عرض لكاميرات NIKON الرقميه مع الاسعار

[راعي عنيزة]

السلام عليكم ورحمة الله وبركاته

مع هطول الامطار وكثرة الربيع والخيرات يشهد المنتدى طفره في كثرة الصور التي يتحفنا بها الاعضاء الكرام ،
والبعض لا يزال يستخدام الكاميرات التقليديه التي يصاحبها مشقة تحميض الصور ومن ثم ادخال الصور بالسكانر مما يستغرق وقتا وجهدا كبير ، لذلك تعتبر الكميرات الرقميه اسهل واسرع واكثر جوده

وتعتبر كاميرات nikon الرقميه ثاني كاميرات في العالم من ناحية الجوده بعد كاميرات canon

ولكن ما يعيب كاميرات canon وكيلها الذي يبالغ في الاسعار كثيرا ويزيد في سعر الكاميرا الف ريال تقريبا !


لذلك تعتبر كاميرات nikon خيار جيد وبسعر معقول جدا

واليكم استعراض بسيط لمنتجاتهم :

===========================Coolpix 2500========================
وسعرها 1350 ريال
http://img.dpreview.com/reviews/images/nikon_cp2500.gif

حجمها صغير جدا وامكانياتها اكبر من حجمها وقد حصلت على جوائز عديده
http://ra3i.jeeran.com/inhand02-001.jpg http://ra3i.jeeran.com/inhand01-001.jpg

مواصفاتها :
- 2.0 megapixels
- 3 زوم بصري - 4 زوم ديجيتل
- اقصى حجم للصوره 1600 في 1200
- الذاكره من نوع كوماكبت فلاش ومرفق معها كرت 16 ميجا
- شاشه 1.5" TFT
- بطاريه يعاد شحنها تعمل 80 دقيقه متواصله
-العدسه W 37 mm -T 111 mm
- التخزين على كرت 16 ميجا
1600 في 1200- فاين (اعلى دقه)
21 صوره (وبالامكان تركيب كارت 128 ميجا بسعر 250 ريال ويرتفع التخزين الى 170 صوره )
1600 في1200- ستناندرد
43 صوره
1280 في 960 - ستناندرد
67 صوره
640 في480 - ستناندرد
194 صوره

وهذي عينه من تصوير الاخ السعلو بالكاميرا فله منا كل الشكر والتقدير

http://mynajd.com/~mat/pictures/Dscn0568.jpg




===========================Coolpix 3500========================
وسعرها 1750 ريال
http://img.dpreview.com/reviews/images/nikon_cp3500.gif

وهي نفس مواصفات 2500 ولكن تزيد بانها :
- 3.14 megapixels
- اقصى حجم للصوره 2048 في 1536
-العدسه W 37 mm -T 111 mm



===========================Coolpix 4300========================
وسعرها 2250 ريال
http://img.dpreview.com/reviews/images/nikon_cp4300.gif

- 4 megapixels
- اقصى حجم للصوره 2272 في 1704
- 3 زوم بصري 4 زوم ديجيتل
- العدسه W 38 mm -T 114 mm
- وتحتوي الكثير من المميزات اليدويه للمحترفين


============================Coolpix 4500=======================
وسعرها 2800 ريال
http://img.dpreview.com/reviews/images/nikon_cp4500.gif

-4 megapixels
- اقصى حجم للصوره 2272 في 1704
- 4.1 زوم بصري 4 زوم ديجيتل
- العدسه W 38 mm -T 155 mm
- وتحتوي الكثير من المميزات اليدويه للمحترفين

[السمح]

مشكور يابوحمد على هذا العرض والسرد الرائع ..
بس ياليتك كملت معروفك وعطيتنا وحده أو ثنتين من Canon ..
وسؤال وبتجرد لو قيل لك اشتر كاميرا ولا عليك من الفلوس ، بشرط الا تتجاوز 2800 ريال وش تبي تاخذ ؟؟
هالموضوع جا في وقته .. دايم إنك موفق للخير ياجعل عمرك يطول ..

أحلى تحية ..

[راعي عنيزة]

خالي السمح هلابك ومرحبا بك :)

تسلم يا حبيلك على الاطراء الي ما استحقه ولا يصير خاطرك الا طيب ولو فرضنا انك بتهديني كاميرا بس مستحي تقول :) اختار 3500 لانها عاليه الدقه واغلب خياراتها اتوماتيكيه وهذا يناسب العليمي مثلي


هذي مقارنه بالاسعار بين انواع متماثلة المواصفات من نيكون وكانون :
مع العلم ان الاسعار متقاربه عالميا لكن وش تقول بوكيل كانون المهبول !!

