بارود
31/10/2001, 12:07 PM
هذي قصيده تتحدث عن القنص والطلعات وفلة الحجاج ومخاوى الرجال .
وهي للشاعر:مشعل بن عوض العتيبي. راجياً ان تنال اعجابكم:
هب ذعذاع الصفاري من شمال
.............وانعش الخفاق في نسناس ليل
مابقى لسهيل كود اربع ليـال
..............واكثر العربان ماهمّه سهيل
لانشـــا من يمّة القبله خيــال
..............كن لمع بروقها لمع الصقيل
حـس رعــاده تلـج به الجبال
.............منذرً بالخوف والخير الفضيل
هل وبله وانتثر في كل جــال
.............سالت الوديان والشعبان سيل
وانجلى والشمس صار الها مجال
............عقب ثالث يوم من وبل جزيل
جاك علمه وانبسط راع الحلال
..............والطيور الها تغاريد وهديل
كن ريضانه تصوت لك تعال
...........ريحها عقب المطر يبري العليل
والحطب والنار مع صفر الدلال
...........ريح رمث وريح بن وريح هيل
والشراع وجمعة قروم العيال
.............ماتوســط بيننا خـطو البخيـل
والقنص خوة مشاكيل الرجال
.,.............والحرار اللي فعايلها تهيل
ماحلى لاحركن عقب الزوال
.............اربع الجيبات خامسهن دليل
ثم نزلنا وسط روضً تو سال
............باذره بيّن مع العشب الحويل
ثم بنينا خيمة المعزاب حال
...............والتهينا ذا يحط وذا يشيل
والعشا والفال يقفاه العقال
.............والوكيل الله ولا غيره وكيل
لاصدفنا عقب شق النور فال
........خربً ازرق صيدته تشفي الغليل
فرعوا مع قولة الزم باحتمال
.............هـاقيً بالطير ماهو بالذليــل
بكرً ارقط ماعلى فعله جدال
..........قد طرحها فرخ هدوا به فصيل
الموامي لا قصار ولا طوال
..........والكفوف جلاف والعاتق طويل
والحباري طربةً في كل حال
..........عند راع الكيف منظرها جميل
لذة الدنيا
لذة الدنيا
لذة الدنيا
لذة الدنيا وتاليها الزوال
............وانت يابنادم كما عابر سبيل
.
.
.
.
وسلامتكم
وهي للشاعر:مشعل بن عوض العتيبي. راجياً ان تنال اعجابكم:
هب ذعذاع الصفاري من شمال
.............وانعش الخفاق في نسناس ليل
مابقى لسهيل كود اربع ليـال
..............واكثر العربان ماهمّه سهيل
لانشـــا من يمّة القبله خيــال
..............كن لمع بروقها لمع الصقيل
حـس رعــاده تلـج به الجبال
.............منذرً بالخوف والخير الفضيل
هل وبله وانتثر في كل جــال
.............سالت الوديان والشعبان سيل
وانجلى والشمس صار الها مجال
............عقب ثالث يوم من وبل جزيل
جاك علمه وانبسط راع الحلال
..............والطيور الها تغاريد وهديل
كن ريضانه تصوت لك تعال
...........ريحها عقب المطر يبري العليل
والحطب والنار مع صفر الدلال
...........ريح رمث وريح بن وريح هيل
والشراع وجمعة قروم العيال
.............ماتوســط بيننا خـطو البخيـل
والقنص خوة مشاكيل الرجال
.,.............والحرار اللي فعايلها تهيل
ماحلى لاحركن عقب الزوال
.............اربع الجيبات خامسهن دليل
ثم نزلنا وسط روضً تو سال
............باذره بيّن مع العشب الحويل
ثم بنينا خيمة المعزاب حال
...............والتهينا ذا يحط وذا يشيل
والعشا والفال يقفاه العقال
.............والوكيل الله ولا غيره وكيل
لاصدفنا عقب شق النور فال
........خربً ازرق صيدته تشفي الغليل
فرعوا مع قولة الزم باحتمال
.............هـاقيً بالطير ماهو بالذليــل
بكرً ارقط ماعلى فعله جدال
..........قد طرحها فرخ هدوا به فصيل
الموامي لا قصار ولا طوال
..........والكفوف جلاف والعاتق طويل
والحباري طربةً في كل حال
..........عند راع الكيف منظرها جميل
لذة الدنيا
لذة الدنيا
لذة الدنيا
لذة الدنيا وتاليها الزوال
............وانت يابنادم كما عابر سبيل
.
.
.
.
وسلامتكم