ماسبب رخص الددسن؟ سؤال لأخل الخبرة

[الوشيقري]

السلام عليكم
قبل كم يوم مريت المعارض ولقيت الددسن جديد برشته غمارتين ب 59 الف وبدون مكاسر
سؤالي لخبراء الددسن:
ماسبب رخصه هل يوجد به عيب او خلل مصنعي او اي مشاكل لاسمح الله؟
يعني انا اشوف انه اذا كان مكيف وطاره هوا وقفل ابواب مركزي وبهالسعر يصير سعره حلو بصراحه؟
هل توافقين الراي؟
وشكرا

[خالد777]

حسب علمي هذي تايلنديه مايرغبونها الناس

[باترول للأبد]

لأنه من بعد 2009 صار ينصنع في كثير مصانع ويتورد لنا من كل محل وكل واحد يقول أنا الأرخص

[معاشر الرجال]

سوال بعد اذان صاحب الموضوع

طيب هل في جوده مثل 2009 وتحت ولا
وكم شركه تستوردها مشهوره؟؟

[الوشيقري]

جزاكم الله خير على الردود
لكن ياخوان ماعلي من وين يصنع
السيارة هلى فيها عيوب او مشاكل؟
يعني محركاتها مظبوطة؟
وشكرا

[صياد الجبل]

حسب علمي هذي تايلنديه مايرغبونها الناس


الهايلوكس تايلندي وشوف وين مطيرين اسعاره

[قيس 2]

الددسن عرررررده شوي وتنطط تمشي 120 كانك تمشي 1000000000 تبي تطير

[sgl2002]

قلة الاكسسوارات
المكينة لم يتم تطويرها
تجميعها في بلاد رخيصة اليد العاملة


مشاكل مابها مشاكل لان المكينة والقير والدفرنس والحاجات الاساسية ياباني

[الوشيقري]

الف شكر للردود
ودنا اصحاب التجربة يشاركونا
هل السيارة يبدو عليها انها تتحمل
لاني ابطلع به للبر واحمل عليه وامسك خطوط

[الوشيقري]

المعذرة اضافة اخيرة مهمة بالنسبة لي
ماهي افضل فئة تنصحون بها
انا ماعندي خبرة بمواصفات الوانيتات الجديدة واخاف اشري واتحسف
وش رايكم؟ وش احسن فئة؟
لاني لقيت في احد المنتديات هالمواصفات:
موديل 2013 (http://www.hesn-3.com/vb/hozn213026)يابانى تجميع مكسيكى ماكينة 2400 سى سى داخلى عنابى اربع تكايات راس تمثال امامى شبك نيكل مرايات نيكل زجاج كهرباء كمبريشن ضغط الماكينة فيبر بالصندوق خطوط جانبية
بعضها مافهمتها هل هي ضرورية؟
وجزاكم الله خير

[رحال السراة]

مع واحد من الشباب الله يهديه يارجل كارفها كرف يوم ينزلها عشان تعرف شباب صغار ..
ياخذها أخوه الكبير يرفعها بنص ساعة ويحمل عليها ويكدها كد اسبوع ويرجعها له !!
وتستمر الحكاية هههههه
جربتها والله يافيها عزم خيال .. ومكيف مايحتاج ثلااااااااجة ..
أستغرب من بعض الشباب يقولك يارجل مشيت عليها 150 الضغط كان على 4 ليه ؟
واللي يجيك مطفي النور ويقول بعد الـ 160 أو 170 تفصل !!!
ياأخوان سلامات ؟؟
قلتها كم مرة وأعيدها هذي السيارات للكرف تحميل خطوط شركات ماهي للسباق !!
لا ويزعلون يقولون شينة طيب خذ ألماني ولا تتذمر والله معي ونيت نافارا أقسم بالله أنه شيخ بس كل واحد واستخدامه
هذي السيارات غير مخصة للمطارح والتفحيط !!
لا فيها ارباقات ولا فيها مانع انغلاق فرامل ولا تعاقيد تقنية فهذي ميزة وعيب عيب لأخواننا اللي طايرين في العجة سباقات وسرعات جنونية لو حصل معه شي لا قدر الله بيتوهق ..
اما ميزة بحيث إنك تنسى شي أسمه ورش !! وهذا الشي اللي ارتحت منه يارجل كان معي هوندا أقسم بالله أسبوعيا في الصناعية !!!
خرب حساس أو خرب المكيف محد يعرفله أو أو ...
بس شيئين أول شي لاتطب الوكالة !! لأنهم بيخربون موترك ويسرقونك وترى الددسن ذي خليجي بدون ضمان الضامن الله حطها براسك من الان ..
الشيء الثاني واضب على صيانتها بنفسك واشتر الزيت ( الزيت بالأقل يمشيك 5000 طبعا بعد معاينتك له من لزوجته ) ( مو شرط يكون سوبر جي تي ) والفلاتر الأصلية من الوكالة
والأفضل تاخذ أصلي من الوكالات الفرعية لأنه أرخص شوي بس أصلي
طبعا كلها الموصى بها في الكتلوج وليس كلام المتفلسفين أن الزيت الفلاني أفضل ... إلخ ولاحد ياخذ موترك يكون غير ثقة ومتهور ..
وإبشر بموتر يـــــــطـــــررررربك !!

