طريق الرياض البطحاء.... اللي جاي معه من قريّب ياليت يفيدنا عنه

[وثاب]

السلام عليكم ورحمة الله وبركاته



يا اخوان

اولا



نهنيكم بقرب حلول شهر الخير شهر الرحمه شهر الغفران



وجعلنا الله وياكم ممن سوف يصومه ويقومه



وكل عام وانتم بخير





ثانيا



بغيت لو تكرمتوا اللي استخدم طريق الرياض البطحاء من قريب هل هو سالك وكم المسافه ووصف للطريق





لا عدمتكم

[مسافر1]

الطريق سالك وتمام وهو كا المسطرة بس عليك بالانتباه من الرمال الزاحفة فهي خطيرة جداً ..
المسافة يختصر عن طريق الأحساء حوالى 150ك تقريباً ..
نتمنى لك سفراً سعيداً ..

[وثاب]

الله يجزاك خير يالمسافر ويرحم والديك

ولا تهون ابي وصف للطريق من الرياض ولو اني ابكلف عليك

ومشكور ولاعدمتك

[مارشال]

اخوي انا رحت قبل اسبوع وجيت امس الأربعاء من البطحاء

عن طريق الرياض الخرج حرض البطحاء 515 كلم من مخرج 13 يعتبر اقرب طريق للبطحاء , اما طريق الأحساء تراه 600 كم
من بعد الخرج الى البطحاء يجيب ان تنتبه للبعارين ......... ولا يوجد كثبان رمليه ابدا
وانما يوجد جبال صناعيه عند كل نقطة تفتيش

تحياتي

[وثاب]

مارشال

الحمد لله على السلامه

بارك الله فيك والله لا يهينك ويجزاك خير

مشكورين وما قصرتوا

[قارّة بنّا]

الطريق سالك وتمام وهو كا المسطرة بس عليك بالانتباه من الرمال الزاحفة فهي خطيرة جداً ..
المسافة يختصر عن طريق الأحساء حوالى 150ك تقريباً ..
نتمنى لك سفراً سعيداً ..

كلام أخوي مسافر تمام 100%
انتبه للرمال الزاحفة على الطريق
وإذا وصلت حرض وقف وإملأ خزان السيارة .
وإذا وصلت البطحاء ترى قبلها محطة كبيرة عب منها قبل تدخل الامارات ترى أرخص لك .

[وثاب]

قارّة بنّا

مشكور وجزاك الله خير

والله لا يهينك ولا يصغرك يالغالي على هالمعلومات

وكل عام وانتم بخير

[ابوعبيده]

فيه معلومه بعد مهمه : هناك تقاطع لما تقترب من محطة غاز او بترول وعندها مطب كبير اذا كنت مستعجل الله يخلف علي سيارك ,

اذا وصلت التقاطع الي ان اقول هد السرعه تري المطب خطير واتوقع انه عند مفرق الخرخير ...

[وثاب]

بيض الله وجهك يا ابوعبيده دنيا واخره


على هالمعلومه المهمه

اكرر شكري للجميع

ولا عدمتكم

[عيون الغلا]

السلام عليكم ورحمة الله وبركاته
يالربع طريق الحساء لايفوتكم عزالله ان أطلق من طريق حرض مليون مره لا وسريع بعد توي جاي معه انا جربتهن كلهن طريق الحساء مريح ومتوفر محطات البنزين والبقالات والمطاعم والبناشر واحسن من هذيك المقطعه والطريق السيد الواحد والتريلات والبعارين والكثبان الرمليه ,,,,
والسلام

[لبرتي]

عزيزي وثاب
انا قبل أسوبعوين رحت مع طريق حرض أنا والاهل وكانت رحلة ممتعة
لكن أنا أنصحك أنك تمشي الساعة 3 الفجر من الرياض إ1ا كنت في الرياض علشان الخط يكون قليلة الحركة فيه والجو بارد وراح توصل للمنفذ على الساعة 8 الصباح ويوجد محطات متوفرة كل ما قطعت حوالي 100كيلو
يعني لا تشيل هم البنزين لكن أنتبه من الرمل اللي كون على جال الخط مع أني أنا ما شفت شي لأن هناك شيولالالات تقوم بازالته فوراً

ضع رقمك هنا علشان أرسل لك صورة عندي بالجوال وهي عبارة عن خريطة منسقة تنسيق على كيف كيفك
من الرياض لحد منفذ الغويفات طبعاً عن طريق حرض

وأي خدمة أنا حاظر للجميع

هذا رقمي
0552299330
أبو راكان

[الليث الابيض]

السلام عليكم.....
اخوي وثاب مساك الله بالخير وشهر مبارك علينا وعلى الامه الاسلالالاميه....
يالغالي انا توني ماسكه من شهر واحد بس .....الطريق ياطويل العمر جد ولا في احلى منه وبالنسبه للمحطات فيه 4 او 6 محطات بعد ماتطلع من الخرج على اليمين الين ماتوصل لحرض وبعد حرض تقريبا بـ30 كيلو تجيك ايضا محطه على اليمين والاخوان يقولون انه فيه الرمال الرمال قاموا بزحفها عن الشارع بارك الله فيكم والكثبان الرمليه مسافتها قليله جدا وانا يوم اني مشيت مافيه رمل على الشارع ولا فيه شي وجزاكم الله الف خير.....أخوكم

[لبرتي]

وهذي خريطة طريق حرض من الرياض لحد الغويفات

http://www.t222t.com/download.php?filename=e73eacf957.jpg

[منتعش]

أنا رحت معه أربع مرات ولكن ( مبطي ) قبل ثلاث سنوات تقريباً
أول ما فتح طريق حرض مريت معه
والله لا يوريك تشوف الطريق كأنه خط واحد والخط الثاني كله رمل
وتشوف السيارات تكبس بالنور لكي تمر بالسيد النظيف

وعلى كلام الأخوان بأن لا يوجد رمال فهذا شي طيب .