لكل ملاك الشاصات الجديدة 000وقبل وقووع المصيبه

[شبل داورد 1]

السلام عليكم ورحمة الله
نصيحه لوجه لله تبارك وتعالى
لكل من يمتلك شاص من الجدد المكينه الجديد أم راسين
يوجد مسمار يسمى مسمار الثلاجه وهو صغير جداً يمسك قطعه طول الاصبع هذي هي بعد فكها من جيب شاص 2012

http://www.m5zn.com/newuploads/2013/03/30/jpg//m5zn_ce58c849a49b78f.jpg



القطعه هذي مالها اي فائده وجودها ضرر مع الوقت ينحل المسمار ويطيح على البستم السادس ويجيم به
وتم فك القطعه من اكثر من سياره ولم نلاحظ ولاحاجه


وبحيث اني صاحب ورشه واعرف اهل الصناعيه كلهم
شفت اكثر من جيب مخبط خصوصاً الشاصات 2011 و 2012
وهذا 3013 صورته لكم




http://www.m5zn.com/newuploads/2013/03/30/jpg//m5zn_5a539b73022a16e.jpg




نصيحه لله فك المسمار قبل ان تخسر المكينه


ارجو نشر الموضع لتعم الفائدة

[مخ سعودي]

بيض الله وجهك على تلك النصائح لكن لدي استفسار اليست المكينه نفسها على الشاص هي نفسها على اللاند والافجي وهل العيب يشمل جميع من يملك نفس المكينه

[شبل داورد 1]

بيض الله وجهك على تلك النصائح لكن لدي استفسار اليست المكينه نفسها على الشاص هي نفسها على اللاند والافجي وهل العيب يشمل جميع من يملك نفس المكينه

نعم المكينه نفسها بس الغريب في الامر ان الشاص بالخصوص هو الذي يخبط حتى انه بشكل ملحوض في الصناعيه
ولا القطعه تم فكها من اكثر من سياره غير الشاص للحيطه والحذر

[anas]

جزاك الله خير
اجل نحول على الفتك الحوض احسن

[fj43 84]

طيب الربع 2013 البريمي ما فيه مصمار مكبوس كبس وهذي الصوره فاكه واحد من العايل وحصلها مكبوس كبس وبعدين الشاص 2013 بريمي ولا لا اشوفه رفارف


http://www.mekshat.com/pix/upload06/images/2013/01/mk268872_nvm,mjb.jpg

[فتك480002]

بيض الله وجهك على النصيحة

[ملك الفكتوريا]

وش السالفة يا شباب

سيارة بهاك القيمة وبالاخير مسمار يسبب تخبيط بالمكينه


والرد اللي فوق يقول البريمي مكبوس مو مسمار


يعني البلا بأبو جميل

[شنطة عده]

اكاد اجزم انها مقصودة

بالاتفاق مع الوكيل
لماذا البريمي مكبوس وهذا مسمار!!!
وفي مكان حساس جداً يكلف الكثير من القطع
لو كانت السياره صينية بنقول صناعة ردئية
اما ان يكون الخطاء المصنعي من شركة بحجم تويوتا فلا يمكن تفسيره الا انه حيله قذره من الصانع والمستورد
كون المستوردين الاخرين يحصلون على تصميم يتفادى المشكله
ولاحظ معي ان التعديل لا يكلف الشركه اي مبلغ يذكر!!!!

[الهاص]

لاتخرب على الشيخ عبداللطيف جميل كيف تبي قطع غيارهم تمشي

[fate]

جزاك الله خير
اجل نحول على الفتك الحوض احسن

عاد مكينة الفتك من 2002 وهي فيه مشكلة مسامير الثلاجة ولا بعد تفادوها الى لان

[GX8v]

صدقت اليوم محصل شاص 2013 مخبط في صناعية الدوادمي

[باارود]

السلام عليكم ورحمة الله

كثر الكلام حول مسمار الثلاجة وتسببه لتلف المكينه لاسمح الله

وبعض الاخوان ارفق صور حول الموضوع

واغلب الناس لخوفه على سيارته ومن باب الاحتياط يدور اقرب ورشة ويفكه حتى لو كان غير مقتنع وهذا غلط الا في حال تأكد هذا الشي لكي لا يقع في مشاكل اخرى وخساير مالها اي مبرر

السؤال ما مدى صحة هذا الكلام ولماذا يتسبب في تلف المكينة في حال سقوطه

انا بصراحة غير مقتنع حتى الان لانه موجود من مويلات قديمه وبعضها ماشيه مسافات طويله ولم تتعرض لتلف في المكينه

ياليت الي يقول انه يسبب تلف للمكينه يذكر السبب بالتحديد وبشكل واضح ومنطقي

والله يحفظكم ويرعاكم

[هايل العتيبي]

والله شي يقهر
صار النصب عادي عندهم

[escape_man]

كنت مثلك غير مقتنع واعارض فكه وتدور الايام ويطيح بموترك :)

لا والموتر كان جديد وما مشى شي والان بعد فكته ولله الحمد ماتغير شي سوى زيادة الإطمئنان

والراحة النفسية

[محسن اليامي]

انا لا زلت مثلك غير مقتنع

[باارود]

كنت مثلك غير مقتنع واعارض فكه وتدور الايام ويطيح بموترك :)

لا والموتر كان جديد وما مشى شي والان بعد فكته ولله الحمد ماتغير شي سوى زيادة الإطمئنان

والراحة النفسية

المشكله اني ماحصلت معلومه اكيده موثقه بصور ميكانيكية توضح خطورته
ودخلت على رابطة ملاك الربع لقيت البعض يقول لا ينظحك عليكم مافيه خطورة
لذالك نفسي ما تطاوعني ادخل السيارة ورشة وفكفك السيارة الا اذا تاكدت 100٪
الله المستعان من وين طلعلنا هالمسمار

[العابر2222]

المشكله تشمل الأف جي

حصلت لاكثر من سياره للزملاء

[sgl2002]

المعلومة اكيده مافيها كلام ولا يختلف عليها اثنين

لكن الفرق انه ممكن يطيح وممكن لا

واذا طاح يدخل داخل غرف الاحتراق ويعدم البستم

والمشكله هذي قديمة وكانت موجوده بالفتك حتى عام ٢٠٠٧

[ابو شـــــادن]

مسمار الثلاجة بالنسبة لي ما فكيته الموتر وماشي فوق المية مديلة عشرة ولا لاحظت شي

وكذا واحد معه شاص جديد ولا فك المسمار وامورهم مضبوطه

بالنسبة للفتك كان معي وفكيت المسمار خفت على المكينة لانها غالية بالحيل

عندي سؤال واحد معه شاص عشرة صفر العداد من جديد وشلون ما يدري طبعاً رجال كبير وراعي ابل فيه احد مرة عليه السالفه هذي

[راعي الصنف]

الشاص 2012 بريمي كبس والا مسمار ياراعين الخبرة

[الضابط كروزر]

المكينة من 2003 على البرادو ولا شنفا مشاكل فيها

كلها اشاعات

[almutlaq1415]

الشاص 2012 بريمي كبس والا مسمار ياراعين الخبرة


الشاص 2012 بريمي مسمار وانا اخوك .

