كأني ورطان في هذا الجيب وطالب المشورة تكفون !

[أنصر نبيك]

السلام عليكم ورحمة الله وبركاته

اخواني انا شريت لاندكروزر 96 بعد نصيحة من صديق يبدو انه أجهل مني في المواتر

طبعاً بخمسين الف وماشجعني على الشراء المكينة ماشاء الله تبارك الله ممتازة جداً
ونظافة داخليته من فرش ومقاعد ومكيف مركزي وثلاجه كلها غاية في انظافة
لكن في الجانب الآخر وبعد الكشف عليه وجدت به هذه العيوب

1 ) تقشر في البودي وبهتان اللون اي لامفر من رشة جديدة

2 ) يحتاج تغيير الاذرعة

3 ) يحتاج تغيير مساعد الدركسون

4 ) يحتاج تغيير كراسي القير والمكينة

5 ) يوجد ترشيح بسيط في الجربوكس يمكن يحتاج جلد على قول المهندس

6 ) يوجد صدأ في اغلب القطع السفلية

7 ) تغيير الكفرات والجنوط

والسؤال هو هل يستحق العناء وتصليح وتغيير ماسبق ذكره أم أبيعه بخسارة
عشرة آلاف ريال لان اكبر مبلغ اندفع فيه هو 40الف فقط وأرتاح منه وهل أنا خسران
في الحالتين مانستغني عنكم يا اخوان فلا تبخلوا علينا بارك الله فيكم

[حزوبر]

السلام عليكم
ما انصحك بصيانته لأنه بكلفك نزله المعارض وخصوصا" الشفا أو النسيم، لعله يوصل ال45000 او يزود ، واكرشه
عسى الله يعوضك خيرمنه

[Abo_Faisal_50]

اعطال عاديه شف كم بتكلف اول

[راعي البرهـ]

ماشاء الله
الله يطعمك من خيره ويكفيك شره
ماذكرت من الاعطال فهي روتينيه وبسيطه تحصل لجميع السيارات وخصوصا الدفع الرباعي
فانا اقول توكل على الله والله يبارك لك فيه وزينها
موفق

[أنصر نبيك]

السلام عليكم
ما انصحك بصيانته لأنه بكلفك نزله المعارض وخصوصا" الشفا أو النسيم، لعله يوصل ال45000 او يزود ، واكرشه
عسى الله يعوضك خيرمنه

والله اتمنى اكرشه فعلاً لكن قرين السوء باق معمر المعارض كل ابوها وديته ماجاب غير 40 لان الكلتش صلب جداً ويطلع صوت وهو مانسيت ذكره في العيوب
مداخلة طيبة اشكرك عليها

[anas]

انت تبغى موديل 96 مر عليه 17 سنة بدون خراب ؟
اهم شي في الموديلات هذي سلامة القير والمكينة والدفرنسات والشاص وبس

[أنصر نبيك]

اعطال عاديه شف كم بتكلف اول

اعتقد مع الرشة والشطرطون والكفرات والجنوط ووالقطع الاخرى بالاضافة الى الكلتش بتوصل ل 15 الف تقريباً لكن اليست خسارة ؟

تحياتي

[أنصر نبيك]

ماشاء الله
الله يطعمك من خيره ويكفيك شره
ماذكرت من الاعطال فهي روتينيه وبسيطه تحصل لجميع السيارات وخصوصا الدفع الرباعي
فانا اقول توكل على الله والله يبارك لك فيه وزينها
موفق

مشكور ياغالي وننتظر بقية الآراء

[أنصر نبيك]

انت تبغى موديل 96 مر عليه 17 سنة بدون خراب ؟
اهم شي في الموديلات هذي سلامة القير والمكينة والدفرنسات والشاص وبس

معك حق اخوي انس لكن هل تعتقد اصلاح حول 15 الف مجدي لمثل هذا الموديل ؟

تحياتي

[Mhana ali]

أنصحك بيعه ولا تحط فيه ريال واحد والله يكرمك بالبيعة اللي تسرك وتنفك منه .......

