المساعد الشخصي الرقمي

مشاهدة النسخة كاملة : الجزء2: طريقة واضحة السطوع للتخلص من حَـرّة الشيروكي المرفوع "مهم"


zaizoom
12/09/2006, 09:45 PM
بسم الله الرحمن الرحيم



.
السلام عليكم ورحمة الله وبركاته ..
.



أحبائي الأعضاء .. وكما وعدتكم من قبل .. هـا أنا أطرح لكم
.
الجزء الثاني من سلسلتي
.
( تجــــــــــارب مع الشـــــيروكي )


.


وسيكون موضوعنا في الجزء الثاني من هذه السلسلة لهذا اليوم بإذن الله حول رفع الشيروكي ( عيوب وحلول )
.
بعــــنوان:
.
.:: طريقة واضحة السطوع للتخلص من حرّة الشيروكي المـرفوع ::.
.
.
فاربط حزامك .. وانطلق معي .. لنحلّق في هذا الموضوع ;) ..
.
http://eng.ysg.googlepages.com/--1.jpg

،


http://eng.ysg.googlepages.com/-2.jpg

:: ::


.. ترقـــبوا الجــــــديد .. والقــــــــــــادم أجمل ..
.
.. دمــــــتم بخــــــــير ..

زيزوم

.
.
ابو فهد 1
13/09/2006, 02:53 AM
مشكور ماقصرت ...
على الشرح الوافي المصور فعلا ماقصرت وجزاك الله خير

ليتك تفيدنا افضل رفع الموتر كم (( سم )) من الخلف لني انا رفعته وصار مرتفع مره وبدا يطلع الصوت قوي مره وبديت

احط خشيه به تراب على شان ينزل الموتر ...

عاد الرفع من الخلف يختلف من شروكي عن شروكي على حسب المقاس ..


ومشكور وماقصرت...

والسلام عليكم
أبوأحمد98
13/09/2006, 07:41 AM
يعطيك الف الف عافيه (زيزوم)ماقصرت على هالشرح الكافي الوافي
متابع جميع الاجزاء لمى اشري شروكي ههههههههه
على العموم مشكور يالغالي
zaizoom
13/09/2006, 01:34 PM
( ابو فهد 1 )

أولا : تختلف طريقة الرفع من شخص إلى شخص ..



منهم من يرهم الرفع

( وهي أن تضع كعكات من الأمام بحيث تكون اليايات متكية عليها مع مساعدات مرسيدس بلايستين .. والخلف تدخل سسته حمراء مشهورة يجيبونها من الإمارات، تدخلها بين السستات، وتكون مثنية فترفع الموتر، مع مساعدات شاص " هذه الطريقة تعتمد على مهارة المرهم " ) ..

وهذي اللي مسويها بموتري

.

ومنهم من يرفعه بمقاسات محددة ( مثل يايات أولدمان التي تباع في محلات الرماية )..



وهــــــــكذا

.

فالمسألة تعتمد على استخدامك أنت للرفع ( شكل أو تحميل أو مطاعس ...) ..

.

وشلون رفعت موترك يا عزيزي حتى أفيدك ؟؟

.

.

.

( أبوأحمد98 )



شكرا لمتابعتك يالغالي .. لعلك تفيد من يسألك مستقبلا عن الشيروكي ..

.

.



.. دمتـــــــــــــــــــم بخــــــــــــــــير ..
بـــ نجد ـــرق
13/09/2006, 01:54 PM
الا ماتدري وش الحل في الشروكي اللي حراارته ترتفع اذا وقفت>>مع اني غيرت اديتر وبلف وطبات بس مافيه فايده مع العلم ان موديله 2000

اذا كان عندك حل لاتبخل علينا الله لايهينك
zaizoom
13/09/2006, 02:18 PM
أخوي ( مقطَع البرَان )

راجع موضوعي على هالرابط .. بإذن الله يفيدك (http://www.mekshat.com/vb/showthread.php?t=56320)

وحياك الله
ابو فهد 1
14/09/2006, 03:32 AM
وشلون رفعت موترك يا عزيزي حتى أفيدك ؟؟
ابد رحت لم باكستاني بالشارع التجاري وقلتله ابرفع الموتر من وراء وطرق السست وصار من وراء مب معقول مرتفع مررررره

ويديت احط اكياس رمل على شان ينزل ........


معليش نبي نشغلك معنا ......

وشو افضل مساعدات قدام وراء غير المرسيدس وشـــــــــكـــــــــــرا
zaizoom
14/09/2006, 01:08 PM
( ابو فهد 1 )

لا ياعزيزي .. هذا خطأ بأنك تلعب بسست الوكاله بهالطريقة !!

