ايهما افضل للاسنعمال الشروكي او الجراند شروكي (استبيان)

[ابوهديل 8]

السلام عليكم ورحمة الله وبركاته وبعد :

نرجو من الاخوة اعضاء مكشات المشاركه وابداء ارائهم حول الافضل من السيارتين لان هنا ك من هو مؤيد للجراند ومن هو مؤيد للشروكي وبمشاركتكم نعمل مفاضله بين النوعين ونختار الافضل والله اسأل ان يوفقنا واياكم الى مافيه الخير .

[ابوهديل 8]

ترانا مجرد نبي رايكم ياخوان مانبي لاقهوة ولاشاي ولامفطح طليان.

[مهراس]

السلام عليكم ورحمة الله وبركاته



أبو هديل8 : اهلا بك وحياك الله

الشيروكي عملي اكثر من الجراند شيروكي وخصوصا في الطرق الغير معبده لسبب يتميز به الشيروكي وهو القير العايدي، والا فان 75% من المواصفات متطابقه بين الأثنين.

أبو فهد

[البيـرق]

اخوي الي يدور الراحة والكشخة............فالقراند افضل

والي يدور الكد والتحمل في البر اكثر..............فالشروكي العادي

[ابوهديل 8]

اخواني مهراس والبيرق شكراً لكما على رديكما وتعجبني الدبلوماسيه في رديكما ،نريد ردود اكثر وين زيزوم مااتحفنا برده.

[zaizoom]

:: رد ســـــــــــريع ::
..

عزيزي ( ابوهديل 8 )

ما أزيد كلام فوق كلام اخواني ..

لكن اللي أعرفه إن الشيروكي أقل خرابات بواجد من القراند شيروكي !..

والقراند شيروكي أفخم من الشيروكي ..

و القراند ما يجي إلا قير تماتيك طبعاً !.

و 8 سلندر فقط ( حسب ما أعلم ) .
.
.

أما الشيروكي فيجي قير عادي وتماتيك !.

و 6 سلندر فقط ..

هذا باختــــــــــــــــــــــصار ..
.
.
دمـــــــتم بخــــــير

[مهراس]

السلام عليكم ورحمة الله وبركاته

الأخ الغالي زيزوم: القراند يجي 6 اسطوانات

تقبل تحياتي والجميع.

[ابوهديل 8]

شكراً اخي زيزوم واخي مهراس على رديكما وتسعدني مشاركتكما والله يوفقنا الى مافيه الخير.

[فتيان صلالة]

وازيدكم من الشعر بيت القراند شروكي عدة انواع في موديل 2006 ومنه نوع سعره فوق 186000 ريال وطبلونه 300كم

[ابوهديل 8]

يا مرحبا يافتيان صلاله اهل الخضره والوجيه النظره ويسعدنا مشاركتكم اما طبلونه 300 صار طياره ماصار جيب الله يكفينا الشر.

[السالمي]

أولا مساك الله بالخير يابوهديل انا احس انك متقصدني بالموضوع هههههههه


شف انا بقولك تجربتي مع القراند شروكي والشروكي انا بصراحه ماجرت الشروكي العادي لاكن اعرف انواعه

بحكم اني شريت واحد من الكويت لرجال موصيني

الشروكي العادي يجي ثلاث انواع سبورت وكلاسك ولمتد وكلها تجي 6سلندر

وافضل نوع فيها هو الكلاسك لان مميزاته حلوه السبورت عادي جدا

محرك الشروكي العادي نفس محرك القراندشروكي الـ 6 سلندر ونفس القير ونفس الدفرنس

الشروكي العادي يجي مراوح كهرب وراديتره يجي رصه وحده يعني الحراره فيك فيك حتى لو غيرت البلف

بعكس القراند شروكي يجي مروحه ميكانيكيه والراديتر ثلاث رصات يعني اذا غيرت البلف تبي ترتاح

واعتقد واحد من الاخوان موضوح الطريقه هذي في احد المواضيع

اقراند شروكي يجي نوعين لاريدو و لمتد وافضل نوع هو الاريدو حتى لو كان 8 سلندر

والسبب ان الاريدو يجي الدبل حقه عادي يعني الدبل الخفيف حر ماهو مشبوك دايم زي المتد ( دفع رباعي مستمر )

القراند يتميز عن الشروكي العادي بالمميزات التاليه :

ارسى بالخط واريح

اقل صرفيه من الشروكي العادي خصوصا القراند الـ 6 سلندر والسبب تانكيه كبير

اقوى من الشروكي العادي هذا اذا كان 8 سلندر


والقراند من 99 وفوق افخم بكثير من الشروكي العادي


الشروكي العادي عملي اكثر من القراند ومنتشر ومحبوب اكثر

خصوصا زي ماقالو الاخوان اذا كان قير عادي لاكن ترى مشاكل الكلتش فيه كثيره على حسب ماسمعة