تحياتي .

[الرحال 2003]

اللي سمعت ان التايوتا 2013 صلحو المشكله من المصنع على كلام راعي معرض

[الرحال 2003]

اللي مهب مقتنع يروح لورشة ابوخالد الخضير ببريده ويشوف بنفسه
واحد من الشباب شراء شاص 12 وقلت له فكه احسن ورحت انا واياه لبوخالد وفكيناه وحصلنا شاص 12 توه
مطبق مكينته بسبب المسمار فكه بـ170 ولا فك المكينه بـ 5000 ويقول اللي انتاجه شهر 11 /2012 مصلح من بلاده بس منب متاكد هو قالي شهر 11 او لا واللي يبي يتاكد يدق عليه ويسأله عن شهر
الله يوفقنا واياكم لما يحب ويرضى

[ls1.5700]

انا مثلك اسمع من الناس ولا شفت بعيني
موتري فتك 2006 وفيه المسمار مافكيته لاني ماني مقتنع
قعد معي الموتر حول سنتين وبعته هو ومسماره ههههه
نصيحه لاحد يسمع اشاعات ويصدق
اذا ماشفت بعينك لاتصدق غيرك
في أمان الله

[ls1.5700]

ماخليتو سياره ماقلتو فيها مسمار يطيح
قلتو الشاص والربع والفتك والهايلكس والبرادو وال اف جي والباثفندر
والجي اكس ار
يعني خلاص نركب ام عزيز اصرف لنا مابه مسمار هههههه ام عزيز اللي هي الددسن

[fj43 84]

البريمي الربع 2013 مكبوس كبس

[الحربي حاتم]

حسبنا الله ونعم الوكيل تجار إرهابيين وغشاشين ولا من يردعهم الكل نايم

[لاتكب البيالة]

انا فكيته من موتري سفاري 09
السبب اني اول ما شريت موتري وطاح عند واحد اعرفه ويبهذله بين الوكالة والورش قلت افكه واريح راسي
طبعا لم الاحظ اي فرق

[قد السهر]

شكرا لك يالغالي

[ABO BADEER]

وترا الفورشنر نفس الكلام
مع واحد من الشباب 2012 ماشي 5الاف طاح المسمار وخبطت المكينه


الله يستر على موتري:eek:

[لهذام]

بيض الله وجهك على النصيحة ووفقك لكل خير

يوم عن يوم تزداد ثقتي بالسيارات القديمة

الجديدة أصبحت غير آمنة وتشيل همها ولاتشيلك.

[صدى الاطلال]

والله مصيبة ؟؟؟!!!!
تويوتا في انحدار من 2008 للجيوب الصالون
وانحدرت من 2010 للربع والشاص
وانحدرت من 2007 للكامري
اقولها واقسم بالله اني من عشاق تويوتا ولكن الشمس ماتحجب بغربال

[بدوي جنوبي]

اذا السياره موديلاتها 2011 و 12 و 13 مخبطه
ليه ما تصلح في الوكاله على الضمان ؟

انا أستغرب من اللى يصلح على حسابه في الورش

*بعض العيوب المصنعيه اللى موجوده في السيارات
معقوله المصنع ما يدري عنها
او ان الوكيل يتعمد ترك هذا العيب ولا يقوم بأبلاغ المصنع لتلافيه في الموديلات الجديدة

[مضارب سيارات]

عفوا تخبيط الشاصات والربع بسبب الدعس للاخر او كما يسمى التقطيع عند الشباب وبما ان المكينة قوية وجرم المكينة زهر اكيد البستم راح يكسر الجرم فقط لاغير

كلام خبير صاحب خبرة اما البقيه فشغل اصحاب ورش يعني دعاية

[anas]

عفوا تخبيط الشاصات والربع بسبب الدعس للاخر او كما يسمى التقطيع عند الشباب وبما ان المكينة قوية وجرم المكينة زهر اكيد البستم راح يكسر الجرم فقط لاغير

كلام خبير صاحب خبرة اما البقيه فشغل اصحاب ورش يعني دعاية


هذا الكلام اللي يجمد على الشارب
المشكلة يا الربع بالدعسسسسسسس حتى التقطيع ....

[sgl2002]

اذا السياره موديلاتها 2011 و 12 و 13 مخبطه
ليه ما تصلح في الوكاله على الضمان ؟

انا أستغرب من اللى يصلح على حسابه في الورش

*بعض العيوب المصنعيه اللى موجوده في السيارات
معقوله المصنع ما يدري عنها
او ان الوكيل يتعمد ترك هذا العيب ولا يقوم بأبلاغ المصنع لتلافيه في الموديلات الجديدة

البريمي ماعليه ضمان

[ابونبيل]

البريمي ماعليه ضمان

انا موتري خليجي وداخل في ضمان ابوجميل

[ALBDRANE]

شر البلية ما يضحك .....بالامس يقولون ابعد عن الفتك تفكك مسامير الثلاجة ثم يخبط .....والحين انتقلت السالفة للشاص والتايوت.... . يعني سيم سيم صديق . !!
من كثر ماخوفوني فكيت المسامير .ومن بعدها والسيارة صارت تصرف بنزين اكثر من الاول .

[ALBDRANE]

الصراحة من كثر ما سمعت انه خطير كنت رايح لورشة متخصصة لتغيير البواجي وقالي المهندس تحتاج تنظيف للثلاجة على دربك قلت وبراسك وقالي وش رايك دامك فكيت الثلاجة تفك المسامير قلت وبراسك .
المهم الي لاحظته ان صرفية البنزين زادت شوي يعني نقص ممشى التانكي في الخط حدود مئة كيلو .
السيارة فتك والامور تمام والحمدلله .

[escape_man]

انا مثلك اسمع من الناس ولا شفت بعيني
موتري فتك 2006 وفيه المسمار مافكيته لاني ماني مقتنع
قعد معي الموتر حول سنتين وبعته هو ومسماره ههههه
نصيحه لاحد يسمع اشاعات ويصدق
اذا ماشفت بعينك لاتصدق غيرك
في أمان الله

http://i24.photobucket.com/albums/c32/tomnius/pathfinder2002/Pathfinder_005.jpg

تقولك المقولة والي تنم عن حكمة قائلها (السعيد من وعظ بغيره)

مشكلة الشعوب العربية انها تطلق على كل مالم يصل اليه فهمها او يخالفه بانه اشاعة بدون تقصي الأمر و اثبات حقيقة تلك الشائعة.