الأفضل زي ماقلت لك بردي الأول .. يا يايات أولد مان .. ولا سسته حمراء اماراتيه تدخلها بين سستات الوكاله ..
حتى يكون شغلك منظم !

مالك إلا تروح وتطرق السسته وترجعها زي ما كانت عند ورشة ميكانيكا ( غير هالباكستاني )

وتشوف أحد الحلول ..
.

أما بالنسبة للمساعدات .. ركب لك مساعدات شد بلد ( قدام ) .. وركب مساعدات مونرو الصفراء ( وراء ) ..

أما مساعدات المرسدس تراها قاسية وتحسسك بالمطبات الصغيرة ، لذلك هي ممتازة في الرمال وليس داخل البلد ..

طبعا مثل ماتعرف المساعدات ليس لها شأن برفع السيارة ..
وكيل مونرو موجود بالصناعية القديمة بالرياض ..
.

((((( معليش نبي نشغلك معنا ...... ))))) !!!!

أفا يبو فهد .. أبشر بعزك وماطلبت شي .. ما أعرفه وأعلمه سأقوله لك وأنا أخوك ..
.
.
.. دمــــــــــت بخـــــــــير ..
ابو فهد 1
15/09/2006, 04:46 AM
مشكور مشكور مشكور وماقصرت ويعطيك الـــــــف عافيه ......

واصل ابداعك وننتظر جديدك.........
أبو يوسف
15/09/2006, 11:17 AM
مشكور على هالدرس المفيد

تحيتي
إبن فيصل
15/09/2006, 03:46 PM
تشكر أخوي زيزوم على الموضوع المميز .

آمل ان توضح هل هذه العملية تصلح للقير العادي أم الأوتوماتيك وإذا كانت تختلف توضح لنا الفرق وشكراَ.
مع تحياتي....إبن فيصل.
zaizoom
16/09/2006, 03:04 PM
( ابو فهد 1 )

حيالك الله يالغلا ..
.
.

( أبو يوسف )

هلا بك يابعدي ..
.
.
( إبن فيصل )

تصلح للقير العادي أو التماتيك .. ليس هناك فرق ..
آسف للتأخر ..
حقوق المطر
16/09/2006, 10:05 PM
ياخي انت احسن واحد ..
موضوع ياماشاالله
ماقصرت تسلم

سبق ان جربت ( تنزيل القاعده )بعد رفع الجيب ... لعل وعسى الحره تروح

تدري منين طلعت ؟؟


من العمود الأمامي ... هو العلة في الشيروكي .. واغلب الحرات تصير منه ..
تنوم
17/09/2006, 01:24 PM
الله يجزاك خير على هذا الابداع
الرحالة
17/09/2006, 11:55 PM
مشكور وما قصرت

موضوع أكثر من رائع
Bader-M
18/09/2006, 11:38 AM
zaizoom (http://www.mekshat.com/vb/member.php?u=33400)


فيه الحقيقه

موضوعك قمه الابداع

شرح واضح وقيم

بارك الله فيك وثبت خطاك
نيتروجين xp
24/11/2006, 03:57 AM
الله يعطيك العافية أخوي والله ما قصرت . . .


انا معي شيروكي وكان نازل مره من ورى ورفعته بإضافة سست فقط

والموتر بدون رجه ولا شي الحمد لله ونظرته حلوة ..


أشكرك على مواضيعك المتميزة وأنا من المتابعين لها ..

فلا تحرمنا منها . . .


بانتظار جديدك بما يفيدنا . . .

تقبل أجمل و أرق التحايا . .
أبو عبدالكريم
24/11/2006, 04:09 AM
مبدع يازيزوم

وبغيت اسألك بخصوص التنبيه الأخير ( فصل البطاريه )

هل أفصل البطارية عن السيارة دائما عندما أريد إضافة شيء أو إزالة شيء باللحام ؟

طبعا موتري لاندكروزر
zaizoom
24/11/2006, 06:20 PM
(دكتور سكارب)
شكرا لمرورك يالغلا ..
.
.
(تنوم)
شكرا لمرورك يالغلا ..
.
.
(الرحالة)
شكرا لمرورك يالغلا ..
.
.
(طايربالعجه)
شكرا لمرورك يالغلا ..
.
.
(المجتهد)
شكرا لمرورك يالغلا ..
.
.
(أبو عبدالكريم)
نعم .. فالاحتياط واجب .. شكرا لمرورك يالغلا ..
.
.
شــــــكرا لـــــكم جمــــيعا ..
قلبي طيب
16/12/2006, 12:17 AM
مبدع