[anas]

صلح اللازم فقط واترك البوية واللي ماله لزمه وراح يكلف عليك اقل من النص المبلغ اللي ذكرته
يا اخي الموديلات هذي ما يشريها الا واحد راعي بر ولا يهمه شكل السيارة من برا او جوا اهم شي محركاته والمكيف بس .. لانه راح عزها وثقيلة طينة بالطعوس يالله تشيل نفسها بالمستوي

[قمر القصب]

الله يخارجك منه

[ابوراكان تبوك]

لاتبيع بخساره الاحباط من السيارة هو اللي يخليك تبيعها بخسارة 10آلاف لاتبيع حتى لو تقصده على شخص تثق فيه او دفه في بيعه وزود عليه والله يرزقك بيعه تسرك

[أبا مجاهد]

والله يااخي اذا سارت المكينه والقير والدفرنسات نظيفه فماهوب خساره تحط فيه حول ال15 ويبقى لك وللزمن..بعدين لاتنسى موديله 96 يعني مرت عليه سنين وبديهيا يحتاج صيانه عامه

[مجنون عسل]

صلح اللازم فقط واترك البوية واللي ماله لزمه وراح يكلف عليك اقل من النص المبلغ اللي ذكرته
يا اخي الموديلات هذي ما يشريها الا واحد راعي بر ولا يهمه شكل السيارة من برا او جوا اهم شي محركاته والمكيف بس .. لانه راح عزها وثقيلة طينة بالطعوس يالله تشيل نفسها بالمستوي
اخوي انس عز الله القديم في البر يطربك افضل من جديد بدون أي نقاش يشهد لها ربع الخالي والدهنا
الجديد حق خط ونزلات بر على خفيف بدون جور
تحياتي لصاحب الموضوع واعتذر على المداخله

[س.س.التميمي]

قديمك نديمك ولوجديدك اغراك بالزين اترك عنك الجديد ماينتهقوا به

[ابونبيل]

هذي اعطال طبيعه اي موتر بالهاموديل يحتاج تعطيه شوي تصليحات وعقبها لا تخلي محل ماتروحه


وترا الاعطال سهالات وتقشير البويه مو من خويك انت المفروض انك انتبهت وترا لو رشيته عادي اهم شي انه مافيه صقعات وحاول حاليا تفكر بالمهم وخل الرشه اخر التعديلات والله يوفقك

[إبو سعود]

انا من رايي تبيعه بدون تزين
لانه تكلف ومايزود في سعر بيعته
واهم شي القير والمكينه , وبالتوفيق

[Salamah.y]

ياخي حرام تبيع ,, اذا المكينه نظيفه و القير و الدفرنسات
باقي الأشياء ملحوقه ان شاء الله ,, لا تهتم واجد بالرش
ممكن تلميع بسيط , يرجع للموتر شيء من نظارته ~

اما الأعطال , تراها بسيطه و ان شاء الله ما منها خوف
لو تصلحها شوي شوي , ان شاء الله يمديك تخلص و انت مبسوط
السياره قويه جداً جداً , و تستحق انك تحتفظ فيها ~

تعتمد عليها بالمكان اللي ودك , و ماراح تقول لأ ان شاء الله
الأهم لا يضيق صدرك و لا تحس انك مغلوب , ترى النظيف منها يتعدى السسبعين بالراحه
و انا شايف واحد , واصل فوق المئه , و الله يشهد على كلامي ~

,

لا تستعجل و تبيع بخساره , عشان بويه
كلها ملحوقه ,, و هالوقت الشيء غالي جداً
يعني سياره عندك تصلحها و تعيش معك
أفضل من تبيعها بخساره و تشري سياره , كل يوم يبي لها تصليح

,

كل التوفيق ,, @~

[سوبربنلي90]

لا حرام تبيعه بخساره عشرة الاف اذا البودي خالي من الصدوم ومكينته زينه وقيره زين لا تبيع استخدم والاعطال الي ذكرته هذي مهب اعطال اغلب الي ذكرته قطع استهلاكيه واذا على الصداء وبويه السياره دخله تلميع فيه محل تلميع ممتاز جدآ يرش لك السياره من تحت بويه سوداء ويختفي الصداء ويرجع كنه جديد انا مجربه الصراحه شغله ممتاز اسم المحل البيان لتلميع السيارت محلهم بالمعارض بالنسيم عند حقين الفحص بالكمبيوتر

[ماء نوفا]

هذا شئ راجع لنفسيتك اذا عايفه ومالك نفس فيه بعه بالي يجيب ولاتعتبره خساره لانك شريت راحت نفسك
ولا اخليه شايل هم التصليح ريح مخك

[صبي هذيل]