مثلا: انا قلت ان المشكلة هذي حصلت لي شخصيا.
شخص آخر قال انا مريت على ورشة الخضير ولقيت موتر مخبط بسبب هالمسامير.
وثالث ورابع وهكذا ...

طيب انت يا LS1 مع احترامي لرأيك الا اني اراه ضار للغير .. هل تقصيت الحقيقة ودعست على بحث قوقل او مكشات لصاحب المعرف بن غييثات ووجدت مشاركاته الي كانت تستخف بالرأي القائل بشل هالمسامير بزعم انها تصميم وكالة والمفروض ماينلعب فيها حتى وقعت الفاس بالراس وطاحت بموتره وطلع تقرير الوكالة بانه مسمار ثلاجة طايح بالسلندر وكلفتي تغييره 910 ريال وبعده فكيت كل المسامير عند ورشة الثنيان بـ 200 ريال تقريبا.

هل كلفت على عمرك ووريت احد الورش المذكورة وتاكدت بنفسك من صاحب الورشة والفنيين واصحاب المواتر الي صارت لها المشكلة.

لا يالغالي .. الامر ليس باشاعة واتحدى من يثبت انها اشاعة ومفتاح موتري له.

لمزيد من الاطلاع ولاخباركم ان المشكلة عيب مصنعي شائع حتى على النيسان الخليجي ابحثو بقوقل عن Pathfinder Power valve screws

او اضغط على الروابط التالية:

http://www.justanswer.com/nissan/1quvm-2002-pathfinder-recently-diagnosed-severe-engine.html

http://forums.nicoclub.com/threadlocker-on-power-valve-screws-pics-t304263.html

http://www.nissanforums.com/pathfinder/140099-pathfinder-power-valve-failure.html

تحية لكم

[طايربلي جنااح]

الي مو مصدق يمر ورشة الجربوع بصناعية السليم ببريده ويشوف الحوضه والربوع والافجي والفورنتشر

تغيرت هي من النيسان الا التايوتاا اول الباث والفتك واللحين جا وقت التايوتا والتوضيف يقص من ال 8000 وانت طالع والنيسان ارخص توضيبه

[باارود]

بيض الله وجيهكم جميعاً

[اتجاه السحاب]

السعيد من وعض بغيرة.. ولاسيما أن فك المسمار مافية ضررعلى السيارة

[x.ls1.x]

المسمار مافيه مشكله بنفسه المشكله انه يطيح وبوسط السلندر ويعدم باقي العفش هذا المقصد

[على رمشي تمشي]

احد الزملاء فورشنر 2012 طاحت عليه المسامير وكنا راجعين من النفود والرجال لا يدعس او يتفتف كما قالو الشباب - اعتقد من استخدام السيارة في الروحات والجيات ترتخي المسامير وتطيح بالمكينة - وداه للوكالة وسقطو له مكينة جديدة على حساب الضمان - بينما ولد عمي معه شاص 2010 سعودي يروح ويجي عليه وماشاء الله حتى انه ماشي حول 200

[بدوي جنوبي]

انا موتري خليجي وداخل في ضمان ابوجميل

وانا سيارتى خليجي ودخلتها ضمن توكيلات الجزيره غصب عنهم يقبلها الوكيل
لانه وكيل شرق أوسط ،، وصار فيها خلل مرتين وصلحتها على الضمان

[الصقار10]

السلام عليكم
هل فيه احد يقدر يورينا بالصور وين مكانه وكيف يفك .؟:eek:
لانه بصراحه كنكم تكلمون عن بيض صعو نسمع به ولا نشوفه ..:D

[كبسولة2]

المسمار يسقط داخل المكينة بسبب الأستخدام السيئ للسيارة

الي يدعسون بنزين عشان يقطع الموتر وهذه الحركة اذا هي من المسمار وجاي طيب

البعض ينكسر عمود الكرنك داخل المكينة او يلوح بسبب الضغط الزايد

[GXR95]

مكينة الاف جي والجي اكس والجي اكس ار 6 سرندل والبرادو تختلف عن مكينة الربع والشاص في عدد الاحصنه
مكينة الربع والشاص الحاليه تذكرني بمكاين الباثفندر 2005 ونازل تجي 6 سلندر راسين كان معي واحد مطلعه من الوكاله على الزيرو وينقص زيت وتسمع قرقعة البساتم داخل السرندل وصوت مزعج للمكينه وفيها مسمار لهات الثلاجه و دعسه كهربائيه يبرد عزم الموتر في التغاريز غصب عن السواق
والان لي رغبه بشراء جيب ربع ولكن متخوف من مكينته بصراحه فاشله المكينه الحاليه وماراح اشريه الا اذا غيروا مكينته

[ابوصالح3]

طيب ياشباب فهمنا أبوجميل ينصب علينا ؟؟؟؟؟؟؟؟ وش نسوي ووشلون نرد عليه ؟؟؟؟؟

الحل هو المقاطعه ؟؟؟؟؟؟؟ فقط ؟؟ والا حماية المستهلك ومكافحة الفساد نايمين

[escape_man]

المسمار يسقط داخل المكينة بسبب الأستخدام السيئ للسيارة

الي يدعسون بنزين عشان يقطع الموتر وهذه الحركة اذا هي من المسمار وجاي طيب

البعض ينكسر عمود الكرنك داخل المكينة او يلوح بسبب الضغط الزايد

ابوفارس .. مساك الله بالخير

مرحبين بالنقاش معك بهالموضوع

مسمار الثلاجة عيب مصنعي بجميع المحركات من الطرازVQ35

مسامير صغيرة تنحل وتسقط بالصمام .. سوء الاستخدام غير وارد لانها طاحت

على كذا شخص والموتر شبه جديد وتلاقي مسمار من 12 مسمار هو الي كان مرتخي

ومحلول.

بعض الميكانيكيين وخاصة بالدول الاجنبية يستخدمون معه غراء مثل هالي بالصورة

http://www.rap4.com/images/Threadlocker/Loctite_Threadlocker_Red.jpg
ولكن كونه معرض للحرارة فماراح يكون مثالي للاستخدام.

فكيته وفكوه الشباب من سياراتهم من 6 او 7 سنين ولله الحمد لايوجد اختلاف ابداً.

