المساعد الشخصي الرقمي

مشاهدة النسخة كاملة : يا اهل النياسين .. شوركم بيض الله وجيهكم


omar 3
17/03/2013, 02:11 PM
السلام عليكم

يالربع انا لقيت لي باترول 97 وراعيه يمدحه لي ... وانا بصراحة ودي فيه مره


لكن خوفي من الخرابات ...

ف بنشد اهل الخبرة فيه هل الموتر كثيرة خراباته .. وماهي اكثر الخرابات اللي تواجه اصحابة ..

انا طالب جامعه في اخر سنه .. دعواتكم لي بالتخرج ..

ف ماعندي راتب اعتمد عليه .. هل تنصحوني بالموتر يالربع ...


شاكر لكم اولا واخرا (( والشكر كله لله جل في علاهـ ))
ابوتركي1010
17/03/2013, 02:32 PM
اولا الله يوفقك اخوي وتتخرج ان شاء الله اما بخصوص النيسان ٩٧ خذه ونت مرتاح لي ستة سنوات كل سياراتي نياسين امتلكت اول سيارة ٩٦ وبعدها ٩١ وبعدها ٩٧ وحاليا ٩٧ اهم شي تأخذ النظيف والله يوفقك
omar 3
17/03/2013, 04:59 PM
ابو تركي ١٠١٠


جزاك الله خير على الدعاء .. وأسأل الله ان يبارك لك بالموتر اللي معك ..

وتجربتك فريدة صراحة .. وانا ممنون لك على شورك علي

لا حرمك الله الاجر
4x4ofroad
17/03/2013, 05:45 PM
ان طحت بنظيف وتحشمه بتكده سنين ماراح يتعبك
وان طحت بكسره بيكدك سنين ولا هو بحاشمك
قناص الدبدبة
17/03/2013, 05:53 PM
ان طحت بنظيف وتحشمه بتكده سنين ماراح يتعبك
وان طحت بكسره بيكدك سنين ولا هو بحاشمك

:good2::good2:أ
sgl2002
17/03/2013, 08:18 PM
والله ياخوي مشكلة الجيوب بشكل عام انها اذا خربت مكلفه

لكن اذا الموتر نظيف مع اني اشك ان فيه باترول نظيف بالخليج

فخذه وانت مطمن
abo naser 1
17/03/2013, 09:00 PM
السلام عليكم

حتى لو كان مخزن لابد من الصيانة الشاملة من واقع خبرة اذا الموتر مصيون من الصدام الى الصدام جميع القطع الأستهلاكية والموتر صافي وحرارته زينة ومافية نقص زيت فخذه وريح بالك الزيت لاتغيرة قبل 10 الف ولاترحمه حتى خرابه يشيله مايوقفك
باوزير
17/03/2013, 09:51 PM
استخير ثم افحص السيارة حتى لو صاحبك و تعرفه زين الزمن هذا يخوف و الذمم صارت وسيعة
hail_ksa
20/03/2013, 04:19 AM
وعليكم السلام أخي عمر ..

أنا من سنتين أمتلك باترول 95 نظيف بودي ومكينه وقير
لاننسى الموديل مضى عليه 19 سنه وللأمانه الموتر نظيف لكن يتطلب تغيير قطع استهلاكيه بين كل فتره وفتره .. مثل مساعديات - جلد - سلف - دينمو - بواجي وبليتين - ليات مويه وسيور - كراسي مكينه - صفايات - طرمبة بنزين - تماتيك مروحه ...... إلـــــــخ
مثل هالقطع تنتهي وتتآكل مع السنين وتحتاج تغيير ومع مرور الوقت ستجد بأنك غيرت أغلب القطع الاستهلاكيه (لمره واحده فقط) وبعدها يكون الموتر مجدد لكن بعد ماتدفع مبلغ وقدره .. فنصيحه إذا ما تقدر على تغيير القطع الاستهلاكيه ما أنصحك بالباترول .. لأن الموتر مهما كان نظيف راح يطلب عليك قطع بعد ما كد عمر طويل ومن غير المعقول إننا نتوقع بعد كد 17 أو 19 سنة إن القطع راح تستمر إلى ماله نهايه بدون تغيير .. وأخيراً طع الباترول لا تتوقعها رخيصه مثل الأمريكي
Abo_Faisal_50
28/03/2013, 07:11 PM
افحصه فحص كامل دبل قير مكينه الخ
انا عند سربع ٩٧ من شريته الى اليوم ماشاء الله مايشكي من شي