هل الهايلكس دفرنسين يجمِّل في البر؟؟؟

[عطري]

بسم الله الرحمن الرحيم


الإخوة المشرفين و الأعضاء الموقرين

السلام عليكم و رحمة الله و بركاته


سؤالي عن الهايلكس الدبل دفرنسين موديل 2005 و تحت


هل يجمِّل في البر مثل الجيوب ؟


إذا أحد جربه أو عنده فكرة عنه مثل مميزاته عيوبه خراباته و نحو ذلك أرجو إفادتي مشكوراً،،،

[أبو سليمان...]

حياك أخوي

أنا مجرب 2007 أنشهد أنه موتر ولا يرده شي

وان كانك ناوي فاشتر ولا تشاور

[عطري]

حياك أخوي

أنا مجرب 2007 أنشهد أنه موتر ولا يرده شي

وان كانك ناوي فاشتر ولا تشاور


هلا بك أخوي أبي سليمان


جرب خوي واحد موديل 2007 كان عزمه ضعيف مقارنة بـ 2005 و تحت ؟؟؟
هل عزم الدفرنسين عادة يكون أقل من عزم العادي بدون دبل؟؟
شكراً لك ،،،

[حسن الشمالي]

ان لقيت النظيف
اشتره ولاتعداه
بس خلك حذر قليلا في النفود من القلبات
فزتة في الاول والثاني ممتازة
وباقي النمر ماعليها
اذا بغيت تسقط في خط لازم ترد نمره
واذا كان الهوا مواجهك مايتعدا 140

في النفود وفي البر انس شي اسمه تعليق
وانا مجربه في النفود ومجرب الشاص اكثر من مره
اذا نسمت 10 الهايلكس ارتاح له اكثر بسبب خفة وارتفاعة
الخراب مهنا خراب
بس احرص على تشحيم العمدان حرص شديد
مع كل تغير زيت

[عطري]

ان لقيت النظيف


اشتره ولاتعداه
بس خلك حذر قليلا في النفود من القلبات
فزتة في الاول والثاني ممتازة
وباقي النمر ماعليها
اذا بغيت تسقط في خط لازم ترد نمره
واذا كان الهوا مواجهك مايتعدا 140


في النفود وفي البر انس شي اسمه تعليق
وانا مجربه في النفود ومجرب الشاص اكثر من مره
اذا نسمت 10 الهايلكس ارتاح له اكثر بسبب خفة وارتفاعة
الخراب مهنا خراب
بس احرص على تشحيم العمدان حرص شديد

مع كل تغير زيت


هلا بك أخوي حسن الشمالي
و الله لا يهينك على جميل ردك و توضيحك .
سؤال آخر من فضلك لو ما زلت على الخط:
هل يفرق موديل عن موديل ؟ و كيف الأسعار ؟
و هل جربت التوماتيك؟
عذراً: كثرت الأسئلة عليك ،،،

[حسن الشمالي]

حياك الله
وابرك الساعات واتشرف

من 98 الى 2001 شكل واحد ومكينة كلبليتر
ومن 2002 الى 2005 شكل اخر ومكينة بخاخ (افضل في العزم)
طبعا كل موديل له شطرطون يختلف
والهايلكس الدفرنسين اليابني اللي من 2005ونازل ما يجي الى جي ال
درايش هندل طاره هوا بدون ظغط مكينة والباب الامامي بدون مثلث
وما يجي الا قير عايدي فقط
التماتيك مانزل الا من موديل 2008

اي استفسار انا حاضر

[حسن الشمالي]

بخصوص الاسعار
خبري بها قديم
لكن اعتقد ان ال55 الف تجيب النظيف جدا
0ان وجد
او اقل بعد

التماتيك جربت موديل 2008
في النفود ماعلية يخارج عمره اذا نسمت 10 او 15
في الخط مع الطلعت يرد نمره واذا واجهت هو ايضا
بالنسبة لي (لا احبذ التماتيك)

[عطري]

حياك الله
وابرك الساعات واتشرف

من 98 الى 2001 شكل واحد ومكينة كلبليتر
ومن 2002 الى 2005 شكل اخر ومكينة بخاخ (افضل في العزم)
طبعا كل موديل له شطرطون يختلف
والهايلكس الدفرنسين اليابني اللي من 2005ونازل ما يجي الى جي ال
درايش هندل طاره هوا بدون ظغط مكينة والباب الامامي بدون مثلث
وما يجي الا قير عايدي فقط
التماتيك مانزل الا من موديل 2008

اي استفسار انا حاضر

تسلم يا حسن الشمالي

لك من اسمك نصيب كبير

أحسنت الشرح و الرد ، ما قصرت ، و بارك الله فيك .