وهذا اقتباس من محضر محكمة من قبل المدعي لحقوق المستهلك في امريكا الشمالية ضد فرع شركة نيسان باميركا الشمالية بعد ما فقدو مكاينهم بسبب مسمار الثلاجة


In November 2009, Winkler heard a loud noise while driving the Pathfinder. He had the vehicle towed to an authorized Nissan dealer. The dealer advised him that one or more power valve screws had loosened, detached and fallen into the engine, requiring it to be rebuilt or replaced. Nissan refused to replace the engine, as the warranty period had expired. Winkler had his engine rebuilt at a cost of $3,850 and spent $600 in rental car charges


هذا احد المستهلكين اسمه وينكلر سمع صوت ضوضاء اثناء قيادة لباثفايندر. سحب السيارة الي الوكيل المعتمد. واخبره الوكيل بانه مسمار او اكثر من مسامير البور (نسميها الثلاجة لانه يتم فيها خلط الهواء وتوليد القوة للصمامات) هذه المسامير قد حلت ووقعت داخل المحرك ويحتاج الآن الي اعادة توضيب او بناء او التغيير. نيسان طبعا رفضت استبدال المحرك لانتها فترة الضمان وغيره بـ 3.850 دولار ودفع ايجار سيارة بديله 600 دولار.

[GXR95]

ما اعتقد ان مكينة السعودي يفرق عن البريمي او الخليجي
و اي شاص او ربع يكون الفرق فقط في المواصفات والاكسسوارات اما المحركات اتحدى اي واحد يقول عكس ذلك كلها نفس الشي

[مواطن مدني]

عندنا 2010 ماشي 170 الف وكالة الساير ومافيه الا العافية واول مره نسمع هالسالفة من هالموضوع
دام السيارة على الكفالة مايهم ولا راح اشيل مسمار ولا شي خله يخرب ان كان فيه مشكلة والوكالة تحمل الضرر
واعتقد والله اعلم ممكن تكون بفعل فاعل او من العبث بالسيارة والترهيم اللي ماله سنع من تزويد وخلافه
الافضل الواحد يخلي موتره شد بلد ولايعبث فيه ولا حتى يوديه لكراجات غير الوكالة دامه على كفالتها وريح راسك

[سوبربنلي90]

نصيحه لكم خلو عنكم الورشات الي ينصبون على الناس وان المسمار يطيح كذا من نفسه لا والف لا اسباب طيحه المسمار معروف يجيك واحد موقف عند الاشاره وبعدين يدعس بنزين لاخر شي لين يوصل الضغط على الحمر وتقوم المكينه تفتف وتهتز المكينة لين يرتخين المسامير ويطيح من قوة هزهزه المكينه خطر مايطيح الراكب مهوب المسمار واذا خبط قال عيب مصنعي ليه ماتقول العيب منك عند كل اشاره تفتفه ومايبي المسمار يطيح

[محمد الهوته]

مساء الخير انا كان معي فتك 2006 وخبطت المكينه بسبب المسمار وكلفني 12000ريال
وكرهت الموتر وبعت الموتر وخسرت في بيعته 20000الف وتوضيب12000+32000ريال
ولا الي يقهرني خرب علي وانا كنت مسافر من الرياض الى الاردن وخبط على الحدود بغيت اصيح من القهر الشكوى لله

[رحال7]

ما احد رد على سؤال بدوي جنوبي

ليييييييه موتر 2013 يتصلح خارج الوكالة

يعني مستحين او خجلانين من الوكالة !؟؟؟

وإلا تبون تتصدقون على الورش

الوكيل يتحمل الإصلاح رغم عنه
اتقوا الله يا مسلمين

[مواطن مدني]

السلام عليكم
هل فيه احد يقدر يورينا بالصور وين مكانه وكيف يفك .؟:eek:
لانه بصراحه كنكم تكلمون عن بيض صعو نسمع به ولا نشوفه ..:D


ونا بعد اتمنى اشوف كيف صاير هالمسمار ..

[عبدالرحمن السالم]

اكيد هالمسمار ماحطوه عبث بس صدقني ماضربو لها حساب انها تطيح خصوصاُ مع الاستخدام بالروحات والجيات ترتخي هالمسامير وتطيح ، وخصوصاُ في استخدام السيارة في البر او النفود لانها تاخذ مجهود اكثر ، اذا تبي تتأكد ممكن تفك مكينتك وتأكد من المسمامير هل هي مرتخيه او مشدوده ، والافضل فك المسامير ولا عليها مضره ان شاء الله ، ولا قالو هالكلام الا عن ناس صارت لهم وحصلت لهم اكيد
اما عن بن غييثات انا اشهد انه ماكان مقتنع نهائي بفكتها رغم اننا في الرابطة اغلبهم فاكين المسامير إلين ماطاح عليه مسمار وفكها واقتنع بموضوعها

[عبدالرحمن السالم]

مكينة الاف جي والجي اكس والجي اكس ار 6 سرندل والبرادو تختلف عن مكينة الربع والشاص في عدد الاحصنه
مكينة الربع والشاص الحاليه تذكرني بمكاين الباثفندر 2005 ونازل تجي 6 سلندر راسين كان معي واحد مطلعه من الوكاله على الزيرو وينقص زيت وتسمع قرقعة البساتم داخل السرندل وصوت مزعج للمكينه وفيها مسمار لهات الثلاجه و دعسه كهربائيه يبرد عزم الموتر في التغاريز غصب عن السواق
والان لي رغبه بشراء جيب ربع ولكن متخوف من مكينته بصراحه فاشله المكينه الحاليه وماراح اشريه الا اذا غيروا مكينته

اعتقد المكاين وحده إلى يفرق الوزن وكل السيارات من تالي دعسته كهرب راح زمن السلك وليته يرجع

[escape_man]

السلام عليكم
هل فيه احد يقدر يورينا بالصور وين مكانه وكيف يفك .؟:eek:
لانه بصراحه كنكم تكلمون عن بيض صعو نسمع به ولا نشوفه ..:D

اذا فتحت الكبوت يجيك فوق المكينة المجمع الي فوق الانتيك الثلاجة او مشعب الهواء وهذا الانتيك مثل العلبة الي واصل فيها عدد من الحساسات للقيام بدور تنظيم مقدار الهواء الي راح يدخل لاسطوانة الاحتراق.