1-
http://img.dpreview.com/reviews/images/nikon_cp2500.gif
Nikon Coolpix 2500
سعرها 1350 ريال

http://img.dpreview.com/reviews/images/canon_s330.gif
Canon Digital IXUS 330
سعرها 2200 ريال !!!!!!!!

=========================================

2-
http://img.dpreview.com/reviews/images/nikon_cp3500.gif
Nikon Coolpix 3500
سعرها 1750 ريال


http://img.dpreview.com/reviews/images/canon_s30.gif
Canon PowerShot S30
سعرها 2500 ريال !!

===========================================

3-
http://img.dpreview.com/reviews/images/nikon_cp4300.gif
Nikon Coolpix 4300
سعرها 2250 ريال

http://img.dpreview.com/reviews/images/canon_s40.gif
Canon PowerShot S40
سعرها 2850 ريال !!

============================================
4-
http://img.dpreview.com/reviews/images/nikon_cp4500.gif
Nikon Coolpix 4500
سعرها 2800 ريال

http://img.dpreview.com/reviews/images/canon_g3.gif
Canon PowerShot G3
وسعرها 3700 ريال !!!!!!!!!!!!!


==============================================

[القماري]

تسلم ياراعي عنيزة على طرحك للموضوع المميز ومشكور على المعلومات ومثل ما تفضل السمح، ( إلي جت في وقتها )

[فرد حمزة]

ابو حمد ...:)
بعد إذنك هذي مشاركه قديمه بنزلها هنا إثراءً للموضوع حتى يكون مرجع

هذه كمرتي بعيوبها ومميزاتها :D :(


كاتب الرسالة الأصلية فرد حمزة
أبو حمد
ياربي حيه

هذي الكميرى
ماركه نوع
HP Photosmart C618

http://img.dpreview.com/reviews/images/hp_c618.gif

دقتها
2.11 million
وهذي الصفحه طال عمرك بطاعته
مواصفاته


أبعز بهذا (http://www.dpreview.com/reviews/compare_post.asp?cameras=hp_c618&method=sidebyside)

وهذي صفحة الموديلات الجديده من ماركة الـHP
أبعز بهذا (http://www.dpreview.com/reviews/specs/HP/)

وهالموقع هذا يسوي لك مقارنه بموصفات جميع ماركات الكميرات الرقيمه
وصراحه موقع حلو بالحيل خصوصاً إذا كنت ناوي تاخذ لك كميرى محترفين :D
أبعز بهذا (http://www.dpreview.com)

إذا فتحته شف على يسارك قائمه أختر كلمة كميرى بالعنقليزي وتضهر لك قائمة منسدله فيها جميها منتجات ماركات الكميرات الرقمية

شف ياعزيزي من واقع تجربتي مع كميرات الـHP
أكبر عيوبها أنها على بطاريات الأصبع AA
ولا يقومها إلا الإنيجايزر الغالي اللي الأربعه بـ12 ريال :(
وشره بالحيل بالصور يعني يادوب تمشيك 70 صوره
أنا بالحيل توقهت ياكم حجر شريت :(
المهم دبرت لي طريقه
وهي بطاريات البانسونيك ريجارج أبل القابله لإعادة الشحن وأرتحت نوعاً ما
وأيضا طلبت من أمريكا الأدابتر وقيمته 310 ريال الله لا يخسر :( علشان أربكه في اللي يركب بالولاعه ويطلع كهرب 220 يعني حوسسسسه
والمومري اللي جاه معاها 16 ميقا نوع كومباكت فلاش شريت لها شريحه مومري 64 ميقا ثم طورت وشريت لها شريحه مومري 128 ميقا وكل وحده سعرها في حدود الـ300 ريال
:(

أحلى مافيها أني أستخدمها كهاردسك متنقل أنقل عليه بيانات وأي شي وأنلها لكمبيوتر ثاني
وفيها كيبل صوت وصوره يطلع للتلفزيون وتصير كميرى عرض ، عندي كرت فيديو أستخدمها عن طريقه ككميرى كام للإنترنت
وفيها مسجل لمدة 45 ثانيه على كل صورة
وباقي الوصفات تلقها في في صفحة الموصفات

آمل أن أكون أفتدك عزيزي أبو حمد

تحياتي لك يا ابو حمد ... أخوك فرد حمزة

[راعي عنيزة]

القماري
هلا بك هلا ياخوي وتو ما تبارك الموضوع بتشريفك ولك مني كل الشكر

[التغلبي]