[((ابوملاك))]

ان لقيت النظيف
اشتره ولاتعداه
بس خلك حذر قليلا في النفود من القلبات
فزتة في الاول والثاني ممتازة
وباقي النمر ماعليها
اذا بغيت تسقط في خط لازم ترد نمره
واذا كان الهوا مواجهك مايتعدا 140

في النفود وفي البر انس شي اسمه تعليق
وانا مجربه في النفود ومجرب الشاص اكثر من مره
اذا نسمت 10 الهايلكس ارتاح له اكثر بسبب خفة وارتفاعة
الخراب مهنا خراب
بس احرص على تشحيم العمدان حرص شديد
مع كل تغير زيت

يعني تبي تقول ان الهايلكس الدبل افضل من الشاص ؟

لا يسمعك احد :D

[سعود27]

يعني تبي تقول ان الهايلكس الدبل افضل من الشاص ؟

لا يسمعك احد :D

اتوقع يقصد من ناحية التعليق وخفه بنفود ﻻتخاف شاص اقوى جيب بس ﻻتزعل

[للمنتديات]

بالنسبه لي جربت موديل 2005

اذا تبي الصدق الجيب أفضل بكثير بكثير بكثير

لا عزم ولا راحه

الهايلكس زين بس لازم على نمره قويه يا واحد او اثنين ولازم بالاماكن الواطيه واذا لقيت طلعه لازم تدور وتدور علشان ترقاها هذا إذا ساعدك العزم وكثير من الاحيان تدور على طريق ثاني

يعني المسافة اللي اذا قطعتها بالجيب من نقطة ( أ ) إلى نقطة ( ب ) أخذت منك 10 كيلو مشي ... ففي الهايلكس بتاخذ منك 15 كيلو

طبعا هذا في النفود


أما الشعيب و والضلع خذ صبر وخفه

[التعـ King ـديل]

الهايلكس من 2005 وتحت افضل من 2006 وفوق

[مطر وربيع]

من وجهه نظري
4 سلندر دبل ماينفع
6 سلندر واذا كانت السيارة كبيرة 8 سلندر حتى في الزفلت تشيل نفسها في التجاوز في الخط

[كومبو]

هلا بك أخوي أبي سليمان


جرب خوي واحد موديل 2007 كان عزمه ضعيف مقارنة بـ 2005 و تحت ؟؟؟
هل عزم الدفرنسين عادة يكون أقل من عزم العادي بدون دبل؟؟
شكراً لك ،،،


نعم عزم الدفرنسين أقل من العادي لأن دفرنسه محشور

[راشد فهد]

تبي إجابة شافية شف مواضيع الأخ ( الطرس ممدوح ) بخيمة الرحلات البرية , معاه هايلكس دبل ماخلا طعس ولا شعيب بالسعودية مامر عليه ,
وانا شخصياً اعرف واحد معاه سوناتا يطعس عليها بالهاف مون / السواقه لها نسبة يمكن 50% من التأثير , واذا انت سواق اتوقع ان الهايلكس مايغرز ولاينشب لو تقطع به النفود روحه جيه ,
وعلى قولة المثل النرويجي ( نسم الكفر عشرة وعلى اكبر طعس تشره ) ,,:D

[ذيب زلفاوي]

مهما كان ترا مكينته 4 سلندر ان مشت وهو فاضي مهوب ماشي وهو معه العزبة و5 اشخاص

الجيب 8 سلندر افضل شي لو امريكي

[حسن الشمالي]

يعني تبي تقول ان الهايلكس الدبل افضل من الشاص ؟

لا يسمعك احد :D



من حيث تجربتي
اقولك نعم
بشرط ان الهايلكس حملة خفيف (عزبة و 120 لتر ما)
وكفرات عرض 70على 65 جنط 16

[حسن الشمالي]

يا اخوان
مايمنع الواحد يطرح رأية
بس ودك للي مجرب الموديل نفسه...

