استفسار باترول 97

[ابوعاشة]

السلام عليكم \\

حبيت استفسر عن الباترول انا معي قراند ماركيز 2005 ومعي ددسن والددسن للبران والمقانيص وعاقبتني كل شوي مغرس ف نويت ابيع الماركيز واخر باترول كيف الباترول واسعاره وهل قوة المكينه تختلف عن الموديلات 90 وحولها وودي بموتر بر بدال الماركيز ولامعي زيادة على الماركيز ابي موتر رخيص وقوي وحق بر ومقانيص
افيدوني

[المعرقب]

وعليكم السلام ورحمة الله وبركاته
الباترول 97 من انجح وفضل الباترول ولكن هنا المشكله وين تلقاااه وان لقيته غالي ومرغوب
ولا تلقاه في المعارض الى نااادر
وسعاره من 40000 الف وطالع لصار نظيف
ونا ملامي عن الربع بحكم اني مستخدمه اما البابين ارخص من ربع ليش مردري
وان لقيتلك واحد 40000 الف نظيف اشتر ونت مغمض

[ابوعاشة]

يعطيك العافية اخوي وانا ودي بالبابين وعندي استفسار من موديل 90 الى 97 يختلف بشي يعني المكينة والقوة

[ali003]

عندي ربع 89 باترول

[باترول للأبد]

موتر طيب أذ حصلته نظيف والمكينه نفسها بس الفرق من 94 لين 97 الفل كامل في منه بخاخ

[بدر سليمان]

شف وانا اخوك كلن يبي يعطيك نصيحة بنظرته هو.. واللي حصل معي كان معي باترول 95 نظافة محركاته مقبولة ولكن فعلا متعب من ناحية غلاء قطع غيارة بسبب الوكيل "الحمراني" سيئ جدا.. فلو تبي نصيحة مجرب دور لك باجيرور ارخص من الباترول وتلقى نظيف وفيه صبر غير معقول رغم غلاء قطع الغيار لكن صبره جبار بشكل غير طبيعي.. وارجع لموضوع الباترول.. الباترول له شعبية وله ناسه يدورونه ولو يوصل لاسعار خيالية.. قبل اسبوعين مبيوع 97 نظيف بالقصيم ب 55 على ماسمعت.. قريب من سعر 2007. تحياتي لك

[sgl2002]

ان دخلت عالم الباترول ماعاد بتطلع منه

الباترول موتر ممتع مايعرف هالكلام الا من استخدمه

[abo naser 1]

السلام عليكم

تراه أدمان اذا وفقك الله بموتر نظيف مصيون مصيون تعاف المواتر من بعده موتر مايعطلك ويشيل خرابه وين ماتبي يوديك ولاترحمه أبد
وانت مقبل على الصيف الأسعار تفرق كثير ماعلية طلب الموتر الي يسام ب 30 في الشتاء ما يجيب 25 بالصيف

وأحرص على المحرك يكون بلد بدون نقص او حرارة وصافي وتكون جميع ليات وخراطيش وأكوارع ورديتر مغيرة بعدها نم بأذن واحد أحد

[abo naser 1]

شف وانا اخوك كلن يبي يعطيك نصيحة بنظرته هو.. واللي حصل معي كان معي باترول 95 نظافة محركاته مقبولة ولكن فعلا متعب من ناحية غلاء قطع غيارة بسبب الوكيل "الحمراني" سيئ جدا.. فلو تبي نصيحة مجرب دور لك باجيرور ارخص من الباترول وتلقى نظيف وفيه صبر غير معقول رغم غلاء قطع الغيار لكن صبره جبار بشكل غير طبيعي.. وارجع لموضوع الباترول.. الباترول له شعبية وله ناسه يدورونه ولو يوصل لاسعار خيالية.. قبل اسبوعين مبيوع 97 نظيف بالقصيم ب 55 على ماسمعت.. قريب من سعر 2007. تحياتي لك


كلامك في محلة أخوي بدر بس الباجيرو اذا طلب وفتح فمة مايوقف زين وهو جديد او حول الجديد ولاتنسى فرق الموديل بقيمة 90 باترول حالة وسط تجيب 2002 باجيرو

وفية اثنين معروضة عند واحد من الربع 2005 فل كامل فتحة قير تربونيك جلد لون أسود , 2001 سلق جميعها ربع ونظيفة بدي ومحركات تحتاج بعض الصيانة جلد ومشابة ببطن السيارة الي له خاطر انا وكيل البيع سيتم عرضهم بمنتدى السيارات في حين أكتمال الصور والتفاصيل

[بدر سليمان]

كلامك في محلة أخوي بدر بس الباجيرو اذا طلب وفتح فمة مايوقف زين وهو جديد او حول الجديد ولاتنسى فرق الموديل بقيمة 90 باترول حالة وسط تجيب 2002 باجيرو

وفية اثنين معروضة عند واحد من الربع 2005 فل كامل فتحة قير تربونيك جلد لون أسود , 2001 سلق جميعها ربع ونظيفة بدي ومحركات تحتاج بعض الصيانة جلد ومشابة ببطن السيارة الي له خاطر انا وكيل البيع سيتم عرضهم بمنتدى السيارات في حين أكتمال الصور والتفاصيل

ابوناصر عندك رابط للمعروضة او اعلان للبيع علشان نشوف لاني اعرف واحد يدور باجيرو بهالموديلات

[abo naser 1]

ابوناصر عندك رابط للمعروضة او اعلان للبيع علشان نشوف لاني اعرف واحد يدور باجيرو بهالموديلات


حياك الله أخوي بدر ووانا أخوك ماودي نحول الموضوع لبيع بدل مانفيد الرجال اذا لك خاطر راسلني على الخاص أبشر بالخير أعطيك تفاصل... وانا مافضيت انزل الأعلان لآني شخص أحب أعرض السلعة بكامل المواصفات وأدق التفاصيل والعيوب والملاحظات ليكون المشتري علي بينة بكل صغيرة وكبيرة

[ابو خالد 111]

خذ ولا تشاور بس الله يعينك على قطع غياره غاليه ولو ان الموتر له 20 سنه

وان كانك تبي واحد صالون موديل 90 بلد ماشي تقريباً 140 الف تراه موجود