%% بعد مرور خمس سنوات على النافارا %%

[.أبوعبدالرحمن]

بسم الله الرحمن الرحيم



السلام عليكم ورحمة الله وبركاته



بعد مرور تقريبا خمس سنوات على وصول سيارة نافارا لنا في السعودية


ما هي انطباعاتكم عن السيارة ؟


ما هي العيوب والمميزات ؟


وملاحظاتكم وبشكل عام عن السيارة خصوصا أن السيارة في بداياتها انتشرت بشكل


ملفت والآن تغير الوضع بدأت تقل في شوارعنا



في انتظاركم

[نافارا.......]

علبكم السلام
السياره قويه في البر والخط وثابته
العيوب لا يخلوا شيء من العيوب قرقره في الكلتش وتم اكتشاف المشكله فحمات الكلتش عادي
وعداد البنزين يلعب وكانت المشكله من عوامة البنزين

[.أبوعبدالرحمن]

علبكم السلام
السياره قويه في البر والخط وثابته
العيوب لا يخلوا شيء من العيوب قرقره في الكلتش وتم اكتشاف المشكله فحمات الكلتش عادي
وعداد البنزين يلعب وكانت المشكله من عوامة البنزين



أشكرك أخي الغالي على هذه الملاحظات


في انتظار البقية

[رحال السراة]

جبارة بكل ماتعنيه الكلمة ماوديتها مكان قالت لا !
صراحة ماكنت أتصور هذا العزم الجبار ..
صحيح أنها في السرعة ماهي بذيك لكن أنا ما أحب السرعة وأحاول التقيد بالانظمة ..
اللي معي بدون دبل ..

.
.

http://dc610.4shared.com/img/Dek0TBVh/s7/0.2973704696163276/IMG-20120418-00725.jpg?async

.
.
.

http://dc647.4shared.com/img/bCgr6nKR/s7/IMG-20130111-00347.jpg?async


http://dc647.4shared.com/img/4EuuEbLK/s7/IMG-20120619-01266.jpg?async


هذا الدبل ديزل 4 سلندر من الأمارات أو الكويت ..


T32_M3d2eD8



yu0_Wdz47MY


أتمنى أن أجربه لأن فيه ناس تمدحه بقوة والعكس !!؟



وجهة نظري ياغالي السيارة كاملة ! لأني ما أحتاج الوكيل الفاشل وصيانتها أحاول أسويها بنفسي والحمد لله ما أحتاجت شي مع اني أثقل عليها في التحميل او الطرق الجبلية الوعرة ..

قطعها معقولة جداَ ..

العيوب بس لو يصدرون لنا الأمريكي اللي بدبل واللي بدون والله ياكل السوق !!
اللي يجينا تايلندي ولا بأس به ومخصص لأجوائنا الجميلة , لكن الأمريكي أفخم ومكينته 4.0 \ 6 سلندر
قوة وشكل وفخامة وحوض وراحة يعني سيارة تطربك لكن اظن عدم قدومه بسبب الوكلاء الفاشلين ..
السيارة مجهزة جاهزة بس عطها الصعب وما تقول لا !! طبعا هو البيك أب رقم 1 في أمريكا بحسب الأحصائات عندهم ..

هذا فيديو بسيط له وفيه مليان له على اليوتيوب ..



aknYorGSLyc




بالنسبة للنافارا خرابات وأعطال قليلة والسبب مافيها أي تعقيد تقني وكهربائي !
مكينة ومكيف ومسجل وطارة هوا !! وش اللي بيخرب عليك ؟؟
يعني ماشاء الله نسيت الورش من يوم أخذتها ..


وميزة أخرى بالنسبة لي حديدها ماشاء الله ثـــــــقـــــــيــــــل !!!
ومتينة بشكل ماشاء الله بس ماتنفعك هذي النقطة في الطعوس الا اذا كبرت المكينة ..


ميزة بعد أن ملاكها عقال وكبار سن ^_^ بعكس الأخرى ..

شي ثاني فقط اذا أراد أي أحد أن يشتريها يتأكد من وجود مانع إنغلاق الفرامل أنه موجود لأنه خطير جداً مع المطر ,,,,
واحرص على الفئة الكاملة من ارباقات وخلافه ..

وسلامتك أخوي ..

[مدرب وطني]

سياره ماشاء الله قويه وبودي قوي
واقتصاديه
وواسعه ومرتفعه كأنها دفع رباعي
عيوبها القير غير سلس اثناء التبديل
الكلتش قوي نوعا ما
بعض اصوات الوزوزه في الطرق الترابيه
والعيب الاكبر في نظري هو انها تكتم وتوشك على الانطفاء حيانا في السرعات الاول او الثاني
ولا اعلم هل السبب البنزين الاخضر
سيارتي 2008. LE ماشيه 144000

[مدرب وطني]

الاخ رحال
اين اجد مانع الانغلاق وموقعه في السياره وشكرا

[yes999]

مانع الاغلاق = اول ماتشغل السيارة تشوف مكتوب abs في الطبلون
بحثت عن السيارة كثيرا مافيه غير العيسي يجيبها كوكيل وماعنده الفل كامل وغالي
الى في المعارض خليجي - وبدون ضمان - وهذا شي يخوف لو طلع عيب مصنعي تاكل هوا

البديل حاليا الكولاردو من شفرولية مناسب لكن هذي اول سنه له بالسوق السعودي 2013 وهذا عيبه

[أبو أحمد .]

