المساعد الشخصي الرقمي

مشاهدة النسخة كاملة : اطلب مشورتكم بالاكسبدشن 4*4 قصير


خالد بن دعزوز
16/03/2013, 10:18 PM
السلام عليكم ...

افكر اشتري اكسبدشن دفع رباعي القصير ومحتاج شور المجربين للسيارة هذي .
راعي معرض قال لي ان الدفع الرباعي فيه مشاكل بالدبل ..
والمثل يقول اسأل مجرب ولا تسأل حكيم ...

مانستغني عن مشورتكم , كيف السيارة وكيف قيادتها بالسفر الطويل وبالرمال وهل يعتمد عليها ولا راعية مشاكل
وانا اذا شريت السيارة سجلتها بدفتر العائلة يعني استخدام مايقل عن عشر سنوات


ولكم جزيل الشكر ...

اخوكم / إبن دعزوز
m3ax
16/03/2013, 10:45 PM
من 2007 وطالع ما فيه اي مشاكل واللي يقول لك غير كذا كذاب ويبي يمشي بضاعته

الموتر ما فيه اي عيب ابداً دور النظيف وتوكل على الله
سكاكي ببريدة
17/03/2013, 06:16 AM
اهم شي بالاكسبديشن ان يكون
قصير لسهولة الحركة داخل
المدينة
والاهم ان يكون دبل لزوم النزهات والكشتات
عن تجربة :- دبل الاكسبديشن تعاملت
معه بالخفيف والثقيل ولم الحظ عليه
شي ولله الحمد
توكل على الله 00 السيارة لا يعلى عليها
abu fares
17/03/2013, 01:28 PM
الله يكتب لك الخير


معي 2012 قصير دبل


جربت دبله كم مرة ما لاحظت عليه شيء

والسيارة بصفة عامة طيبة

من العيوب اللي لاحظتها فيه صوت الهواء مع السرعات مزعج شوي

وديكوراته الداخلية ما هي بتلك المتانة المطلوبة لسيارة عائلية
بدوي جنوبي
20/03/2013, 03:22 PM
الدبل ما فيه مشاكل وما عليك من كلام راعى المعرض
أهم شيئ طريقة الاستخدام تكون صحيحه وعلى خفيف
يعنى لا تفكر انه مثل الجيب
الموسوي
20/03/2013, 04:22 PM
صدق ابو فارس

بعض موديلات الاكسبدشن والاكسبلورر فيه صوت هوا مع السرعات العالية
ولكنه مب تنسيم بقدر ماهو احتكاك الهوا بالمرايات ويخليها تسبب هالصوت بسبب تصميم المرايات البارز



لكن الموتر كاستخدام لا يعلى عليه
وموديلات 2007 وطالع تحسن بشكل كبير جدا جداً

وخذ قصير افضل من الطويل واوذف في الديره

ومن تالي صار في السوق مرغوب وينافس اليوكن في الرغبه

الله يوفقنا واياك يالغالي
خالد بن دعزوز
22/03/2013, 01:55 AM
بيض الله وجيهكم ..
وماقصرتوا ..
كفيتوا ووفيتوا ..

الله يعطيكم العافية ويوفقكم جميعا ..