وفقك الله
ولد عبدالله
16/12/2006, 01:06 AM
كتبت فابدعت ماشاء الله عليك يالغالي

انا كنت ناوي ارفع موتري شوي بس يوم قريت موضوعك هونت مانيب فاضي لورش وعده ومسامير

الله يعطيك العافيه على المجهود الرااااائع
zaizoom
16/12/2006, 09:13 PM
السلام عليكم جميعا ..
.
.
أحب أن أسجل شكري لمشرفي الغالي ( أيمن ) ..
والذي أعاد الحياة لموضوعي .. بعد العطل المفاجئ ..
فجزاه الله خيرا على سرعة تجاوبه .. بيض الله وجهك يا
:heart: أيمن :heart:
.
.
( قلبي طيب )
مرورك هو الإبداع :good2:.. هلابك يالغلا ..
.
.
( ولد عبدالله )

إي والله .. إبعد عن الشر وغن له :good2: ..

شكرا لإطرائك ومرورك الكريم ..
.
.
zaizoom
30/07/2007, 12:55 AM
.
.

تم تعديل روابط الصور .. شكرا لكم أحبتي

( زيزوم )

.
.
راعي الركيات
30/07/2007, 05:05 AM
ماشاء الله تبارك الله هذي المواضيع
مشكورعلي المعلومات الجيده والمفيده لااصحاب الشروكي شرواك الطيب ولو ماعندي بس يكفي من الموضوع الفائده
تقبل تحياتي
نويتش
20/12/2007, 03:49 PM
وين الصور وين راحت ظ؟؟؟؟
نويتش
20/12/2007, 03:54 PM
وين الصور ماشوف شي ياخوي؟؟ حاول تعدل الروابط جزاك الله خير ..
نويتش
22/06/2008, 10:00 PM
لاحياة لمن تنادي
سوبر VTC
23/06/2008, 12:34 AM
سبب حرة الشيروكي غير انك ترفعه
هو اهمالنا و عدم تشحيم العمود هذا الكلام على ذمة راعي ورشة متخصص يالشيروكي يقول لازم تشحم العمود كل شهرين لان الذكر و الانثى حقات عمود الدبل ياكل الحديد بعضه و يسبب فضاوة بسبب قلة التشحيم ثم يتوسع و يسبب حره اذا مشيت 120 و طالع
طيب كيف تكشف اذا كان الخلل من عمود الدبل ؟
اولا تمشي 140 ثم ترفع رجلك عن البنص و تشبك الدبل الخفيف و تدوس بنزين اذا اختفى الصوت معنى هذا ان عمود الدبل فيه فضاوه لانه اذا شبكت الدبل حمل العمود وراحت العيوب و احيانا يكون من عمود الكردان فكيف تكشف عليه؟
ترفع الموتر كاملا بالعفريته ثم تجيب مفك او سكروب و تقربه للعمود اذا كان العمود مطعوج تبي تلاحظ ان العمود ببعد عن المفك ثم يقرب طبعا تحط المفك من عند اول العمود عند القير ثم من الوسط من االاخير عند الكارونة
ارجوا اني اكون افدتكم
تحياتي لصاحب الموضوع و لكم
نويتش
23/06/2008, 05:07 AM
الله يعطيك العافيه يالامير ماقصرت خوش افكار ونشكر تعاونك:)

اتوقع موضوع تشبك الدبل وانت ماشي 140 هذا اذا كان قصدك تشبكه على هالسرعه فيها مجازفه شوي؟

افضل شي عشان نطبق اللي تقوله نشوف الحره على 140 بدون دبل وبعدين نشبك الدبل من الصفر ونمشي 140 ونلاحظ نفس الحره وله خفت؟؟

وموضوع الكردان الخلفي هاذي الطريقه قديمه الحين في مخرطه تغنيك عن هالطريقه وفحصهم دقيق

فمان الله
سوبر VTC
23/06/2008, 09:27 PM
الله يعطيك العافيه يالامير ماقصرت خوش افكار ونشكر تعاونك:)

اتوقع موضوع تشبك الدبل وانت ماشي 140 هذا اذا كان قصدك تشبكه على هالسرعه فيها مجازفه شوي؟

افضل شي عشان نطبق اللي تقوله نشوف الحره على 140 بدون دبل وبعدين نشبك الدبل من الصفر ونمشي 140 ونلاحظ نفس الحره وله خفت؟؟

