قررت اركب هدرز على الباترول ، شوركم وخبرتكم يالنشاما

[sgl2002]

قررت اركب هدرز على الباترول حقي ومواصفات الموتر:

باترول 99 سوبر 4500 بخاخ ماشي 380 الف

المكينة ممتازه مافيها نقص



ابي شوركم في تركيب هدرز على الموتر لاني سمعت انه يخفض الحرارة ويبرد على الموتر مع ان الموتر لايشكي من حرارة لكن في الصيف انا ادخل النفود وابي ابرد الموتر زيادة



فهل تنصحوني بالهدرز او لا وش افضل نوع من تجاربكم وخبرتكم ( ما ينسم ويبرد الموتر ) وهل اركب راس فقط او كامل ، لاني ما ابي صوت نهائيا خصوصا اني معلم وهذي سيارتي الرسمية وزي ماتعرفون ماهي بزينه قدام الطلاب والناس صوت وازعاج

وانا موقعي الرياض

[صباح القايله]

أبي اختصر لك الوقت والجهد
إذا تبي فايده من الهدرز لازم صوت على شان تستفيد من ناحية الحراره والعزم
وإذا ماتبي صوت خله بلد لأنك ماراح تستفيد منه أو تكون الفائده قليله

[ابو فهد...]

لالا ركب وانا مؤيد
بس ركب اخره دبه كاتمه صوت وعيش الجو
افضل الانواع بحيرني ثمن العتيبي بالشرقيه وبالرياض الصفدي ثمن قايد
الي بالرياض شفلهم مهب ذاك الزود
عندك السويد ابعد عنه ثقيل ومع المطبات ينشع وينسم

[ls1.5700]

انا مؤيد العضو صباح القايله
اعطاك الزبده 000
مافيه فايده بدون صوت
الهدرز الفايده منه تفريغ الهوى بكميه كثيره
ويعطي عزم وخفه
وذا ركبت فلتر رياضي بيكون افضل من ناحيه سحب الهوى بكميه كثيره
لاجل الهدرز يقوم بعمله تفرغ الهوى بكميه اكثر
فيه واحد بالقصيم اسمه موسى السيف يفصل هدرزات وعنده جاهز للفتك
ولا هو غالي وشغله مضبوط
اذا تبي رقمه ارسل لي خاص
في أمان الله

[اسدهم]

مراوح كهرب بواجي رياضيه اسلاك بواجي 8ملم رياضيه تفصيل شكمان من الراس الين اخردبه كذايصير بارد وعزم وصوت يطرب ونت تمشي يغنيلك بعد


اقول ابعدعن وجع الراس وركب مراوح كبار وريح نفسك يبرد ع الموتر وبدون حنه

[باترول 4500]

والله من تجربتي بموتري الأول 4500 ركبت هدرز كامل على دبة يوكن مع دبة أخيره كاتمه للصوت الحراره عندي ماتغيرت ,, لاكن العزم فرق مع الفلتر والهدرز

بالتوفيق إن شاء الله

[تزبطي]

الحراره افحص الطرمبه حقت الماء

ترا دايم تسوي لك بلاوي ..تغير اديتر وتركب مراوح ..تفك بلف..وتغير تماتيك

اخر شي ماتطلع بنتيجه

للان تكون احيان دفعها ضعيييف اذا هي شد بلد غيرها

واترك عنك الهدرز والخربطه

والله من نقص الزيت

موفق

[العطاوي a511]

القزوز اذا تنسم ترفع الحراره سواء ركبت هدرز او قزوز اصلي راح تخف الحراره من تجربه غيرت القزوز لاصلي وراحت الحراره والحمدلله

[العنابي 616]

سيارتي عليها هدرز بحريني من سنتين
من ناحية الفائدة ما في فرق في الحرارة و العزم تغير بسييط
و لكن الأهم هو الطربة يطربك و يونسك
و لكن أكبر مشكلتين راح تواجهها هو التكسر و التنسيم مهما كان نوعه راح يتكسر و ينسم

