رأيكم وشوركم يهمني بين الموترين

[أنصر نبيك]

السلام عليكم ورحمة الله وبركاته

اخواني المكشاتية

معروض علي يوكن دينالي فل كامل موديل 2008 نظيف وصاحبه محافظ عليه الممشى
165 الف كيلو حاده ب 105 آلاف

أو سلفرادو أو سييرا غمارة ونصف جديد زيرو طبعاً الاحتمال الاكبر بأنتظر موديل 2014

السييرا والسلفرادو الحاجة لصندوق التحميل قليلة جداً إن لم تكن نادره لكن أشعر انها

أخف وأنشط من اليوكن سواء في البر أ داخل المدينة علاوة
على ذلك لاتوجد عائلة كبيرة حتى اشري اليوكن

ننتظر آراء حبايبنا المكشاتية:)

[أنصر نبيك]

وين الناس والشباب المكشاتية وأهل الخبرة معقول 121 قاريء ولا أحد يرد ؟!!!!!!

[H B S 2007]

اذا رعي بر ومقناص السيراالغماره اافضل ون كان راعي اخطوط الدينالي افضل لسفر

[تميم2222]

والله ياخوك الجديد لذيذ ...وكلها مبروكه لكن اذا هو موديل جديد افضل لك

[بيق مان]

عليك بالجديد
فكه على يدك وسجله في بطاقة العائلة

[راعي هواوي]

والله يآلغآلي ~ خذ لك جديد وارتــآح


واليوكن 105 > مستعممل / ما أنصحك فيه


خذ لك جديد سييرآ .. افضلك

منهآ : لآنويت تبيعه يجيب لك سعر و منهآ تستفيد من حوضه ومنها تطلع فيها البرر ولآ يطلب منك شي . أومآ اليوكن مو للببر *

< مجررد هذره ورآي ^.^

مــوفق ان شآء الله

[أنصر نبيك]

اذا رعي بر ومقناص السيراالغماره اافضل ون كان راعي اخطوط الدينالي افضل لسفر
بين وبين ثم اليست الغمارة والنصف أفضل لي:D

تقبل خالص تحياتي

[أنصر نبيك]

والله ياخوك الجديد لذيذ ...وكلها مبروكه لكن اذا هو موديل جديد افضل لك

اشكرك على رأيك ياغالي:good2: وباتظار المزيد
تقبل تحياتي

[أنصر نبيك]

عليك بالجديد


فكه على يدك وسجله في بطاقة العائلة

في دفتر العائلة مرة وحدة:D طيب وش رأيك آخذ 2013 او انتظر 2014

الف شكر لك وننتظر بقية الآراء

[ماجنووم]

نصيحتي خذ جديد لك و للزمن
ترى فيه عروض ع 13 لحق عليها

[qwertyu987]

بما أنك محتار فقط بين اليوكون والسييرا وعائلتك صغيرة جدا أنصحك بالجمس سييرا غمارة واحده او غمارتين أما الغمارة فل كامل
سعره 115

ولو تنتظر موديل 2014 باقي عليه شهر
أعتقد ومن خلال اعلاناته بأنه أفضل

[راعي الرود]

والله نصيحه أخ لا تاخذ السييرا دامك مانت راعي تحميل ولا تحتاج الصندوق

اليوكن اريح لك و لاهلك و يجمل بالبر ولا يقول لا ماشاء الله

السييرا جربت سواقته والله ياهو غثيث بالمواقف و المديور و كل شيء !!