مشكور ياشباب على هالمعلومات ولكن أذكر اني قابلت السعلو ايام العيد في الديرة وشفت كمرته وصورة بها لكن ذكر لي كاميرا أفضل من اللي معه ولكن سعرها غالي المراد كلمته قرقعت بقلبي وتوكلت على الله وشريت كاميرا (Nikon coolpix5700) بمبلغ 4500 ريال من الوكيل في البطحاء في الحقيقة كاميرا محترفين وعالية الدقة الموصفات كالتالي :
Nikon Coolpix 5700 Key Features
• NEW! Powerful 8x Optical Zoom-Nikkor Lens provides an equivalent zoom range of 35mm-280mm in 35mm photography.
• NEW! The Coolpix 5700 includes two ED (Extra-low Dispersion) lens elements minimize chromatic aberration for crisp, clear shots-even as close as 1.2 inches in Macro shooting mode or with Super Telephoto Macro
• 5.0 Megapixel CCD with multiple image quality settings offers a maximum resolution of 2,560 x 1,920 pixels. Print images as large as 16 inches x 20 inches and beyond with outstanding image quality
• NEW! The Coolpix 5700 has an Electronic Viewfinder (EVF) for through-the-lens viewing employs a 180,000-dot polysilicon TFT LCD with an anti-reflective coating for enhanced frame coverage and bright previews
• NEW! RAW image data recording mode (NEF, Nikon Electronic File) for increased image quality and enhanced post-processing potential. Capture the image now, and change settings later. Please note: Camera Control in Nikon Capture is not supported on the Coolpix 5700.
• Flexible exposure controls with top shutter speed of 1/4,000 sec. in every mode. Enhance your creativity with four exposure modes-Program, Shutter Priority, Aperture Priority and Manual-and take total control of every shooting situation
http://www.mekshat.com/pix/upload/images/coolpix5700.jpg

[راعي عنيزة]

هلا هلا ابو همام ويا مال التسلم على هذا الموقع الرائع والي استفدت منه بشكل كبير في اعداد الموضوع والمقارنه بين الكميرات لاتخاذ القرار السليم فلك مني كل الشكر يا خلفهم :)

والله يعينك على ذي ال HP طلعت عليك باكثر من بيع السوق ;)

لكن ما عليك ما يوقع الا الشاطر :p

[راعي عنيزة]

التغلبي هلا بك ومرحبا

ومشالله تبارك تستاهل الكميرا ويا علك تكده بالعافيه

اختيار موفق ومن شار عليه السعلو عزالله ما ضاع ;)

وباين انك محترف ياخلفهم لان مثل هذي الكميرات اعتقد انها تحتاج دراسه وخبره كبيره في الخيارات اليدويه واستخدامتها

لذلك حنا يالعليميه نتخار الرخصيات الي كلش فيها تماتيك واكلف ما عليك تطق الصوره وهي تدبر عمرها :)

[التغلبي]

مشكور ياراعي عنيزة على هاالاطراء وترانا لامحترفين ولاغيره وانشاء الله ازود المنتدى ببعض الصور وبتعجبكم ان شاء الله

[aif]

عرض رائع وجميل جداً للكميرات الرقمية

حتى نستفيد جميعا منها

بالنسبة لطلب بعض الاخوان عن نوع الكاميرا اللي استخدمتها في تصوير فياض لينة والموجودة في المواضيع
http://www.mekshat.com/vb/showthread.php?s=&threadid=5705
http://www.mekshat.com/vb/showthread.php?s=&threadid=5707

فهي من نوع سوني ديجيتال
2.1 ميجا بكسل
الزووم 6x
وتعمل ببطارية الشحن أو البطاريات العادية AA
وتصور فيديو لكن بدون صوت

وتخزن بحسب الذاكرة الموجودة فيها من 4 ميجا - 128 ميجا ( حسب دراهمك )

[فرد حمزة]

العزيز / aif

:)

ممكن موديلها لو تكرمت :)

هذا رابط به كل انواع ماركات شركة سوني بصورها ممكن تحددها :)

http://www.dpreview.com/reviews/specs/Sony/

[aif]

أبشر يا فرد حمزة موديلها هو
dsc-p50

وأحسنت على الموقع وهذي هي مواصفات الكاميرا
http://www.dpreview.com/reviews/specs/Sony/sony_dscp50.asp

http://www.mekshat.com/pix/upload/images/sony_dscp50.gif

[فرد حمزة]

تسلم والله وعسى ربي يعزك دوم

المهم
تسان الله أحينا وكان وقت مكاشيت ...:)

أفطن لنداي بالأجهزة (( فرد حمزة )) برضوا :D

وإن لقيت مجموعات ألغاز ترى مجموعتنا نداه (( أبو الشنبات )) :D:D

[aif]

