استفسار يا اخوان....

[arar]

السلام عليكم ورحمه الله وبركاته حبيت استفسر من اللي عنده خلفيه ماهي عقوبه المعرض حينما يقوم بتسجيل سياره باسم شخص دون علمه وماهي الاجرائات التي يقوم بها من تم تسجيل السياره باسمه دون علمه حيث وجدت سياره باسمي وحينما استفسرت بالمرور افادوني انها باسمي واستخرجوا اسم المعرض الذي تمت عن طريقه تسجيل السياره

[arar]

اكثر من خمسين مشاهده ولا رد

[العابر2222]

لا تررروح المعررض ولاشي

اول شي شيك عليها قسايم او عليها بلاغات ؟؟
اذا ما عليها شي ... والسيارة تسوى يعني قيمتهاا ممتازه

رح وسو بلاغ سرقه ونم في بيتكم الين يجيبونهم وخذها

الطريقه الثانيه
رح سو بلاغ في المرور ان السياره انقلت باسمك دون علمك
لاكن صدقني ما نقلوها الى وهم واثقين من شغلهم
اكيد عندهم صورة بطاقتك وتوقيعك وكل شي
يعني ابسطها بيقولون ما نذكر شكله هذا هو الي جاء ونقل السياره وكل شي سليم
ولا راح تاخذ حق او باطل


فانا انصحك بالطريقه الاولى

[arar]

الف شكر للجميع على اهتمامهم وردودهم بس انا واثق اني لارحت ولا وقعت وبالنسبه للمعرض طلعته مت المرور وغدا باذن الله راح اقدم شكوى

[arar]

السياره ماتسوى كابرس ٩٢ لا وزرقا بعد

[arar]

نقل الملكيه صار له اكثر من ثمان سنوات ويوم جيت المعرض قال مانعلم شي واوراق ماعندنا

[ابوعقيل81]

الصراحة بتتعب

افضل حل اذا ماعليها مخالفات بلغ عنها مسروقة وقول انها كانت قدام استراحة لكم او لناس تعرفونهم وانها اختفت من فترة طويلة وكنت تفكرها مع احد يقرب لك .

انا الوالد باع سيارة من 20 سنة , واكتشفنا قبل سنة انها لسه بإسمه للحين !!!
رحنا المرور وسوينا شكوى وسالفة طويلة وللحين ماانحلت

الظابط يوم نجيه قال بلغ انها مسروقة وبلغ مرة ثانية بعد فترة ثم تروح تسقطها وينتهى الموضوع بس لان المفروض نجدد استمارتها وبيصير علينا تكاليف ما سمعنا كلامه .

وللحين نردد ياليل ما أطولك .

[arar]

الصراحة بتتعب

افضل حل اذا ماعليها مخالفات بلغ عنها مسروقة وقول انها كانت قدام استراحة لكم او لناس تعرفونهم وانها اختفت من فترة طويلة وكنت تفكرها مع احد يقرب لك .

انا الوالد باع سيارة من 20 سنة , واكتشفنا قبل سنة انها لسه بإسمه للحين !!!
رحنا المرور وسوينا شكوى وسالفة طويلة وللحين ماانحلت

الظابط يوم نجيه قال بلغ انها مسروقة وبلغ مرة ثانية بعد فترة ثم تروح تسقطها وينتهى الموضوع بس لان المفروض نجدد استمارتها وبيصير علينا تكاليف ما سمعنا كلامه .

وللحين نردد ياليل ما أطولك . المشكله اني انا لابعتها ولا شي السياره ما اعرف عنها شي ولا ادري كيف تسجلت باسمي

[عبدالعزيز-1]

اخي الكريم تروح لمرور الناصريه وحدة المعارض وتقدم شكوى هناك. كلامي عن تجربه

لاتكلم المعرض ولا تقوله اي شي اصلاً المعرض بعد تقديم الشكوى بيصير يلاحقك عشان تتنازل.

انت اطلب نقل السياره من اسمك واطلب تعويض ولا تتنازل الا لما يدفعلك.

[arar]

الف شكر للجميع قدمت بلاغ للمرور وافادوا سيتم محاسبه المعرض ان طلع الامر صحيح