اليوكن حجمه معقول و المركب أريح .. ياخي حتى لو تبي تسافر على الاقل تحط اغراضك بالشنطه في اليوكن مهب تجدع عفشك بصندوق

دور لك واحد نظيف و توكل على الله يارجال طع شوري

[أنصر نبيك]

نصيحتي خذ جديد لك و للزمن
ترى فيه عروض ع 13 لحق عليها

مشكور ياغالي ونننظر بقية الشباب

[أنصر نبيك]

بما أنك محتار فقط بين اليوكون والسييرا وعائلتك صغيرة جدا أنصحك بالجمس سييرا غمارة واحده او غمارتين أما الغمارة فل كامل
سعره 115

ولو تنتظر موديل 2014 باقي عليه شهر
أعتقد ومن خلال اعلاناته بأنه أفضل
اخوي ماجبت طاري الغمارة والنصف هل ماهو مرغوب او شيء أتمنى التوضيح مع الشكر

[أنصر نبيك]

والله نصيحه أخ لا تاخذ السييرا دامك مانت راعي تحميل ولا تحتاج الصندوق

اليوكن اريح لك و لاهلك و يجمل بالبر ولا يقول لا ماشاء الله

السييرا جربت سواقته والله ياهو غثيث بالمواقف و المديور و كل شيء !!

اليوكن حجمه معقول و المركب أريح .. ياخي حتى لو تبي تسافر على الاقل تحط اغراضك بالشنطه في اليوكن مهب تجدع عفشك بصندوق

دور لك واحد نظيف و توكل على الله يارجال طع شوري
شورك طيب والله حصلت يوكن دينالي وارد الجميح فل كامل موديل 2008 ممشاه 165 الف كيلو صاحبه حاده ب 105 هل يستحق هالمبلغ وأشريه أو أصرف نظر عنه وأدور
أحدث منه
الف شكر لك

[التعـ King ـديل]

سييرا Z71 غمارتين ابو ست مسامير لك وللزمن ويالله من فضلك

ثمانيه سلندر - دبل - مساحه يركبون 6 اشخاص فيه بالراحه - رساوه وفخامه - قوه - وحوض يشيل اللي تبي - شكل حلو

وبكم ؟؟؟؟ ب 125 - 130 الف اصفار وكاله

[أطلال نجد]

و عليكم السلام و رحمة الله و بركاته

أخوي حسب ما ذكرت أنك لا تحتاج للتحميل و عليه أن السييرا و السلفرادو سيارة غير مناسبة لك

أنصحك باليوكن أو التاهو و يفضل دبل بما أنك راعي بر

والأفضل تأخذ جديد حتى لو كان أقل نوع أفضل من الدينالي المستعمل

للعلم أخي / زميل لي باع سيارته قبل شهر من الآن تاهو 2011 ذهبي أقل نوع ماشي 37 ألف فقط

نظيف جداً لكن بدون دبل بـ 112 ألف

بالتوفيق ،،،

[qwertyu987]

اخوي ماجبت طاري الغمارة والنصف هل ماهو مرغوب او شيء أتمنى التوضيح مع الشكر

الغمارة ونصف مايصلح لعدم وجود تثبيت بين الأبواب ومع الوقت وبعد فترة تسمع أصوات بين الأبواب

لكن 2014 ومن خلال الإعلانات الغمارة والنصف باب مستقل نفس الدوج رام

[جي تي]

مافيه مقارنه بين موتر جديد ومستعمل مهما كان الجديد تعرف وش فيه وش مافيه اما المستعمل ما تضمن انه جايه شيء وثاني شيء 2008 قديم شوي وهذا وقت القطع الاستهلاكيه كل يوم بتطلعلك عله اما صفايه او طرنبه او بواجي او اي شيء موب شرط انك منتب صاحب تحميل انك ما تشتري سييرا ممكن تحتاجه في اي شيء بتنقل اثاث بتشيل مكيف بتشيل ثلاجه اي شيء وبتحتاج للحوض والسييرا موب زي الشاص قاسي ولا ينبغا داخل الديره السييرا مريح جدا ونصيحتي لك خذلك سييرا وانتظر 14 لا المكينه بتقوى والشكل بيتغير والداخليه كذالك ما تسى تاخذ 13 بعدين تتحسف

