لمبات ماتسحب من البطاريه

[ريح الخزامى]

بسم الله الرحمن الرحيم

ودي اعطيكم هالمعلومه من تجربتي لها بس ما ادري اذا احد قد جربها مثلي وإلا لا


هالحركه هي لمبات تباع في المحلات حقت الادوات مثل ساكو وماكس اللي في الرياض
تلقاهن لمبات تشحن شحن يعني لها بطارية داخليه طريقتها كيف مثل اللمبات اللي في قصور الافراح لاطفاء الكهرب تشتغل لها حساس للشي هذا لاطفاء الكهرب تولع بس ماهيب مثل اللي في القصور لا نوعيه صغيرة كانها نجفه بس صغيره مره اكبر من كف اليد بشوي
انا مره جربتها كانت عندي من زمان وجربتها بصراحه حلوه اول شي حجمها صغير ونورها قوي ماعليه وشغلتها على محول الكهرب اللي يسمونه ( الطمره ) وقعدت حوالي اربع ساعات وحنا مشغلينها وبطاريه الموتر يعني ماهيب ذاك الزود وسعرها رخيص ماتتعدى ال50 ريال ان كانت مره مره بعد وإلأا انا شاريها ب25 ريال من ماكس اللي على طريق خريص


والله عجبتني وخذتها من البيت وحطيتها في عزبه الموتر مع المحول والعده قلت ماتنتفوت هاللمبه

وانشالله انها تفيدكم بدل هاللمبات الغازيه اللي تشفط من البطاريه على الفاضي وبس

تحياتي لكم

اخوكم

ريح الخزامى

[عروان]

مرحبا والله يا ريم الخزامى

كلامك تمام طال عمرك.

فية نوع منها ماركة فلبس تلقاه في محلات المواد الكهربائية. تراها نوعية لاباس بها.

وهذي النوع من اللمبات تكون بطول نص متر وداخل صندوق يحميها من المطر ولها

مفتاح ON/OFF/AUTO. أذا انت بالنهار وتتمشى بالسيارة أشبكها بالمحول وخلها

تشحن والسيارة تمشي ولامن أمسى الليل أفصلها من المحول علقها أو حطها بالمكان

اللي تبي.

طبعا النوع اللي أقولك ما أفضل من الصفر اللي تكون بالقصور أو المطاعم لان هذيك

لها بطارية أكبر تلقاها داخل الصندوق الاصفر.

كل ماكان حجم البطارية كبير كل ما زانت.

ميزتها انها متنقلة معك بدون سيارة.


تحياتي لك وفكرة طيبة

عروان

[راعي عنيزة]

اللمبه الي ذكرت ممتازه لكن يعيبها حجمها كبير شوي واضائتها مهنا ذاك الزود وحدها 4 ساعات

لكن شفت مع واحد من الشباب لمبه كلبس بيضا من الصغيرات حقات البيوت الي شكلها بيضاوي وتستهلك 20 واط وتخرج 90 واط وشابكها على محول 12فولت /110 فولت
وميزتها نورها قوي وصرفه قليل والمحول قبل ما تفضى البطاريه يفصل عشان تقدر تدق سلف

[بارق القبلة]

عليك بمحول koio الياباني معظم الشباب صار يثبته بالسيارة لأنه صغير كبر الكف وعرضه 4سم ويشبك عليه اي جهاز من لمات وغيره .
أما من حيث اللمبة قليلة الأستهلاك فعليك( النيون) ع20 واط تجلس ليلة كاملة بدون تشغيل السيارة."مجربها"

[قرموش]

مشكور وما قصرت

[أبوسرحان]

إي والله إنك صاج عندي وحدة ماركة أصليه فيها 2 نيون (لمبتين) لا وإذا جاء الليل علقتها بالخيمه فوق وجهاز الريموت كنترول بيدك شغل طف شغل طف شغل طف

[رفيع الشأن]

عليك بمحول koio الياباني معظم الشباب صار يثبته بالسيارة لأنه صغير كبر الكف وعرضه 4سم ويشبك عليه اي جهاز من لمات وغيره .
أما من حيث اللمبة قليلة الأستهلاك فعليك( النيون) ع20 واط تجلس ليلة كاملة بدون تشغيل السيارة."مجربها"
اخوي بارق وش فايدة محول كويو واللمبة اللي قلت عليها ايش اسمها وفين القاها؟
وشكرا لك ولصاحب الموضوع على الفائدة

[تلسكوب 1]

اللمبه الي ذكرت ممتازه لكن يعيبها حجمها كبير شوي واضائتها مهنا ذاك الزود وحدها 4 ساعات

لكن شفت مع واحد من الشباب لمبه كلبس بيضا من الصغيرات حقات البيوت الي شكلها بيضاوي وتستهلك 20 واط وتخرج 90 واط وشابكها على محول 12فولت /110 فولت
وميزتها نورها قوي وصرفه قليل والمحول قبل ما تفضى البطاريه يفصل عشان تقدر تدق سلف


وين الناس الموضوع له 5سنوات واكثر كح كح كح كح الدعوى غبار ×غبار
عموما راح نفيدكم بماهو معروف للأخرين بأنه توجد مثل هذه اللمبات وتشتغل مباشرة على البطارية 12فولت ولاتحتاج تشغيل السيارة وإضائتها قوية وتوجد عند محلات البر والقنص واكسسوارات السيارات

تقبلوا مروري ايها الاعزاء

[رفيع الشأن]

وين الناس الموضوع له 5سنوات واكثر كح كح كح كح الدعوى غبار ×غبار
عموما راح نفيدكم بماهو معروف للأخرين بأنه توجد مثل هذه اللمبات وتشتغل مباشرة على البطارية 12فولت ولاتحتاج تشغيل السيارة وإضائتها قوية وتوجد عند محلات البر والقنص واكسسوارات السيارات

تقبلوا مروري ايها الاعزاء
تصدق عاد ماانتبهت لتاريخ الموضوع لكن شفت رد اللي قبلي وكان جديد عشان كذا انسحبت :D
وتسلم يالتلسكوب على التوضيح ولاتنسى تدق اللطمة عشان الغبار :D

[االديحاني]

الله يعطيك العافية

[سرهيد]

السلام عليكم

يالربع زودنا بصور عنها

تقبل احترامي

ابو عبدالله