[التعـ King ـديل]

الددسن من موديل 2010 صار يصنع في تايلاند والمكسيك واختلفت الجوده عن الياباني ولذلك تلاقي 2009 وتحت غالي ومطلوب بالسوق ومن وجهه نظري مااشوف فيهم اي مشكله طالما المحركات نفسها ولكن ربعنا الشريطيه مسوين سالفه بين التايلندي والمكسيكي علشان يرفعون السعر خاصه ان التايلندي هو اللي يجي للوكيل بالسعوديه والمكسيكي خليجي بالنسبه للمميزات المهمه تكون في الددسن هي هذي
داخلى عنابى - اربع تكايات - راس تمثال امامى - شبك نيكل - مرايات نيكل - زجاج كهرباء - كمبريشن او عداد ضغط الماكينة

[عاشق الvx]

قلة الاقبال عليه هو الي نزل سعره ولا الموتر مافيه اي مشاكل
والسعر فعلا معقول جدا وما اشوفها تفرق تجميع مكسيكي او ياباني او تايلندي
لان القطع كلها يابانية الاختلاف في الايدي العاملة فقط
وبأذن الله ناوي على واحد للبيت بدل ما احط لي بهايلوكس 90,000
والخدمه وحده في كل الموترين مع انه بالنسبة لي الهايلوكس افضل
لكن سعر الددسن يفرض نفسه وبقوة خصوصا انك تتكلم عن سيارة معروف تاريخها
ماتتكلم عن هونداي او كيا او غيره ....

[قدر مكتوب]

شوف اخوي نصف قيمة السياره في المحرك وطبيعي جدا محرك الدسسن ماتطور من عرفنا وهي 2400 وبخاخ

صحيح اريح من الهايلوكس والفرامل احسن من الهايلوكس ولكن قيرها ضعيف ومقارنة بالهايلوكس

اعتقد نقص قيمتها عشان نيسان مابذلت جهد في تطوير محركها مثل التايوتا لان محرك الهايلوكس مر باكثر من جيل 2400 ثم 2700 كارب ومن ثم 2700 بخاخ


ومع كل هذا يكفي ان الدسسن لها تاريخ معروف بالكد والتحمل ومايحتاج من يشاور عليها لو تصنع بالصين , يبقى عليها شعار نيسان التي لن تفرط في الجوده كما فرط غيرها من المنافسين

[Shqra]

السيارة مافيها إلا العافية وأنا مجربها ماشاء الله الددسن تحمل وكرف ولا تشكي أبد

وهي ماهي رخيصه بس السيارات الثانية مرتفع سعرها ارتفاع فاحش وبلا أسباب مقنعه

[واطي الجمرة]

زي ماقالو الاخوان موتر زين
لكن اظن من الاسباب ايضا قلة اهتمام الشركه الصانعه به
تخيل من 2000 الى 2013 ماتغير فيه شي؟؟؟؟
نفس الشكل والداخليه والمكينه
يعني مايخسرون على تطويره
لذلك يرخصونه

[ابو صقر 111]