بغض النظر كم سرندل
الموتر خفيف وقيرة يساعد

[عطري]

يعني تبي تقول ان الهايلكس الدبل افضل من الشاص ؟

لا يسمعك احد :D

أخي مجهول شكراً لمرورك
ليتك تفيدني ، هل يجمل أو لا ؟
و المقصود من الهايلكس ترمي ( الطيور )و تعرف أرض القنص يبيله بعض الأحيان دبل.

[عطري]

اتوقع يقصد من ناحية التعليق وخفه بنفود ﻻتخاف شاص اقوى جيب بس ﻻتزعل


شكراً أخي سعود
أنا كذلك فهمت من حسن الشمالي هذا الشيء.

[عطري]

بالنسبه لي جربت موديل 2005

اذا تبي الصدق الجيب أفضل بكثير بكثير بكثير

لا عزم ولا راحه

الهايلكس زين بس لازم على نمره قويه يا واحد او اثنين ولازم بالاماكن الواطيه واذا لقيت طلعه لازم تدور وتدور علشان ترقاها هذا إذا ساعدك العزم وكثير من الاحيان تدور على طريق ثاني

يعني المسافة اللي اذا قطعتها بالجيب من نقطة ( أ ) إلى نقطة ( ب ) أخذت منك 10 كيلو مشي ... ففي الهايلكس بتاخذ منك 15 كيلو

طبعا هذا في النفود


أما الشعيب و والضلع خذ صبر وخفه


شكراً أخوي ما قصرت
تجربة أستفيد منها
لكن هل يجمل في قنص الطيور ؟

[عطري]

الهايلكس من 2005 وتحت افضل من 2006 وفوق




شكراً أخوي ما قصرت

هذا المطلوب الأفضل !!!

[عطري]

من وجهه نظري
4 سلندر دبل ماينفع
6 سلندر واذا كانت السيارة كبيرة 8 سلندر حتى في الزفلت تشيل نفسها في التجاوز في الخط

شكراً أخوي مطر و ربيع

هذا المعروف ، لكن هل يجمل الهايلكس الدبل؟

[جي تي]

السؤال موب يجمل او لا

انت تقارنه بوش ؟ طلعاتك وين؟ كيف استخدامك؟

اذا انت راعي شق نفود او بتروح نفود زي النفود الكبير فهو مهب مجملك

اما انك بتروح لدهناء او اي مناطق خفيفه ومافيها طلعات ونزلات قويه فهوا بيجملك وزود

طبعا ال4 سلندر ما يقارن ب 6 وال6 ما تقارن ب8 وكلن على حسب ميوله واستخداماته

اذا ميزانيتك حلوه عندك شاص باترول ممتاز وفيه الجمس بس خذ جديد

انا معي هايلوكسين دبل 6 و 12 والموتر ممتاز وتلحق الجيوب بس في مناطق يعني المناطق الي فيها شد وتحتاج قوة مكينه فما يصلحلها اما الشعبان والوعر فممتاز المهم ما اكثر عليك كلام وهاذي الخلاصه

طبعا تقدر تعدل عليها بحيث تكون انشط من هدرز وفلتر

وبالتوفيق ...

[كولونيل]

بالمختصر المفيد

اذا انت راعي نفود غزير لا يقربك تراك بتندم وعساه يجمل بالثقيل فقط ويمكن مايجمل

اما كانك راعي نفود قريب وصياهد وشعبان وسهال
وديره تراه كويس ميه ميه

واكرر اذا انت رجال تدخل النفد الغزير لا يقربك حتى لجيب التماتك لا يقربك

[عطري]

تبي إجابة شافية شف مواضيع الأخ ( الطرس ممدوح ) بخيمة الرحلات البرية , معاه هايلكس دبل ماخلا طعس ولا شعيب بالسعودية مامر عليه ,
وانا شخصياً اعرف واحد معاه سوناتا يطعس عليها بالهاف مون / السواقه لها نسبة يمكن 50% من التأثير , واذا انت سواق اتوقع ان الهايلكس مايغرز ولاينشب لو تقطع به النفود روحه جيه ,
وعلى قولة المثل النرويجي ( نسم الكفر عشرة وعلى اكبر طعس تشره ) ,,:D

