ما خاب من استشار ( رايكم في سيارات جيلي الصينيه )

[قرم العيال]

السلام عليكم ورحمه الله وبركاته

رايكم يالربع في هالموتر جيلي ec7

http://www.viacolectiva.cl/wp-content/uploads/2011/03/Geely-EC7-Llega-a-Chile-en-dos-modelos.jpg


http://www.fannat.com/images/category/Geely%5CEmgrand/exterior/7.jpg


ابي ناسه مجربه الموتر !!

[AboBilal]

ماجربته
بس نصيحتي


أنحش منه

حط ببالك إذا جيت تبيعه يمكن أزود من نص قيمته تبي تطيح

وثاني شي أذا بغيت تصلح فيه غرض مالك إلا تروح الوكاله الورش ماهيب عارفه له

وغير أسعار قطعه

وتوه جديد على السوق

قد جربت صيني من شركة ثانيه

والله أنها بهذلتنا بهذله قطع غياااااااار نار وأذا بغيت أي قطعه مالك إلا الوكاله

وطاح من قيمتها مبلغ ماهوب معقوول أبد ولا يدخل العقل

نصيحه أخ لأخوه

والراي رايك

ولا تستعجل

[ابوشاهه]

انصحك اخوي ان كان عندك قريشات على قد الحال انك تصبر لين تجمع اللي يجيب لك سياره معروفه شركتها ... حسافة تحط فليساتك في شئ مجهول .... انا مثلك كنت ناوي اشتريها وصرفت النظر عنها .... وانصحك ان كنت معزم انك تصلي ركعتين وتدعي بدعاء الاستخاره ... ترى ما تندم ...

[السرحان502]

سعره غير مشجع

نصيحه دورلك فكتوري نظيف 2007 وحوله

[SGL]

أخوي أنا سئلت عنها وقالوا أن مكاينها مكاين مستوبيشي وفي نوعيه منها مقاس كبير محد يبيها ﻷن مكينتها مكينة مستوبيشي مقنا ونت عارف أن المقنا محد يبيها ومالها قطع بس المقاس الصغير مثل اللي في الصورة أنتشرت أنتشار غريب وشوف الناس يمدحونها ويقلون قطعها متوفره لاكن أنا ماجربتها علشان أثبت الكلام

[ara888]

كيفك اخووي قطع السيارة مررره رخيصة اغلا شي فيها علبة الدركسون ١٢٠٠ الباب ٤٠٠ الرفرف ع ٢٠٠ وكيلها الحاج حسين اناا كنت ابي اخذ وحدة بس مالقيت اللون المكينة ياباني واتوقع القير الماني والتصميم صيني والله في ناس استخدمووها يمدحونها وانت قررر

[You Like Me]

السلام عليكم
السيارة انتشرت انتشار غريب عجيب العام الماضي
صرنا نشوفها بكل محل لمده كم شهر تقريبا
بعدين اختفت بشكل غريب ايضاً

[jeep 4x4]

واحد من الشباب معه مثله ما اشتكت من شي للحين
يمكن له سنه او زود

[jeep 4x4]

ويكفيك ضمانهم 5 سنوات على ما اضن او 100 الف كيلو متر
وبالتوفيق

[صياد من مصر]

أخوانى.... أللى عايز يضيع فلوسة يشترى صينى اى نوع ....جيلى او غيرة سعر السيارة الجيلى فى مصر 85000 جنية حوالى 49000 ريال فلوس طايرة فى الهواء تفتقد عناصر الامان و الاتزان على السرعات العالية و بودى ضعيف حراااااااااااام الفلوس فيها دية نصيحة لوجة الله

[خالد 1234]

وعليكم السلام ورحمةالله وبركاته
أخي الكريم
أنا شاري السيارة لها أكثر من 15 شهر مع الولد يروح ويجي ويسافر عليها وماشكى من شي
نصيحتي لمن يشتريها لايفوت أوقات الصيانة ولو كانت زحمة لأنها بإذن الله تخدمك خدمة حلوة
قيمة السيارة يوم نشتريها ماوصلت 32000ريال مع التأمين على الرخصة ضد الغير لمدة سنة داخلة ضمن القيمة
إستخر ربك وإذا كانت لإنسان متزن فأنأ أنصحك بها وربك يكتب لنا ولكم الخير وين ماكان

