((( صورالربيع في فياض لينه )))

[((( الحر)))]

اخواني السلام عليكم ورحمة الله !!!

هذي الصور وصلتني برساله على البريد من واحد من الربع وهي خاصة بفياض لينه!!!

الله يجيب الاجازه!!!

ارجو ان تنال اعجابكم!!!




http://www.mekshat.com/pix/gallary/data/images/bbbbbbbbb.jpg

http://www.mekshat.com/pix/gallary/data/images/aaaaaaaa.jpg

http://www.mekshat.com/pix/gallary/data/images/abbbbbbb.jpg


http://www.mekshat.com/pix/gallary/data/images/adddddd.jpg


http://www.mekshat.com/pix/gallary/data/images/affffffffffff.jpg


http://www.mekshat.com/pix/gallary/data/images/acccccccc.jpg

http://www.mekshat.com/pix/gallary/data/images/agggggggggg.jpg

[الشاص]

مشاء الله تبارك الله

الصراحه صور تفتح النفس

الله يعطيك العافيه اخوي وماقصرت

[أبو سهيل]

أخوي الحر:
السلام عليكم ..
أعجبت بفكرة هذا المنتدى وقمت بالتسجيل فيه ..
وهذه أول مشاركة ..
ما شدني في موضوعك هو جمال الصور المعروضة ..
وهذه الصور ما جت إلاً من يد خبيرة بالتصوير طبعاّ ..
ولا ننسى نوع الكمرا المستخدمة ..
إذا تكرمت بالإفادة عن نوع الكمرا هل هي دجتل؟؟ أو عادية؟؟ وماركتها لو سمحت ..
لأن صورة القدر الكاتم تهبللللللل!!!!!!
كفن تصوير طبعاً وليس محتوى ...
لأنني شبعان والحمد لله ...
أشكرك في جميع الأحوال..

[القماري]

روعة ولا في أوروبا
مشكور على الصور الجميلة والبديعة

[آل مهنا]

مشكور اخوي الحر على مشاركتنا بهذه الصورالرائعه والربيع الي يفتح النفس....

الله على اسبوع اقضيه بهالارض الخضراء... :p

------------------
عنيد

[أبن البراري]

أشكرك على هذه الصور الأكثر من رائعة كما أتمنى أن يديمها الله من نعمة
ولكن أين تقع لينة ( عطنا الأحداثيات )





مع تحياتى سعـــــــ أبو ــد

[aif]

السلام عليكم ..........


مساك الله بالخيييير يالحر


بصراحه الصورررر ررروعه تدري لييييش


لأني أنا اللي مصورهن !!!!!!


لكن والله إنك ذيب عرفت المكان المناسب لوضع الصور


يعطيك العافيه ...

[الخادم]

ماشاء الله الله يهنيكم يالحر ( قصدي الله يهنيهم اللي تمتعوا بها الرحلة )

الله لا يحرمنا وياكم من رياض الجنة امين 0 وش ذا هذا الربيع و الحمدالله 0
ممكن يالحر تزودنا باسم الفياض تكفى لاتردني علشان مانتعب عند السؤال عنها يالغالي 0

ابو سهيل
الله يحييك بين اخوانك هذا سحبني على وجهي قبلك من طيب اهل الموقع وزين الموقع و زين مواضيعهم اللي تفتح النفس 0


اخوكم
الخادم



:) :)

[سامر]

كاتب الرسالة الأصلية الخادم
ماشاء الله الله يهنيكم يالحر ( قصدي الله يهنيهم اللي تمتعوا بها الرحلة )

الله لا يحرمنا وياكم من رياض الجنة امين 0 وش ذا هذا الربيع و الحمدالله 0
ممكن يالحر تزودنا باسم الفياض تكفى لاتردني علشان مانتعب عند السؤال عنها يالغالي 0

0
اخوكم
الخادم
) :) :ونبي الله لايهينك الاحداثيات خاصه اللى فيها الكاتم والجيب لانها موت

[أبو سهيل]

كاتب الرسالة الأصلية aif
السلام عليكم ..........


مساك الله بالخيييير يالحر


بصراحه الصورررر ررروعه تدري لييييش


لأني أنا اللي مصورهن !!!!!!


لكن والله إنك ذيب عرفت المكان المناسب لوضع الصور


يعطيك العافيه ...

