المساعد الشخصي الرقمي

مشاهدة النسخة كاملة : مشكلتي مف الفرارات ..... الفلنجات .. حقت السليماني


خيام الندم
17/09/2006, 10:33 AM
السلام عليكم .. مشكلتـــي ركـــبت ( فلنجات فرارات ) تفصل الدبل على موتري سفاري 93 جديده من السليماني الغرابي ... وطلعت صوت قرقشه وازعاج خصة مع البر او الازفلت الردئ .... وقمت بتشحيمها عندهم والتأكد من صحة تركيبها وكل شي سليم جدا ومافيه فايده ... وأستبدلتها بأخرى جديده من النوع الاسود يجي قطعه وحده والأوله قطعتين فضيه ؟؟والمشكله ان الاصليه بسعر خيالي عند الحمراني تقريبا 2000 ريال .. السؤال ماهذا الصووت المزعج وهل احد جربها ومالحل ؟؟؟؟ . تكفون افادتي مع الشكر الجزيل ... اخوكم
m1m
17/09/2006, 07:42 PM
السلام عليكم .. مشكلتـــي ركـــبت ( فلنجات فرارات ) تفصل الدبل على موتري سفاري 93 جديده من السليماني الغرابي ... وطلعت صوت قرقشه وازعاج خصة مع البر او الازفلت الردئ .... وقمت بتشحيمها عندهم والتأكد من صحة تركيبها وكل شي سليم جدا ومافيه فايده ... وأستبدلتها بأخرى جديده من النوع الاسود يجي قطعه وحده والأوله قطعتين فضيه ؟؟والمشكله ان الاصليه بسعر خيالي عند الحمراني تقريبا 2000 ريال .. السؤال ماهذا الصووت المزعج وهل احد جربها ومالحل ؟؟؟؟ . تكفون افادتي مع الشكر الجزيل ... اخوكم


أفضل النوعياتWarn ويليها AVM

وأما البرازيلية السوداء مخيسة .. وتورطك في البرّ .. وتخرب على طول .. ما تنفع

وللعلم هم يقولون أمريكي .. والصحيح أنها برزيلي
شبح الصحراء
17/09/2006, 07:49 PM
انا ركبت البرازيلية الفضية القطعتين وطلع فيه صوت وقرقشة في الجهة اليمنى خصوصاً صوت سحب قوي اذا ضربت عيون البس في الطريق والصوت كان يجي اذا فصلت العكس ويختفي اذا شبكت العكس! النوع البرازيلي فاشل تماماً وانصحك بالفرارات الوارن الأمريكية الأصلية مع اني دورت عليها قبل ست شهور بكل محلات الرياض وما لقيتها فلوعرفت وين تباع لا تنسى تقولي .
خيام الندم
18/09/2006, 01:23 AM
أخوي ( شبـــــ الصحراء ـــــــح ) ..... أشكرك على أفادتي تصدق ما لقيت أحد أسأله كل أصدقاي يسحبون جلنط محد عنده معلومات عنها ... أكرر شكري لك . طيب وش رأيك تكفى : أخليها تقـرقش وهل فيــه أمل ألقــى الــــوارن في الرياض وش الحل تكفى ؟؟؟؟؟؟ اخوك ... أنتظرك
شبح الصحراء
18/09/2006, 06:44 AM
قبل لا تفكها من جديد جرب تشبك العكوس واطلع خط 30 كلم وارجع وبعدين افصل العكوس وتأكد من الصوت .

اذا فكيت الفرارة افحصها من الداخل وتأكد من ان الأجزاء المسننة سليمة وغير مكشوطة وتأكد ان حجم القطعة التي تركب على العكس مناسبة للعكس ( لف الفرارة لين يطلع الجزء المسنن وشف ينطبق على العكس ولا لأ ).

