هذا عيب الشاص اللي يعوقه بالوعر

[مخاوي العشه]

بسم الله الرحمن الرحيم


السلام عليكم ورحمة الله وبركاته


كيف الحال

أتوقع هذا عيب الشاص اللي يعوقه بالوعر طبعا اللي بدون دفلك

نظام التعليق زفت

شوفو وأحكموا

فيه موسييييييقى ياليت تكتمون الصوت
TiYD1lSuoFw


يمكن سواق الشاص لك عليه
لكن لو تعليقه مرن ماثولث او تعلق زي كذا



q5RVMEc0UTA






في أمان الله

[تزبطي]

هذا والله من الهوا اللي 90

هالجيل يحسب الجيب ماينسم يصكه 40 ويبيه يمشي

والمقطع الثاني
لو به دف لوك يمشي غصب

[ملك الفكتوريا]

المقطع لاول وشفيه قلب دفع أمامي معقول عمود الدوران المتصل بالدفرنس ما يدور

[تيسان 2013]

الشاص فيه دفلوك

والخيل من الخيالها

[fate]

الشاص ماعليه كلام
لاكن تعليقه قاسي جدا جدا
ياياته ومساعداته والسست قوية وجبره بالحيل
لاكن ميزته انك لاجيت تظرب عرق ماينزل وجهه ولا سانتي
ولو طار من عرق ووقع ما يظرب بطنه
م اقول الا سلمني غليه
واسال مجرب

[صياد شمر]

السبب الاول
هوا مرتفع

ثاني شي
الدفلك ينفع بشي ما تصورهه

[Salamah.y]

يازين الدفلوك , عز الله ماهو بثمن
اما الشاص اللي يعرف له و يتعود عليه , يعرف الأماكن اللي ينصآه و الاماكن اللي يتجنبه

,

يعطيك العافية ,, @~

[sgl2002]

انا جربت الشاص مديلين

نظام تعليقه ماينفع بدون دفلك

يتعلق بسرعه

لازم الشاص بدفلك

[sgl2002]

ياليت تحطون رابط الفيديو

[حسن الشمالي]

http://www.youtube.com/watch?feature=player_embedded&v=TiYD1lSuoFw
\
\

http://www.youtube.com/watch?feature=player_embedded&v=q5RVMEc0UTA

[بدوي جنوبي]

ابغى اعرف الوكيل ايش قصته
سيارة سعرها مرتقع وما فيها دفلك
والمفترض يكون أساسى بسيارات الدفع الرباعى مثل الامريكي

[حسن الشمالي]

يازين الدفلوك , عز الله ماهو بثمن
اما الشاص اللي يعرف له و يتعود عليه , يعرف الأماكن اللي ينصآه و الاماكن اللي يتجنبه

,

يعطيك العافية ,, @~


+1
............................

[تيسان 2013]

ابغى اعرف الوكيل ايش قصته
سيارة سعرها مرتقع وما فيها دفلك
والمفترض يكون أساسى بسيارات الدفع الرباعى مثل الامريكي

مين قال لك مافيها دفلوك

فيها

[أبا مجاهد]

المقطع الثاني ماهو بشابك الدبل
دفع خلفي فقط

[عآشق الذيب]

اول شي هواء الكفرات مرتفع

ثاني شي طريقته بتطليع الموتر غلط يعني ماشوفه قام يلف يمين ويسار مع الحركه


لكن على قولة اخوي مصيبة


هالجيل يحسب الجيب ماينسم يصكه 40 ويبيه يمشي

الخيل من خيالها

[طواش]

الجيب الاول وقفته غلط المفروض يجي امام الموتر لي مغرز
وصاحبه غشيم معبي الكفرات الف ههههه لازم انه بيحفر وبيعلق الدرويل له دور كبير جدا في مثل هذه الامور
االجيب الثاني الدفلوك ضروري جدا في مثل هذه المواقف

[كومبو]

ابغى اعرف الوكيل ايش قصته
سيارة سعرها مرتقع وما فيها دفلك
والمفترض يكون أساسى بسيارات الدفع الرباعى مثل الامريكي

وش السيارات الأمريكية اللي فيها دفلك ؟

[kbobe]

يا عيال الدفللك موتر ثاني وبس شاص بدون دفلك ما يسما شاص

[مخ سعودي]

وش السيارات الأمريكية اللي فيها دفلك ؟


التاهو واليوكن والزد ون والسلفرادوا والسيرا يجي فيها دف لوك الله يطول عمرك لكن الكتروني

[صقر الكرادشة]

الخيل من خيالها

[تميم2222]

طبيعي يحدث له هالشي لانه غير مخصص لراعي الصيد والمكشات هو لتحميل فقط بس من تقوله ؟؟

[N أبورغد N]

ماهو بس الدفلك الي ينفع في مثل هالمواقف التراكشن كنترول ينفع كذلك
وللاسف الشاص رفعوا سعره ولا كملوه يعني بدفع 140 الف او حولها في ونيت لا فيه تراكشن ولا دف لوك
والله مشكلة

[GMC79]

