من جررب هذا النوع من مواطير الهواء؟؟؟

[عروان]

أخواني أنا ودي أشري ماطور قوي وسريع.

لكن الانواع بالسوق واجد شي ياباني وشي صيني

شي أصلي وشي تجاري والوكالات تورد نفس النوع وكل يحط أسمةعلية وقول حقي أصلي والباقين تجاري.

بس فيه نوع أمريكي (اللي بالصورة تحت) أسمة TruckAir

http://www.timesavingtools.com/webart/products/2_b.jpg
http://www.4x4shop.net/WebSite/images/Tires/Truckair.jpg

هذا أمريكي أصلي مئة بالمئة ومكتوب علية ضمان انة يعمل 8 ساعاة متواصلة.

هل أحد منكم يالنشامى شراه وجربة. سؤالي عن الـ TruckAir اللي صوتة فوق.

شكرا لكم

[السافى]

اخى عروان
انحش ترا مهوب زين
اسئل مجرب
تحياتى

[القماري]

ليس عملي الأفضل أن تبحث عن شيء أقوى

[الجمس]

اخوي
السلام عليكم
انحش عن هالي عرضت صورته ترى ما ينفخ ولا حتى كفر سيكل.
هناك نوع ممتاز جدا شفته عند صديق وسعره معقول 300ريال وصناعته (صيني) ايه صيني! لكنه ممتاز ويجي بشنطه قماش سوداء وله لي اصفر لااذكر اسمه ولكن احاول اجيب اسمه . على فكره انتبه ترى فيه سمرمد بالغرابي يشيلون الماطورالاصلي ويحطون واحد تقليد قيمته 80 ريال محله , احرص على الاصلي ترى على الماطورالاصلي من الجنب ستكر دائري لونه فضي لماع ومكتوب عليه اسم الشركه المصنعه نفس الاسم اللي على الشنطه وهذا انصحك فيه.
وان كانك مقرش (ولا اعتقد) فهناك نوع برازيلي تلقاه عند محلات الرمايه بالرياض قيمته على ما اعتقد 950ريال ممتاز ولكن الصيني حسب اعتقادي بنفس الكفاءه والسرعه والراي لك.
مع تحيات الجمس.

[راعي عنيزة]

اخوي لا يغرك انه مكتوب صناعة امريكيه لان الغش بالصناعه منتشر بالحيل بزينات السيارات
لذلك تلقاه مكتوب صناعه امريكيه وهو صيني

وانا جربت ماطور سوبر سفاري وراد الشراع
وحليل ينفخ كفر الموتر باقل من اربع دقايق وميزته انك تثبته بالكبوت ولا يضيق عليك

[عروان]

مشكورين يا أخواني

ما قصرتو والله وهذا العشم فيكم. أخوان تحرصون على مصلحة أخوكم.

هونت عنة و أنشاء الله أبشري سوبر سفاري.

بس يا أخوي راعي عنيزة ولا يهونون الاخوان

منفاخ السوبر سفاري موجود بالسوق بأكثر من اسم. وارد الشراع, وارد ساكا أيضا وكيل ثاني بأحرف أنجليزية.

لكن المنفاخ نفسة صيني ونفس المواصفات. فقط الشنطة تفرق.

هل هم نفس الشي بس فرق الوكيل؟؟

تحياتي

[راعي عنيزة]

حسب ما اسمع من الشباب انها متشابهه بالشكل لكن تفرق بالتحمل وقوة دفع الهوا

وياليت تعذرن بالانواع لاني مشتري الماطور قبل سنتين

والاخوان في الموضوع الي تحت ما قصرو تكلمو عن الاصلي وخصوصا رد راعي البعارين في الصفحه 3 بخصوص ماطور ساكا

http://www.mekshat.com/vb/showthread.php?s=&threadid=5256

[الهرش]

أخواني الأعزاء
السلام عليكم ورحمة الله وبركاته
فيه نوع من المواطير أكثر الناس يمدحه أنا معي من العام لكن ما جربته تجارب تستاهل .
إسمه VOLCANO وصناعته برازيلي

[abukhaled35]

اخوي مثل ماقالك السافي انحش عن هذا الماطور لاني جربته ولانفع

[التغلبي]

الاخ عروان النوع اللي ذكر أخونا (الجمس) جيد وأنا أستخدمة من اكثر من سنه وسعره معقول 180ريال فقط

[عروان]

يا أخوان ما قصرتو

بس السوبر سفاري وال Valcano هم نفس المنفاخ اللهم ان كل وكيل مسوي له أسم.

أنا قريت مواصفاتهم ألبارح بالمحلات كلهم نفس المواصفات والصناعة والقوة هي 1.94 في الاثنين.

والسعر واحد بالدمام وهو 200 ريال.

[أبوشهد]

ماطور الهوا لازم يكون قوي وسهل الأستعمال في الحقيقة أعجبني واحد شفته مركب على ددسن غمارتين كمبروسر هواء إيطالي الي يعبي الدبات مقاس 100 لتر في الكبوت ومرهم له بكرة مع الدينمو فقط يركب له سير فيدور مع المكينة فيخرج الهواء من الكمبروسر إلى ماسورة أربع بوصة مسكرة من الجانبين مخليها مخزن للهواء ومطلع العطاسات للهواء الزائد من بين التندة والصندوق ومقياس الضغط الهواءفي المخزن ( الماسورة ) داخل التندة خلف المرتبة الخلفية
المواصفات التي شفتها اعجبتني جداً لأنه يحصل على هواء قوي وسريع بكل يسر وسهولة لكن وللأسف لم أصوره علشان تشوفون وشو مسوي وانا ما أعرفة ولكن شفته في الورشة فاتح الكبوت وقام يشرح لي أبن الحلال والعجيب أنه شايب