ممكن تعطوني خبر عنها

[راعي العشــه]

مساء الخير للجميع
بصراحه عندي اخوي يبي يشتري سياره ولا هو عارف وش يشتري وحصل اوبيل اوميجا موديل 2001 ماشيه في الستينات وسعرها معقول بس ودي اعرف عن مو اصفات السياره هذي
هل هي استعماليه ...
قطع غياره معقول او غالي ...
استهلاك القطع كثير ولا عادي على الاستعمال

وابي نصائحكم الله لا يهنكم واللي يعرف احد عنده اوبيل يسأله الله لا يهينه عن استعمالها
ويعطيكم الف عافيه

[القماري]

قطع الغيار غالية شوي وبعضها غير متوفر ، وكيلها بالشرقية شركة الجميح.
سيارة جيدة وشكلها جيد ويوجد منها ( أوميجا ) عدة موديلات
http://www.opelomega.co.za/Images/Gallery/01_big.jpg
السيارة عموما مطلوبة من قبل الكثير من الشباب هذه الأيام وهي سيارة جيدة ووكيلها معروف وأهم شيء ان تكون السيارة نظيفة ( غير مصدومة ومحركها يعمل جيدا وغير ملعوب فيها ) وأن يكون سعرها مناسب ( لا أعرف كم تسوى 2001 ) الاحسن الذهاب بها للحراج قبل الشراء ومعرفة السعر من قبل الشريطية.
المواصفات:-
6 سلندر - 3،2 ليتر 232 حصان
http://www.amicar.ch/occasioni/images/OpelOmega01.jpg
عموما السيارات المستخدمة يقل سعرها ويكثر بلاها إذا لم يكن صاحبها معروف لديك والجديد أفضل

[ابو سعود]

لا تقربها


قطع الغياااااار ناااااااااااااااااااااار ومشاكلها كثيره وغير معروفه لان لي صديق شرا وحده جديده وبدت تطفي عليه ولا عرفت الوكاله سبب المشكله الين خلص الظمان مع العلم إنه سوا كل شئ حتو وضب المكينه ولا راحت

ثاني شئ

القطع الاستهلاكيه غاليه مثل الفحمات مثلا أنا سمعت إنها من 400-600 على ما أعتقد لاني مبطي ما سالته

وعلى ما أعتقد إن السياره قطع غيارها في الوكاله بس


وأنصحك بالياباني وخاصه تويوتا يعني من الكزس أو الافالون

[راعي العشــه]

يعطيك العافيه اخوي القماري

يعطيك العافيه اخوي ابو سعود

ومشكورين على حسن استجوابكم معنا

[الخبير]

السلام عليكم
اخوي عنه وحده موديل 2001 و تراها ممتازة و راسيه . لكن مثل ما تعرف منت عارف حقيقة السيارة إلا بعد 3 سنوات

[راعي العشــه]

طيب اخوي الخبير ماتسأل اخوي عن صرف البنزين وكم سلندر اللي مع اخوك
وصحيح الفل كامل يجي فيها تلفون

[الخبير]

و الصراحة يا الحبيب
سيارة اخوي فل كامل . صرفها للبنزين ممتاز جداً.
هي 6 سرندل و صحيح ان فيها تلفون لكنه على السبيكر. يعني ما فيه سماعة.
إذا طنت ناوي تركب فيه سماعة تروح لوكالة اويغا في البحرين و يركبونها لك ب 900 ريال.

[راعي العشــه]

مشكوووور اخوي على المعلووومه
وياابن الحلال اذا جاك اتصال وقف ونزل اللي معك واذا خلصت مكالمه ركبه :D :D
ومادري اخوي الرقم المتصل يطلع في الشاشه عندك او لا

[الخبير]

الرقم يطلع في الشاشة و إذا كنت مشغل المسجل و جاك إتصال مباشرة ينخفظ صوت المسجل و يرن التلفون.

[راعي العشــه]

يسلمووووووووووووووووووو
اخوي الخبير على المعلومات
وماقصرت معانا اخوي
:rolleyes: