شـلـون أشـيـل شـطـرطـون الـخـطوط لـلـسـيـاره / أرجوا الدخول ..؟؟

[الشقردي 205]

السلام عليكم ورحمة الله وبركاتة ..


يا إخوان عندي ددسن 97 كويتية وناوي اشيل خطوطها خطوط الوكاله طبعاً ..


علماً اني ماكنت ناوي اشيل الخطوط لكن قدر الله وصار عليها حادث وتشوهت شكل الخطوط وخربت ع السياره ونويت اشيلها ..


ممكن تفيدوني عن كيفية شلع الخطوط من السيارة لاهنتوا ..


اللي يعرف لا يقصر ومشكورين ..

[باترول للأبد]

محل خطوط ولا محل تلميع هذا شغلتهم

[ابونواف سعد]

قرب السياره لمكان فيه كهرب وهات جهاز استشوار وقربه من بداية الخط وسخن وشل لين تخلصه كله وإذا انت مالك مزاج رح اقرب مكان زينة سيارات ويشيلونه بنفس الطريقه بس عندهم جهاز اقوى من الاستشوار والله يوفقك

[basbadi]

اذا الشطرطون قديييييم وناشف ماينفع معه التلميع ولا الستشوار
ومالك حل الا تروح لاي محل سمكره وقلهم شيلوه واترك الباقي عليهم

[نيسان فتك]

صار حادث لسيارتي وتشوهت الخطوط رحت لمحلات الزينة قالوا لي لازم سمكرة رحت لمحلات السمكرة قالوا فعلاً لازم لأن فوق خط الوكالة مادة اللكر اللي تعطي لمعة للموتر

[بن الشمال]

ماء حار أنا شالوا خط سيارتي بهذه الطريقة
الماء مايكون مغلي ويسكب شوي على منطقة منطقة لين يسخن الخط ويسحب الثاني شوي شوي

[لهذام]

مثل ماقالو الربع
محل تلميع وزينة يفكونه بطريقتهم ويلمعون محله
وسلامتك

[سالم الجبيل]

اعتقد اذاالسيارة قديمة راح يفرق اللون البدي اللي تحت الخط عن لون السيارة اللي متعرض لاشعة الشمس حط هالشي في بالك

[خالد الغنامي]

جرب التنر حق البويات يشيله براحة

[الشقردي 205]

يا إخوان انا رحت للمحلات وقالوا نشيله لك بـ 250 ريال ..!!


وانا والله ماني قاعد على بنك عشان ادفع هالقيمه بـ شيلة خط وياليت عندي والله ماعندي ..



قلت خل اشوف قروم مكشات يفيدوني واشيله انا بروحي بدون محلات وفلوس ..


لاهنتوا وننتظر مشاركات ..

[باترول للأبد]

لازم محل تلميع يشيله ويطق الموتر تلميعه كامله أنا مجرب هالشي من قبلك لو بتشيله بنفسك بتعفس البدي وبيبقى صمغ محله

[N أبورغد N]

فيه حل كشاف قوي وجهه على الخط من مسافه مناسبه بحيث انه مايحرق عليك الخط
المطلوب تسخين لدرجه معينه ويطلع معك بسهوله ان شاء الله
والله يرزقنا واياك وجميع المسلمين من واسع فضله