بصراحة سيارة جبارة ، وتعبت كثير حتى حصلت عليها

[أبوشريدح]

العيوب ذكرها الاخوان

بالنسبة للمميزات :
1- صرفية البنزين حلوة جدا جدا
2- فخامة الديكورات
3- المساحة الداخلية اكبر مقارنة بمثيلاتها في السوق
4- قطع الغيار متوفرة حتى عند بعض الوكلاء الغير معتمدين والاسعا معقولة جدا
5- عزمها في الرمال ممتاز
علما اني بين كل فترة وفتره اسافر عليا الى ابها ومعروفة ابها كلها عقبات وطلعات
هذا ما يحظرني الآن
لكم تحيتي,,,,,,,,,,

[ناصح]

أنا اعتبرها سيارة مهظوم حقها

حيث السمعة للأنواع المنافسة رغم عيوب المنافس ونجاح النفارا

شكرا على الموضوع

[anas]

اهم شي .. كيف في البطناج ؟
هل مثل الددسن البيك اب ممتاز ام مثل الهايلكس يكسر الظهر ؟
شكرا لكم

[أبا مجاهد]

احسها قريبه من الباث فاندر لكن حوض
والباث سمعته طيبه

[ابونواف سعد]

اذكر اول ماجت النفارا ماكانت معروفه تجاوزتنا مع الطريق انا والوالد نيفارا بيضا قال ابوي وش نوع هالسياره المرقوع مقفاها

[عاشق الكنق2]

السلام عليكم ورحمة الله وبركاته. 1-الراحه 2-صرفيه البنزين 3قوة الحديد 4-الفرامل

[عاشق الكنق2]

وانتشارها الحين زاد عن أول بكثير. بالقرى والمدن. وأعذروني داخل من الجوال

[التعـ King ـديل]

سياره عزمها قوي جدا ومرنه وراسيه بالخط ومريحه عكس الددسن والهايلكس

سبب قله انتشارها عده اسباب اول مانزلت كان الفل كامل منها ب 64 الف وكانت ميزه منافسه جدا ولكن مع ارتفاع السعر بدت تقل خاصه ان الوكيل بالسابق ماكان يجيب كميه كبيره وموديلات 2012 و 2013 مانزلت عند الوكاله سبب كافي لعدم انتشارها

[.أبوعبدالرحمن]

أشكر الجميع على ردودهم المفيدة وفي انتظار البقية حتى نصل إلى نقطة

اتفاق ،، والسيارة مبدئيا سبب عدم انتشارها في الآونة الاخير هو بسبب

الوكيل وتوقف موديل 2012 في سيارات نيسان

[الربذي]

موضوع يستحق النشر وفعلا اعتبرها السيارة المنسية

[.أبوعبدالرحمن]

موضوع يستحق النشر وفعلا اعتبرها السيارة المنسية



صدقت لهذا كتبت الموضوع

[آه ياقلبي]

ماشاء الله السياره روووووعه
عيبها
1-تنافز مهي موريحه
2-اذا حملتها تقوم تلعب مهي راسيه بلخط اذا تحملت اذكر حملتها زكاه كلها رز وصلت للجناح الرز االله لايوريكم
قامت تلعب عكس الميتسوبيشي كانت ثابته
3- مثل ماذكروو الاخوان قبل في قرقره في الكلتش من اول ماشرتها بشهر بس العزم قوي في الطعوس
هاذي العيوب
السياره عموما قويه ماشاء الله
تقبلو تحياتي (اخوكم فزاع الشهري)

[ابو هاجسس]

خلاصة الموضوع السيارة قويه اقتصاديه لكن ما تصلح للتحميل .

[((ابوملاك))]

http://dc610.4shared.com/img/Dek0TBVh/s7/0.2973704696163276/IMG-20120418-00725.jpg?async

.
.
.

http://dc647.4shared.com/img/bCgr6nKR/s7/IMG-20130111-00347.jpg?async


http://dc647.4shared.com/img/4EuuEbLK/s7/IMG-20120619-01266.jpg?async


هذا الدبل ديزل 4 سلندر من الأمارات أو الكويت ..


