خبراتكم في اليايات والمساعدات والكعكات والترفيع ،،،، لا تحرمونا !!!

[يا سلام سلم]

السلام عليكم
مساء الخير جميعا
يالربع عندي كم استفسار بخصوص مساعدات ويايات الجيب ،،
اولا: السيارة جيب باترول موديل 95 اربع ابواب ،،

ثانيا: المشكله
*عندي المساعدات متفقعة وودي اغير مساعدات وناس قالو لا تعدى الرماية وناس يقولون مساعدات جبريل وانا احترت والعلم عندكم ،،

** اليايات : قبل مدة غيرت يايات خلفيه من الرماية والحين ودي اغير يايات قدام ولا ادري من وين اركب والعلم عندكم ،،

***ترفيع السيارة ؟؟؟؟؟؟؟

الجيب طايح صاير كنه كراسيدا بوقس :D

وودي ارفعه ولا ادري هل الرفع يكون بالمساعدات والا باليايات والا كعكات والا ايييش ؟؟؟ لان عندي جنوط 16 وماركبتها لانه بتصير تحك ،،

هذا والله اعلم ولا تحرمونا من اراءاكم وجزاكم الله خير ،،،

[أبا مجاهد]

هلابك اخوي
راح افيدك بمساعداة جبريل طبعا ركبتها عالجمس وعذروبها قاااسيه مومثل مساعدات الوكاله لينه ولكن ميزتها ترسي الموتر اكثر بالنفود ماتخليه يتراقص ويلعب
بالنسبه للترفيع اتوقع الكعكات تقوم بالواجب
اتمنالك اتوفيق

[يكفيني نظرة]

الرفع الافضل ترفعه بيايات استراليه وبيثبت اكثر معها اما الكعكات ممكن تنكسر عليك اذا انت راعي مطامر غير انها تطقطق بعض المرات ..

[Tyer_shalwa]

أنا رفعت موتري عن الوكالة

رفعتة ورا 2 سانتي كعكات الوحدة بـ 20 ريال

وقدام 3 سانتي بـ 20

شغل اليد بـ 80 ريال بالصناعية القديمة حائل

الموتر مثل وكالتة اللهم انة ارفع من اول وخفيف مع المطب مثل اول مافرق شيء

[اسدهم]

المساعدات ركب حقت شاص تايوتا مديل2003 عدد4 سعرها رخيص واصلي وثابت مع الياي السترالي ارفع من الوكاله عشان مع الوقت بينزلحد الوكاله ومطبه حلو

[sgl2002]

مساعدات شاص

ويايات استرالي

اذا بتركب ياي استرالي امامي ركب معه مساعد فكسار ٩٧

[يا سلام سلم]

لبى قلوبكم ي اهل مكشات
يا جعلني ما اخلى منكم

الحين حنا بين عدة اراء
اكثر الاراءا تقول يايات استرالي يعني من الرماية
والمساعدات احد يقول مساعدات شاص واحد يقول جبريل
ننتظر باقي الاخوان
بالنسبة للكعكات اختار الارتفاع الي ابيه والا كل ياي له ارتفاعه ؟؟؟؟؟
افيدونا مشكورين ،،،،،

[Abo_Faisal_50]

ركب يايات خلفيه استراليه ٣ سانتي رفعتها حلووه مع مساعدات مورانو

[Abo_Faisal_50]

عند الرمايه اليايات لها مقاسات بس ركب ٣صانتي ب٦٨٠ والمساعدات الزيينه مرره حقت الرمايه الاستراليه ب ٦٠٠ وكسور الحبتين
المورانو بنص السعر بس اريح بشوي

[sgl2002]

مساعدات الشاص لانها ارخص وتمسك الموتر وتكد اكثر

[مخلب]

عندك مساعدات الشاص او مساعدات الوكاله
و اليايات استراليه ولا تحتاج ترفيع ركب زبعد اسبوع
شوف الوقفه ولا تنسه يحط لك ربل على الياي قبل لا يركب
من اجل لايطلع صوت

[مخلب]

ركب وبعد اسبوع

[ابو فهد...]