أخوي aif ..
سبق وطلبت من أخونا "الحر" نوع الكمرا المستخدمة في التصوير ..
لأن الصور أعجبتي جداً ..
وخاصة القدر الكاتم وهو يرش رذاذ البخار ..
ودي أعرف نوع الكاميرا .. هل هي رقمية أو كاميرا عادية .. في القريب العاجل إذا سمحت ..
لأنني هاوي التصور وخصوصاً المناظر الطبيعية ..
وتصوير كاميرتك عاجبني جداًً ..
تحياتي لكم .. ولأعضاء رحلتكم .. ولجميع أعضاء وزوار هذا المنتدى الرائع ..

[فرد حمزة]

مشاء الله الصوووور مسكته
صراااااحه
اعجتني نقاوة الصور
مشاء الله

هالسنة سنة خير عسى الله يديمه

ومكثور الخير يامال الخير يالحر

[((( الحر)))]

بسم الله الرحمن الرحيم!!!

اشكر الجميع على اطرائهم الرائع وكلماتهم المعبره عن الاعجاب بالصور!!!

وحقوق هذه الصور خاصة بمنتدى مكشات!!!

لان صاحبها الاصلي قام بنشرها بالبريد الالكتروني من دون ان يسجل عليها اسمه او بريده!!!

واحب اوضح لاخواني الاعضاء ((( حتى لاابخس حق من قام بتصويرها ان الصور جائتني بواسطة البريد وانا بدوري نشرتها في منتدى مكشات كما وضحت في اول المشاركه اما انا والله يالربع مارحت ولا صورت ولا عندي خبر عن نوع الكمره او الاحداثيات ولا حتى حطيت اسمي او بريدي عليها لاني لااتعدى على حقوق الاخرين وكامل الحقوق والصور محفوظة لصاحبها الي صورها ومنتدى مكشات ))) هذا ماحببت ايضاحه!!!

ولاكن الي اعرفه انها صور فيضة الزعبيه والمعلومات والاحداثيات عن هذه الفيضه والفياض التي شمال لينه موجودة في موضوع اخوي فرد حمزه على هذاالرابط :
http://www.mekshat.com/vb/showthread.php?s=&threadid=5547&perpage=15&pagenumber=1

اما ماذكره اخي aif انه هو الذي قام بتصوير هذه الفياض فانا اعتقد انها وصلته بواسطة البريد مثلي والا كيف وصلت الي دون ان يكتب عليها مايدل على انه قام بتصوريها وعلى العموم انت او انا المقصود ان يتم نشرها في منتدانا العزيز مكشات ولو اني مافهمت قصدك بالمكان المناسب و لاكن الله يعطيك العافيه واخ عزيز!!!

وشكراً للجميع!!!

اخوكم((( الحر)))
4/11/1423هـ

[aif]

كفيت ووفيت يالحر وما يجي منك قصور

ولم أضع على بعض الصور بريدي لأني لم أرد تشويه الصور الطبيعية

لمن أراد أن يضعها خلفية للشاشة .

وبالنسبة للكاميرا فهي من نوع سوني ديجيتال 2.1 بكسل

سعرها تقريباً 1600 ريال :( :(

وشكراً للجميع وأولهم الحــــــــــــــــــــــــــــــــر لنشره هذه الصور بالمنتدى

لأني جديد على المنتدى.

وهذي الصورة هدية لكم من شعيب الحسكي هذي السنة
http://www.mekshat.com/pix/gallary/data/images/lky.jpg

[طلال]

الحقيقه ماقصرت ويعطيك العافيه ( يالحر) ماشفتها الى متأخر ولكن الصور يعبرن عن نفسهن وانشاءالله نشوف منك اكثر 00

[((( الحر)))]

اسعد الله اوقات الجميع بكل خير!!!

اخوي الشاص الف شكر لك والله يجعل نفسك مفتوحة دايم !!!

اخوي ابو سهيل الله يحيك في منتدى مكشات ونوع الكمره ذكرها اخوي aif والف شكر لك!!!

العزيز القماري مشكور وهذا بعض ماعندكم مشاء الله!!!

اخوي العنيد الله يسلمك والاسابيع جايه انشاء الله!!!

ابن البراري الشكر لك ياخي والاحداثيات عند اخوي aif يعرضها لكم انشاء الله!!!

الغالي aif الله يعطيك العافيه وماقصرت وانت راعي الاوله واشكرك على رحابة صدرك ولي طلب بسيط يالغالي وهو ياليت تزودنا بالحداثيات هذي الفياض والف شكر يابو ريان!!!

اخوي الخادم مرحبا فيك ومسهلا والله يجمعنا وياك ومن يقراء هالكلمات في جنات النعيم والصور هذي من الفياض التي تقع شمال هجرة لينه حوال 25 الى 30 كم والخبر الاكيد والاحداثيات عند اخوي فرد حمزه وaif والف شكر لك!!!