[أطلال نجد]

أخوي جي تي حياك الله و أتفق معك في بعض ما ذكرت لكن متى بحتاج لحمل المكيف أو الثلاجة أو حتى الفرن ؟!
و إذا احتجت وقتها لنقل أثاث أو صيانة فيه من يشيلها لي في سيارته و يوصلها لبيتي أو لمحل الصيانة و يرجعها معززه مكرمة ....
لذا أرى ونيت بهذا الحجم غير مناسب لشخص لا يحتاج إليه بشكل دائم مثلاً في تحميل عزبة أو مواشي أو دبابات و خيام ... ألخ


تحيتي

[قناص 28 عفيف]

يقال ان الشكل بيتغير 14 اذا منت مستعجل انتظر
واذا مستعجل اخذ لك تاهو بدون دبل اصفار بحدود 130 الف

[ابونبيل]

مافي مقارنه ابد ذاك ونيت وذاك صالون

كانك راعي تحميل خذ وانيت واذا انت عادي دينالي

او احمع الثنين وخذ غمارتين سيرا

[أنصر نبيك]

النشامى

الكنج
اطلال نجد
qwertyu987
جي تي
قناص عفيف
أبونبيل


بيض الله وجيهكم جميعاً بمثلكم وشرواكم يرتقي المنتدى عز الله ماقصرتو أستفدت منك كثير وأستقر الرأي
على سييرا غمارتين حوض قصير أول مايطل علينا 2014 والله يعيننا جميعاً على هذه التخبطات حنا وهالمواتر
بيع وشرى الى مالا نهاية وكل هذا بسبب سوء الاختيار اسأل الله عز وجل ان يوفقنا جميعاً لما يحب ويرضى

[راعي الرود]

النشامى

الكنج
اطلال نجد
qwertyu987
جي تي
قناص عفيف
أبونبيل


بيض الله وجيهكم جميعاً بمثلكم وشرواكم يرتقي المنتدى عز الله ماقصرتو أستفدت منك كثير وأستقر الرأي
على سييرا غمارتين حوض قصير أول مايطل علينا 2014 والله يعيننا جميعاً على هذه التخبطات حنا وهالمواتر
بيع وشرى الى مالا نهاية وكل هذا بسبب سوء الاختيار اسأل الله عز وجل ان يوفقنا جميعاً لما يحب ويرضى


الله يعطيك خيره و يكفيك شره مقدماً و لا تنسى الاستخاره ولا تستعجل

[جي تي]

أخوي جي تي حياك الله و أتفق معك في بعض ما ذكرت لكن متى بحتاج لحمل المكيف أو الثلاجة أو حتى الفرن ؟!
و إذا احتجت وقتها لنقل أثاث أو صيانة فيه من يشيلها لي في سيارته و يوصلها لبيتي أو لمحل الصيانة و يرجعها معززه مكرمة ....
لذا أرى ونيت بهذا الحجم غير مناسب لشخص لا يحتاج إليه بشكل دائم مثلاً في تحميل عزبة أو مواشي أو دبابات و خيام ... ألخ


تحيتي


موب شرط انك تحمل يعني الحوض تحتاجه في امور كثيره مره واهم شيء غير الحوض ان الموتر جديد موب مستعمل يعني ما تقارن مستعمل بجديد الجديد له لذته وتضمنه من كل النواحي :D

والله يعطيك خيره ويكفيك شره مقدما اخوي ضباب ا وخير ما اخترت جمعت بين الحوض و الوسع والله يهنيك فيه مقدما وعقبال الفراري والبوقاتي :D:D

[zzss]

سمعت عن الأفلانش انه جيد خصوصا ان صندوقه له
قفل ومواصفاته مابين التاهو والونيت.

[أبا مجاهد]

انصح بانتظار السيرا 2014
ولاتنسى الدينالي فخامه ومكينته الكبيره 6 لتر
ولك الخيار