المساعد الشخصي الرقمي

مشاهدة النسخة كاملة : لأهل الخبرة في الفورتشنر


ابو حمودي 14
27/03/2013, 11:46 AM
السلام عليكم ورحمة الله و بركاته

صباح / مساء الخير للجميع

يا شباب استفساري عن الفورتشنر كيف رساوته في الطريق سوا في الديرة و الا في البر


و الا في البحر ;)؟ , ;و كيف مطباته محتار بينه و بين التاهو دبل , أو اكسبلورر ستاندر مع كرهي للأمريكي

لأني ناوي على واحد 2013 أو 2012 6 سلندر

و هل فيه فرق بين vx1 , vx2


أرجو الاجابه بتجرد لأن اللي معي حالياً أكورد و أول مره اخذ سيارة جيب ؟؟



و شكراً للجميع
صفحة تربوية
27/03/2013, 12:51 PM
نصيحة مجرب

خذ تماتيك 6 سلندر

والفرق بين vx1 , vx2

يضاف ل vx2 مراتب جلد ومقعد السائق كهرباء

وهذا رابط يضيف لك معلومات جيدة

http://www.toyota.com.sa/modelsprices.asp?model_id=8


وبالنسبة للراحة غير مرح بالسفر وداخل المدن

بس فيه أشخاص يغيرون الكفرات

دنلوب 265 / 65 / 17 حقات البرادو

وحط الهواء على 27 يرتاح الموتر شوي


وفي البر سيارة جبارة وسريعة وقوية وأقصد 6 سلندر
ابو حمودي 14
27/03/2013, 12:56 PM
مشكور اخوي على الرد

لكن تقاس راحته بالهايلكس ؟؟
مخاوي 2004
27/03/2013, 01:18 PM
الفورشنر حلو ووممتاز مطبه افضل من الهايلكس بكثير ويطربك سته سلندر
honda1
27/03/2013, 08:55 PM
ابو حمودي اول معي اكورد 2003 ثم شريت فورتشنر 2008 جديد على وقته جلس معي على ما اظن شهرين بالكثير ثم بعته ما ارتحت له نهائيا مطبه قاسي وعزله ضعيف جدا وغي مريح ابدا كانك راكب حمار يكرم الجميع ....... فكر بالتاهو والافضل منه البرادو نصيحه اخ لاخيه ولا تنسى ان معك اكورد اذا بغيت رساوه وراحه وعزل ممتاز ثم تجي فورتشنر !!!
بدوي جنوبي
28/03/2013, 10:51 PM
ماهو حول الرساوة من شكله باين
مخاوي 2004
30/03/2013, 10:12 AM
الامريكي مايقارن بالتويوتا من ناحية الراحة والرساوه

الامريكي افضل التاهو دبل ممتاز للسفر ومالسفر لكن البر والكد لاتتعدى التايوتا
ابو حمودي 14
31/03/2013, 01:44 PM
مشكورين على الردود

لكن وش وضعه في السفر هل صوت الهواء قوي و الا ما فيه صوت ؟؟؟
أَبوابراهيم
31/03/2013, 06:00 PM
الله يهديك ظلمت الامريكي يوم قارنته في الراحة مع التويوتا
وظلمت التويوتا يوم قارنته في البر مع الامريكي

شف ياغالي مافيه شيء يجي معه كل المميزات وهذي سياسة هالكفار .. عرفوا كيف يلعبونها صح

المهم استاذي الكريم حكم تجربتي للفورتشنر فانا امتلكه من سنتين
سفرياتي بالسنة مرتين الى خمس
طلعاتي للبر ومسكة الخطوط واجد واجد
اريح من الهايلكس بمراحل كبيرة , بشهادة الوالدة الي تركب معي احيانا وتركب مع اخوي راعي الهايلكس الله يخلي لي والدتي ووالدتك ويطول باعمارهم ويغفر لهم بعد رحيلهم

كفرات الوكالة مريحة واذا تبي راحة زيادة ركب كفرات دنلوب 265 حكم اني جربت هالمقاس والراحة ماشاء الله
طبعا في المدينة مهما كانت سيارتك خل الهوا بين 25 و 30 ولا فيه اي ضرر يذكر على الكفر

الصوت وهو شيء مهم
اذا كان استخدامك للموتر طبيعي فانت بتقول وش هالاشاعات عن ازعاج الفورتشنر !!
والحقيقة فيه صوت اذا وصلت سرعة 160 كيلو متر في الساعة وكان الجو في الخارج هواء قوي
طبعا الان طلعوا لها حلول كثيرة تبدء من 10 ريال الى 200 ريال وانت اختر الي يناسبك
منها العوازل الي تلصق على مكان اغلاق ربلات الباب
ومنها حامي الشمس الي يلصق فوق الباب من الخارج
ومنها تحط سلك دش بين ربلات الباب الامامية من دون اي تخريق او قص او تشويه اوتخريب << وهي الطريقة الي متبعها ولا عرفت الاصوات من بعدها