سامر حياك الله ومشكور يالغالي والاحداثيات يعرضها اخي aif قريباً وياهلا فيك!!!

اخوي فرد حمزه موضوعك والصور المميزه عن هالفياض ماكمل شهر وانت راعي الاوله والتاليه وعلومك غانمه ومشاء الله عليك وعلى مواضيعك المميزه والشكر لك يالغالي على تواضعك بالرد ولك تحياتي !!!

العزيز طلال الله يبارك فيك ومشكور يالغالي!!!

اخوكم ((( الحر)))
4/11/1423هـ

[aif]

تحية للجمييييييييييييييييييع وسلام

بالنسبة للإحداثيات يالحر جميع الصور في فيضة الزعبية وأتوقع ان احداثيتها معروفة

ما عدا صورة الكاتم والصورة اللي فيه شجر سدر واجد فهاتين الصورتين في فيضة أخرى الصراحة طحنا به وحنا طالعين لم محطة الشرق الأوسط و(كسرنا به الدلة والكاتم - مهب شينه !!! ) لكن الاحداثية مهب معي بس كل حجرة لينة من ذا وزود وأي مكان تضربه بهالحجرة تلقى فياض يالله من فضلك

وما أقول الا ------- الله يجيب الإجازة ((ويطلع الموتر من الورشة !!!!!!!!! متهوررر )

وهذي صورة اللكزز حقتي أثناء السيول بالحجرة
http://www.mekshat.com/pix/gallary/data/images/aif-car.jpg
وهذي الفيضة وشلون صارت بعد السيل
http://www.mekshat.com/pix/gallary/data/images/aif-feadha.jpg
والشلالات لالالالالالالالالالالالا تعليييييييق
http://www.mekshat.com/pix/gallary/data/images/aif-shallal.jpg
http://www.mekshat.com/pix/gallary/data/images/aif-shallal1.jpg
فياض الحجرة- قبل السيل
http://www.mekshat.com/pix/gallary/data/images/aif-feada2.jpg
مع العلم أن كل هالصور بعد عيد الفطريعني قبل شهر الله يجيب الخيييييييير

والسلام

[aif]

عفوا للإعادة ولكن لإظهار الصور

تحية للجمييييييييييييييييييع وسلام

بالنسبة للإحداثيات يالحر جميع الصور في فيضة الزعبية وأتوقع ان احداثيتها معروفة

ما عدا صورة الكاتم والصورة اللي فيه شجر سدر واجد فهاتين الصورتين في فيضة أخرى الصراحة طحنا به وحنا طالعين لم محطة الشرق الأوسط و(كسرنا به الدلة والكاتم - مهب شينه !!! ) لكن الاحداثية مهب معي بس كل حجرة لينة من ذا وزود وأي مكان تضربه بهالحجرة تلقى فياض يالله من فضلك

وما أقول الا ------- الله يجيب الإجازة ((ويطلع الموتر من الورشة !!!!!!!!! متهوررر )

وهذي صورة اللكزز حقتي أثناء السيول بالحجرة
http://www.mekshat.com/pix/gallary/...ges/aif-car.jpg
وهذي الفيضة وشلون صارت بعد السيل
http://www.mekshat.com/pix/gallary/.../aif-feadha.jpg
والشلالات لالالالالالالالالالالالا تعليييييييق
http://www.mekshat.com/pix/gallary/...aif-shallal.jpg
http://www.mekshat.com/pix/gallary/...aif-shallal1.jpg
فياض الحجرة- قبل السيل
http://www.mekshat.com/pix/gallary/.../aif-feada2.jpg
مع العلم أن كل هالصور بعد عيد الفطريعني قبل شهر الله يجيب الخيييييييير

والسلام

عليييييييييييييمييييييييييييييي

[aif]

العذر والسموحة يا جماعة
اصبرو على العليمي

وهذي آخر مرررررررة - إن شاء الله

http://www.mekshat.com/pix/gallary/data/images/aif-car.jpg

http://www.mekshat.com/pix/gallary/data/images/aif-shallal.jpg

http://www.mekshat.com/pix/gallary/data/images/aif-shallal2.jpg

http://www.mekshat.com/pix/gallary/data/images/aif-feadha.jpg

http://www.mekshat.com/pix/gallary/data/images/aif-feada2.jpg

وأكررررررررررر اعتذاري

[فرد حمزة]

aif


هههههههههههههههههههه

أنا بطالبك من قالك تصور موتري
اثرك حولي شنوحك ماتقهويت ماتسمع دقت النجر ؟؟؟؟؟

جارك يامال الغنيمة :)

شف الصورة
http://www.mekshat.com/pix/gallary/data/images/adddddd1.JPG

[aif]

حسبي الله عليك يا فرد حمزززززززززززززززززه


الجايات أكثر وكثثثثثثثثثثثثثثر من الشعااااااااااااااااااااااال يا بعد حيييييييييييييييييييي

الدنيا صغييييييره!!!!!!!!!!!!!