السلام عليكم
اخوي انت لو فرضنا انك بتبيع السياره بمبلغ اربعون الف بتروح تشري سياره اخرى اعتقد وبتزيد ع الدراهم مبلغ وقدره وفكلا الحالتين دافع زياده
فانت شوف وقدرها لو انك صلحت اللازم وشوي شوي ومشيت امورك افضل ؟؟؟
ولا انك تبيع وتزيد فوق المبلغ لشراء سياره اخرى وماتدري عنها؟؟
لاكن دامك احصيت الاعطال انا من وجهة نظري انك تشتغل السياره بالحاجات المهمه اولا وتمشي امورك لان سعر النظيف منه يتعداى الخمسين الف الى السبعين الف فانت لو سويت الصيانه وتكون تحت نظرك وباشرافك وعارف وش حطيت وش دفعت اعتقد انك منت خسران
وهذي وجهة نظر قد تكون خاطئه
وفي النهايه اسال الله ان ييسرلك الصالح تقبل تحياتي

[abo naser 1]

السلام عليكم

أخوي هذا عمرة 17 سنة ماروا به وكل هذي أستهلاكي بركة أن محركاته نظيفية

واي موتر أخذه مستعمل بها الموديل أهم شي عندي محركات وبودي وداخلي
وبعدها على طول أنفظ بطنة بالكامل جديد أمس عند العضيب بالصناعية غيرت جميع الرباطت ومسامير التوارزن وكبس وشد رمان وترصيص وتركيب مساعدات للباترول 99 ب 1500 ريال مع القطع أصلي

وبعدها أنزل المكينة وأغير خراطيش وطبات وليات واديتر وكلتش وبعدها نم وأتكل على الله يوصل مواصيل مايصلها جيب الكزس أبو 350 الف

وشف أهل المكاشيت والوعر كل مواترهم من القديمة أعتمادية تويوتا أو نيسان

وبالنسبة للصيانة بالورش لاتروح الا قبل الراتب ب 10 أيام أجور الصيانة بنص السعر ونص الوقت وأسعار القطع فيها تخفيض أسئلني عن ها المتخلفين يتحرون الراتب والشعب الله يخلف على الفتات يوم 25

ولا تشرة على خويك صافطلك موتر البر والي كرهك فية مشتراه غالي والحمد لله أنت مستخدم منت شريطي ولا هذي ماهي أعطال ولا توقف الموتر

[فيافي]

بع هذا مثل الثوب الحرقان كل يوم يطلع مشكله تخسر عشرة ازين لأن الموتر قديم، زود انك لست مرتاح له والله يكتب اللي فيه خير

[sgl2002]

اعطال بسيطه

اهم مافي الموتر بديه ، اذا مابه سمكره ولا جاه صدوم فلاتبيعه


الوالد معه ٩٢ ماشي ٦٠٠ الف ولا اشتكى

[][][زلفاوي][][]

اخوي ضباب.. ألاحظ ان اغلب ما ذكرته هو قطع استهلاكية وامور ضروري ان تستبدل حتى لو تلاحظ بعض اعلانات الجيوب اللي احدث منه بتحصل ان كثير منهم مسوي نفس هالصيانة.. من هنا انصحك بانك تحتفظ بالجيب وتحتفظ بفرق المبلغ لك ولا تخسره وتوكل على الله وسو هالصيانات ترا مثل هالموديلات نادر تلقى النظيف وان ضبطت شغلك فيه عز الله انه بيخدمك وبالمرة اشتغل بالتجهيزات ايضاً وعساك ع القوة وانا اخوك..

[يكفيني نظرة]

السلام عليكم ورحمة الله وبركاته

اخواني انا شريت لاندكروزر 96 بعد نصيحة من صديق يبدو انه أجهل مني في المواتر

طبعاً بخمسين الف وماشجعني على الشراء المكينة ماشاء الله تبارك الله ممتازة جداً
ونظافة داخليته من فرش ومقاعد ومكيف مركزي وثلاجه كلها غاية في النظافة
(رأيي اذا الداخلي نظيف ومرتب وبدون تشوهات من كسور وغيره شي ممتاز)
لكن في الجانب الآخر وبعد الكشف عليه وجدت به هذه العيوب

1 ) تقشر في البودي وبهتان اللون اي لامفر من رشة جديدة
(وده تلميع وتراني سألت عن التلميع الخارجي للجيب قبل اسبوع بالنسيم بالرياض وسعره 200 ريال وقالوا لي الشباب بتلقى ارخص)

2 ) يحتاج تغيير الاذرعة

3 ) يحتاج تغيير مساعد الدركسون
(ايسدلكو ب 130 ريال) وشيك على الرابط هذا http://www.mekshat.com/vb/showthread.php?t=552435

4 ) يحتاج تغيير كراسي القير والمكينة
قيمتهن اعتقد دون من 1000 ريال كلهن

5 ) يوجد ترشيح بسيط في الجربوكس يمكن يحتاج جلد على قول المهندس
اذا بسيط زده وانسه وعايره بالشهر مره..

