المساعد الشخصي الرقمي

مشاهدة النسخة كاملة : لينكون نافيجيتور2006


ابوفارس511
11/04/2013, 07:54 PM
ياربع شرينا لينكون نافيجيتور 2006 سعودي فل توكيلات الجزيره نبي خبرتكم ابي اعرب الشاشه والبس الارضيه بعازل وين افضل مكان بالرياض
وابي رايكم بالهيدروليك احس اليايات كنه شاص يطامر ارده للهيدروليك مع اني شاريه باليايات وراعيه مركبها من الوكاله
واذاكنت مسرع ومسكت بريك احس فيه رجه بالدريكسون خفيفه والدبل جربته احس فيه تكه خفيفه طبيعي والا كيف

والي عنده نصايح لا يبخل والله يعطيكم العافيه
يكفيني نظرة
12/04/2013, 02:33 PM
اولا الله يعطيك خيره ويكفيك شره..
الارضيه اشير عليك ماتلبسها لأنها اذا انشقت ودخل رطوبه تخيسك بالريحه واذا تبي تركبها عندك السماعيل بالغرابي قديمين ومعروفين بشغلهم..
بالنسبه للهدروليك اذا بترجعه بيخسرك خساير انت في غنى عنها لكن شيك على المساعدات يمكن قاسيه وهواء الكفرات لايكون مليان..
البريك غير الفحمات واخرط الهوبات ويضبط ان شاء الله ..
الدبل يطقطق طبيعي ..
الموسوي
12/04/2013, 03:52 PM
عساه مبارك ان شاء الله
يطعمك خيره ويكفيك شره

بالنسبة للهيدروليك ما انصحك ترجع الهيدروليك
صحيح هو اريح لكنه يبيله مداراة حتى لو رحت بتغيّر كفر يبيله رافعه خاصة ولا كل بنشر عنده هالرافعه
ولو رفعته برافعه عادية بيخرب على طول
وبيقلقك بكثرة المشاكل وغير الخساير الي بتحطها فيه

والدبل طبيعي جدا يطقطق خفيف كل جيوب فورد تطقطق دبلاتها الاكسبلورر والاكسبدشن

بالنسبة للرجه شيك على الفحمات والهوبات احتمال كبير تحتاج تغيير وخرط هوبات

موفق يا اخيي
ابوفارس511
13/04/2013, 12:51 AM
الله يعطيكم الف الف عافيه
بس ماحد جاب طاري التعريب وين الي يضبطونه بدون مشاكل وتعريب صحيح
سحايب صيف
13/04/2013, 05:26 AM
السلام عليكم

بالنسبه للتعريب ماله حل ابدا

ولا في احد قدر يعربه نهائيا
الموسوي
13/04/2013, 09:25 PM
اذا كنت تقصد شاشة الطبلون
ما تقدر تعربه يبو فارس
انا عندي اكسبلورر امريكي وحاولت اعربه لكن ما لقيت

أما شاشة النفقيشن اذا كان فيه نفقيشن يبيلك سيدي عربي تنزله عليه ويتعرب عادي
أو تبدل الشاشة بشاشة سعودي

وفقك الله
ابوفارس511
13/04/2013, 10:09 PM
الله يعطيكم العافيه بس هو من توكيلات الجزيره يعني سعودي معقوله مايتعرب ؟
يكفيني نظرة
14/04/2013, 12:15 AM
انا معي اكسبدشن 2008 سعودي وشاشته انجليزيه..
ابوفارس511
14/04/2013, 08:58 PM
يعني مايتعرب