ماهي الطريقه السليمه لسحب سياره مقرزه وانت في رمله صعبه..الكل يكتب الحل. [الأرشيف]

مشاهدة النسخة كاملة : ماهي الطريقه السليمه لسحب سياره مقرزه وانت في رمله صعبه..الكل يكتب الحل.

مسهي الرعيان

18/09/2006, 02:47 AM

السلام عليكم...يا اخوان ماهو الحل المناسب اذا كنت بتطلع سياره مقرزه وانت بأرض صعبه وعلما ان الموتر يكون تماتيك...(الرمله اللي يحبها قلبك الناعمه) نسمع منكم يا اخوان لحد يبخل علينه بالرد....

العملاق النائم

18/09/2006, 03:24 AM

مسهي الرعيان

18/09/2006, 03:27 AM

الله يجزااااك خير ياخوي العملاق النائم ونحن بانتظار البقيه....

المتليك

18/09/2006, 07:17 AM

1/ استخدم للسيارة المغرزة وطايات الارجل تجعلها تحت الكفرات اوالصاجات اللي تستخدم للرباض
2/ استخدام العفريته لرفع السيارة ووضع اشياء تحت الكفر لرفع الموتر
تحياتي وتقديري

شبح الصحراء

18/09/2006, 07:24 AM

حسب عنوان موضوعك وهو سحب سيارة مغرزة في الرمل اظن انسب طريقة هو استخدام سلسة غليظة مع نتل السيارة في حالة ان دفرنس السيارة المغرزة يلامس الرمل أما اذا كانت السيارة مغرزة ولكن لم يلامس دفرنسها الرمل اظن يكفي سحبها بطريقة عادة مع استخدام الدبل الثقيل حسب الحاجة .

aziz2727

18/09/2006, 08:32 AM

زي ما قالو الاخوان بس احب ازيد شوي
يكون فيه واير طويل والسيارة الي بتسحب السيارة المغرزة الافضل ان يكون السحب عن طريق الريوس . ليش ؟
لان نمرة الريوس اعتقد قويه ولا تأثر على السيارة الساحبه هذ نقطة .
والنقطة الثانية اذا كانت السيارة الساحبه ذات دفع رباعي الافضل استخدام الدبل الثقيل لاعطاء السيارة قوة تساعدها على السحب دون التأثير عليها .
هذا في اعتقادي .

كان

18/09/2006, 08:52 AM

اذا كان الدفرنس ما لامس الرمل برح امام الكفرات ومن خلفها ونزل هواء الكفرات وتقدم شوي قدام وشوي وراء في الدبل الخفيف اولا دون الضغط على البنزين بقوة حتى لايحفر الكفر ولاينزل الموتر ويتعلق والله اعلم

السارب

18/09/2006, 10:31 AM

السلام عليكم ورحمة الله
طبعا بعد تنسيم الكفرات (السيارتين) تحتا ج واير يكون طويل نوعا ما واذا فيه صاجات تنتهي المشكلة او اذا فية اكياس شعير او كيس رز تعبية رمل وتحطة تحت الكفرات
حاول انك ترفع السيارة وادفن تحت الكفر ات الربع
قرب الجيب واسحب السيارة بالريوس ولكن قبل لازم تسوي طريق للسيارتك عشان يرتص الرمل شوي
فية طرق كثيرة لكن انزلها في اقرب وقت انشاء الله

ملاعب الريح

18/09/2006, 05:33 PM

أخوي مسهي الرعيان أهم شي تنسيم الكفرات لا تسحب إلا بالدبل الثقيل لأن الخفيف بيعدم الكلتش..........
(ملاعب الريح)

طخيمان

19/09/2006, 01:09 AM

أهم شيء أنصحك فيه انك ما تستخدم سلسلة لأنها لو انقطعت لا سمح الله يمكن تظرب زجاج سيارتك أو تضرب سواق السيارة الساحبة
أحسن شيءتاخذ لك واير قماش يكون قوي أأمن وأزين وأخف وانا كان عندي بعض الوايرات الضعيفة أسحب بها جموس مغرزة اذا انقطعت ينقطع القماش ويتعلق الشنكار في السيارة المسحوبة واذا بغيت واير قوي راسلني على الخاص واعلمك أحسن محل تلقا عنده(احترام لقوانين المنتدى)

بن سليم

19/09/2006, 11:21 AM

بالنسبة لي
1-انزل هواء الاطارات طبعا .
2-ازيل التراب امام الاطارات التي هي السبب الرئيسي لعرقلة حركت السيارة
3-اعدل الدرقسون ليصبح عدااااااااااااااااااااااااااااااااال.

فيه اجرائات اكثر اذا كانت المنطقة او الارضية من نوع (الرباضة) الله يكفينا شرها.

نتظر باقي الخبرات.
تحياتي مسهي الرعيان,,,,,,,,,,,,,,,

أعتقد أخوي العزيز :

العملاق النائم

كلامه سليم

وحبيت أزيد عليه شوي

معرفة أتجاه السحب للسياره لان ربما تكون المنطقه التي ( أمام - خلف ) السياره المسحوبه غير مناسبه

لعملية السحب

وبكذا تتعقد الامور لاسمح الله

هذا الي حبيت أضيفه وسلامتكم

أخوكم : بن سليم

مسهي الرعيان

20/09/2006, 12:53 AM

الله يجزاكم خير اخواني المكشاتيه...على الردووووود الطيبه والاقتراحات الرائعه الله يعطيك العافيه اخوي عزيز2727وفكرتك جميله...موفقين خير...
اخـــــــــــــــــــــــــــــــــــــــــــــــو كم _مســـــــــــــــــهي الرعيـــــــــــــــــــــــــــــــــان