[نايس × كول]

يارجل ابعد عن الصيني والله مافيه خيرر

رح اشترا نيسان سنترا 60 الف احسن من الصيني

يكفي ان النيسان معروف

[قرم العيال]

هذي الحيره الي انا خايف منه ناس تجج وناس ترغب

انا شفت ان قطع الغيار رخيصه جدا .. والموتر طار فيه كم الف عن موديلات السنه الماضيه


بيض الله وجه من رد وشارك وننتظر البقيه

[نجدي حجازي]

السيارة للأمانه ما جربتها ولا اعرف احد جربها
لكنها انتشرت العام انتشار كبير وشفتها عند بعض شركات التأجير

لكن هالسنة قل انتشارها بشكل كبير وما ادري وش السبب

ان من رأيي انك تشوف لك كوري ترا الكوري طيّب وسعره حول سعر هالموتر
دور لك يا اكسنت ولا النترا مستعمله نظيفه ويكفي ان هيونداي الان صار منافس للتويوتا والنيسان
وفيه موتر عند شركة رينو اعتقد اسمها لوغان
الشركات تاخذ منها بالكميات ويقال انها كورية ومكينة نيسان بس ماني متأكد بالضبط

نصيحتي لك خلك في شي معروف ومجرب
وفقك الله

[عبدالاله]

السياره ممتازه وطيبه وقيمتها ماهي حسوفه عليها وعمليه الناس بالاول كانت تخاف من الكوري والحين الكوري اكثر شي بالبلد وكانت الناس ما تداني سيارات الكيا والحين الكيا احسن سياره من ناحيه الفخامه والجوده توكل على الله واستخر بتتعب من كلام الناس الله يكتب اللي فيه الخير ...

[MSAN]

جيت تدور النصيحة وابشر بها..


بخصوص هالسيارات الصينية.. افصخ نعالك وانحاااااااااااااااااااااااش منها... اهرب منهاااااااااا ولا توطوط حولها

[السرحان502]

انا شايف وحده فالورشة الي عند البيت قاعد يفك راس المكينة قلت صديق ليش هذا جديد قال اختلط الما بالزيت
طبعا ما استبعد من هالسيارات واشكالها
لكن الي استغربته انها ع الضمان ليش ما ودها للوكاله !!

[أبوأسامه...]

الله يعين بعد ثلاث سنين راح تكون ناجحه جدا


انا استخدمت فورد 1992 كان نازل وقته مديل 2000 كنت ابلش بالورشه كيف تصلحه ان جيت تصلح قال مافي معلوم مايبغى مشكله
(مثل الباثفندر الحين معي 2001 أغلب الورش ماتصلحه وان صلحوه التصليح غالي)والقطع وكااله أو صيني
وشريت قبل فتره فورد فكتوريا 2001 كلن يعرف يصلحه وتلقى بالسوق ثلاث او اربع شركات وكلها تكد

[قرم العيال]

للرفع ..........

[sulaiman.fj40]

يكفيك ابو ريالين لو فيه خير ماصار بريالين لانه صيني. الناس تقول اشتر تبيع- نصيحه أخويه : فر من الصيني فرارك من الأسد. جميع الصناعات الصينية فاشلة ماعدى اللذي يصدر للدول الصناعيه مثل أوروبا وأمريكا لأنهم يفرضون عليهم مواصفات وشروط. أما مايصدر لنا فهو أسواء من السئ . وانت صاحب القرار- وفقك الله

[يكفيني نظرة]

شف ردائة الصناعه لو لاقدر الله حادث عليها:
http://www.youtube.com/watch?v=KqNO_ojd750

[عبدالاله]

وشف ردائه الامريكي والالماني http://www.youtube.com/watch?v=OIyLuKc-fSc لانحكم على الاشياء ببلادها وانما يتحكم في ذلك عقليه الشخص ومن يستولا قياده السياره

[سفاري نجد]

السيارة شكلها سيارة جيدة .
والدليل مع الليموزينات .
اسأل اصحاب الليموزينات عنها وعن كفاءتها .
والله أعلم

[الوووحيد99]