هذي صورته

http://i246.photobucket.com/albums/gg108/michen00/NPORA/163-6319_IMG.jpg


اذا فكيته تلاقي الصمامات حقت الثلاجة والي راكب فيها المسامير

هذي يشيلونها بمساميرها او يحطون عليها غراء او يعكفونها .. كل وطريقته.

https://encrypted-tbn1.gstatic.com/images?q=tbn:ANd9GcSmwIfHvk8lNvAnsCiujN0m0_47sC62X DuEkWl01gSVXYF3DAfz

[escape_man]

اكيد هالمسمار ماحطوه عبث بس صدقني ماضربو لها حساب انها تطيح خصوصاُ مع الاستخدام بالروحات والجيات ترتخي هالمسامير وتطيح ، وخصوصاُ في استخدام السيارة في البر او النفود لانها تاخذ مجهود اكثر ، اذا تبي تتأكد ممكن تفك مكينتك وتأكد من المسمامير هل هي مرتخيه او مشدوده ، والافضل فك المسامير ولا عليها مضره ان شاء الله ، ولا قالو هالكلام الا عن ناس صارت لهم وحصلت لهم اكيد


اما عن بن غييثات انا اشهد انه ماكان مقتنع نهائي بفكتها رغم اننا في الرابطة اغلبهم فاكين المسامير إلين ماطاح عليه مسمار وفكها واقتنع بموضوعها


الله يجزاكم خير بهالرابطة .. سمعت صوت خرفشة باعلى المكينة والموتر جديد وقلت اكيد هذي المسامير الي يهرجون عنها العيال.

ابوسالم صورة التوقيع حلوه ولكن شكلها يوحي بخيانة عظمى لاعضاء الرابطة :f

[عبدالرحمن السالم]

الله يجزاكم خير بهالرابطة .. سمعت صوت خرفشة باعلى المكينة والموتر جديد وقلت اكيد هذي المسامير الي يهرجون عنها العيال.

ابوسالم صورة التوقيع حلوه ولكن شكلها يوحي بخيانة عظمى لاعضاء الرابطة :f

لو تشوفها بجودتها العاليه تخق اكثر :p وبعدين وشو خيانته موتري وموتر واحد من العيال وباترول وشروكي وترا بعد إلى صور معه باثفندر بس ماطلعت بالصوره :p

إلى بيشوف شكل المسمار هذا هو للتويوتا
http://im15.gulfup.com/mG7p1.jpg

وهذا حق النيسان :p
http://www.nissan-arabia.com/vb/images/imgcache/2011/05/133.jpg

[المميـز]

:

موضوع حلو ونقاش مقنع
لكن المشكله لازم الواحد يروح للقصيم علشان يفك المسامير
والا امرها هين اي ميكانيكي يفكها ؟

:

[التعـ King ـديل]

عاد مكينة الفتك من 2002 وهي فيه مشكلة مسامير الثلاجة ولا بعد تفادوها الى لان


الفتك من 2007 مافيه هالمشكله واغلب الفتكات اللي خبطت من 2006 وتحت ،، وعلى فكره ممكن يمشي الموتر 300 الف و500 الف ولا يجيه شي ،، هو عيب مصنعي اوكي ولكن فيه عيب ممكن مايظهر الا من الاستخدام

[التعـ King ـديل]

اللي سمعت ان التايوتا 2013 صلحو المشكله من المصنع على كلام راعي معرض


المشكله مازالت موجوده ،، وصاحب المعرض بيسوق سيارته علشان مايبلش

[التعـ King ـديل]

البريمي ماعليه ضمان


البريمي تصلحه الوكاله على الضمان ويصلحه العضيب على الضمان

[التعـ King ـديل]

طيب ياشباب فهمنا أبوجميل ينصب علينا ؟؟؟؟؟؟؟؟ وش نسوي ووشلون نرد عليه ؟؟؟؟؟

الحل هو المقاطعه ؟؟؟؟؟؟؟ فقط ؟؟ والا حماية المستهلك ومكافحة الفساد نايمين


المقاطعه ولا حمايه المستهلك نايمه بالعسل ومكافحه الفساد ماتقدر عليهم :good2:

[التعـ King ـديل]

ما اعتقد ان مكينة السعودي يفرق عن البريمي او الخليجي
و اي شاص او ربع يكون الفرق فقط في المواصفات والاكسسوارات اما المحركات اتحدى اي واحد يقول عكس ذلك كلها نفس الشي


انا اتفق معك :good2:

[مزدهر]

http://mekshat.com/vb/showthread.php?t=512552
شرح سابق لي عن مشكلة المسمار وطريقة الازالة بالتفصيل الممل

[escape_man]

:



موضوع حلو ونقاش مقنع
لكن المشكله لازم الواحد يروح للقصيم علشان يفك المسامير
والا امرها هين اي ميكانيكي يفكها ؟


:



انت الي احلى يالمميز وشاكرين طلتك ومتابعتك

اذا انت بالرياض فعندك عدة ورش تشتغل هالشغلة وانت واقف لكني ما اعرف منها الا ابوابراهيم (ورشة الثنيان) . عندك بعد الدوسري حوله بصناعية الدايري مخرج 17 ويذكرون واحد اسمه رشيد بالصناعية القديمة. علمها كله عن رابطة الباثفايندر ولا رفيقنا عبدالرحمن السالم الي له مشاركة قبل مشاركتي بطقتين.

[علي ابن]

تواترت عند الناس
واعرف ويعرف الكثير انا خبطت سياراتهم بسبب المسمار

[المميـز]

انت الي احلى يالمميز وشاكرين طلتك ومتابعتك

اذا انت بالرياض فعندك عدة ورش تشتغل هالشغلة وانت واقف لكني ما اعرف منها الا ابوابراهيم (ورشة الثنيان) . عندك بعد الدوسري حوله بصناعية الدايري مخرج 17 ويذكرون واحد اسمه رشيد بالصناعية القديمة. علمها كله عن رابطة الباثفايندر ولا رفيقنا عبدالرحمن السالم الي له مشاركة قبل مشاركتي بطقتين.





الله يجزاك خير ويبيض وجهك ماقصرت
انا بالمدينة والاقرب لي القصيم لكن بمر على ميكانيكي جيد وبشوف اذا هو يعرف للموضوع هذا او مايعرف واذا اضطر الامر مشينا ان شاء الله للقصيم

[رجل المرور]

السلام عليكم ... يااخوان انا ماكنت مصدق هالموال ان المكينه به مسمار .. المهم اني مريت على لصناعيت السليم ورحت لورششه متخصصه بالجيوب . دخلت و قابلني المدير وهو سعودي المهم عرضت عليه مشكلتي . قال سهله ادخل موترك يوم دخلت الورشه واحصلها كلها ربوع وشيصان موديلتها 12 و11 و10 سئلته وش علته هالجيوب طبعها كلها بدون مكينه قالي هذي علتها مسمار بالمكينه مع الجور وكثر الاستعمال يتحلل ويطيح ويكسر البساتم .. قبل لامشي حذرني من شراء الشيصان الي فوق العشره لانها مجرد ديكور وسلامتكم . هذاا الكلام ماله شهر .. حبيت اداخلكم مهو لغرض دعايه ولاشين بس عشان قريت الموضوع وقللت ادلو بدلوي لا ااكثر ولا اقل

[تيسان 2013]

