( باالطبيق ورعدي)بعض الصور من رحلتنا الى الطبيق

[العازمي]

السلام عليكم.
حبينا نشارك معكم ببعض الصور من رحلتنا يوم الخميس والجمعة الماضية الى الطبيق بتاريخ 29/10/1423 وأتمنى أنها تعجبكم ....
http://www.mekshat.com/pix/gallary/data/images/hhhhh1.jpg http://www.mekshat.com/pix/gallary/data/images/hhhhh2.jpg http://www.mekshat.com/pix/gallary/data/images/hhhhh3.jpg http://www.mekshat.com/pix/gallary/data/images/hhhhh4.jpg http://www.mekshat.com/pix/gallary/data/images/hhhhh5.jpg http://www.mekshat.com/pix/gallary/data/images/hhhhh6.jpg http://www.mekshat.com/pix/gallary/data/images/hhhhh7.jpg

[العازمي]

ملاحظة صور الأرانب خارج المملكة ( با الأردن) لاتقولون أنها بالطبيق نحن مع حماية الحياة الفطرية:D :D http://www.mekshat.com/pix/gallary/data/images/hhhhh15.jpg http://www.mekshat.com/pix/gallary/data/images/hhhhh16.jpg http://www.mekshat.com/pix/gallary/data/images/hhhhh17.jpg http://www.mekshat.com/pix/gallary/data/images/hhhhh8.jpg http://www.mekshat.com/pix/gallary/data/images/hhhhh9.jpg

[طلال]

الاخ العزيز العازمي تسلم يمينك على ها الصور الجميله وهاالصيد من الارانب والله يعطيكم العافيه وبغاك يالحبيب توصفلي هذا الموقع (الطبيق) بالضبط والاحداثيه ان امكن ذلك 0 وتسلم يالعازمي 0

اخوك طلال000

[راعي عنيزة]

ربي يعافيك يا العازمي على هذي الصور الجميله ومشكور

على فكره وراك مغطي لوحه الموتر بكرتون ;) <=== ناوي يبلغ عنك الفطريه :P

[الوراد]

مشكور اخوي العازمي على الصور الجميله

وياليت تقول وين الموقع



وبعدين ياخي اذا الأرانب صايدينها بالأردن وشوله تغطي لوحة الموتر;)

ترى اللوحه مبينه بالصور اللي قبل :D











لا تصدق

امزح








واحد من الأرانب انا صايد امه من الرضاع قبل ست شهور
حتى صايده بفخ ابو شبك :D

ارنب من ارانبي مشوها
والا تمشون ارانب العازمي وارانبي انا لأ؟ :p

[المسفهل]

رفق علينا اخي العازمي ما ننطح كل هذا الإبداع الرائع والإخراج المتقن ..:good:

إذا كان الله قد من عليكم بهذه الأماكن الجملية والطبيعة الرائعة والمناظر الاخّاذة ..

ما يلزم إنك تصورها وتكسر خواطر المساكين أمثالنا :(

نسال الله أن يمتع أبصاركم كما متعتم أبصارنا، وأن يهنأكم بهذه النعم بمنه وكرمه .

[العازمي]

أخوي (طلال) حياك الله بالنسبة الى الطبيق يقع تقريباً شمال منطقة تبوك حوالي 170 كيلو بالقارمن يحدة من الغرب حدود الأردن لكن هذا أقرب شي أقدر أوصفلك الطبيق لأن فية مدن وأماكن قريبة من الطبيق مثل طبرجل وميقوع ومشاريع بسيطة أخاف
ماتعرفها وانا شخصياً أطلع من عند طبرجل على مشاريع بسيطة على الطبيق أقربلي من أني أروح من تبوك ولا عمري رحت من تبوك ويبعد الطبيق من طبرجل 130 كيلو
بالقارمن .أما الأماكن داخل الطبيق كلها محمية من الدولة وخاصة من حماية الحياة الفطرية ( ولأمارة ) لأن فية أماكن أثرية مثل مطار أبو حنيك . وقصر كلوة والي مايعرف بالطبيق يكفش:( :(
أما الأ حداثيات موجودة وكل مواقعي عبارة عن (مكمن) أي مكان خفي عن عيون المحمية صعب أني أعطيك أحداثياتها أخاف يلقطها واحد من المحمية ويطب علي خاصة أن أغلب وقتي بالطبيق لكن فية شعبان وأودية وشعبان وأماكن ممتازة في قلب الطبيق راح أوافيك بالأحداثيات بس أنتظر علي أشوي . تحياتي


أخوك العازمي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
أخوي الغالي راعي عنيزة يامرحبا بك ويقول المثل ( من خاف سلم)
تحياتي
أخوك العازمي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
أخوي الوراد الله يمسيك بالخير ياخوي غطيت لوحة الموتر أخاف يلصقولي تهمة أني صايدهن بالمحمية
وحنا مع شعار الحماية( الضمير الحي):p بالنسبة للموقع أعتقد بينتة في ردي على أخوي طلال تحياتي
بس أنتظر علي أشوي..

أخوك العازمي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
أخوي الحبيب ( المسفهل)هذا بعض ماعندكم وحنا في خدمة أخواني في منتدى مكشات وراح أوافيكم بالصور
في كل رحلا تي الجاية. تحياتي

أخوك العازمي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

[طلال]

عزء الله انك يالشقردي العازمي ماقصرت وها الكلام الحلو ما ابغى غيره ولا ابغى احد يطب عليك ولا يؤذيك ولا يمس شعره منك لأن أذاك هو اذى لي انا وما قصرت وتحياتي لك ومشكور00 اخوك طلال

[الشاص]

مشكورررررررر اخوي العازمي

وماقصرت

الصراحه صور اكثر من الرائعه

[العازمي]

تسلم . تسلم أخوي طلال
وبارك الله فيك.