[نقا هشال]

بصراحه

صور في قمة الروعه

الف شكر لمن صورها

ولمن نشرها لنا

وإن شاء الله السبوع الجاي من يوم الثلاثاء

وانا في هاالمناطق00000000000

[فرد حمزة]

اخوي نقا هشال
أصبرررررررررر

تسان أنت تبي تعنى للربيع اللي تسوفه بالصور ،، تركد

ترى هكالمناطق جايه سيول طيبه بالحيل والفياض غرقانه ،،، لا توهق :(

ما أمداه جايه سيل طيب

أما تسان أنت عندك خبر بالسيول اللي ضاربته ،،، فعذراً على تطفلي ، لكن من باب أحب لأخيك المسلم ماتحب لنفسك :)

[المحامي]

مشكووووووووووووو


شي رهيب

[فرد حمزة]

aif

:D

وشو ديكه يارجال :D:D:D
وشو شعالوووو يارجال ;););)

حدنا طرطعان وصواريخ أم 10 تريل :D

[نقا هشال]

هلا وغلا اخوي فرد حمزه

اشكرك على النصيحه

وجزاك الله خير الجزاء

وانا وربعي وانا اخوك ندور السيول والربيع

وقد مرينا على هاالمناطق وهي سايله

الف الف شكر لك ياغالي على النصيحه00000000000

[المحامي]

نقا هشال ( ابو شتت )



ما ينخاف عليه بري

[مشراف]

السلام عليكم
يعطيك العافية
والله شي يفتح النفس ( اللي بالقدر ) لكن تكفي اذا ماكلف عليك لو شوي معلومات عن الفياض واخبار مكشاتك واخباره :good:

[((( الحر)))]

ياهلا والله بالجميع القاصي والداني!!!

ابرك الساعات يوم شرفتنا يالغالي aif وصرت من هوات التصوير لا وصورة ابو حمزه وهو على البليزر والله صدفه حلوه!!!

و الصور الاخيره ممتازه وخاصة صور السيول الله يبارك فيك يالغالي وماقصرت ولعلنا ان شاء الله نتقابل جميع في فياض لينه وخص فيضة الزعبيه ( الي اقترح نسميها فيضة مكشات) وش رايكم !!!

اخوي فرد حمزه عزالله انك على اسمك ماتثور الا بلحم وماتكتب الا علم غانم!!!

اشكر الجميع على مساهماتهم المتجدده في موضوع فياض لينه والصور الجديده وياليت الي عنده صور لايبخل علينا وسلامة للجميع القاصي والداني!!!

اخوكم ((( الحر)))
6/11/1423هـ

[فرد حمزة]

نقا هشال


حياك الله
حق وواجب ...

[فرد حمزة]

الذيب يا((( الحر)))


يتسلم عسى رب العزة والجلاله يعز مقدارك دنيا وأخره

تحياتي لك
أخوك ... فرد حمزة

[نجمة سهيل]

ماشاءالله عليك اخوي الحر عيني عليك بارده.تعجز الكلمات في التعبير لشكرك على هذي الصور الجميله والله صور توسع الصدر .هذي الصور الي تشرح القلب .يعطيك العافيه ومشكووور الف شكر على هالصور الجميله.

[فتى الروغ]

الله يديمها من نعمة ويحفظها من الزوال


والله يجيب الإجازة وإن شاء الله أن أروح لو على رجليني



ومشششششششششششششششششششكور



تحياتي لك يا خالد ( أبوسعد) 8/10/1423-هـ

[الحزين]

الله يعطيك الف عافيه يــــا (( الحر )) العزيز ,,,,

صور ولا أروع ,, وللمعلوميه جمعت كل اللي بالبيت حتى يشوفون الصور الرائعه

(( والكل دعالك )) مشكور وماقصرت والله يحفظك وتحية وأحترام الى أبو ريان .


ابو محمد

[الليث]

أحسنت يالحر

جزاك الله خير على هالصور الجميلة

وانشا الله نجتمع هناك قريب

تحياتي

أخوك ( كم اركان الاسلام)

[عروان]

صراحة الصور هذي جتني بالبريد من زمان.

ولكن صور aif لمنزل فرد حمزة هذي جديدة على . وش هالصدفة بجنب بعض ولا تراسلتو وسولفتي مع بعض.
:D

هههههههههههههههه

فرصة كان بتكون حلوة.