T32_M3d2eD8



yu0_Wdz47MY


أتمنى أن أجربه لأن فيه ناس تمدحه بقوة والعكس !!؟



وجهة نظري ياغالي السيارة كاملة ! لأني ما أحتاج الوكيل الفاشل وصيانتها أحاول أسويها بنفسي والحمد لله ما أحتاجت شي مع اني أثقل عليها في التحميل او الطرق الجبلية الوعرة ..

قطعها معقولة جداَ ..

العيوب بس لو يصدرون لنا الأمريكي اللي بدبل واللي بدون والله ياكل السوق !!
اللي يجينا تايلندي ولا بأس به ومخصص لأجوائنا الجميلة , لكن الأمريكي أفخم ومكينته 4.0 \ 6 سلندر
قوة وشكل وفخامة وحوض وراحة يعني سيارة تطربك لكن اظن عدم قدومه بسبب الوكلاء الفاشلين ..
السيارة مجهزة جاهزة بس عطها الصعب وما تقول لا !! طبعا هو البيك أب رقم 1 في أمريكا بحسب الأحصائات عندهم ..

هذا فيديو بسيط له وفيه مليان له على اليوتيوب ..



aknYorGSLyc




بالنسبة للنافارا خرابات وأعطال قليلة والسبب مافيها أي تعقيد تقني وكهربائي !
مكينة ومكيف ومسجل وطارة هوا !! وش اللي بيخرب عليك ؟؟
يعني ماشاء الله نسيت الورش من يوم أخذتها ..


وميزة أخرى بالنسبة لي حديدها ماشاء الله ثـــــــقـــــــيــــــل !!!
ومتينة بشكل ماشاء الله بس ماتنفعك هذي النقطة في الطعوس الا اذا كبرت المكينة ..


ميزة بعد أن ملاكها عقال وكبار سن ^_^ بعكس الأخرى ..

شي ثاني فقط اذا أراد أي أحد أن يشتريها يتأكد من وجود مانع إنغلاق الفرامل أنه موجود لأنه خطير جداً مع المطر ,,,,
واحرص على الفئة الكاملة من ارباقات وخلافه ..

وسلامتك أخوي ..


اي احصائيات اللي تتكلم عنها اللي تكون هي بيك اب رقم واحد بامريكا البيك اب رقم واحد بامريكا فورد تليها جي ام سي تليها تويوتا تليها دودج رام تليها وبالمركز الاخير نيسان تيتان ما يعرفون شئ اسمه نافارا

مع رجل اختي وحده السياره فاشله لابعد الحدود الكلتش زباااااااله وانتم بكرامه والقير فيه قره

افضل مافيها اوسع من الددسن من ورا

[رحال السراة]

اي احصائيات اللي تتكلم عنها اللي تكون هي بيك اب رقم واحد بامريكا البيك اب رقم واحد بامريكا فورد تليها جي ام سي تليها تويوتا تليها دودج رام تليها وبالمركز الاخير نيسان تيتان ما يعرفون شئ اسمه نافارا

مع رجل اختي وحده السياره فاشله لابعد الحدود الكلتش زباااااااله وانتم بكرامه والقير فيه قره

افضل مافيها اوسع من الددسن من ورا


أنت جاي مدرعم وأشكرك على ذوقك أخي !
أنا لم أقصد الشاحنات البيك أب ( أي البيك أب الكبير السييرا والفورد 150 والطقة )
الفئة اللي أقصدها في الأحصائية : ( هايلكس , دي ماكس , فرونتير نيسان (نافارا ) , متسوبيشي إل 200, فورد رنجر , فولكس واجن أماروك , وأنواع كثيرة لاتصدر إلينا ) طبعا هذي البعض منها مكائنها 6 سلندر وللأسف اللي يجينا مضروب أو ناقص لامن تيوتا أو خلافه ..
وهذا مصدري :

http://usnews.rankingsandreviews.com/cars-trucks/rankings/Compact-Pickup-Trucks/

http://usnews.rankingsandreviews.com/cars-trucks/Nissan_Frontier/

دمت بود ..

[ستر الله]

معي 2008 شريتها من الوكالة
في المجمل السيارة جيده
لكن مشكلة
1- طرمبة البنزين.
2- علبة الدركسون .
3- زقزقة في الكلتش .
وجدتها في سيارتي والعامل الي في قطع الغيار اكد لي كثرت الطلبات على هذه القطع

وهذه المشاكل كل ولله الحمد في سيارتي بالاضافة الى ( الجلد اللي على القير والبريك ) تكسرت مساكاتها من الداخل والظاهر هذا من الحرارة .

دمتم بود .

[abubassam400]

انا اقدر السياره ذي والله
واتمنى احصل عليها بشرط تكون مكينة فوق 3 وتكون 6 سلندر ودبل

[الرجل الحجري]

السلام عليكم
من واقع تجربة السيارة للتحميل والكرف والمشاوير ممتازة وكذلك فرامل عجيبة وراسية عكس الهيلوكس ومكيف ثلج
العيوب مكينتها ضعيفة واصوات قرقرة في القير
وسلامتكم