يا عله خيـــــــــــــــر يا عله خيـــــــــــــــــر

ان شاالله يا فرد حمزة والاجازة جاية

والظاهر مثل ما قال رفيقنا الوعد فيضة مكشات (الزعبية )

وتبي تسمع الناس تنادي
فرد حمزة
السعلو
فتى عنيزة
المسفهل
aif !!! صعبه !!! طيب أبو ريان

:butt3::butt3::butt3::butt3::butt3::butt3::butt3:: butt3:

[راعي عنيزة]

التغلبي
اذا انت غير محترف اجل انا وش اطلع ؟؟ :p
وبانتظار صورك يا غالي


ابو ريان
هلا بك اخوي وعلى البركه الكاميرا وتكده بالعافيه
وعلى فكره تراها 3 زوم بصري و 2 زوم رقمي :rolleyes:

وباذن واحد احد الوعد الزعبيه بس الله يكفينا شر ابو الشنبات <== تحس انه اسم عصابه مهب مجموعه الغاز :D

[الدوسري]

السلام عليكم
رأيت قبل فترة كاميرا يوضع فيها ( دسك ) فلوبي .... وليس ذاكرة ... وهي جيده وومتازة في دقتها ..
فهل هي موجودة في السعودية ؟؟! وكم سعرها ؟؟!

[راعي عنيزة]

حياك الله الدوسري

بعض الانواع القديمه كانت تعمل على فلوبي وانصحك لا تتوهق

لان اقصى تخزين للفلوبي 1.4 ميجا
واقل صوره متوسطة الوضوح تكون 700 الف كيلو بايت

يعني الفلوبي ما راح يشيل الا صورتين بس !

بينما الذاكرات الحديثه مثل 128 ميجا تشيل بالمتوسط 150 صوره عاليه الكثافه و 1500 صوره منخفضه الكثافه !

[العمدة]

تسلم ياراعي عنيزة على هالموضوع

اللي جاء بوقته

:good:

[راعي عنيزة]

هلا بك يالعمده وحياك ربي

والمعذره يا خلفهم تراي الخميس كشت بالصياهد ولا اخذت منك الاذن يا عمده الصياهد :p

[العمدة]

لا معصي


وش تروح وبس

ولا استئذان ولا احم ولا دستور

عموما الله يحييك بهالصياهد

عسى بس ماأحد تعرضك من الغفر وغيره

[نقا هشال]

مشكووور ياراعي عنيزه وماقصرت,,,,,,

[راعي عنيزة]

الرسالة الأصلية كتبت بواسطة نقا هشال
مشكووور ياراعي عنيزه وماقصرت,,,,,,


حياك الله ياخوي

[أبو صياح]

شكر جزيل لكل من ساهم وشارك في هذه المشاركة والمفيدة لكل هواة التصوير

[السعلو]

موضوع رائع و اشكر اخي الكريم راعي عنيزة ( عزالله انه عضو كشخة ) على طرقه مثل هذا الموضوع والحقيقة انه وفى و كفي وعرض جميع كميرات (Nikon )
وللاجابة على سؤال الاخ الكريم السمح / اذا كان معك مبلغ محدود وتبغى كاميرا جيدة تفي باحتياجاتك فانا اقول ( Nikon Coolpix 3500 ) فقد جربتها مع احد الاصدقاء وهي تتفوق على الكاميرا التي استعملها (Nikon Coolpix 2500) في زيادة الوضوح وبالامكان تكبير صورها الى حجم(A4) بدون ان تفقد ادق التفاصيل

وقد صورت بها بعض الصور وتم نشرها في احد الصحف بحجم كبير وكانت رائعة .

وان كنت تريد كاميرا تضل معك فترة طويلة قبل ان تتفوق عليها كاميرا اخرى فعليك بنصيحة اخي /التغلبي فقد اختار كاميرا ممتازة ولا تقدر بثمن من حيث مزاياها وامكاناتها .

اخيراً
لا شك ان شركة سوني شركة رائدة في مجال الالكترونيات ولكن تضل شركة نيكون هي الرائدة في البصريات .

اخوكم
السعلوو

[المسفهل]

لما رأيت كل واحد منكم بسط وأخذ يعرض بضاعته أخذتني الغيرة حيث إنني قد كتبت عن كامرتي

في موضوع سابق ، فإتماما للفائدة ، ولجمع الموضوع تحت مظلة واحدة ؛ أحببت أن أضع هنا رابطا لذلكم

الموضوع .
اذهب إليه من هنا (http://www.mekshat.com/vb/showthread.php?s=&threadid=5617)

[Bader-M]

تسلم يالغالي
والله يعطيك العافيه

[السمح]

في الحقيقة إن الموضوع رائع جداً ..
ويستحق خمس نجوم من حيث الفكرة والطرح والتفاعل من قبل الأعضاء ..
اسمح لي أخي راعي عنيزة أن أثبت هذا الموضوع ..