هههههههههههههههه
شكراً أخوي راشد فهد
وسعت صدري و سع الله قبرك

أبيه للترمي قريب ماني يم النفود و الطعوس
يعني طعيسات بعض الأحيان ربَّاضات حول البحر شينة شوي.
و تسلم،،،

[عطري]

مهما كان ترا مكينته 4 سلندر ان مشت وهو فاضي مهوب ماشي وهو معه العزبة و5 اشخاص

الجيب 8 سلندر افضل شي لو امريكي

شكراً يا ذيب زلفاوي على مرورك
و أكيد 6 سلندر أقوى من 4 سلندر و أريح .

[عطري]

السؤال موب يجمل او لا

انت تقارنه بوش ؟ طلعاتك وين؟ كيف استخدامك؟

اذا انت راعي شق نفود او بتروح نفود زي النفود الكبير فهو مهب مجملك

اما انك بتروح لدهناء او اي مناطق خفيفه ومافيها طلعات ونزلات قويه فهوا بيجملك وزود

طبعا ال4 سلندر ما يقارن ب 6 وال6 ما تقارن ب8 وكلن على حسب ميوله واستخداماته

اذا ميزانيتك حلوه عندك شاص باترول ممتاز وفيه الجمس بس خذ جديد

انا معي هايلوكسين دبل 6 و 12 والموتر ممتاز وتلحق الجيوب بس في مناطق يعني المناطق الي فيها شد وتحتاج قوة مكينه فما يصلحلها اما الشعبان والوعر فممتاز المهم ما اكثر عليك كلام وهاذي الخلاصه

طبعا تقدر تعدل عليها بحيث تكون انشط من هدرز وفلتر

وبالتوفيق ...

شكراً أخوي ما قصرت
هذا الكلام اللي أبيه و أسأل عنه.
و بارك الله لك فيما تملك.
لكن هل 2005 و تحت أفضل أم لا ؟؟؟؟؟؟

[عطري]

بالمختصر المفيد

اذا انت راعي نفود غزير لا يقربك تراك بتندم وعساه يجمل بالثقيل فقط ويمكن مايجمل

اما كانك راعي نفود قريب وصياهد وشعبان وسهال
وديره تراه كويس ميه ميه

واكرر اذا انت رجال تدخل النفد الغزير لا يقربك حتى لجيب التماتك لا يقربك


يعطيك العافية على المعلومات

نعم قريب قريب لكن بعض الأحيان ربَّاضات حول البحر.

[abohmad]

لاوالله ما يجملك لافى نفود ولا فى الجيان ولا الشعبان فقط الجيوب هى اللى تجملك نصيحه لوجه الله والسلام عليكم

[جي تي]

شكراً أخوي ما قصرت
هذا الكلام اللي أبيه و أسأل عنه.
و بارك الله لك فيما تملك.
لكن هل 2005 و تحت أفضل أم لا ؟؟؟؟؟؟


ايه افضل من الجديد بمراحل من قوت تحمل الجديد اغلبه كهرب من دعسه وغيره اما القديم دعسته واير واستجابته اسرع وبيفرق معك فرق ممتاز بعد الهدرز والفلتر :good2:

[sameer_1798]

ممتاز في الضلع ورمال الساحل والسواق قبل كل شي

[ابونبيل]

عندي واحد ٢٠١٣
الحقيقه انه ممتازبالخط يجيب ١٨٠ وليس مثل ماقالو لك ١٤٠!!
علما اني مركب تانكي ومعي عزبه ورواق وفرش ومراكي و حن ٤

