ممكن تفيدوني . عن دباب تايواني

[ديفون]

حياكم الله جميعا . حبيت استفسر منكم عن دبابات صناعة تايون . ايش افضلها . لان اغلب المؤجرين للدبابات نصحوني بالصناعة التايوانية . لقيت في الخبر 5100 حجم 90 تايواني . والرام في جدة 4450 حجم 90 والقصيم حجم 100 بسعر 4600 بضمان سنة . وشكرا

[ابو محمد المضياني]

حياك يالحبيب
بحكم تجاربي اتمنى اني افيدك
اهم شي ابعد عن الصيني واختر تايواني اي نوع لا يهم
قصة التايواني
جميع الانواع محركاتها وحده وقطع غيارها وحده
تختلف في الديكورات وتغييرات طفيفه في شكل المحرك
الانواع كثيره
جينان
رام
دولفين
الوسيط
تايقر
بلاست
ادلي

وجميعها انا استخدمتها
والفكره ان المورد للمملكة يروح لتايوان ويطلب تغيير الاسم وتغيير في الشكل ويسميها باسمه

الرام منتشر بكثرة ويستخدمونه اهل التاجير
لكن ملاحظاتي عليه انه سريع الانقلاب

اللي يميز التايقر انه مقارب للارض ومتماسك وقليل الانقلاب
وانا استخدمه خصوصا قياس 50 سي سي
اعجبني الجينان بقوته
يعجبني الرام بصبره
يعجبني التايقر بتماسكه

في الاخير

اختر الشكل اللي يناسبك
المهم يكون تايواني

والخرابات قليله اذا شريته وكالة

ولا تخاف ترى توضيبه لا قدر الله 250 ريال فقط

الاسعار فيها مبالغه من بعض الموردين
يعني حجم 90 سي سي المفترض ما يتجاوز 4800 ريال في الموسم وفي غير الموسم
اخصم 500 ريال
حجم 50 سي سي ما يتجاوز 3800 ريال في الموسم وفي غير الموسم ايضا اخصم 500

حجم 100 سي سي لا يتجاوز 5500 وفي غير الموسم احذف خمس
وهكذا

انصحك تتلقط لك دباب من موقع حراج
فيي غير الموسم
يعني هالوقت في الحر
الناس تبيع ولا احد يشتري
اما في الشتاء ترتفع اسعارها

بالتوفيق
واي سؤال حاظرين

[ديفون]

اخوي ابو محمد الله يرزقك من واسع فظله ويرفع قدرك . واسكنك ووالديك فسيح جناته .

[ديفون]

كفيت ووفيت . بقا سؤال واحد . طال عمرك بالنسبة للزيت . يتغير على حسب الممشى . او تزيده مع الاستخدام. وحصلت بلاست 90 بسعر 5 الاف ريال
و حجم 110 بسعر 6 الاف ريال . في الخبر . اعجبني شكله . كيف تستخدامه . وشكرا لك بارك الله فيك ياالنشمي .

[ديفون]

عموما تم شراء دباب حجم 100 نوع تايواني جنان