الددسن موتر العاقل واليوم العاقل قليل يبحثون عن السرعه والخفه (النعش الطائر) مثل الهايلوكس والكامري انا معي امريكي وأسير بالسرعه القانونيه 120كم بالساعه وتمرني سيارات النعش الطائر وكأنني واقف000اذا نظرت بالمرآة ولمحت نعشا طائرا فتشهد وركز جميع حواسك وانظر جهة يمينك استعدادا للنزول والهروب

[ن م ر]

1- قلة الاقبال مقارنة بالهايلكس
2- تحويل مصانع التجميع الى تايلند والمكسيك
3- رخصها في الخليج لضعف الاقبال عليها هناك
4- السبب الأهم : نزول سعر الين أمام الدولار

شخصياً لو ابي اشتري شريت ددسن واوفر 25 الف بدل ما اخذ هايلكس ضخمت اسعارها سمعتها ووكيلها السيء

[ابونبيل]

لانها ضيق جدايعني ماتقدر تركب اهلك في المرتبه الثانيه

ولا هي سياره تد وتمد ودام المحركات ياباني ماعليك من التجميع

[P O W E R]

الددسن هالحين سمعتها سيئة بسبب مايسمون بالدرباويه ومكينتها اضعف من الهايلكس وشكلها هذا سبب عدم الاقبال عليها ورخصها

ددسن 2007 غماره بـ 30 الف مقايل هايلكس 2002 مرشوش كامل وموظب سعره بـ 30 الف

[السرحان502]

ددسن ما يعرف قيمتها الا الي جربها

اتوقع رخصت عقب كثرة المصانع ((مكسيكي - تيلندي - جنوب افريقي"غمارة قصير"))

واستخر طلق واحد واحرص ع المكسيكي والله يوفقك

****
ملاحظة اتكلم عن الددسن من تجربة من عام98 والى الحين عايش وكارفينه كرررف الله يبارك لنا ولكم

[abo naser 1]

سبب أنخفاظ سعرها بالنسبة لغيرها

الوكيل مايجيبها من 2010
عدم الأقبال عليها حتى أهل البادية تركوها وطاحو بالهايلكس

لأعتقد بها عيوب جميع السيارات اليابانية تصنع بتايلند والصين ومافيها خلاف بس الوكيل هو سبب الرئيسي لعدم الأقبال

[الوشيقري]

السلام عليكم
جزاكم الله خير يالنشاما على الردود وبيض الله وجيهكم
ولا هيب غريبة على ذالمنتدى واعضاءه
اذن يمكن على بركة الله ابطق لي واحد
لقيت معرض يبيعه ب 57500 برشته...... ياسلام
والمصيبة لقيت الغمارة ب 59000 :eek:

[الشقردي 205]

الله يرزقنا بـ مثلها اللهم امين ..

[محب النياق]

بابعدي وين هالاسعار دلنا انا لاقيها بـ سبعين الف

[السامي2011]

يا حبيب هذا سعره الحقيقي ولا التجار ياخذونه اقل لكن انت تشوف سعره رخيص مقابل من !!

الهايلوكس مثلا ؟ ما الهايلوكس هو الي اخذ فوق حده فقط لاغير

[التعـ King ـديل]

1- قلة الاقبال مقارنة بالهايلكس
2- تحويل مصانع التجميع الى تايلند والمكسيك
3- رخصها في الخليج لضعف الاقبال عليها هناك
4- السبب الأهم : نزول سعر الين أمام الدولار

شخصياً لو ابي اشتري شريت ددسن واوفر 25 الف بدل ما اخذ هايلكس ضخمت اسعارها سمعتها ووكيلها السيء


اختلف معك :good2:

لو كان التحويل الى تايلاند يرخص السعر كان شفنا الهايلكس ب 60 مب 100

من ناحيه الاقبال الددسن ماخذ حقه ومهوب متوفر ومع ذلك سعره رخيص مع العلم القاعده تقول اذا قل العرض وزاد الطلب يرتفع السعر والعكس صحيح

من ناحيه نزول الين امام الدولار هل الين عمله نيسان فقط ؟ لو له علاقه كان الفكسار ماوصل 350 الف واللكزس 500 الف

[ابوخلف..]

النفروض الاسعار ماتتعدا هالسعر سواء هايلكس والا دتسن
ارجعوا كم سنة وشوفو الاسعار