نصيحتي لك بما انك ما تبغى صوت ريح نفسك و لا تركب هدرز و لا تفتح على نفسك باب
هذي نصيحة مجرب

[abo naser 1]

السلام عليكم

أخوي خذ راس هدرزبحريني والماصورة 3 انش المنيوز مع دبة يوكن غير مفرغة مدخل مخرج 3 انش وبدون دبة كاتمة في الأخير مالة صوت واداء ممتاز الصوت بالدبات الرياضية او المفرغة

وكان الموتر ماعلية فرار ومراوح فعليك بها وبيتغير الموتر معك بيصير خفيف ويسحب

[ابوسند9]

سيارتي عليها هدرز بحريني من سنتين
من ناحية الفائدة ما في فرق في الحرارة و العزم تغير بسييط
و لكن الأهم هو الطربة يطربك و يونسك
و لكن أكبر مشكلتين راح تواجهها هو التكسر و التنسيم مهما كان نوعه راح يتكسر و ينسم

نصيحتي لك بما انك ما تبغى صوت ريح نفسك و لا تركب هدرز و لا تفتح على نفسك باب
هذي نصيحة مجرب
كلام 100%
وزياده على كلام اخونا العنابي كل يوم شيال وكل يوم كنداسه وغير ذالك لي المكيف ولي دودة الدركسون لازم تسوي لهم عازل حراره
وعن نفسي والله انه اشغلني اشغال ما عمري رحت للصناعه اللى على شانه

[التعـ King ـديل]

من فوائد الهدرز زياده العزم وتقليل صرفيه البنزين اذا تبي عزم ولا تبي ازعاج

ركب هدرز سويدي + دبه يوكن نص تفريغ او فلوماستر + مر محل 4500 واشتر منه عازل علشان الحراره لان مع الهدرز بتلاقي القزوز والشكمان ضو وتحس بالحراره داخل السياره نصيحتي لك ركب العازل

[ابوميس الحلوه]

يالحبيب انا مركب هدرز لباترول له الان 4 سنوات وماشاء الله مامنه اي خلاف لا كسر ولاتنسيم ومريح الموتر وكان يقول لي الصوت اختياري وش تبيه وسط او بدون او قوي وقال لي مافيه اي علاقه بين الصوت والاداء ....
ورشة الخوانيج بالشارقه تخصص هدرزات لجميع السيارات السيدان والدفع الرباعي

[sgl2002]

الله يعطيكم العافيه

والظاهر ابصرف نظر عنه ، مافيني شده للورش والترهيمات

[Tyer_shalwa]

والله ياخوي ماعندي علم وانا مثلك ناوي على هدرز

بس ياليت يفيدونا الاخوان أيهم افضل نوع وكم سعره ؟ وسمعت أن الهدرز على دبة يوكن ماينفع ..

لقيت هدرز بحريني المونايز كامل مع دبة يوكن بـ 2600 بدون تركيب .. جديد

مادري هل هاذي قيمتة ولا لا ...

[وليد46]

اخوي اذا تبي الكلام الي يجمد على الشارب

خذ نصيحة مجرب انا ركبت راس هدرز بعد ماسالت الشباب والاغلب قالي مافيه صوت لاني مثلك ماحب الصوت الزايد بالسيارة

بس تصدق ركبته وفكيته من بكرا ماجاااز لي ابد له صوت يعني يبين انك مغير شي بالسيارة صحيح العزم اختلف

بس شي بسيط ولا يسوى وبالنسبة للحرارة مافيه فرق لان موتري مابه حراره الحمدالله.

وللمعلومية ركبته عند ورشة السيف الي كلن يمدحة لكن صراحه اخلاق راعي المحل مره بالحضيض. اتمنى اني افدتك يالغالي.

[التعـ King ـديل]

والله ياخوي ماعندي علم وانا مثلك ناوي على هدرز

بس ياليت يفيدونا الاخوان أيهم افضل نوع وكم سعره ؟ وسمعت أن الهدرز على دبة يوكن ماينفع ..