اما بالشعبان و ارض المقناص ممتاز جدا ً الناس تعتب عليه بالنفود والسبب كفرات الوكاله احد الاصدقاء مركب هلل وكفرات ٢٤٥ وماشاء الله فرق معه الموتر بقوووه بالنفود
طبعاً اذا غرزت بطبيه الحال انه ٤ سلندر مراح يطلع من غرازه الا بالثقيل واو ماتطلع طفه وحط الخفيف وكمل طريقك الحقيقه اني ماشريته الا يوم جربتها عند اثنين من الاصدقاء وفعلا هو السياره المناسبه لراعي البر تيل خمس اشخاص وعزبتك واغراض مايشيلها الجيب من ناحيه عفش ومايشيله الشاص من ناحيه ركاب
سلامتكم

[ابونبيل]

والتجربه خير برهان اكثر الناس ماجرب ��

[عطري]

لاوالله ما يجملك لافى نفود ولا فى الجيان ولا الشعبان فقط الجيوب هى اللى تجملك نصيحه لوجه الله والسلام عليكم

شكراً أخوي أبو محمد على النصيحة

[عطري]

ايه افضل من الجديد بمراحل من قوت تحمل الجديد اغلبه كهرب من دعسه وغيره اما القديم دعسته واير واستجابته اسرع وبيفرق معك فرق ممتاز بعد الهدرز والفلتر :good2:


شكراً أخوي جي تي
هذا الملاحظ 2005 و تحت أقوى من الجديد.

[عطري]

ممتاز في الضلع ورمال الساحل والسواق قبل كل شي


شكراً أخوي سمير
و أكيد السواق له دور، بس بعض الأحيان تتفاجأ بالشيء و ما تلحق تتصرف ،،، إلا إذا أراد الله لك المخرج.

[عطري]

عندي واحد ٢٠١٣
الحقيقه انه ممتازبالخط يجيب ١٨٠ وليس مثل ماقالو لك ١٤٠!!
علما اني مركب تانكي ومعي عزبه ورواق وفرش ومراكي و حن ٤

اما بالشعبان و ارض المقناص ممتاز جدا ً الناس تعتب عليه بالنفود والسبب كفرات الوكاله احد الاصدقاء مركب هلل وكفرات ٢٤٥ وماشاء الله فرق معه الموتر بقوووه بالنفود
طبعاً اذا غرزت بطبيه الحال انه ٤ سلندر مراح يطلع من غرازه الا بالثقيل واو ماتطلع طفه وحط الخفيف وكمل طريقك الحقيقه اني ماشريته الا يوم جربتها عند اثنين من الاصدقاء وفعلا هو السياره المناسبه لراعي البر تيل خمس اشخاص وعزبتك واغراض مايشيلها الجيب من ناحيه عفش ومايشيله الشاص من ناحيه ركاب
سلامتكم

شكراً أخوي أبو نبيل
ما قصرت على التوضيح و بارك الله لك فيما عندك.

[أطلال نجد]

و عليك السلام و رحمة الله وبركاته

ما أزيد على كلام الأخوان

لكن من خلال ما ذكرت عن استخدامك و مدى حاجتك للسيارة

أقدر أقول لك أن السيارة طيبة و تقضي لزومك و زود

و أفضل موديلات الهايلكس من ٢٠٠٢ إلى ٢٠٠٥ محركات و بدي و رغبة في السوق

و أنا أنصحك تطلع على تقارير أخونا - المهند تمير-

و تشوف سيارته ما شاء الله وين تروح، لكن عليك بالنظيف و الممشى القليل

و الله ييسر أمرنا و أمرك و مبروك إن شاء الله

[عطري]

و عليك السلام و رحمة الله وبركاته

ما أزيد على كلام الأخوان

لكن من خلال ما ذكرت عن استخدامك و مدى حاجتك للسيارة

أقدر أقول لك أن السيارة طيبة و تقضي لزومك و زود

و أفضل موديلات الهايلكس من ٢٠٠٢ إلى ٢٠٠٥ محركات و بدي و رغبة في السوق

و أنا أنصحك تطلع على تقارير أخونا - المهند تمير-

و تشوف سيارته ما شاء الله وين تروح، لكن عليك بالنظيف و الممشى القليل

و الله ييسر أمرنا و أمرك و مبروك إن شاء الله


تسلم أخوي أطلال نجد
ما قصرت ، و كلامك تأييد لي و للإخوان بأن موديل 2005 -2002 م أفضل
و أقوى.
آمين .....جزاك الله خيراً ،،،