بالتوفيق لك ان شاء الله في اختيارك واهم شيء الاستخارة
ابونبيل
31/03/2013, 10:21 PM
اذا كان استعمالك في البر قليل خذ تاهو افضل لك
ابو حمودي 14
03/04/2013, 11:56 AM
مشكوووور اخوي ابو ابراهيم على فايدتك

و كذلك اخوي ابو نبيل


اللي يميز الفوتشنر ان الفل بقيمل الاستاندر في التاهو

و التاهو بالنسبة لي كبير لان ما عندي الا طفلين

شكل النية على الفورتشنر عسى الله يسهل
musab
03/04/2013, 03:33 PM
ابو حمودي اول معي اكورد 2003 ثم شريت فورتشنر 2008 جديد على وقته جلس معي على ما اظن شهرين بالكثير ثم بعته ما ارتحت له نهائيا مطبه قاسي وعزله ضعيف جدا وغي مريح ابدا كانك راكب حمار يكرم الجميع ....... فكر بالتاهو والافضل منه البرادو نصيحه اخ لاخيه ولا تنسى ان معك اكورد اذا بغيت رساوه وراحه وعزل ممتاز ثم تجي فورتشنر !!!



جربت البرادو؟؟؟ شكلون تقول البرادو اريح من الفورتشنر
musab
03/04/2013, 03:36 PM
ماهو حول الرساوة من شكله باين

ماشاء الله ياخي انت روعه تعرف الرساوة من الشكل


جميييل إلى الامام
musab
03/04/2013, 03:40 PM
اخوي اول شيء لازم اعرف طريقة استخدامك للموتر عشان اقترح لك السيارة المناسبه


هل تريد سيارة عملية وقليله خرابتها او شبه معدومه تكرفها ليل نهار ولا تقول شيء وتمشيك إلى 500 الف او اكثر؟

هل تريد سيارة مريحه بغض النظر هل هي عمليه او لا؟

هل تفضل الراحه كثيرا لااااازم موتر مريح ولا بإمكانك ان تتحمل بعض القساوة الخفيفه؟

هل استخدامك مدينة ومعك عائلة من اربعه او اكثر ؟

هل تسافر كثير؟

هل تحب البر وتطلع للبر كثير؟

هل تريد موتر يمسك سعره في المعارض ويمكن تتربح فيه بالراحه؟

جاوب عليها ثم راح اقترح لك موتر بإذن الله ماراح تندم إذا شريته
سعود27
16/04/2013, 12:00 PM
اﻻخ musab اول من سب رساوة الفورتشنر انت وشف ردودك برابطة مﻻك الفورتشنر
فهد ابو
14/12/2013, 01:55 AM
نصيحه ابعد عن الفورتشنر سته فل او غيره والله حرام فيه الفلوس وانا مستخدم 2009 فل سته سندر والله انه زباله
خالد سلمان
17/12/2013, 06:13 PM
ممكن ذكر العيوب ياشباب علشان نستفيد الله يجزاكم خير
aham707
02/01/2014, 04:51 PM
انا عندي فورتشنر فل سته سلندر اسافر عليه بشكل اسبوعي من القصيم للباحه روحه ورجعه واحب البر واروح فيه كل مكان الموتر جبار وراسي ومريح بس خل هوا الكفر 30 الوكاله تحطه 50 والمصنع كاتب بالباب 30 مشكلته الوحيده صوت الهوا
aham707
02/01/2014, 04:53 PM
وتراه يجي دف لوك وقفل دفرنس في البر اتحدى احد يغرز فيه
قرناس جير
03/04/2014, 10:18 PM
السلام عليكم والرحمه
للبيع شنابر بارزه سود مقاس 15
6 مسامير
ثلاث فيهم كفرات بالون وواحد بدون
الكفرات ربع العمر
الجنوط جربتها مع الترصيص الارضي مافيها رجه ابد
تركب على الجموس وعلى الاف جي والفورتشنر
واي سياره 6 مسامير
كنت راشها رصاصي وركبتها على فورتشنر
ورجعت رشيتها اسود
المكان الرياض رقم الجوال 0566994541
http://store2.up-00.com/2014-04/1396552029721.jpg (http://www.up-00.com/)مركز تحميل الصور (http://www.up-00.com/)
http://store2.up-00.com/2014-04/139655202982.jpg (http://www.up-00.com/)مركز تحميل الصور (http://www.up-00.com/)
سوبربان2011
22/04/2014, 11:27 AM
توكل على الله وخذ الفورتنر6سلندر وانت مغمض سياره عمليه وخرابات نادره وابعد عن التاهو وشلته علشان لاتوجع راسك ويجيك الوسواس منه مستقبلا لاني مجرب السوبربان 2011 كل فتره وفتره رايح للوكاله وجاب لي الوسواس وبعته ودقيت لي سيكويا والحمدلله راحة نفسية ومعنويه