6 ) يوجد صدأ في اغلب القطع السفلية
فيه محلات تصبغ وتجدده

7 ) تغيير الكفرات والجنوط
هل جنوطه فيها رجه او طعوج؟؟

والسؤال هو هل يستحق العناء وتصليح وتغيير ماسبق ذكره أم أبيعه بخسارة
عشرة آلاف ريال لان اكبر مبلغ اندفع فيه هو 40الف فقط وأرتاح منه وهل أنا خسران
في الحالتين مانستغني عنكم يا اخوان فلا تبخلوا علينا بارك الله فيكم
طبعا ردودي هذي اللي فوق بالاحمر بناء على مافعلت الشهرين الماضية:
اشتريت جي 2004 وكان راعيه مهمله تدري وش غيرت ؟؟
- تنجيد المراتب مع الارضيه ب 600 ريال
-صوف قير ودبل وصدر مكينه 750 مع التركيب..
-مقصين واحد يمين وواحد يسار ومساعدات اربع ورباطات(شدادات) 2400ريال مع التركيب.
- كرسي دفرنس 455 ريال مع التركيب .
-كراسي مكينة 550 على ما اعتقد مو متأكد الحبه ب 200 وعليها..
فما اعتقد ان سيارتك بتكلف اكثر ..

[الهاص]

أقوى كارثة من هالكوارث اللي أنت ذكرتها الصدأ لآنه يهشهش الموتر ويضعفه فأفضل لك بعه ويرزقك الله بأفضل منه وشوف(97) أفضل

[ابوراكان تبوك]

اخوي انس عز الله القديم في البر يطربك افضل من جديد بدون أي نقاش يشهد لها ربع الخالي والدهنا
الجديد حق خط ونزلات بر على خفيف بدون جور
تحياتي لصاحب الموضوع واعتذر على المداخله
:good2::good2::good2: والله مره شريت واحد 97 بعد استخدامه اسبوع كرهت موتري 2002 بصراحه القديمات من 92 الى 97 افضل الجيوب الصوالين للبر بدون أي نقاش

وللعلم واحد من جيراني شرا 93 بيج بس مافيه طقة شاكوش بـ 63الف كاش النوع هذا يحافظ على سعره وانا بعت 97 بيج بـ 91000 بس كرت مع ان ممشاه 191000

[دولاار]

ماقصرو الاخوان
واذا الي معيفك الموتر الاعطال الي ذكرتها فقط
فامايصلحلك الا تشتري موتر من الوكاله :D
اي موتر مستخدم لاازم تحط في بطنه دراهم وموترك على كلاامك حرام تبيعه عشان الاسباب الي ذكرتها
صلح فيه على هونك والحين صيف اقعد طقطق فيه على راحتك ومايجيك الشتاء ان الله احياك واحيانا الا موترك
كررت مايشتكي من شي وبيوسع خاطرك

[أبي عبدالله]

مسيك بالخير اخوي ضباب أ


والله الاعطال اللي ذكرت زي ماتفضل راعي البره روتينيه

وبعدين حط في بالك موديله 96 يعني طبيعي يطلب

الشي الثاني السيارات هاذي اذا لقيت منها النظيف تمسك فيه

وانت تقول ان محركاته ماشاء الله نظيفه مكينه وفرش وتكييف وغير وغيرة
واللي فيه من


من الصدأ رشة قار
والاذرعه طبيعي ياخي السيارات تطلع جديده وتاكل لك مطب
وتروح تغيرها وبعدها توزن اذرعه



ابد لايضيق صدرك رح واسال عن ورشه شغلها صح وانفض ام الجيب

ونصيحه انت الحين بتشتغل لاتحط الا اصلي



وتوكل على الله والله يبارك لك ويجعلها عون على طاعة الرحمن



من اخ محب أبي عبدالله النجدي

[ksaboss]

تدفع 15000 في تصليحات و تستخدم الموتر احسن من تبيعة بخسارة 10000 و تدور غيرة

[ابو خالد 1992]

الشباب ماقصرو فالنصح
إذا بتستعمل يستاهل ولاتبيعة بخسارة عشرة وتروح تزيدها 20 على موتر ماتدري عنه
أنا معي باترول 97 حطيت فية اكثر من15الف وله معي ثلاث سنين والحمد لله ’اهم شي سلامة القير والمكينة و الدبل و الدفرنسات والباقي استهلاكي حتى لو خذت الجديد مردة بيطلب وموب صابر مثل القديم .

