عندي مشكله في الشاص

[مدار 49]

السلام عيكم
(صباح _مساء) الخير
ياربع عندي شاص 2013 وعندي مشكله فيه المشكله ان كل ماشغلت الموتر الصبح فرمتلي بسه في المروحه اكثر من ثلاث مرات افرم بسه فيه وغيرت مروحه السبوع الماضي من الوكاله وكل يوم لاجت اشغل اطق الكبوت ويطلعن وشغل المشكله ان فيه مكان واسع بين المروحه والرديتر ويجي البس فيه ويتكي

هل فيه احد من الاعضاء مرت عليه المشكله
وحصل حل
وهل لاها حل او كيف
ساعدوني لاهنتم

[مخفي]

واحد من الشباب معه 2012 فارم له بستين

عاد يقول بديت اضرب بواري

[ماء نوفا]

الحل دق دقه خفيفه وبعدين شغل البس يدور الدفى بس ماعليك جاء الصيف

[مدار 49]

وماقصرتم ياخوان عطرتم الصفحه

[الضرغامي]

لاحول ولاقوة الا بالله
اخوي مالك الا مثل ما قالو الاخوان اضرب بوري او دق دقه حده وحاول بقدر المستطاع انك تتاكد لانه حيوان وجاي يدور الدفاء اقلها تكسب اجر ان شاء الله انك خليته يطلع.
ومعد الا خير الصيف اقبل وبترتاح

[راعي المكشايت]

الحل انك تفصل اصياخ حديد مثل عصا الكبوت تركبها عند اي ميكانيكي من تححت بحيث انها ما ترد الحراره والشي الثاني ما يقدر البس يدخل فيها ولا اي واحد وتقد تخليها متحركه وثابته يعني تركب كلبسات

الشغلها ما تاخذ معك اكثر من 150 ريال عند صناعيه الكهرباء ومدري وينها
لاكن قد ركبت في صناعيه الخليج بسعر 300 ريال

[مدار 49]

ماقصرتم ياشباااااب

[الحيسوني-]

ما لك الا تضرب بوري قبل ما تشغل

[فيصل التميمي]

الحل الوحيد انك تضرب بوري وبس

[أبوراما]

مالك إلا البوري ولا تشغل على طول اصبر ثلاث دقائق لين يشيل البطانيات والفراش ههههههخخخخ

[الأزرقاني]

يالغالي مير انت تفرمه وتنتهي السالفه علطول

مهب مثل هالضّعيّف بلاه الله بهرٍّ ما ينفرم هههههههه http://www.youtube.com/watch?v=VDzHwWQJcXg

[بلاتين]

صارت معي مرتين بعدها اذا صار الجو بارد اضرب من تحت الصدام على الجرم الي حول المروحه بعدين اركب الموتر وشغل والحمد لله الشتى هذا ما حصلت معي