حنه . وخاليه من الحراره لاتتعدى الحراره80 في الامبير . اتمنى ان اكون قد خدمتك .

[انفردو]

الله يفرج همك ويوسع صدرك