السلام عليكم ... يااخوان انا ماكنت مصدق هالموال ان المكينه به مسمار .. المهم اني مريت على لصناعيت السليم ورحت لورششه متخصصه بالجيوب . دخلت و قابلني المدير وهو سعودي المهم عرضت عليه مشكلتي . قال سهله ادخل موترك يوم دخلت الورشه واحصلها كلها ربوع وشيصان موديلتها 12 و11 و10 سئلته وش علته هالجيوب طبعها كلها بدون مكينه قالي هذي علتها مسمار بالمكينه مع الجور وكثر الاستعمال يتحلل ويطيح ويكسر البساتم .. قبل لامشي حذرني من شراء الشيصان الي فوق العشره لانها مجرد ديكور وسلامتكم . هذاا الكلام ماله شهر .. حبيت اداخلكم مهو لغرض دعايه ولاشين بس عشان قريت الموضوع وقللت ادلو بدلوي لا ااكثر ولا اقل

وين الورشة انا بروح لها بنفسي


والله مب مستفيد من هالحكي الى حقين الورشات

يعني مديل جديد الوكالة ضامته

وكل هالكحي كذب بكذب

ابغى واحد يثبت لي بالصور


مابي هرج فاضي

[سوبر VTC]

شف الرابط بالتوقيع

[عديم الوصف]

ابحمدلله بعد ماشفت بلاوي هالمواتر الجديده عودت على الموديلات القديمه كامري 2002 باترول 97 وريحت راسي من المشاكل ومسمار يطيح على المكينه ويخبط الجيب وصدق المثل قديمك نديمك لو الجديد مااغناااااك .... !!! وسلامتكم

[sgl2002]

ما احد رد على سؤال بدوي جنوبي

ليييييييه موتر 2013 يتصلح خارج الوكالة

يعني مستحين او خجلانين من الوكالة !؟؟؟

وإلا تبون تتصدقون على الورش

الوكيل يتحمل الإصلاح رغم عنه
اتقوا الله يا مسلمين



متقين الله ونحب الخير لاخواننا


المواتر الخليجية يرفضها ابو جميل

الا بالطقاق والشكاوي

ومشكلة تخبيط تكلفه واجد لذلك هو بلشان باللي عنده

[4x4ofroad]

انا من الناس اللي كنت اقول انها اشاعه الى ان طاح الفاس بالراس
واللي يقول ان المشكله انحلت في 2007 اقوله اشاعه
طاح مسمار الثلاجه والموتر ماشي 293 وموديله 2007
بس الحمد لله نشب المسمار بالبلف ولا طاح بالسلندر
وكلفني فك الراس وتغيير بلفين وصنفرة الباقي وشريت مسامير اطول وركبتها وثنيت الزايد من المسمار عشان ما ينفك ابدا
وعندي صور بالجوال بحاول انزلها على الكمبيوتر واضيفها بالموضوع

[sgl2002]

^^^

موترك عادي والا تماتيك؟

[رجل المرور]

وين الورشة انا بروح لها بنفسي


والله مب مستفيد من هالحكي الى حقين الورشات

يعني مديل جديد الوكالة ضامته

وكل هالكحي كذب بكذب

ابغى واحد يثبت لي بالصور


مابي هرج فاضي

اقول ترى عيبن عليك تكذب الرجال .. ولاانت ملزوم انك تصدق
وبعد تبيني اصورلك علشان تصدقني . تبي توكد رح لم الورشه سمها ورشت الجربوع
لاجيتهم تشوفه بعينك

[راعي سهوه]

والله نعرف ناس واااجد اهل حلال حمول وجور على مواترهم وماشاء الله عليها والله لامسمار ولاغيره وكلهم شاصاتهم جدد من 10 وفوق لاتغركم اشاعات الناس

[رجل المرور]

والله نعرف ناس واااجد اهل حلال حمول وجور على مواترهم وماشاء الله عليها والله لامسمار ولاغيره وكلهم شاصاتهم جدد من 10 وفوق لاتغركم اشاعات الناس

انا عمي ياطويل العمر معه 12 تقريبا له شهرين وشوي ومشاء الله بس اقولك امورهم كلها تحميل ولاكن الشي الي ذكرته موقف وصار وحبيت اذكره فقط وليس معنا كلامي اني اسب او اعذرب بالجدد

[تيسان 2013]

متقين الله ونحب الخير لاخواننا


المواتر الخليجية يرفضها ابو جميل

الا بالطقاق والشكاوي

ومشكلة تخبيط تكلفه واجد لذلك هو بلشان باللي عنده

مين قالك يرفضها

كل المواتر الخليجية تدخل وهو يقبلها


لا تقعد تطلع اشاعات

[sgl2002]

^^^

ايه يستقبلها اذا انت سجلت معه من اول ماطلعت السيارة

لكن بعد ماتصير مشكله خلاص مايدخلها الضمان

والا ليش العضيب سوى ضمان عنده على سيارات الخليج؟


الله يهديك شغلنا كله بالسيارات ولاهي اشاعه ، هذا شي بديهي كلن يعرفه


واذا معك موتر خليجي رح دخل الضمان

[حرقوصي]

نعم المكينه نفسها بس الغريب في الامر ان الشاص بالخصوص هو الذي يخبط حتى انه بشكل ملحوض في الصناعيه
ولا القطعه تم فكها من اكثر من سياره غير الشاص للحيطه والحذر

المكينة في الشاص والربع واللاند كروزر والفورتشنر يختلفون مكاينهم عن البرادو والافجي في موديل 2010 وطالع
ولا يوجد فيهم المسمار الا في مكينة 2007 حتى 2009

Sent from my Nexus 7 using Tapatalk 2

[الرحال 2003]

المشكله مازالت موجوده ،، وصاحب المعرض بيسوق سيارته علشان مايبلش


لاطلع صحيح كلام راعي المعرض سألت راعي الورشه ابوخالد الخضير يقول جاء مصلح
من المصنع بس تأكد من تاريخ الانتاج لان من شهر 11 /2012 وفوق صلح من المصنع الرجاء التأكد من التاريخ لاني نسيت هو قال شهر 11 اولا

[راعي سهوه]

ياجماعه هذي كذبة ابريل

[مدرب الطير]

مساكم الله بالخير جميعن

اخوكم مدرب الطير

قسم بالله العظيم الكلام اللي بقولع وانا صادق عند ربي

نصيحه لوجه الله اللي معه شاص يروح ويفك المسمار انا احد ملاك الشاص ٢٠١٢ بريمي سنة الصنع ٢٠١٢ الدفعه الثانيه رحت لم اخي الكريم احمد الهليل وفك مسمار المكينه بي ٢٠٠ ريال وترتاح اسولف انا وياه يقول جاني شاص ٢٠١٠ يقول لوه صابر فتره كان مخبطه مكينته واحد من ربعنا فاكه وموتره ٢٠١٠ وكده ما شاف اب اختلاف
ياخي خص الخليجي تراء بعضها ما عليها ضمان لزم تروح وتفتح ملف عند العضيب ١٥٠٠ وبعدها يدخل الموتر تحت الضمان.

