أبي وصف لشعيب العصل......

[ملاعب الريح]

السلام عليكم ورحمة الله وبركاته

إخواني المكشاتيين أبي وصف لشعيب العصل الله لا يهينكم وأنا من أهل الرياض
وإن حصل الإحداثيه يا سلام

تحياتي أخوكم ملاعب الريح

[m1m]

http://www.moon15.com/scantopmoon.gif

[ملاعب الريح]

m1m السلام عليكم

مشكور

دخلت على الإحداثيات إلى الآن ما حصلتها وياليت الأخوان يعطوني الوصف والإحداثيه

تحياتي ملاعب الريح

[القرم]

الطريق الى العصل:

الرياض ... طريق القصيم... اطلع مع كوبري تمير واتجه له.. بعدين خلك مع نفس الطريق... تدخل تمير وتطلع منه... بعدين توصل امبايض يجيك حرف T اتجه يمين يعني شرق تمشي مسافة بسيطه يجيك طريق مسلفت يروح يسار يعني شمال امسك ليييييييييين توصل الشحمة (هجرة) واطلع من الشحمة باتجاه الشرق لين تطلع الظهره الي شرق الشحمة وامسك الخطوط الي توديك شمال شرق وانتبه لا تروح جنوب او شمال عدال خلك شمال شرق لي توصله تراه طامن ولا تشوفه لين توصله وغالبا راح توصل الشغية الجنوبة ا لي تصب فيه حول معها لين توصل الشعيب.
احداثيات ما عندي للاسف...

رحلة ممتعه وصيد وفير

[غضنفر]

تامر امر
هذي مشاركة لأخونا sabar في احد المواضيع

شعيب الأعصل هو شعيب في العرمة يمتد بطول 30 كليومتر من الجنوب الى الشمال حيث ينتهي في فيضة الحيرة او حيرة الأعصل او ربما يوجد اسماء اخرى لهذه الفيضة التي تقع على حافة الدهناء . واعتقد انه سمي بالأعصل لطوله ولصغر مجرى السيل في هذا الوادي حيث ان مجرى السيل في بعض المناطق لا يتجاوز عرضه عدة امتار ويشتهر بشجر الطلح ويوجد به دوح كثير خصوصأً الجزء الشمالي منه . والاراضي المحيطة به تشتهر بنبات الحمض لذا يعتبر من مناطق الرعي الجيدة .

اقرب هجرة لشعيب الأعصل هي الشحمة حيث تقع شمالاً من مدينة تمير واحداثيات الشحمة هي كالتالي :

26,06,548 شمالاً
45,47,928 شرقاً

ويبعد شعيب الأعصل حوالى 16 كم شمال الشحمة
واقرب النقاط من الشحمة في شعيب الأعصل على الأحداثية التالية :

26,14,881 شمالاً
45,48,680 شرقاً

نقطة اخرى في منتصف شعيب الأعصل تقريباً
26,18,094 شمالاً
45,54,013 شرقاً

فيضة الحيرة
26,23,431 شمالاً
45,59,027 شرقاً

ملاحظة
جميع الأحداثيات منقولة من خريطة


هذا وتقبلوا جميعكم فائق تحياتي وتقديري

اخوكم سبار


-----------

وهذي مشاركة لأخونا السمح

بالنسبة لشعيب العصل ترى البارع ما قصّر وعطاك معلومة عن الموقع وهو بالفعل يمتد من العرمة شمال الشحمة ويتجه ناحية الشمال الشرقي والشعيب عبارة عن أشجار من الطلح والسدر .. ويمكن الوصول إليه من الرياض عن طريق القصيم ثم مفرق تمير ومنها إلى مبايض ومن هناك يوجد خط مسفلت إلى هجرة الشحمة ومن الشحمة تطلع الجال الشمالي ثم تكون الأرض أكثر سهولة وسترى أشجار الطلح الكبيرة في حجاجك الأيسر وهذي إحداثية لموقع ما في شعيب العصل :
N 26 10 650
E 45 52 418
وهو مكان جميل للصيد مثل الدخل والصفاري والقميري ، ولكن يعيبه كثرة الناس في وقت النزل ..


<!-- / message -->

[ملاعب الريح]

القرم مشكور وما قصرت

بلاك باث جزاك الله كل خير أتمنى إني أكون ما أتعبتك

[غضنفر]

حق و واجب

[ملاعب الريح]

أكرر شكري لك أخوي بلاك باث وتراي أبأغزيه:p هالسبوع لأن أكثر من واحد يمدحه وقت النزل وأنا ماقد جربته فقلت خلنا نجرب وإن صدت بإذن الله بوريكم الصور كاني مانسيت الكمرا كالعاده:confused:........