وموضوع الكردان الخلفي هاذي الطريقه قديمه الحين في مخرطه تغنيك عن هالطريقه وفحصهم دقيق

فمان الله


بالعكس ونا خوك مافي أي خطورة
الدليل/ اقرا كتالوج الجمس من 2000 و طالع مكتوب لاباس انك تشبك الدبل الخفيف و انت تمشي 80 او 100 بشرط ترفع رجلك عن البنص
ايضا الفكسار اذا ضعف عزمه يشبك الدبل الخفيف حتى لو انت مسرع بحكم انه ((auto
كلتشات المكيف يشبكن و يفصلن حتى لو انت تمشي 180 و لا يضر و هذا من اجل تقريب الصورة
و فك الدبل ياخذ وقت و جهد
و لمعلوميتك مكينة المخرطة ماتعطي نتيجة مباشرة لانة سرعة مكينة المخرطة 10 او 20 ضعيفة
لكن باعتقادي ان رفع الموتر افضل وسيلة توفر وقت و جهد و تعطي نتيجة مباشرة و واضحة حيث تبين لك اذا العمود مطعوج لان السرعة من 40 او اكثر اذا مرفوع و هذه تعطي نتيجة
عمود الدبل حركه بيدك من عند نهاية العمود الذكر و الانثى ستجده يتحرك واضحا اذا كان فيه فضاوة و سبق اني فكيت الانثى العرموطة و عبيته سيلكون و حطيت على العمود الذكر شطرطون و خفت الحرة جزئيا هذا اذا كان العمود فيه فضاوة بسبب عدم التشحيم
تحياتي
zaizoom
23/06/2008, 10:26 PM
ماشاء الله تبارك الله هذي المواضيع
مشكورعلي المعلومات الجيده والمفيده لااصحاب الشروكي شرواك الطيب ولو ماعندي بس يكفي من الموضوع الفائده
تقبل تحياتي


هلا وغلا أخوي الكريم .. المعذرة لتأخر الرد ..

الله يرفع قدرك ، وعساك دوم مستفيد ..

شكرا لك ..

.
.
zaizoom
23/06/2008, 10:29 PM
لاحياة لمن تنادي



هلا والله وغلا أخوي الكريم ..


آسف جدا لتأخري عليك يالغالي ، ليتك راسلتني ونبهتني ما دامك حريص :) ..


جلّ من لا يسهو ..


شكرا لمتابعتك الكريمة ، وشكرا لصبرك الرائع ..


دمت بود ..


.
.
sadoon
21/04/2011, 05:31 AM
اخاف اشبك الدبل الخفيف على السرعه هذي ويفنس فيني الموتر

ياليت توضح حاجه
هل اذا شبكت الخفيف احط القير على وضع D وادعس بنزين ولا

لان صراحه عندي رجه غير طبيعيه بالموتر وياليت صوره لطريقه تشحيم العمود الامامي حق الدبل من وين لاني اشوفه يابس ويوم ركبته صار صوت قرشعه بعد ماتعدى 80
كديان
21/04/2011, 05:51 AM
اخاف اشبك الدبل الخفيف على السرعه هذي ويفنس فيني الموتر

ههههههههه
منتب ميت قبل يومك
عشان اريحك فيه ورشة بالقصيم راعي شيروكيات طريقته بحفص عمود الدبل
يمشي على سرعة 120 او 140 اهم شي تطلع الحرة
بعد ما تطلع الحرة يرفع رجله عن الابنص و يشبك الخفيف و يدوس بنزين
اذا اختفت الحرة خلاص معنا كذا ان عمود الدبل خربان تكون الانثى اللي تشحم متوسعه اللي يركب عليه الذكر
متوسعه و ماينفع التشحيم نهائيا و الحل تركيب عمود دبل ياباني نظيف ب550ريال مستعمل
راح تنسى شي اسمه حرة لكن راعي الورشة يقول بعد تركيب العمود الياباني لازم تشحمه كل شهرين

مشحمة الانثى حقت العمود على هذا الرابط
له راس يباع بالسوق بريال اذا كان غيرموجود
راس مثل حق مشاحم الاذرعه

عمود الدبل بيصير سالفتنا (شيروكي) - منتديات مكشات (http://www.mekshat.com/vb/showthread.php?t=315003)

حرك الانثى بيدك و العمود راكب اذا تحركت و كان به فضاوة فهي خربانه و لو تشحم مليون مرة
ما تستفيد لازم تغير العمود كامل