من عنده حل يالنشاما

[هاوي بنلي]

اخواني ما ابي اطول عليكم
لكن شريت سييرا 2013 وكسر عظامي وقص ظهري ما انزل منه الا انا متليش ابي الارض
مشكلته يطااااامر ومطبه قوي مره حتي لو انا مهدي
افزعوا بالراي يالربع وش الحل
ودمتم

[مخاوي الذيب 5]

السلام عليكم ورحمة الله وبركاته
الله يبارك لك فيما أعطاك
تأكد من هواء الكفرات أنا خابر الوكالة تخلى الهواء 50
ققل من الهواء إلى 38 وراح يتغير معك مركب السيارة

[بيك اب 4X4]

يعتمد على موترك اللي قبله
إذا كان موترك اللي قبله مريح
فالله يعينك
يا تتأقلم معه او تبيع

للعلم ان السييرا حجم 1500 اريح من حجم 2500
حجم 2500 يكرف و مخصص للتحميل و السحب اكثر من حجم 1500

حجم 1500 يجي الكفر 6 مسامير
حجم 2500 يجي الكفر 8 مسامير

[أبن ثعلي]

حط هواء الكفرات 35 كحد اقصى لأن كفرات الوكالة قاسيه شوي


انا انصحك من واقع تجربه الكفرات لا تتعدى 35 ابد

والأفضل لك تحط هواء الكفرات 30 وتريح راسك مطب راكد ما تحس بالخط بالذات للـ 8 سلندر وتشرب الشاهي وانت مبسوط

موفق يالغالي ...

[هاوي بنلي]

مخاوي الذيب 5 بيك اب 4>< 4 ابن ثعلي بيض الله وجيهكم وماقصرتم
وشاكر ومقدر للجميع

[ابو هشام]

الهوا المفروض ماينزل عن 40

لسلامة الكفرات وسﻻمة السياره.

اذا السياره 250 خفف التعليق بتنقيص ريشه مثﻻ

هناك طرق كثيره تخفيف ضغط الكفرات ليس احدها

[هاوي بنلي]

هلا ابوهشام شاكر مرورك
لكن طال عمرك السيارة جديدة ولا ودي اتعبث فيها عند الورش ولا ابيها تنزل اكثر لكن بنزل الهواء الي 35 واذا نفع والا سحبنا ريشه
شاكر للجميع

[التعـ King ـديل]

نقص الهواء وبدل الكفرات الى كفرات اكثر راحه

[ابوناصر التميمي]

الكفر له دور كبير في الراحة

اذا تقدر غير الكفر لنوع الين من كفر الوكالة