ويقول سبب طيحت المسمار البطناج والشاص مطبه قاسي وينتفض كبه بالبطناج

وقالي لي اذا سمح الله طاح وانت في خط او بالبر فك البواجي وشغل الموتر ووخر عنه ييقول يطلع المسمار واللي يبي رقمه اعطيه الرقم ويروح يفك المسمار موقعه الرياض والرجال امانع شغله نظيف ولا فيه غبار

[شنطة عده]

وليش ما اشيل المسامير واحط بدل عنها برشام كبس قوي وارجع القطعه مكانها
او اي طريقة تثبتها بقوه واحكام

الصانع ما حط القطعه هذي عبث

[حزم نجد]

طيب وش فايدة المسمار في المكينه علشان اعرف ضرره اذا فكيته??

[صديق كلم رفيق]

مساكم الله بالخير جميعن

اخوكم مدرب الطير

قسم بالله العظيم الكلام اللي بقولع وانا صادق عند ربي

نصيحه لوجه الله اللي معه شاص يروح ويفك المسمار انا احد ملاك الشاص ٢٠١٢ بريمي سنة الصنع ٢٠١٢ الدفعه الثانيه رحت لم اخي الكريم احمد الهليل وفك مسمار المكينه بي ٢٠٠ ريال وترتاح اسولف انا وياه يقول جاني شاص ٢٠١٠ يقول لوه صابر فتره كان مخبطه مكينته واحد من ربعنا فاكه وموتره ٢٠١٠ وكده ما شاف اب اختلاف
ياخي خص الخليجي تراء بعضها ما عليها ضمان لزم تروح وتفتح ملف عند العضيب ١٥٠٠ وبعدها يدخل الموتر تحت الضمان.

ويقول سبب طيحت المسمار البطناج والشاص مطبه قاسي وينتفض كبه بالبطناج

وقالي لي اذا سمح الله طاح وانت في خط او بالبر فك البواجي وشغل الموتر ووخر عنه ييقول يطلع المسمار واللي يبي رقمه اعطيه الرقم ويروح يفك المسمار موقعه الرياض والرجال امانع شغله نظيف ولا فيه غبار

اخوي وين موقع الرجال ، وكم الوقت اللي استغرقه لفك المسمار ، وهل فرقت الموتر بعد ماشلت المسمار من ناحية العزم وصرف البنزين .

[تيسان 2013]

والله يابعد حيي

انا ما اقتنعت في موضوع المسمار

كله حكي فاضي

يعني المكينة موجودة من 2003 ولا طلع فيها المكشلة ذي

وش مواتر الشباب بعضهم تعدا ال 200 ولا جاه المسمار ولا شي

والمكينة معتمدة من تويوتا على اكثر سياراتها

شاص والربع والاندكروزر والاف جي والبرادو والفوتشنر والتوكما والتندرا والهيلوكس الي برى يجي 6 سلندر

والي مستفيد من هالموضوع الورش يجي ياخذ من جيبك 500 او اكثر ويسرق من جيوب
الناس

وكل الحكي الفاضي يقول رح لورشة فلان ورشة علان عشان يكسب

يعني مواتر جديدة بيصلحها بالورشة

اذا كان فيه هالمشكلة الوكالة تضمن المكينة



ولا فيه احد موجود في الرابطة طاح له المسمار


ودي لك

[مدرب الطير]

اخوي وين موقع الرجال ، وكم الوقت اللي استغرقه لفك المسمار ، وهل فرقت الموتر بعد ماشلت المسمار من ناحية العزم وصرف البنزين .

موقع الرجال السويد واستغرق ساعه ونص لانه لزم تخلي السياره تبرد

[مدرب الطير]

وليش ما اشيل المسامير واحط بدل عنها برشام كبس قوي وارجع القطعه مكانها
او اي طريقة تثبتها بقوه واحكام

الصانع ما حط القطعه هذي عبث

لا الوكالع حطتها عبث عشان قطع الغيار وتخبط المكينه وتروح توضبها والقطعه اللي يفك منها المسمار مالها اي داعي اول مافكيت المسامير رجمت القطعه خير شر وبالنسبه للاخوان اللي يقولون اشاعه هل انتم تتكلمون من علم اذا كان من علام انا مستعد اعطي كل واحد اللي هو يبي بس بشرط يشرح. انا جربت وشفت مو لزم احتري حتئ تطيح المسامير

[راعي سهوه]

هل من علووم جديده

[رجل المرور]

لا الوكالع حطتها عبث عشان قطع الغيار وتخبط المكينه وتروح توضبها والقطعه اللي يفك منها المسمار مالها اي داعي اول مافكيت المسامير رجمت القطعه خير شر وبالنسبه للاخوان اللي يقولون اشاعه هل انتم تتكلمون من علم اذا كان من علام انا مستعد اعطي كل واحد اللي هو يبي بس بشرط يشرح. انا جربت وشفت مو لزم احتري حتئ تطيح المسامير

والله ياخوك عجزنا نفهم هالواادم اذا جيت ونصحته قال ايييه هذا مخرب يبي يككسب راعي الورشه وي غشني ويخرب موتري ,, خل الوادم بكيفهم مع الوقت كل شين يبين وياضح

[بدا]

ماقصرت وكثر الله من امثالك ونفس( البرادو القديم ) يشيلون المسمار لانه سبب في تخبيط السيارة والله أعلم

[fj43 84]

انا فكيت الجيب حقي حصلت المسمار مكبوس كبس ما فيه مسمار جيب ربع 2013 بريمي

[sgl2002]

الان امام عيني في الصناعية القديمة شاص بريمي ٢٠١٣ مخبط بسبب مسمار الثلاجة

صراحة ماكنت مقتنع الين شفته

شل المسمار وارتاح

[ابن كديميس]

اجل 13 زيه زي 12ماتغير

[ابوصطيف]

بيض الله وجهك

كلامك صحيح وكثير اعرفهم شالو المسمار

[رشيد4]

وين مكان القطعه عندي شاص2012 ماشي5000جديد ابي افكها اذا ماتضر المكينه

[مليار]

سالفت المسمار سمعنا عنها كثير ولا يمكن ان نكذب هذا الخلل
ولكن حسب ما اشوف من بعض الاعضاء انه يوجد بعض المواتر مون المسمار كبس

اشوف اسلم استبدال القطعه ام مسمار يرتخي بقطعه تكون مساميرها مكبوسه حتى لو طلبها من الخارج

يكون حل مقنع وسليم بحول الله
واسئل الله ان لا يعرض احد من المسلمين لمشكله مثل هذي