ركب ياي استرالي بدون كعكات مع مساعدات شاص امامي وخلفي

[abo naser 1]

السلام عليكم

انت ركبت خلفي استرالي اذا تبي ترفع زود مالك الا كعكة
اما الأمامي ركب استرالي

والمساعدات طقم 4 حبات شاص تويوتا من 2002 - 2006 تركب دايركت وجبارة مع الياي الأسترالي على الصالون تصير 100% مطبة ومتماسك وراسي
قيمة المساعدات أخذتها قبل أسبوع ب 490 ريال مركبها على صالون 99 وتركب من 88 الى 2012 للباترول

[يا سلام سلم]

لا اله الا الله


الله لا يهينكم جميع


عساني ما اخلى منكم


طيب بعد هالأراء المبروكة قررت انا يا سلام سلم مستعيناً بالله:


1/ اركب يايات استرالي امامي لاني مركب خلفي قبل مدة بسيطة ،،


2/ اركب مساعدات شاص طقم مثل كلام الاخ ابو ناصر :good: ،،

3/ اركب كعكات اذا بغيت ارفع الموتر شوي ،،

4/ باقي مقاس الياي ما علمتوني كم :D;):p ،،

[abo naser 1]

لا اله الا الله


الله لا يهينكم جميع


عساني ما اخلى منكم


طيب بعد هالأراء المبروكة قررت انا يا سلام سلم مستعيناً بالله:


1/ اركب يايات استرالي امامي لاني مركب خلفي قبل مدة بسيطة ،،


2/ اركب مساعدات شاص طقم مثل كلام الاخ ابو ناصر :good: ،،

3/ اركب كعكات اذا بغيت ارفع الموتر شوي ،،

4/ باقي مقاس الياي ما علمتوني كم :D;):p ،،


الصالون يجي 3 مقاسات أظن 2,3,4 سنتي انت رح لورشت الرماية يبيعونك ويركبون وسعر مناسب للتركيب ب 80 ريال 5 دقاق ويخلص يشوف مقاس الخلفي ويركب عليه الأمامي وقلة انت تبي الوجة ارفع أطمن من الخلف أنت واستخدامك و عارفين شغلهم مساعد وياي بعض الورش جب القماطة وخر عنة ساعتين عشان يطلعها والسعر غالي

وترا عندهم كعكات ربل صفراء الوحدة سانتي بس ماهي على طول متوفرة أفضل من الألمنيوم يتكسر ويتحفر

[111333]

واذا تبيه يرتفع اكثر عليك بالبالوون

[يا سلام سلم]

بسم الله نبداء

السلام عليكم ،،

الاخوان : ابو مجاهد ، يكفيني نظرة ، طير شلوى ، اسدهم ، ابو ناصر، ابو فهد ، ابو فيصل ، مخلب ، sgl2002، 111333....

الله لا يهينكم ،، والله يجمل حالكم ،،

ركبت المساعدات واليايات وبعطيكم التفاصيل عشان الي محتار يستفيد ،،

1/ ركبت اليايات الامامية من عند الرماية رقمها 974 لاني مركب اليايات الخلفية من فتره رقمها 981 وقال الفني ان هذا المقاس المناسب وفعلاً عز الله انه مناسب .
قيمة اليايات 680 ريال والتركيب بـ 70 ريال ،،

2/ المساعدات : استخرت الله وشريت مساعدات شاص موديل 2003 طقم بـ 490 من النهدي وركبتها عند الرماية بـ 100 ريال يعني الواحد بـ 25 ريال سعر جدا مناسب ،،

ملاحظات :
* الموتر ما شا الله تبارك الرحمن شاد حيله ووقفته زينه ،،،،
** مطبه شديد شوي لكنه مقبول الى حد بعيد ،،،،
*** قلت للفني الي بالرماية ان مساعدات جبريال احسن من مساعدات الشاص قال (( لا يهمك ))
ماهي احسن ولا شي وقال ( اذا ما ركبت المساعدات الاسترالية الصفر ركب حق الشاص وانت مغمض )

هذا الي حصل ،،

بارك الله في الجميع ،،

والله لا يهينكم ،، ومشكورين ،،

[يكفيني نظرة]

مبروووك والله يعطيك خير الموتر ويكفيك شره..
موفق..

[يا سلام سلم]

:good2:الله يجزاك خير ويعطيك بدال النظرة عشر ،،،

[اسدهم]

3صانتي عن الوكاله عشان اذاشلت عفشك من الموتر راح يرتفع