المساعد الشخصي الرقمي

مشاهدة النسخة كاملة : رائحه الدبل في هايلكس 2012


سعــود
29/03/2013, 08:50 PM
ياجماعه انا كل ماستخدم الدبل الخفيف في الغراز تطلع لي رائحه اتوقع انها صحنة الكلتش ولكن الرائحه تظهر كل ماستخدمت الدبل في الغراز هل هي طبيعيه من يفيدنا من الاخوااان جزاه الله الف خير
ذيب النشاما
29/03/2013, 09:38 PM
نعم أخوي طبيعيه. لا تقلق.
مكشاتي اصلي
29/03/2013, 09:53 PM
انا الحمد لله ما تطلع معي
واتوقع انت اذا ما مشى الموتر بالخفيف تقعد تحاول فيه واعتقد التصرف الصحيح انك تشبك الثقيل في حالة انه ما مشى بالخفيف
bad boy
30/03/2013, 03:18 AM
هذي من الصحن لانك تشد على الموتر بدون ماتنسم للكفرات المفروض يكون الهواء مابين 10 الى 15
اما الدبل الثقيل ماتشبكه الا اذا عرفت ان الموتر مافيه امل يطلع بالخفيف تحطه بالثقيل وتقوم الموتر بثالث او بثاني اذا مامشى بثالث !!
لكن أهم شي بالموضوع انك تنسم الكفرات
لو معك 100 دبل ماراح يطلع والهواء فل بالكفرات !!
مكشاتي اصلي
30/03/2013, 06:13 PM
هذي من الصحن لانك تشد على الموتر بدون ماتنسم للكفرات المفروض يكون الهواء مابين 10 الى 15
اما الدبل الثقيل ماتشبكه الا اذا عرفت ان الموتر مافيه امل يطلع بالخفيف تحطه بالثقيل وتقوم الموتر بثالث او بثاني اذا مامشى بثالث !!
لكن أهم شي بالموضوع انك تنسم الكفرات
لو معك 100 دبل ماراح يطلع والهواء فل بالكفرات !!

:good2::good2::good2:


:good2:
ابونبيل
31/03/2013, 10:29 PM
خذها مني وانا موتري مثل موترك اشبك الثقيل اذا غرزت عشان تطلع بدون يحترق الكلتش
سعــود
02/04/2013, 09:08 PM
ياخوان انا لما سحبت عليها طلع من الصحنه دخان كثيف شبيه بدخان سيارات البلديه لرش البعوض واستمر الدخان تقريبا ربع ساعه وبعدها كملت مشواري والرائحه مستمره لثاني يوم وكان شي لم يحصل
براق وسمي
03/04/2013, 07:35 PM
انا اول مثلك كل ماشبكت الدبل تطلع ريحة الكلتش حتا لو دعسه خفيفة
وشلت الشخالات بالكنداسة وركبت ماصورة وفقدت الريحة حتا عزم الموتر زان
بس السلبية اللي فيها صوت الموتر يصيبة تقل غرغرة:D:Dوفيه بعض الناس يجوزله الصوت
سعــود
06/04/2013, 08:37 PM
شاكر لكم ردودكم بالفعل استفدت منكم كلم جزاكم الله الف خير
عآشق الذيب
06/04/2013, 10:19 PM
نعم مثل ماقالو الاخوان هذى بسبب المحاولات بالدبل الخفيف

وانتبه تحاول تطلع الموتر بالخفيف لاصار مغرز بالحيل
لانه بيحرق عليك الكلتش وينعدم وهو جديد
اشبك الثقيل واذا طلع الموتر وقف ورجعه للخفيف وكمل مشوارك
سفاري فتك
10/04/2013, 11:41 AM
اذا غرزت او فيه تطعيس قوي استخدام الدبل الثقل افضل
جي تي
11/04/2013, 01:39 PM
يا الطيب انا جاء معي دبلين الهايلوكس 4 سلندر ودبل يعني ما يشيل نفسه بالغراز بالخفيف لا تقارنه بالاند والباترول المواتر 6 سلندر الخفيف شغله اذا بتتمشى واذا غرز اشبك الثقيل اطلع من الغراز بعدين رده للخفيف وانتبه من رائحة الكلتش والدخان بالتحديد ترا تقلل من عمر الكلتش مره ويخرب معك بعد مده ويطيح عزم موترك واهم شيء زي ما قالوا الاخوان نسم الكفرات ما بين 10 وال 15
وبالتوفيق ...
مربط القعاسي
13/04/2013, 01:36 PM
انا معي هايلكس دبل من عام 2006 الى 2012 وكل خميس نطلع للبر وفي الشتاء دايم نطلع للنفود ولا عمري شميت ريح الكلتش الى قليلي جدا لا تكاد تذكر وحاليا معي دبل 2012 له سنه وكذال ماشمت فيه ريح كلتش الى مرة وحد ولها اسباب

ريحه الكلتش تطلع من السواق وعلى حسب السواقه

والله يوفق الجميع