موقع ممتاز ؟؟مع صور

[مساعد]

الصور منقولة من موقع ابوهارون
http://www.mekshat.com/pix/upload/images/dobang3.jpg

[مساعد]

صورة تذبح..............
http://www.mekshat.com/pix/upload/images/seed4.jpg

[أبوسليمان]

السلام عليكم
الله يسلمك على هالصور اخوي مساعد
تراه جداً جداً رائعه وانشالله نشوف المزيد
منك ومن اعظاء مكشات:cool: :) :cool:


و شــكــر اً

[ابو حماد]

[COLOR=darkblue]مساكم الله بالخير جميع [/COLOR

اخوي مساعد انت بالصورة اللي مرسلها شكلك راعي مقناص الرملة تحب تهيض شجون الشباب .
ابسألك على طاري الرملة وش رايك مقناص الرملة في الايام يوسع الصدر ولا لا ؟!
:D

[مساعد]

حياك الله يابوحماد, للاسف ماعمري قنصت الرملة لكن قنصت اماكن مشابهة لها مثل النفوذ,والطبيق بالشمال والجروح مهيضة بليا صور.

[ابو حماد]

يابعدي انت صادق الواحد متهيض بالياش لكن يحاول ينسى ونشاف هالصور ما عد يتحمل يصير وده انه بكبد هالصورة ولا يطير للبر
على قول الشاعر
انا لو باتمني كان ودي اروح لبرها والترك وطنها
وحيد وفي خلاي راس مالي فريدة نوقة غالي ثمنهال
ادوج بالفياض الي هاواها يفك النفس من همن زبنها
والصيد الصيد ليمنه بدالي وعطف ناقتي والشرب لبنها
وسلامتكم

.!!!!! والله يوفق الجميع ..

[مساعد]

هدية مني لك من الشمال عام 1418ه
http://www.mekshat.com/pix/upload/images/mk00048.jpg

[ابو حماد]

بيض الله وجهك وما قصرت و تهدي الابل يامساعد وعسى الله يجب وسميه تعز الارض وما على الله شيئ كايد سبحانه .
الا عندي سوال اخوي مساعد عنك طير قرناس على اسمك وشكلك مولع بالطيور ولا انا غلطان ..
اظاهر انه صحبح واذا كان صحيح وش علم الحباري هالاسبوع .( ترى على فكرة ماني نراعي طيور بس احب اخذ علوم الهدد والوناسة ) ..
ومع اطيب تحياتي !!!!!!!!!!
:cool:

[مساعد]

حياك الله ,علوم الحباري زينة ,بس البلشة وين الفكة من حماية البيئة,في شباب طرحوا حباري في منطقة الصوان "الحدود الاردنية" وبعض المقانيص حول رفحا....

وذكروا حباري واجد قريبة من محمية "الحرة".

بالنسبة للطيور!للاسف لي فترة ما شقلبت طيور ولا هديت بس انشاالله قريب تجيك العلوم..

[ابو حماد]

لا تروح بعيد
ترى في الدهناء يقلون صيد مجموعة منها .وبعدين اكمل
على فكرة ترى بطلع من الجهاز شغل ظروري الوعد غدا والله يوفقك .

[سديراوي 2001]

والله يانت ذكرتني بروحتنا للرمله

لا والقهررررر ان حنا مصورين نفس الصوره (الشاص )

بس تدري وش يختلف انه الشاص اللي مصورينه موديل 93

واذا بغيت تشوف الصوره تلـــــقا ها في المحلات لانها منشوره واللي نشرها الله يهدي بس كاتب عليها ان الصوررررره له
وصار فيها مشاكل خربطـــــه وتركنا المووووضوع لانه مايسوى بس الغبنه ليه يحط اسمه وهو ماله دخل ابد ؟

والصوووووووره معروفه من هي له

[هواوي]

مساك الله الخير

اخوي مساعد صراحه صور روووووووووووووعه وخاصه صوره الشاص فتنه

واتمنى ان كان عندك صور لشاصات زي كذا انك تنزلها هنا

او صور من الربع الخالي عاد تخيل صوره شاص في الربع الخالي قسم بالله اجمل منظر في الكون كله

ولك خالص تحياتي

هواوي

[مساعد]

الصور المنزلة منقولة ماهي لي ...مالي غير صورة الزبيدي بس ابشر بعد ما اسويscan لصوري الخاصة,اعرضها في الموقع.

[مساعد]

شاص بة ملغوم "عزالله انة ذبحني"
http://www.mekshat.com/pix/upload/images/seed1.jpg

[مساعد]

قطا نجد"المقطقط" الاشهب
http://www.mekshat.com/pix/upload/images/seed3.jpg

[مساعد]

اخوي ابوحماد,ما كملت السالفة عن الحباري؟
http://www.mekshat.com/pix/upload/images/hubara_2.gif

[راعي كيف]

هذي صوره تكاد ان تعبر عن نفسها

[راعي كيف]

الرسالة الأصلية لصاحبها عاشق البراري
هذي صوره تكاد ان تعبر عن نفسها
http://www.mekshat.com/pix/upload/images/albareq.jpg

[مساعد]

مشكور ياالطيب ...الجلسة يبيلها كبسة محكورة:
http://www.mekshat.com/pix/upload/images/dobang.jpg

[راعي كيف]

هذي صوره من احد الكشتات خاصه بي انا ويعض الزملاء مي احد شعبان الشمال (القطارة)
http://www.mekshat.com/pix/upload/images/shmal 2-1.jpg

[أيمن]

يا سلام على ها لمناظر ..
بالفعل صور تشرح الصدر - والله -، والشكر للجميع على هذا التفاعل، وهذا الموضوع البرّاق في المشاركين فيه، وفي محتواه، وسلمتم لمنتداكم "مكشات".

تقبلوا خالص تحيتي

[راعي كيف]

صوره من اجمل الصور التي عندي
http://www.mekshat.com/pix/upload/images/mk00047.jpg

[مساعد]

عزاللة انك ذبحتني ...... بالصورة..

يـاصـقـر و اهـنــيـك لك جناح تطير ....... لى طرى لك نزعت وطرت يم الهوا

بـيـن قـلبـي وبـيـنـك فـرق والله كـبـير ....... لى كفخت انطلقت ولى كفخت التوى

انـت حـايـم وانـا بـالـقـاع دوبـي اسـيــر ...... في صحاري زماني ذيب ليلي عوى

فـوق جـوك سحاب وحـدر جوي هجير .... الـقدم فــوق رمـضا والخــفـوق التوى

الــحـذر يـا صقر لا يشـبـكونـك اسير ...... ويـل صـقــرٍ يـتـله مـربـطـه لى نوى

بـرقـعــتـه الـلـّـيـالـي فـوق وكرٍ قصير ...... عقب صفقه جناحه بالهوا لى اهتوى

كـل حرٍ الـى ضـاق انـتهـض لـلمطـير ...... حـومـتـه بـالـسـمـا ساعـة لـقـلـبه دوا

واعـذاب الـجـنـاح الـلــّي يـجـره كسير .... كّـلـما فــزّ مـكـسـور الـنـواهـض هوى

شعر خالد الفيصل
http://www.mekshat.com/pix/upload/images/ace.jpg

[ابو زنه]

مشكورررررررر اخوي الله يكتب اجرك