اخي الكريم انا اشوف كل الردود ما احد جربها
لاكن خذها من واقع تجربة ومقارنة مع السيارة السابقة لها من نوع كامري
انا جربتها موديلها 2012 بس الحجم الكبير الي كاشها 58 الف مكينة وقير ومستوبيشي ياباني ياباني شاريها بس كذا للدوام كل يوم رايح راجع 200 كيلو وسافرت عليها للاردن 3 مرات وسافرت عليها للامارات 4 مرات غير السفرات العائليه للرياض ومكة الله يشرفه

حاليا ماشيه 254 الف ماحطية فيها غير كفرات وزيت ولله الحمد وراسية مرة بالخط وارسى من الكامري الجديدة ولا فيها تنسيم هواء مثل الكامري
وعلى ماسمعت انها تغيرت المكينة والقير موديل 2013

[اسبيدر مان]

احد الاقارب طلع وحده مديل 2013 الى كاشها 45 الف فل كامل قبل شهر ونص تقريبا
والحين طقت العشر الاف كيلو ماشاء الله مع ان استخدامه سيء شوي
وهو يمدح الموتر من جميع النواحي ماعاد العزم يقول ضعيف شوي

[ملك الفكتوريا]

اسمع يالغالي السيارة مكينتها موستبيشي والقير من تصنيع شركة متخصصة للقيور لشركتي فورد وكرايسلر



بس البدي ضعيف وخاصة التنده لكن شوفاللي مجربها فوق يقول رساوتها وعزلها أفضل من الكامري اللس سعرها وصل 100 الف واعلى شئ فيها بسعر 1200 ريال


الله يوفقك وعليك بصلاة الاستخارة

[zzss]

من كم شهر قابلت واحد جاي من الصين ومعه بروشور لجيب صناعه
صينيه حسب صورته البدي حقه يشبه قصة البرادو حتى بالحجم مواصفاته مراتب
جلد تبريد شاشة ملاحه فتحه دبل محركات مستوبيشي يقول يكلف
مشتراه جديد مع الشحن والجمرك الين يوصل50ألف ريال.

[sameer_1798]

يمنع : كتابة موضوع عن سيارة غير مكشاتية كامرى او كابريس (دفع رباعي وونيتات فقط)






سيارة غير مكشاتيه ! ! !

[abd1960]

تجربتي مع هذه السياره
شريت وحده 32000 ريال بعد سته شهورخربت البطاريه وغيروها لي 370 ريال قالو خارج الضمان عمرها الافتراضي 6 شهور بعد سنه دخنت المروحه وديتها صلحوها وطلعو لي فحمات خلفي وامامي 1000 ريال مع القطع وغطاء المكينه بلاستك اسود مع الحراره يميع قفل خزان الوقود كل شهر يبي تشتري واحد ينكسر وخارج الضمان المهم بعد سنه رمان خلفي كفر 1000 ريال مع التركيب كراسي مكينه شداد تصورو قيمة الشداد 300 ريال حق سنه والشغل 250 ريال المهم احسب على صيانه مع القطع 4000 ريال مع الصيانه والقطع محتكره واسعارها غاليه مره مقارنه مع عمرها الافتراضي امن سته شهور لسنه وكلش خارج الضمان لا وعشان يتخلصون من ضمان المكينه اعلنو عن طريق وزارة التجاره انه يوجد خلل مصنعي في المراوح عشان اذا خبطت المكينه يخرجون من الضمان بحجة ان المروحه فيها خلل وهي السبب وخارج الضمان

[abo naser 1]

بقيمة الصيني جديد خذ ياباني مستخدم نظيف بترتاح وتكد وتوفر قطع وسعر طيب في أعادة البيع وسيارة اعتمادية

[ع المشاري]

تبي السراحه انا شاريها للولد قبل سبع شهور 2013 والله انها زي الحلاوه يكفيك ضمانهاء خمس سنوات ياخي بس السراحه الولد مواضب على الصيانه الان مشت مع الولد 15000 وهي كماهي مافيها عيوب وسافر عليها كم مره راح لدمام وراح حايل وراح جده ومكه والقصيم كل اسبوع ويطلع عليها للبر ولافيهاء شي ابد

[eme]

انصحك تاخذ موتسيبيشي لانسر افضل لك ياباني اصل وفصل،،،