أحلى تحية ..

[البيكا]

الأخ العزيز راعي عنيزة ..



حبيت أستفسر عن الكمرة Nikon أول وحدة معروضة الي بـ 1350ريال
من وين أحصلها بالقصيم أو بالرياض ، وشكرا لك

[الأشهـــــب]

الاخ الغالي : راعي عنيزه الحقيقة ماقصرت وبيض الله وجهك على هذي المعلومات والنصائح الطيبة من رجال أطيب.
أما بالنسبه لموضوع الإحتكار فمع الأسف وانا اخوك ليت ان الامر بس يتعلق بالكميرات بس كان الأمر جداً
بسيط ومقدور علية، لكن الآن كل شي من حولك فيه إحتكار. وأحنا الي ناكلها هوى يالمستهلك.
قال حماية المستهلك قال؟؟؟!!! أي حماية مستهلك وغالبية التجّاريبالغون بالأسعار مبالغة تثير العجب والغبن معاً!؟
لكن مانقول إلا الله يريد بنا خير .
وتقبلوا خالص تحياتي،،،،،،،،،،،،،،،،،،،،،،،،

[علي الشهري]

بيض الله وجهك يا راعي عنيزة

وليت صدرك يتسع لسؤالين:
1- ما الفرق بين الزوم البصري والزوم الرقمي؟
2-كيف يتم نقل الصور إلى جهاز الكمبيوتر،هل هو عن طريق كيبل وبرنامج أو شي آخر؟وهل وضوح الصورة بطباعة الطابعة أحسن من التحميض؟

بيض الله وجهك على فوائدك الرائعة

[راعي عنيزة]

ابو صياح
حياك الله وبارك الله فيك


السعلو
شكرا اخي الكريم ولاثراءك الموضوع بمشاركتك المميزه ومعلوماتك القيمه
تحياتي لك



المسفهل
يحق لك يا راعي الكانون تكشخ على الطفارى راعين النيكون :p
مثل ما يكشخ راعي الفياغرا على راعين العربجيات :D


طاير بالعجه
هلا بك هلا وحياك ربي



ابو تركي
يا مال التسلم وتشكر على التثبيت ثبتك الله على سراطه المستقيم


البيكا
حياك ربي وتلقاها بالرياض العقاريه محل العبدالواحد لمعدات التصوير

[راعي عنيزة]

الاشهب
حياك الله اخوي
وفعلا الاحتكار عندنا مافي اي جهه تقف بوجهه وتردعه والتجاره في سبات عميق
لكن المنافسه كفيله انها تأدب التاجر
انا وانت وغيري لو شفنا اسعار التاجر غاليه تركناه ورحنا لغيره
مثل ما حصل معي تركت كاميرات كانون واخذت كاميرة نيكون



التنهات
حياك الله
الزوم البصري هو تقريب حقيقي للصوره ( يعني مثل الدربيل ) ويكون صافي بنسبة 100%
اما الزوم الرقمي فهو تقريب تخيلي وتكون الصوره فيه مكسره وغير واضحه ابدا وما تستفيد منها


تنقل الصور من الكاميرا الى الكمبيوتر عن طريق كيبل USB يجي معاها ويتم التحميل لبرنامج خاص بالكاميرا والتعامل معها سهل جدا

اما بالنسبة للوضوح فهو يعتمد على طابعتك ويوجد طابعات خاصه بالصور وجودتها تماثل التحميض لكن سعر فوق الف ريال وتحتاج ورق خاص

[شقران]

ابوحمد شكررررررررررررررررررررراً على تميزك ..........

وشكلي بتهور لكن ياخلفهم منتب ترد على جوالك ولا خايف انشب لك وانا بالبطحاء

تحياتي

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[البيكا]

حبيبي والله أيمن .. !!

[الأشهـــــب]

الأخوة الكرام :
هذه بعض عناوين الشركات الرائدة في هذا المجال:
شركة كودك.
http://www.kodak.com

شركة أميركاس.
http://www.americas.cre-ative.com

شركة نايكون.
http://www.nikonusa.com

وتقبلوا أطيب تحياتي،،،،،،،،،،،،،،،،،،،،،،

[مثابر]

الله يعطيكم العافية اخواني على هذا الجهد