[راعي قزاز]

السلام عليكم انا موتري شاص ٢٠١٣فكيتها والحمد الله الي تجي مكبوسه هو ربع وشاصً٢٠١٣ خليجي جاهم خبر ان الناس يفكونها وكبسوها ~يعني اول دفعه سعودي وخليجي ماهي مكبوسه بس ثالث دفعه خليجي وسعودي مكبوسه عشان ماتفكها }}}{{{{انا فكيتها وجيبي ماشي ٢٣٠٠كيلووو انصح ان الي معه شاص او ربع يفكها. اخوكم\{{{{{{{{{{{{{{{{راعي قزاز}}}}}}}}}}}}}}}}}}}

[MRKAZ]

السلام مسكم الله بالخير

الي يشكك ويقول ماطاح مع اي شخص

انا مستعد اجيبلة الجيب وصاحب الجيب شاص

بس جت سليمة طاح براس البستم وغير بستم واحد

وانا فكيتة معي فورشنر

[fahad marzouq]

طيب ؟ وين وزارة التجارة .. ؟

[ابن عكاش]

الدفعه الثانية 2013 جاء المسمار مكبوس

[4x4ofroad]

ياخوان مع اخوي هدد 2008 وضب مكينته بسبب المسمار
وانا كنت اسمع عن مسمار ثلاجه الفتك ولا كنت مقتنع بالسالفه الين ماطاح الفاس بالراس وطلع صوت خرشه بالمكينه وفكيت المكينه بسبب مسمار الثلاجه ووضبتها باكثر من 6000 ريال

[ابو محمد 00]

انا في رمضان شايف لي اف جي يبي له توظيب بسبب مسمار الثلاجه انا كان معي شاص 2010 وفكيت المسمار بـ200 ريال ولا اختلف شيء بالسياره

[حاميش]

بيض الله وجهك وجزاك الله ألف خير

وللتوضيح

مسمار الثلاجة هذا جا في أكثر من مكينة

مكينة الفتك للباترول ( 4800vtc ) ومكينة الجيب التويوتا الراسين 4000 ومكينة الدينالي والإسكاليد 6.2

[احمدA]

ياشباب الكلام صحيح
بالنسبه للورشه الي تفك المسمار ورشة ابوخالد الخضير في بريدة طريق خضيراء هوا لي يفك المسمار
متمني لكم السلامه الدائمه :دعواتكم:

[فرفور بريده]

بيض الله وجهك وجزاك الله ألف خير

وللتوضيح

مسمار الثلاجة هذا جا في أكثر من مكينة

مكينة الفتك للباترول ( 4800vtc ) ومكينة الجيب التويوتا الراسين 4000 ومكينة الدينالي والإسكاليد 6.2




وش دخل الدينالي والاسكاليد

[وحيد الجلاوي]

المشكله هاذي ليش بسيارات السعوديه
بعمان والامارات ماعندهم هالمشكله

[فياض الربيع]

صارت خرطي السيارات الجديده بس البعض يقول انها مو بسبب مسامير
الثلاجه وانها ماتطيح بل بسبب الجور على السياره
والتفتفه وتخبط المكينه كان معي جيب ربع ٢٠٠٣ طبعا مافيها مسامير
بس لو كان بيخبط من الجور والتفتفه كان خبط جاه شي اتوقع ماجا لاي ربع
تطعيس بالساعات في ام دكه جلس سنتين معي حتى النقص ماينقص وبعته
ومكينته مافكت من وكالتها

[جيRX-]

نعم المكينه نفسها بس الغريب في الامر ان الشاص بالخصوص هو الذي يخبط حتى انه بشكل ملحوض في الصناعيه
ولا القطعه تم فكها من اكثر من سياره غير الشاص للحيطه والحذر

يمكن لأن الشاص مطبه قاسي فيساعد على وقوع المسمار

[صالح الجمعه]

يا اخوان هل الشاص ١٤ بريمي دفعه ثانيه موجود فيه هالمسمار ارجو الرد

[سعود الرويضان]

السلام عليكم

انا معي شاص غمارتين 14 فطيمي هل فيه هذه المشكلة ام لا

لكم تحيتي

[Joker fj]

هذا المسمار موجود فقط في المكينه القديمه وبالضبط الي يكون سيفون المكينه فوق وهي مكينة الربع والشاص والبرادو . اما الأف جي من 2010 وطالع تغيرت المكينه وأصبح السيفون تحت ومافيها هذي المشكله لأنه تغيرت هندسة المكينه اما الربع والشاص والبرادو للحين المكينه القديمه ماني متأكد من بعض الموديلات الجديده وبالتوفيق
إذا تبي تعرف سيارتك فيها المشكله او لا شف سيفون المكينه اذا فوق فالمكينه القديمه الي به مشكلة المسمار اذا السيفون تحت فهي الشكل الجديد ومابه الا العافيه الأف جي مكينته القديمه للحين تجي على الرلع والشاص الجديد ومكينة الأف جي 2010 وطالع تغيرت المكينه والغريبه الى الحين ينزلون بالربع والشاص والبرادو المكينه القديمه وكلهن راسين وقوتهن حول بعض

[سعود الرويضان]

الشاص الغمارتين ال 14 فطيمي يجي السيفون فوق

يعني لازم نفك المسمار

[فياض الربيع]

اول مابدأت هذي المشكله بدأت بالباثفاندر ٢٠٠٣ الى ٢٠٠٥

[عبود المرواني]

ياشباب الربع ال14 هل يوجد بوه المسمار او لا

[Al3rands]

الله يستر فعلا وش سنع هالقطعه

[dhoomi]

هالمشكله من عام 2010 الى 2013 ...بعض المواتر من الدفعه الأولى 2013 ماجاء فيها
والدفعه الثانيه الى موديل 2014 وفوق ماجاء به

[Ayman.m]

ياجماعة الخير
السوأل هل اذا لقيت المسمار مكبوس كبس ماعليه خوف يعني مانحتاج نفكه والشئ الثاني شلون افرق بين المسمار المكبوس وبين العادي

[جيبي جايزلي]

الشاص 2015 سعودي مكبوس ولا مسمار

[ريلكس]

والله انا ماكنت مقتنع ولكن كم مره احصل شاص مفكوكه مكينته واسال المكانيكي يقول لي مسمار الثلاجه طايح ع البساتم بعدها خفت وفكيته ولاتغير شي بالنسبه للعزم والصوت مدري وش وضيفته بالضبط؟

[فيبر 96]

الله يجزاك خير .

[Thedarkknight]

جزاك الله خير

[جزاء الشمري]

ال 16 وال 15 وال 14 وال13 الدفعة الثانية كلهن مكبوسات ولاعليهن خلاف ولاخوف .