شركات التأمين تقو لك حآدثين بالسنة بعدها مآندفع لك؟

[1231]

السلام عليكم ورحمة الله وبركاتة,

حسب افادة موظف التأمين,

يقول شركة التامين تدفع لك حادثين او 3 بالسنة, بعدها ماتدفع لك,

بحجة انك تخسرهم,


وش رايكم؟ بالـغش؟


الله يبعد عنا وعن جميع المسلمين الحوادث,

[.أبوعبدالرحمن]

مهزلة والله ،، هم ضمنوا حقهم ،، طيب أعرف ناس ما شاء الله تبارك الله كل سنة يجدد التأمين

ويجلس 4 سنوات ما يصدم الحمدلله وش هديته من شركات التأمين ،، وإلا بس هم يضمنون حقهم

و الباقي ما لهم دخل فيه إذا طلع الكلام هذا صحيح وطُبق على أرض الواقع ( حسبي الله ونعم الوكيل )

[باارود]

عليكم السلام ورحمة الله وبركاته

حسب علمي انه لايجوز التعامل معهم نهائياً

لذالك انا ولله الحمد لا اتعامل معهم والعوض من الله

مع العلم اني مرتين اسوي حوادث بسيطه خلال هذا العام بتكلفة ٤٥٠٠ تقريباً ودفعتها كاش تجنباً للحرام

والي اجبرنا على الدفع فهي في ذمته

والله اعلم

ونسأل الله ان يكفينا شرهم ولا يحوجنا لهم

[كاشت وحداني]

العقد بينكم اكيد فيه سقف اعلى لمبلغ التأمين خلال السنه
وليس من حقهم الرفض بالتعويض مالم تتجاوز هذا السقف



Sent from my iPhone using Tapatalk

[بدوي جنوبي]

الله يكفينا شر الحوادث

مو على كيفهم يحددو عدد الحوادث

أهم شيئ على السائق قبل توقيع العقد يقرأ الشروط في خلف الورقه
أذا الشرط هذا موجود ،، يشوف شركة تامين ثانيه

[عاشق القصيد]

يارجال الدعوه نصب في نصب
يدورون حجه عشان يتهربون من الدفع
ويرفعون الاسعار كل سنه وفي حال السؤال عن السبب مره يقولون رفعوا الديه ومره يقولون الدولار منخفض
ومره يقولون السيارات عددها يزيد في المملكه وتكثر الحوادث وهذا يسبب خسائر كبيره
ولو جيت تشوف الشروط الخاصه بك تحس انك تدفع فلوس بلوشي مالها فايده
بسبب الشروط التعجيزيه
انا من ناحيتي اسوي تأمين وقت التجديد وبعدها الوعد بعد 3 سنوات
وربك يستر على عباده

[راعي الرود]

السلام عليكم ورحمة الله وبركاتة,

حسب افادة موظف التأمين,

يقول شركة التامين تدفع لك حادثين او 3 بالسنة, بعدها ماتدفع لك,

بحجة انك تخسرهم,


وش رايكم؟ بالـغش؟


الله يبعد عنا وعن جميع المسلمين الحوادث,



مع احترآمي للموظف اللي قال لك ماعنده سالفه ابداً !

وش نوع التأمين اللي تسأل عنه ؟ .. انا موظف في التعاونيه و بفيدك باللي تبيه

ياعزيزي للطرف الثالث 10 مليون ريال كحد اقصى خلال سنه تأمينيه واحده مآيهم عدد الحوادث المهم مايتعدى مبلغ الاضرار الـ10 مليون للطرف الثالث

اما في التأمين الشامل فهو كحد 10 مليون للطرف الثالث و القيمه السوقيه للسياره المحدده في الوثيقه وهذي يحددها العميل مخصوم منها مبلغ التحمل المُتفق عليه بين العميل وموظف خدمه العملاء

اما في تأمين سند بلس فهو زي الشآمل و سند ضد الغير .. 10 مليون ريال للطرف الثالث و للطرف الثاني اللي هو صاحب الوثيقه 10 الآف ريال خلال سنه تأمينيه واحده مخصوم منها 1250 مبلغ التحمل في حاله الحوادث

كلها لم يذكر فيها حد اعلى للحوادث في السنه .. طبعاً اتكلم لك عن التعاونيه يمكن هالنظام في شركات اخرى الله اعلم



مهزلة والله ،، هم ضمنوا حقهم ،، طيب أعرف ناس ما شاء الله تبارك الله كل سنة يجدد التأمين

ويجلس 4 سنوات ما يصدم الحمدلله وش هديته من شركات التأمين ،، وإلا بس هم يضمنون حقهم

و الباقي ما لهم دخل فيه إذا طلع الكلام هذا صحيح وطُبق على أرض الواقع ( حسبي الله ونعم الوكيل )



انا معك في هالنقطه للاسف الادارة عندنا صار فيها لخبطه و بشكل مُزري !