أخوك العازمي
ـــــــــــــــــــــــــــــــــــ
هلا واللة بأخوي ( الشاص) ولاشكر على واجب. وأنا بخدمتكم . تحياتي
ــــــــــــــــــــــــــــــــــ


أخوك العازمي

[آل مهنا]

اخوي العازمي....

والله الصور روعه وتداخل الغيوم مع الطبيعه في الصور زادها جمال على جمالها. صور بمنتهى الروعه والجمال.

الله يجزاك الف خير يخوي على اتحافنا بصورك الرائعه.... (ماشاء الله . تبارك الله . يزين الجيوب متقابلات . الله يعطيكم خيرهن ويصرف عنكم شرهن).

اذا تسمح لي باستشيرك في شي ... انا محتار بين اللاند الربع والفيبر(الثلث) ايش رأيك انت. بحكم استعمالك للربع...

------------------------------
عنيد

[العازمي]

هلا وسهلا بأخوي عنيد
أول شي بالنسبة اللاند الربع أعتقد بنظري لايعلى علية سيارة على الأطلاق وخاصة الموديل 97 ياخوي طيارة
وبعدين خفيف والمنظر رهيب . لكن فية عيب أنة ماياخذ الأ ثنين أو ثلاث بالكثير مع عزبتكم وفراشكم والمية . لكن أذا معكم سيارات ثانية ياسلام.
ثاني شي الفيبر الثلث والله ماجربتة بس أعتقد أوسع من الربع. ون شاءلله أني أفدتك بما أستطيع.تحياتي


أخوك العازمي

[فرد حمزة]

العازمي

أوحلولات هالأراااااااااااااااانب

مشاء الله

الله يعافيك وبالنسبة لدوريات الفطريه شلونهم نشطين بالحيل وشلون أسلوبهم ؟

يعني ينفع معهم مزارق الطيب لاطحت بهم

هم نايمين ولا شغالين ؟

[العازمي]

يامرحبا ترحيبة البدو بالسيل بالغالي ( فرد حمزة)
أنت سئلتني عن حماية الحياة الفطرية.:mad: :mad: أة ثم أة ياخوك ذبحوني ماينمون تقول أقرود باليل
وبعدين الله لايطيحك بيدهم مايعرفون التفاهم وبعدين يعرفون الأرض خاصة المداخل والمخارج للمحمية يعني لو تبي تفرك يجونك مع طرق عارفينها وبعدين كلهم مريه عندهم خبرة بقص الأثر وش أسولفلك شيبو بي.
الله يعين لكن نحن مع حماية الحياة الفطرية وياكثر الضبا عندهم أويلاة . :D :D تحياتي


تحياتي

[آل مهنا]

عزالله انك كفيت ووفيت اخوي العازمي..... والربع لولا المناقز ما فيه مثله ابد. الله يعطيك خيره ويصرف عنك شره. واعتقد ان الفيبر ما هو بعيد عنه بس اوسع واخف وارسى منه (وطبعا اغلى).

الف شكر.

[المري]

مرحبا والله يالعازمي وحياك الله

تشكر على ذا الصور الرائعه وعسى الله يفكك في شر المريه قصدي الدوريه


ماتشوف شر باذن الله ,,,,,,,,,,,,,,,


اخوك: المري

[العازمي]

حيالله أخوي المري ماقصرت على مشاركتك وعسى الله يطول عمرك. تحياتي


أخوك العازمي

[نقا هشال]

ماشاء الله عليكم والله يهنيكم

باالصراحه صور رايقه يااخوي العازمي

لك كل الشكر على طرح هذه الصور الرائعه لنا

تحياتي لك,,,,

[راعي الحمره]

والله يا خوي الصور ممتازه وعجيبه وتشرح الخاطر , ماشاء الله الجو عجيب الروض اخضر والصيد حلالي , ما قصرت وعسى عمرك طويل .




مع تحيات

اخوك راعي الحمره

[العازمي]

حياك الله أخوي ( نقا هشال) ويامرحبا فيك وحنا بخدمة النشاما الي مثلكم وأي شي يفرح أصدوركم
نسعىً فية.
تحياتي...

أخوك العازمي
ــــــــــــــــــــــــــــــــــــــــــــ

( راعي الحمرة) الله يمسيك بالخير وحياك الله ياخوي وبأهل الكويت كلهم وأي خدمة أنا حاضر.
تحياتي


أخوك العازمي
ـــــــــــــــــــــــــــــــــــــــــــ

[التغلبي]

مشكور يالعازمي على الصور الجميلة عن الطبيق وسبق أن زرته عام 1407 ولكن أنتم قريبين وأهل مكة أدرى بشعابها0
نرجوا اضافة المزيد من صور رحلاتك في الطبيق
مادري تكاثر اللي في توقيعي والا لا ارجو الافادة؟

[العازمي]

هلا وسهلا بأخوي التغلبي
بالنسبة الي بتوقيعك ( متوفر ) لكن يبيلة واحد نشيط ماهو مثلنا حقين هالكبسات _ والبيبسي-والنوم:D
تحياتي

أخوك العازمي

[فتى الروغ]

ماتقصر أخوي وما شاء على هالارينبات وتاكلونها بالهناء




لكن ودي أسال عن البنادق اللي معكم وشي لان الأرانب مافيها ضربات رصاص إلا كان شوزل

[بن قطر]

من وين لا قط هالفقع الله ياخليك

[العازمي]

أخوي المرعب موقع الفقع تلقاة بنفس الموضوع الي شفت الفقع فية أخاف يشوفونة أخواني الأعضاء ومايخلون شي:D أرجع للموضوع وتلقى الموقع بالتفصيل الممل. تحياتي

أخوك العازمي