عدم المرونة في الشاص ليست عيبا .. لأنه سيارة تحميل وهو رقم واحد في التحميل بلاشك وما تجتمع المرونة مع قوة التحميل أبد

هذي الدنيا تكسب شي وتخسر شي وما فيه سيارة كاملة .. المهم ما هو احتياجك وعلى ضوءه يتحدد اختيارك

[N أبورغد N]

^^^^
وين راحت ونيتات الامريكان
في اليابني صدقت وغيره مالك لوى
اكثر من شخص اعرفه بعد الشاصات للقنص قلبوها امريكي
الي فورد والي جمس للعزب طبعا
ومازالوا متمسكين بالاندكروزر الصالون للقنص

[بدوي جنوبي]

التاهو واليوكن والزد ون والسلفرادوا والسيرا يجي فيها دف لوك الله يطول عمرك لكن الكتروني


لا مو الكتروني ميكانيكي
يشتغل تلقائي بفعل الطرد المركزي
ftyJvIO0DZ8

وزد عليها الأكسبديشن والF 150 و 250
والباثفندر والأرمادا ،، حتى الدباب فيه دفلك :D
R40JKshN88g

[كومبو]

التاهو واليوكن والزد ون والسلفرادوا والسيرا يجي فيها دف لوك الله يطول عمرك لكن الكتروني


للعلم فقط Z71 من التاهو واليوكن والسلفادور والسييرا وليس كل السيارات الأمريكية

* والدفلك فيهم عبارة عن كلتشات لكن الدفلك اللي في الشاص , ومرسيدس G والاف جي واللاند والباترول وغيرها من السيارات اليابانية فهو تروس

[((ابوملاك))]

الشاص فيه دفلوك

والخيل من الخيالها

مهوب كل شاص فيه دفلوك انا معي بدون ونش ودفلوك واذا عرفت له والله ما يحتاج دفلوك ولا ونش

[ماء جلمود]

بالنسبة للشاص حسب تجربتي القصيرة
هوسيارة تحميل صحراوبة
وفيه قوةتحمل لامتصاص الصدمات وخاصةالاحدى عشرريشة
ومن عيوبه كفراته بلده وجنظه الشنبر
يراوغ ويحوص بالاراضي الترابيةإذا كنت مسرع فوق 80كم/ساعة

[ماجنووم]

الخيل من خيالها و اﻷي يعرف يسوق ما يحتاج دفلوك بس اكيد ما ينقص من قدر الدفلوك

[التعـ King ـديل]

المقطع الاول الدفلك مشبوك بس راعي الموتر من جنبها والدليل اللي يصور متعمد اظهاره بهالشكل مع ايضاح رقم اللوحه ،، وزي ماقالو الاخوان الخيل من خيالها ولا مكانه لو انه هايلكس طلع ويمكن لو فصل الدفلك كان طلع بحيث تدور الاربع كفرات

المقطع الثاني معروف ان الشاص قوه في الطرق الرمليه المستويه ماله ومال الميلات بغض النظر مشغل الدبل ولا لا هالموقف يحتاج باترول

[(((.ابوتميم .))))]

المقطع الثاني ماشغل الدبل ولومشغل الدبل كان مشاء بكل سهوله
معي شاص بدون دفلك ومايرده شي مشاء الله للي يقول الشاص بدون دفلك مهوب شاص !!! صحيح هو طيب لاكن مايصل حد الاهميه في السيارة
المقطع الاول لوه منسم على 30 او 25 كان مشا بكل سهوله

[sgl2002]

^^

الكفر اللي عليه الضغط الاقوى مايدور حتى بالدبل

[السرحان502]

الاول !!!! مع الاحترام والتقدير نسم عشرين وشبك ثقيل واكسر يمين قدام يروح لو معك ددسن

[almutlaq1415]

المقطع الثاني ماشغل الدبل ولومشغل الدبل كان مشاء بكل سهوله
معي شاص بدون دفلك ومايرده شي مشاء الله للي يقول الشاص بدون دفلك مهوب شاص !!! صحيح هو طيب لاكن مايصل حد الاهميه في السيارة
المقطع الاول لوه منسم على 30 او 25 كان مشا بكل سهوله


لا وانا اخوك , الدف لوك مهم جداّ لأي سيارة وبالذات " الشاص " لأنه طويل وتعليقته ما يبيله .

وفي المقطع الثاني لو عنده 20 دبل ما مشى لأن ضغط الموتر كله على الكفر الخلفي الأيمن , وهنا يجي شغل الدف لوك , يقوم بتحرير الكفر اللي عليه الثقل ويمشيه .

XDH5Uelc7L4

تحياتي .

[قدر مكتوب]

سلم لي على الباترول

[الحيسوني-]

انا مشفت المقاطع لانها مافتحت معي

بس فيه ناس لو تعطيعهم طياره مغرز مغرز غشيم ما له بـ السواقة


والتعليق صح ان الدفلك مهم بـ الشاص
بس ان التعليق اذا ما معك دفلك يبيلك تشغل مخك قبل تعلق وتعرف كيف تجي الطلعه ومتى تدوس لسيارة ويبلك ما تخاف على السيارة ولا تردد وان شاء الله ما تعلق