المساعد الشخصي الرقمي

مشاهدة النسخة كاملة : كم سؤال عن شبك لطيور؟؟


بو راشـد
18/09/2006, 01:26 AM
السلام عليكم ورحمة الله وبركاته
كيف حالكم ياصقاره عساكم على القوه . بما أني راعي بحر ولالي بطير بس عندي كم سؤال تقدرون تقلون حب المعرفة والمطالعه وأرجو أنها ماتكون ثقيله عليكم.
أنا عندي أدوات شبك لطيور وتقريبا كاملة والكامل الله ولاكن لين الصقار يروح يقنص لطير من أي وقت إلى أي وقت يقضيه في المكان إلي بصيد فيه؟ يعني يقضي وقته قاعد يدور لطيور وله في أوقات معينه و ممتازه لشبك لطيور وأقصد بلوقت هنا مثلا العصر الصبح؟ وسؤالي الثاني ماهي البيئه إلي تقدر أجوف الطير يمر فوقها فمثلا المنطقه إلي تكون ساحليه أو الجبليه او الزراعيه؟ وأخر سؤال إذا عندكم أي خبر إذا لطيور مرت على البحرين وله لا وفي أي وقت تمر؟

معليش طولت عليكم بلسأله بس هم أنتو طيبين.

وتحياتي لكم............................
أبو رداد
18/09/2006, 10:13 AM
وعليكم السلام ورحمة الله وبركاته

حياك الله اخوي

وبالنسبه لصيد الصقور اول شي يجب عليك تميز الحر والشاهين عن باقي الجوارح المهاجره ... وهذا الشي مهما شرحنا لك يبقى التميز صعب عليك
وافضل اوقات الطرح هي الفجر حتى ترتفع الشمس وهذا وقت غدا الطير
والعصر لين غيبة الشمس وهذا وقت عشا الطير ...وللقاعده شواذ لكن اول الموسم نادر ماتلاقي الطير في الظهر ويستهد ...لان اغلبها تحوم وتدور البراد في الظهر او لما ترتفع درجة الحراره
اما المناطق الي يمر عليها الطير المهاجر فهي المناطق التي تقع على خط الهجره سواء كانت ساحليه ام جبليه ام صحراويه وفي اغلب الاحيان
مقانيص الطيور تكون في الصحراء والهضاب والسواحل لسهولة طرح الطير فيها
اما مايخص المقناص في البحرين فارجو المعذره لان ماعندي علم اكيد
وان شاء الله باقي الاخوان يردون عليك وينفعوك فيها
وانصحك اخي مرافقة ذوي خبره من المنطقه لان تلاقيهم اعرف في مناطق تواجد الصقور وطرق صيدها في منطقتهم
اضافه الى ان التعلوم النظري يبني المعرفه فقط
والتعلوم الحقيقي هو العملي
مع تمنياتي بالتوفيق
القصيلي911
18/09/2006, 02:33 PM
والله انا اشوف ان من الممكن في البحرين في شمال البحرين تعين لانها جايه من ايران وافارس وهي ماتروح البحرين على مااظنتي اغلبها عمارات ومافيها بران وشكرا
اظن ممكن تحصل في جزر حوار او الجزر الغير مأهوله في قطر مثلا اكثر شيء جزيرة شراعوه واما المناطق الشمال ودخان وشبه جزيرة بروق والخور وذيكي الاماكن وشكرا
ظبياني920
18/09/2006, 06:45 PM
انشالله فادوك الربع
والله مالي علم فالموضوع ول كان خبرتك
بو راشـد
18/09/2006, 09:18 PM
السلام عليكم ورحمة الله وبركاته
أخوي رداد وأخوي القصيلي وأخوي ظبياني مشكورين وجزاكم الله كل خير ووفقكم في كل ماهو خير وعساكم على القوه والصراحة مقاصرتو ولو كانت بلمشاركة وشكرا مره أخرى. وإذا كان عندكم إي سؤال وله شي عن البحر فأنا إنشاء الله حاظر وممنون.

وتحياتي لكم وجزاكم الله كل خير......................................
pshl
19/09/2006, 02:33 PM
سؤل لهل الشبك لوفكيت الحمامه مشبوكه امشي وراها بالسياره ولا اخلي الطير يطاردها اخوكم ابو عبدالله