[اتجاه السحاب]

انصحك تبعية لأنة بيكلف عليك وهو قاضي عمرة..
الله يرزقك ب آخرموديل..

[التعـ King ـديل]

) تقشر في البودي وبهتان اللون اي لامفر من رشة جديدة

تجديد بويه مايكلفك 3000 ريال كامل السياره ولا يضر لانها قديمه

2 ) يحتاج تغيير الاذرعة
3 ) يحتاج تغيير مساعد الدركسون

4 ) يحتاج تغيير كراسي القير والمكينة

جميع القطع ماتكلفك 1500 ريال مع التركيب

5 ) يوجد ترشيح بسيط في الجربوكس يمكن يحتاج جلد على قول المهندس

رخيص

6 ) يوجد صدأ في اغلب القطع السفلية
رش ديزل وامورك طيبه

7 ) تغيير الكفرات والجنوط
هنا تعتمد على اختيارك

اي خدمه انا على الخاص

[غواص بادي]

اذا كان بودي بلد فلا ترشه اما مساعد الدركسون فهوى 170 شكله زي مساعد الشنطه طويل يشيل عنك ارتداد الطاره اما كراسي الما كينه ضروري تشيل رجه البودي اما جلده الجير هيا الصوفه ما بين الجربقس والماكينه وانا غيرتها اصلي قعدت 6 شهور ورجعت انصحك لا تعطيها اهتمام اكثرالجيوب كذا تغيير الكفرات والجنوط اذا كنت ركاب وعشقت الموتر غير الكفرات والجنوط تتصلح في المخرطه اما بالنسبه لصدا بعد ما تغسل الموتر اشتري علبه زيت نارجيل اصلي ورشه من تحت اخر شي وكل الخرابات حا تكلفك 2500 مو اكثر في مفاقده اذا كنت ركاب شكرا

[أنصر نبيك]

أشكر الجميع كل باسمه عز الله ماقصرتوا كفيتو ووفيتوا لكن انا خشيت تظهر مشاكل اخرى في الطريق
لذا كرشت أبوه بخسارة 10 آلاف ولما ينقضي الصيف يجعل الله لنا ولكم فرجاً ومخرجاً دعواتكم

[أطلال نجد]

السلام عليكم و رحمة الله
أولاً مبروك السيارة و الله يعطيك من خيرها و يكفيك شرها
ثانياً الأمور اللي ذكرتها كلها بسيطة إن شاء الله و تكلفتها رخيصة وكل سيارة راح عليها أكثر من عشر سنين طبيعي تطلب القطع اللي ذكرت
إذا أنت راغب السيارة و مكينتها و قيرها و دبلها زين و بديها ما فيه صدوم توكل على الله و صلح اللي تقدر عليه الآن السيارة تستاهل
لكن إذا نفسك طايبة من السيارة فنصيحتي لك لا تصلح فيها شيء و لا تبيعها الآن
و لو قدرت تخليها عندك حتى الموسم القادم بتجيب لك سعر طيب
لكن حاول تدخل السوق يوم خميس و جمعة فقط
و لا تستعجل على بيعتها وحاول تسأل عن مثيلاتها بالسوق عشان تعرف سعرها قبل تبيع
لكن أحذر ... في سوق السيارات عندنا الشريطية أكثر من السيارات

موفق للخير ،،،

[abo naser 1]

أشكر الجميع كل باسمه عز الله ماقصرتوا كفيتو ووفيتوا لكن انا خشيت تظهر مشاكل اخرى في الطريق
لذا كرشت أبوه بخسارة 10 آلاف ولما ينقضي الصيف يجعل الله لنا ولكم فرجاً ومخرجاً دعواتكم


الله يعوض عليك بخير منه

[عاشق الطير2]

اهم شي االمحركات الرئسيه والباقي بسيط مةضوعه

[اسدهم]

يالغلا اذاماعندك نيه للبيع اشوف انك تصلحه وتكرفه لاتخلية ياقف همن اذاجا الشتاء نحرة المعارض وبعه اول شي انك خسرت فيه. وكرفته في الشتويه ان الله احيانا ونت ابخص.