بس طرا على بالي فكرة ثانية. ليه ما نتواعد في الزعبية بعد عيد الاضحى أن شاء الله وكنا من الحيين.

ننزل حول بعض ونتعرف على بعض ونسمر جميع.



وش رايكم

[((( الحر)))]

حيالله الجميع مره ثانيه القاصي منكم والداني!!!

اخوي نجمة سهيل بارك الله فيك وهذا بعض ماعندكم!!!

عزيزي فتى الروغ ( ابو سعد) بارك الله فيك ومشكور يالغالي!!!

اخوي الحزين وانشالله انك فرحان ومسرور دائماً بارك الله فيك وارجو ان دعواتكم تكون من نصيب الي صورها وانا هنا انشرها بس وبارك الله فيك وتقبل الله منكم جميعاً!!!

اخوي الليث مشكور والموعد انشالله فيضة الزعبيه وانا شخصياً مسميها فيضة مكشات وياليت انا نجتمع هناك ونتعرف على بعض وان واعوذ بالله من هالكلمه ابحط على قزازت سيارتي الاماميه لقبي في مكشات علشان نتعرف على بعض!!!

اخوي عروان فكرة الاجتماع فكره ممتازه ياليت تعرضها بموضوع مستقل في هالمنتدى ويكون الاجتماع في فيضة الزعبيه بعد عيد الاضحى وانا راح اكون هناك ثاني يوم من عيد الاضحى .. واحب اوضحلك ان aif صور موتر فرد جمزه مهوب بيته وسلامك

اخوكم ((( الحر)))
16/11/1423هـ

[aif]

والله يا خوي يا عروان فكرة ممتازة

وبننا الجهاز قبل أو بعد العيد ( أعضاء مكشات دوت كوم !! )

ومن هالحين غب موترك بين السدر أو تراي أبصوره وأنشره بالانترنت :D :D :D

[عروان]

مرحبا يالحر

أن شاء الله راح أضع الفكرة في موضوع مستقل.

* أنا قصدي من منزل فرد حمزة ماهو بيتة الله يسلمك. أقصد المكان اللي نزل به وخيّم.

حنا نسمية منزل.

تحياتي لك.

[عروان]

aif

ما دام الفكرة عاجبتك خلاص الوعد عقب العيد (الاضحى) ان شاء الله.

ههههههههه

صوّر على راحتك.

تحياتي لك

[مريقب العيفار]

أخوي الحر الف شكر للصور لكن

ممكن تقولي الصورة اللي في توقيعك

وين موقعها من الخريطة ولك جزيل الشكر

[عاشق البر2003]

الله يعطيك العافية صور جميلة جدا

[راعي عنيزة]

بنجور يا الربع :)

ابور ريان يا خلفهم ولا عليكم امر تعطيني احداثيات المكان الي اخذت منه صورة الحسكي

ولك الشكر يا غالي

[الليث]

الرسالة الأصلية كتبت بواسطة ((( الحر)))
حيالله الجميع مره ثانيه القاصي منكم والداني!!!



اخوي الليث مشكور والموعد انشالله فيضة الزعبيه وانا شخصياً مسميها فيضة مكشات وياليت انا نجتمع هناك ونتعرف على بعض وان واعوذ بالله من هالكلمه ابحط على قزازت سيارتي الاماميه لقبي في مكشات علشان نتعرف على بعض!!



أقول : ( كم اركان الاسلام)

اخوكم ((( الحر)))
16/11/1423هـ

[بني حسن]

aif


هههههههههههههههههههه

أنا بطالبك من قالك تصور موتري
اثرك حولي شنوحك ماتقهويت ماتسمع دقت النجر ؟؟؟؟؟

جارك يامال الغنيمة :)

شف الصورة
http://www.mekshat.com/pix/gallary/data/images/adddddd1.JPG


حسبي الله عليك يا فرد حمزززززززززززززززززه


الجايات أكثر وكثثثثثثثثثثثثثثر من الشعااااااااااااااااااااااال يا بعد حيييييييييييييييييييي

الدنيا صغييييييره!!!!!!!!!!!!!

فعلا الدنيا صغيره

[هدير الموج]

مشاء الله صور اكثر من رائعه

تسلم يدك كل عام وانت بخير

دمت بحفظ الرحمن

[ابو دعفس]

بسم الله الرحمن الرحيم

السلام عليكم ورحمة الله وبركاته

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

على المجهود الطيب والاكثر من رائع
بارك الله فيك على كل ماتقدم
والى الامام ننتظر منك
المزيد من الابداع
تقبلوا خالص تحياتي
أخوكم