بالسابق كان فيه 5% خصم للي سجله خالي من الخسائر او الحوادث في حآله انه جدد الوثيقه و هي ساريه المفعول .. و الآن تم الغاء هذي الميزه و رفع سعر التأمين ضد الغير إلى 650 ريال .. و احرجونا مع العملاء اغلبهم غير راضين عن هالزياده بس ما بيدنا شيء الحل و الربط بيدين الادارة حنا مالنا صالحيه في الاسعار :p




عليكم السلام ورحمة الله وبركاته

حسب علمي انه لايجوز التعامل معهم نهائياً

لذالك انا ولله الحمد لا اتعامل معهم والعوض من الله

مع العلم اني مرتين اسوي حوادث بسيطه خلال هذا العام بتكلفة ٤٥٠٠ تقريباً ودفعتها كاش تجنباً للحرام

والي اجبرنا على الدفع فهي في ذمته

والله اعلم

ونسأل الله ان يكفينا شرهم ولا يحوجنا لهم


ياعزيزي التأمين التعاوني مُعتمد من هيئه كبار العلماء

نفسه نفس صندوق العائله ياعزيزي تجمعون دراهم و كل واحد يدفع وتحطونها بهالصندوق ولا واحد من العائله احتاج ولا احتد عطيتوه و رجعها عليك بـ اقساط ميسره

هذا اللي صاير عندنا .. اذا سويت حادث وانت مأمن و جيت تجدد تأمين راح ياخذون منك 2.5% من قيمه المبلغ اللي دفعته الشركه للي انت اخطيت عليه و راح يستمر معك هالمبلغ كل ماجيت تجدد التأمين إلى ان تتعادل نسبه الربح و الخساره الخاصه بسجلك مع الشركه :D

[1231]

مع احترآمي للموظف اللي قال لك ماعنده سالفه ابداً !

وش نوع التأمين اللي تسأل عنه ؟ .. انا موظف في التعاونيه و بفيدك باللي تبيه



الكلام من موظف تأمين ميدغلف

امنت عندهم ضد الغير بـ 475 ريال,

الله يكفينا والمسلمين شر الحوادث

[1231]

شاكر لكم ردودكم جميعا,

الله يحمينا وجميع المسلمين من الحوادث والسيارات,

[سيف وقلم]

مع احترآمي للموظف اللي قال لك ماعنده سالفه ابداً !

وش نوع التأمين اللي تسأل عنه ؟ .. انا موظف في التعاونيه و بفيدك باللي تبيه

ياعزيزي للطرف الثالث 10 مليون ريال كحد اقصى خلال سنه تأمينيه واحده مآيهم عدد الحوادث المهم مايتعدى مبلغ الاضرار الـ10 مليون للطرف الثالث

اما في التأمين الشامل فهو كحد 10 مليون للطرف الثالث و القيمه السوقيه للسياره المحدده في الوثيقه وهذي يحددها العميل مخصوم منها مبلغ التحمل المُتفق عليه بين العميل وموظف خدمه العملاء

اما في تأمين سند بلس فهو زي الشآمل و سند ضد الغير .. 10 مليون ريال للطرف الثالث و للطرف الثاني اللي هو صاحب الوثيقه 10 الآف ريال خلال سنه تأمينيه واحده مخصوم منها 1250 مبلغ التحمل في حاله الحوادث

كلها لم يذكر فيها حد اعلى للحوادث في السنه .. طبعاً اتكلم لك عن التعاونيه يمكن هالنظام في شركات اخرى الله اعلم




انا معك في هالنقطه للاسف الادارة عندنا صار فيها لخبطه و بشكل مُزري !

بالسابق كان فيه 5% خصم للي سجله خالي من الخسائر او الحوادث في حآله انه جدد الوثيقه و هي ساريه المفعول .. و الآن تم الغاء هذي الميزه و رفع سعر التأمين ضد الغير إلى 650 ريال .. و احرجونا مع العملاء اغلبهم غير راضين عن هالزياده بس ما بيدنا شيء الحل و الربط بيدين الادارة حنا مالنا صالحيه في الاسعار :p




ياعزيزي التأمين التعاوني مُعتمد من هيئه كبار العلماء

نفسه نفس صندوق العائله ياعزيزي تجمعون دراهم و كل واحد يدفع وتحطونها بهالصندوق ولا واحد من العائله احتاج ولا احتد عطيتوه و رجعها عليك بـ اقساط ميسره

هذا اللي صاير عندنا .. اذا سويت حادث وانت مأمن و جيت تجدد تأمين راح ياخذون منك 2.5% من قيمه المبلغ اللي دفعته الشركه للي انت اخطيت عليه و راح يستمر معك هالمبلغ كل ماجيت تجدد التأمين إلى ان تتعادل نسبه الربح و الخساره الخاصه بسجلك مع الشركه :D


ومن قالك يا أخي إن تأمينكم تعاوني, صحيح الشركة اسمه التعاونية’ لكن تأمينك تجاري.

http://islamqa.info/ar/ref/36955

http://fatwa.islamweb.net/fatwa/index.php?page=showfatwa&Option=FatwaId&Id=132887




كذلك أشوف البعض تساهل في التأمين التجاري, وخاصة التأمين التجاري الشامل على السيارات
http://fatwa.islamweb.net/fatwa/index.php?page=showfatwa&Option=FatwaId&Id=3304

[على رمشي تمشي]

الله يكفينا ويكفيكم الشر