ارغب بتركيب هوك خلفي لباثفايندر

[a.الخثلان]

اخواني وين افضل ورشة بالرياض يركب هوك خلفي للباث فايندر 2009 اريد شغل مرتب وجميل كانه وكاله

[ayman_sq]

معي باثفايندر 2010 وولفت عليه هوك خلفي لان السيارة مافيها

بيني وبينك تعبت جدا لين مالقيت الحل

الحل وانا اخوك بأختصار رح لورشة الحوشاني بحي السلي مخرج 16 تمشي لين تعدا اشارة العثيم وتمشي لين يجيك هرفي على يمينك .. يجيك شارع قبل هرفي ادخل معة واستمر قدام هو بين المستودعات بس والله اني ناسي مكانة بالضبط لكن اسأل اي احد هناك قل وين ورشة الدبابات لان الحوشاني له ورشة دبابات وورشة حدادة للقلوص والهوكات والعربات وكلهم جنب بعض

انت رح له وهو يبي يدبر موترك مثل مادبر موتر

طبعا الحركة الي سواها لي انه جاب ماصورة ولحم فيها حديدتين باليمين واليسار ودخل الماصورة داخل فتحة الهوك وخرم للحديدتين وثبتها بالهوك

يمكن شرحي غير واضح لكن ابنزل لك صور للهوك وهو راكب بسيارتي وان شاء الله توضح لك الصورة

علما انه كلفني تقريبا 250 على ماعتقد

[a.الخثلان]

اشكرك اخي الحبيب وانتظر الصور قبل ما اروح له

[a.الخثلان]

انتهى الموضوع وركبته عند المواهب بي 250
قريبا بمشيئة الله الصور

[a.الخثلان]

الصور كبيرة أبحاول أعدلها

[ابوفهد 1]

انا قد جربت شغل ورشة المواهب في تركيب هوك لهايلوكس دبل 2009

وشغلهم مضبوط وما عليه كلااااااام