لاكن يضل شروكي السياره اللي ماتهاب شي بالبر لاطعوس ولاجبال



طبعا الشروكي العادي تغير بعد موديل 2001 وصارت مكينته راسين 6 سلندر وصار القير حقه 6 تعشيقات

لاكن صار ضيق من الداخل جدا


اما عن كلام فتيان صلاله صحيح كلامه

هذا النوع يجي في القراند شروكي 2006 لاكن مانزل عندنا واسمه سبورت


محركه بسعة 6.1 لتر وهو اقوى الجيوب

يكفيك يابوهديل محرك الهيمي 5.7 لتر يعني جيب بمحرك كابرس Ss

بشكل عام انا جربت القراند شروكي لمدة 3 سنوات وماخليت مكان مارحت يمه حتى الصمان رحتله

ماشفت منه شي ولاعمره تعطل علي في خط لاكن انا محافظ عليه اذا خرب شي اغيره اصلي

صحيح بعض القطع غاليه لاكن مع تغييرها بقطع اصليه انساها

والحمدلله اكبر ماخرب عندي طرمبة البنزين ولها تقريبا سنه من غيرتها ماخربت


وحرارة الجيب عندي الربع في عز الحر الظهر والمكيف شغال ماعدا اذا شغلت الدبل

وشديت عليه بالنفود تاصل الثلث الا حد النص والكلام هذا مع الجور عليه

وانا زي ماذكرت مغير البلف ومركب بلف كابرس ابلف الاصلي يفتح عند 195 درجه

اما اللي مركبه يفتح عند 160 درجه

[ابوهديل 8]

بارك الله فيك اخوي السالمي وشكراً على الرد والمعلومات الطيبه ولكن من خلال الردود يتضح لنا ان الغالبيه يفضلون الشروكي على الجراند وهذا ليس كلامي ولكن من خلال الاستبيان يتضح ذلك وشكرا ًللجميع .

[السالمي]

هذا راي الاغلبيه من اشعب

حتى في الاندكرورز يفضلون الـ جي اكس ار عن ال في اكس ار


يقولون السته سلندر عملي اكثر مع ان الـ 8 سلندر افضل واقوى

وانا معهم بس للقوه هيبتها في ( v8)

[راعى الاخضر]

:) السلام عليكم ورحمة الله وبركاته.

أنا من عشاق البر وكذلك من عشاق الشيروكى ال 6 سلندر بسبب توفر القطع والتخلص من الحراره والخفه فى الانطلاق سوى كان على الخط او فى البر .

لاكن للناس بما يعشقون مذاهب
عليه فإن أفضلها بنظرى هو الشيروكى الكلاسك والتى تم التحدث عنه من قبل الاخوان الموجودة ردودهم وكلاً ادلى بدلوه . وخير الكلام ما قل ودل


وصلى الله على نبينا محمد

[مدمن فتك]

للبر واقل خرابات الشيروكي واما الجراند خرابات واجده وللترزز اكثر

[سوبر VTC]

و عليكم السلام و رحمة الله

الكلاسيك اقل اعطال و كد و مد :good:

اما القراند مريح و نشيط
و عيبه انه خرابات و هو توفيق انت وحظك



وراديتره يجي رصه وحده يعني الحراره فيك فيك حتى لو غيرت البلف


كلامك غيرصحيح
الاديتر رصتين بالعرض كندي شد بلد ب700ريال :good:
و كل رصه به 23 فتحة
المجموع 46 فتحة :good:

اما الاديتر الاردني و الصيني فهو رصة وحده و سعره ب400ريال
و غالبا تنسم طبلاته و احيانا ينسم من عند الرصات

الشيروكي اذا كان السلندر مغسول و ايضا الاديتر
اضمن لك الحرارة ثابتة مع المكيف بعز الحر :good:
و هالكلام مجرب
سواء ركبت بلف كابرس 160
او شد بلد 195


موفق

[مارد]

ماقصروا الاخوان
ازيد ان الفرق بين النوعين غير البودي هو ان القراند يجي يايات والشيروكي سست

[ياسر الشريف]

السلام عليكم ورحمة الله وبركاته

اخوني الكرام
ناوي اشتري جيب رانجلر سبورت مديل 2011
وماعندي اي فكره عنه ممكن تفيدوني حسب خبرتكم الله يجزاكم الجنه

[الجنوبيييي]

اتمنى منكم الافاده ياخوان بخصوص الرانجلر ناوي على واحد ويقولون ان خراباته كثيره تقبلو مروري عليكم ومشكورين