لقيت هدرز بحريني المونايز كامل مع دبة يوكن بـ 2600 بدون تركيب .. جديد

مادري هل هاذي قيمتة ولا لا ...


غريب المونايز راكب جاهز عند كزوز مارت بالبحرين ب 2400 على الفتك :good2: اللي يبي تفاصيل او عنوان او رقم الخاص تحت الامر

[DARK2]

السلام عليكم
أخوي إذا كان الهدف من تركيب الهدرز هو التزويد فالهدرز يعتبر حلقه من سلسله في علميه التزويد
يعني إذا ركبت هدرز 3 إنش لازم تركب فلتر 3 إنش والهدف دخول الأكسجين من الفلتر واختلاطه بالبانزين علشان يزيد عمليه الاحتراق ولازم يقابله هدرز علشان يساعد خروج ثاني أكسيد الكربون بعد عمليه الاحتراق لكن فيه شغله مهمه أكثر الناس تجهلها للأسف وهو عملية الوصل بين الفلتر والهدرز وهو الكام شفت يعني حلقات سلسه مرتبطة في بعضها
أما إذا كان هدفك من تركيب الهدرز تنزيل الحرارة اسمح لي أخي الحبيب اللي عطاك المعلومه فهو غلطان ولكن المعلومه الصحيحة فيه أنواع من الهدرزات معدنها ما يمسك حراره ومن الانوع هذي هو الألمونايز وأنصحك بالبحريني خصوصا إذا كان موترك فتك ركب وعلى مسؤوليتي

[Abo_Faisal_50]

ركب ورتاح بيفرق العزم الصوت والحراره والصرفيه
اذا تبي تركب افضل هدرز البحريني وبعده العتيبي
انا ركبت عند العتبيبي هدرز لسيارتين شغل نظيف وماصيره بارده مهب حديد انصحك فيه اضلم من قايد
اذا كنت ماتبي الصوت عنده 3 درجات قوي عادي مكتوم وجب عادي او مايسمونه وسط اذا كنت مهدي مايوضح الى اذا دعست السعر ب 2000 على حسب الكنداسه الي بتركب وبياخذ وقت محدد 12 ساعيه ضمان تنسيم 3 شهور وياقي المصوره سنة

[Abo_Faisal_50]

بخصوص الكبر لا توكب ٣ يروح العزم اذا كان ٤٥٠٠ افضل شي ٢.٥ ثنين ونص

[abo naser 1]

بخصوص الكبر لا توكب ٣ يروح العزم اذا كان ٤٥٠٠ افضل شي ٢.٥ ثنين ونص


مستفدنا شي تركب هدرز وبعدين ماصورة 2.5 أنش نفس الوكالة فتحت أثمه وخنقت حلقة

انا ركبت هدرز مستعمل مع دبة يوكن المواصير 3 أنش بدون دبة كاتمة في الأخير والصوت هادي والاداء تغير جذري والمحرك 4200 كربريتر

[Abo_Faisal_50]

لا لا حقت الوكاله اصغر انا مجرب على موترين للحين عندي ثلاث بوصه يروح العزم سألت قايد والتركي وتمييز قالو ٢.٥ ٣ لازم تعدل اكثر

[محسن اليامي]

واللي يبي صوت خفييييف لكن بدون هدرز
باترول 98
شلون:D:D:D ؟؟؟؟

[Abo_Faisal_50]

ركب دبات
انواعها كثيره
مانقوا فلو
و
و
و

[روق الرياض]

السلام عليكم
ياالربع انا بعد مثل راعي الموضوع ابي اركب هدرز علمن اني ماحب الامور هاذي بس غصب عنا الموتر بترول 2004 الحجم 4500 وتعرفون النوع هذا عزمه بارد وناراعي مقانيص وبي شي يشد عزم الموتر بس اهم شي يكون ماله صوت ولااغير الفلتر حقه وانتم تعرفون ان الفلتر لازم يكون مكشوف ويلعب به الرمل والغبار وعلى كذا مابي اغير الفلتر حق الوكاله ابي بس هدرز هل تنصحون فيه ولالا
وشكرآ