تانكي ماء

[البسطوني]

بسم الله الرحمن الرحيم
موتري صالون جمس موديل 89 دفرنسين ومليت من قوارير الماء احيا اشتري واجد واحيانا قليل وتحوس المحل ودي اركب تانكي ماء وين المحلات الى تركبه او يفصل بالرياض او الخرج وهل عندهم افكار جديده لاني سمعت انه يمكن الغا مسنده الظهر حق السيت الخلفي ويركب تانكي الماء بداله المهم اي شئ من ناحيه هذا الموضوع مهم بالنسبه لي ارجو الافاده من جميع النواحي و شكرا.

[البسطوني]

128 المشاهدات ولا احد عنده خبر ولا علم ولا حتا قال الله ييسر امورك
((( لاحول ولا قوه الا بالله )))

[Salamah.y]

الله ييسر لك أمورك
الأفضل و من رآيي انك تاخذ تانكي فيبر جاهز
فيه شيء يناسب الجيوب و شيء يناسب الجموس
مجربه اخوي , له مده , و ماشاء الله ماشكى منه
خفيف اذا تبي تشيله و تنقله , و طعم الماء ما يتغير به

الحقيقة مادري وين تحصلها بالضبط
لكن غالباً توجد عند المحلات المتخصصة في الرحلات و المقانيص

تحياتي لك @~

[NissaN 1990]

انا شريت لي جركل كبير بسعة 120 لتر من الغرابي واقف ودائري الشكل ب 50 ريال من اللي تجي فيها مواد صابون او شي زي كذا وفيه منها جديد بنفس السعر بس اللي شريته سميك قوي مره يمكن سمكه 1 سم او اقل شي بسيط ،،،،وشريت له عوامه من داخل فيها سنه وركبت عليها نقاص ماء وحطيت فيه لي وافتكيت من غلاء الأسعار وافتكيت من ثقل التوانك هذا خفيف واشيله بيد وحده وطلع كله مع شغله 65 ريال الله يديم الرخص ولو تغير طعم الماء اوصار فيه شي بسيطه امر مغسلة السيارات واخذ اللي حق الماء اللي ضخه قوي وادخله في فتحت الجركل من الأعلى واخلي الماء يضرب واعيد الحركه كم مره ويضبط علماً بأنه ماتغير طعم الماء فيه بس من باب النظافه ،،،،
حاولت انزل صور وموضوع بالمنتدى بس المشكله مايقبل معي نتزيل الصور مدري ليه

[النادر12]

عندك خزانات الوطني يمكن تصلح لك عندهم اشكال وانواع
الموقع ظهرة لبن قبل نادي الرياض على اليمين ووجهك غرب موفق

[اسدهم]

وفرعهم 2 طريق الدمام يجيك مخرج خالد بن واليد اطلع معه اول اشاره يمين وجهك جنوب اول اشاره شفه ع حجاجك الايمن زاويه الاشاره تعال بدري عشان هم يسكرون بدري