بالنسبة لي انا جربت كل الطرق بدون فايدة ولكن اضطريت اني افك الفرارة ورحت شحمتها من جديد (دحيتها شحم من النوع الغليظ) وركبتها وحطيت المعجون الأحمر على حواف الفرارة علشان الشحم ما يطلع منها لأني اكتشفت ان الشحم يتهرب منها واظن هذا هو سبب المشكلة .
مراسل وراط
18/09/2006, 06:49 AM
حط شحم الماني واربط الصواميل زين وتوكل على الله
خيام الندم
18/09/2006, 07:41 AM
هلا أخوي شبــــــــــــــــــــح ...... مشكوور يابعدي ماقصرت ردودك متميزه جدا ؟؟؟؟ ترى ماراح الا شهر بس على تركيبها وطلعت الصووت .. مو معقوله تخرب السنن حقتها !!!!
وتراي ماليها شحم أخر مره ولا فاد أبد نفس الصووت يمكن زاد بعد !!!!!
وبأسألك سؤال ياشبح : أذا قررت ألغيها وأرجع الي يسد مكانها هـــــــل هل أحط شـحم قبل أو لاء ؟؟؟؟؟؟
مارااااح أصبر على صووووتها أبد يضيق الصدر .. أنتظرك
شبح الصحراء
18/09/2006, 07:48 AM
اكيد حط شحم اذا جيت ترجع الفلنجات ، طيب هل الصوت من فرارة واحدة أو كل الفرارات؟ .
خيام الندم
18/09/2006, 07:52 AM
كلهن أخوي شبح كلهن دمااار ,,,,, أذا سألك أحد عنهن تكفى ذمها وكثر ,,,,,
شبح الصحراء
18/09/2006, 07:55 AM
الله يعينك مالك الا انك تفك الفرارات وترجع الفلنجات الأوله وترى مميزات الفرارات ماهي ذاك الزود خصوصاً للجيوب القديمة البلا من الجيوب الجديدة لأنها كلها حساسة وحديدها ماهو قوي مثل المواتر الأوله احسن لك بدون فرارات صدقني راح ترتاح .
خيام الندم
18/09/2006, 08:48 AM
يسلموووو يسلموووو ياشبح تصدق ريحتني الله يريحك .... صعبه جدا ألقى واحد مثلك ... مشكووووووورررر
شبح الصحراء
18/09/2006, 12:14 PM
ولا يهمك حنا اخوان وزود :good: .
بواسامه
19/09/2006, 02:24 PM
هلا أخوي شبــــــــــــــــــــح ...... مشكوور يابعدي ماقصرت ردودك متميزه جدا ؟؟؟؟ ترى ماراح الا شهر بس على تركيبها وطلعت الصووت .. مو معقوله تخرب السنن حقتها !!!!
وتراي ماليها شحم أخر مره ولا فاد أبد نفس الصووت يمكن زاد بعد !!!!!
وبأسألك سؤال ياشبح : أذا قررت ألغيها وأرجع الي يسد مكانها هـــــــل هل أحط شـحم قبل أو لاء ؟؟؟؟؟؟
مارااااح أصبر على صووووتها أبد يضيق الصدر .. أنتظرك

تبي نصيحتي
يااصلية ولا فكها وريح بالك
وللفايده
ترى هالتجاريه نفس الوكيل ما يضمنها من يوم تركبها وتدق سلف من عنده
معناها انها مهيب صنعه
ووالله اني زد توهقت بها في طعوس الخراره وصاره العكس ماله سنع وصارت تطقطق
ولا اشتغل الدبل وغرزت اللهم لا شماته :D
لين وصلت البيت وركبت شد البلد عند الباب وهي اقرب زباله اكرمكم الله
خيام الندم
20/09/2006, 03:12 PM
هههه !!! مشكووور أخوي أبو أسامـــــــــــه على الرد الجميل الله لأ يبلانا ..... هذا نفس المقوله ( يامن شرى له من حلاله عله ) أنا فكيتها وأرتحت نفسيا ,,,,,,, والمشكله واللي قاهرني أن سوقها ماشي عند السليماني وكنك تقول ابغى خصم كان يطلعوونك مع الباب !!! لاكن سأسعــــى حثيثا بالتحذير عنها لاصدقاي وزبائن السليماني عموووما وههذا اعتبره من النصح لاخوووك المسلم .. لأنه غش حسبي الله على من وردها ؟؟؟؟ :confused:
مع الزعيم
21/09/2006, 01:09 PM
اخوي خيام الندم انا اتفق مع الشباب الي ينصحون بفكها وريح بالك وخلك على شد البلد فانا كنت مركبها على جيب كان عندي وبعت الجيب بفراراته وشريت جيب مافيه فرارات ولا شفت فرق يسوى