شباب أبي أسئل عن الهدرز وعن أنواعه ووين تنصحوني بمكان يضبطه لي؟

[ابو سعود]

السياره GXR 96

وكم يبي يكلف وإيش النوعيات الي لي وللعمر وهل هناك ضرر منها؟

[بنيللي]

صبحك الله بالخير طال عمرك:

بالنسبة للهيدرز انا كل ما اشتري جيب احط له هيددرز-- قول ليش ؟

الهيدرز له محاسن من ناحية انه يخفف الضغط على المكينه يعني يطلع الضغط ويعطي سرعة وقوة للمكينة تعادل من 5 الى 10 حصان اي بمعنى آخر انه يريح المكينة اما الشي الي مو زين فيه اذا انت راعي نفود وطلعات عالية ما راح ينفعك لأن المكينة مثل ما قلت لك امريح وما فيها ضغط زايد معناته ما راح اطيب خاطرك بالصعود وافضل الأنواع صناعة الامارات ويكون ستانليستيل لا يكون حديد لأنه راح يرخى معاك من صوب المانيفولت وقيمته تقريبا بحدود 1500 ريال سعودي .

[ابو سعود]

يعطيك العافيه


طيب تدلني على محلات يضبطون الشغله في السعوديه؟

[ابورشيد]

ممكن تشرحون لنا ماهي الهيدرز

[وسيع الصدر]

الهدرز يعني القزوز بكل بساطة

[بنيللي]

والله يا بو سعود في محل في دبي ينقاله السيارة الذهبية في المنطقة الصناعية ويمكن يكون في الشارقة بعد .
وعن مكان التركيب في السعودية يا بو سعود ما أعرف لأني انا من الكويت ، عموما اي واحد يركب اكزوزات يعرف يركبه بس احرص انك تشتريه مع الكازكيت للهيديرز .
اما بالنسبة لأبو رسيد الهيدرز هو اكزوز ولكن حجم البايبات اكبر من العادي مثلا العادي يجي حجمه أثنين انج والهيديرز يجي ثلاثة انج .
أرجو ان تكون المعلومة قد وصلت يا الغالين

[ابو سعود]

10000 شكر حبيبي كفيت ووفيت

[ابو الريم]

الهدرز هو نفسه الاكزوز ....... والاكزوز هو رأس الشكمان ........ يعني القطعه المربوطه بالمكينة وتخرج منها فتحه للشكمان ......... غالبا هذا الاكزوز يكون ضيقا على السيارة لاسباب كثيرة ....... فبعد ان يتم الاحتراق داخل المكينة يخرج الى الاكزوز بضغط عالي جدا وساخن جدا جدا فيصل درجة الحرارة فوق ال1000 درجة مئوية ثم يتجه الى فتحه الاكزوز ثم الى الشكمان .....

الهدرز يوضع مكانه ........ فبدل ما يكون ضغط المكينة على الاكزوز يمكن لها الهدرز فتحات اوسع ..... وهذا يساعدها في تسهيل عملية الاحتراق ويريح المكينة وربما يزيد من قوتها من 5 - 10 حصان حسب السيارة ومن ثم يتم تركيب الشكمان عليها

وهذه نقطة مهمه فقد يرى بعض الناس فتحتة الهدرز كبيرة فيغير الشكمان على قد فتحتة الهدرز وهنا تكمن المشكلة ...... فالمكينة تحتاج الى ( باك فرشر ) وهو الضغط العائد وهذا ما توفره له الكنداسات ........

عموما اذا انت راعي طعوس وزر على المكينة فالهدرز بلا شك مفيد جدا جدا اما اذا راعي تمشي ولا تحتاج الى قوة زائدة فخلك على ما هو عليه


تحياتي ابو الريم ,,,,,