شوركم بخصوص تركيب بطاريه اضافيه للشيروكي

[راعي الرود]

السلام عليكم




مساكم/صبحكم الله بالخير كل"ن" و وقته

يا شباب انا فكرت بتركيب بطاريه اضافيه بدال الغثى في كل كشته تفضى البطاريه و اشرك لها لكن الموتر اللي معي فيه مشكله و هي ضيق المساحه في الكبوت .. لدرجه اني أشيد بمهاره مصنع جيب لأنهم ماخلو لك شبر فاضي بالكبوت لعنبو بليسهم :D

بعذرها ترتفع حراره مكاينهم تاكينها تك في هالكبوت ماتقوى تنفس المكينه :D

هذي صورة شبيهه لموتري بس موتري فيه زياده ايضاً وهو الـABS مكانه فوق فلتر الهواء على اليمين

http://imgc.classistatic.com/cps/blnc/121111/943r1/3454k09_20.jpeg


وش رآيكم وش الحل ؟ اكنسل الفكره من راسي ولا فيه حلول لها .. وياليت اهل الشروكي اللي مركبين اضافيه يسيرون و يعطونا العلم

[عون آل مقبل]

يفيدونك الاخوان

[najd star]

أنا مثلك معي شروكي وفكرت بالبطارية الاضافية لاكن المشكله الكبوت مافيه مكان
لاكن أنا جتني فكره أني احط البطارية بصندوق مغلق تحت الاستبنة أو جنبها

[راعي الرود]

يفيدونك الاخوان


الله يحييك ويامرحبا ومسهلا



أنا مثلك معي شروكي وفكرت بالبطارية الاضافية لاكن المشكله الكبوت مافيه مكان
لاكن أنا جتني فكره أني احط البطارية بصندوق مغلق تحت الاستبنة أو جنبها

حياك الله يانجد ستار .. عز الله انك صادق مافيه مكان ابد في الكبوت و لو تحطها ورى خطره الصراحه و انت معك شيروكي و عارف الشيروكي شلون بالكهرب غدار ممكن في اي لحظه لا قدر الله يولع فيك فـ خله ان احترق يحترق بالكبوت ماهوب بالغماره و ورى عند التانكي !

جربت تمر على ورشه الصبي او سوافي المتخصصين بالتمديدات الكهربائيه والبطاريات الاضافيه ؟

بحاول اني امر عليهم و اشوف ان كان عندهم حل للشروكي يرهمون له قاعده في الكبوت و برد لك برساله خاصه ان مريتهم

ان شاء الله يجينا واحد مركبها على الشيروكي ويعطينا العلم الغانم :D

[najd star]

الله يحييك ويامرحبا ومسهلا




حياك الله يانجد ستار .. عز الله انك صادق مافيه مكان ابد في الكبوت و لو تحطها ورى خطره الصراحه و انت معك شيروكي و عارف الشيروكي شلون بالكهرب غدار ممكن في اي لحظه لا قدر الله يولع فيك فـ خله ان احترق يحترق بالكبوت ماهوب بالغماره و ورى عند التانكي !
طيب جتني الحين فكره أنك تركبه مكان قربه الهواء وتركب فلتر K&N بس ماتصلح للشخص العاقل (الكبير )لان الفلتر بيكون برى الكبوت
جربت تمر على ورشه الصبي او سوافي المتخصصين بالتمديدات الكهربائيه والبطاريات الاضافيه ؟
لاوالله ما مريت أحد
بحاول اني امر عليهم و اشوف ان كان عندهم حل للشروكي يرهمون له قاعده في الكبوت و برد لك برساله خاصه ان مريتهم
أنتظر ردك الله يطول بعمرك
ان شاء الله يجينا واحد مركبها على الشيروكي ويعطينا العلم الغانم :Dههه ما اتوقع أحد قد ركبها

[You Like Me]

وعليكم السلام والرحمه


بصراحه اشوف الكبوت حاشر
ومافيه مجال لتركيب البطاريه الاضافيه


لكن فيه حلول وهي كثيره من البطاريات الاضافيه المتنقله
او ترهيم وافكار الشباب


وهذا موضوع للأخ العضو (دايم الخير)


لاصندوق أسود ولا أزرق،بطارية "الفزعة" من بن عمار هي الحل!! (http://www.mekshat.com/vb/showthread.php?t=547600)




السلام عليكم و رحمة الله و بركاته





أخواني الأفضل ، تحية عطرة بعطر الحيا ، اللهم اجعله صيب نافع يارب العالمين


أدخل معكم بموضوع البطاريه على طول !!


بعد رؤية بطارية الرماية ذات الصندوق الأسود وكبر حجمها وثقلها وكثرة أدواتها ، وكذلك بعد رؤية الصندوق الأزرق لبطارية رحال لرفيق الدرب وأنه لايغني عن بطارية الاحتياط لعدم قدرته على شحن السيارة وتحمل الثلاجه .
وكما تعلمون ان الكشاته المتنقلون يحبون الاختصار في العزب والأدوات ولذا اجتهدت وذهبت لوكالات البطاريات لأختيار بطارية جافه "جل" تكون ذات جهد كهربائي ووزن وسعر مناسب لعمل الدائرة الكهربائية عليها ، ولله الحمد وجدت ظالتي وهي بالفعل بطارية فزعة ، حيث تعمل أشتراك السيارة أكثر من مره سواء للسيارات الكبيرة او الصغيرة بشرط أن يكون الشحن من الاصباع مباشرة ، كما أنها فزعه في الفيضه والروضه المشبكه لسهولة نقلها وتشغيلها انارة خيمتين لعدة ليالي "لد" وومتازه للطوارئ في المنزل .
من الميزات :
1ـ البطارية تايوانية لها حامل يدوي يغني عن عمل شنطة او صندوق .
2ـ المقاس مناسب ووزنها مناسب مقارنة مع الموجود في السوق وسعرها بـ 320 ريال تقريبا .
3ـ الاكتفاء بالدائرة الكهربائية فقط اما الكماليات فهي على حسب الأستخدام .
4ـ سعة البطارية 34أمبيرتعطي تقريبا 400 واط.
5ـ عمر البطارية قد يمتد لـ 4 سنوات.
6ـ مدخل ولاعة ثلاثي ذو كيبل يتحمل الجهد العالي.
7ـ الدائرة الكهربائية محمية بفيوز سهل الفك والتركيب مقاس 30
8ـ في البطارية إنارة جانبية الهدف الرئيسي منها قياس سعة البطارية عن طريق حساسية العين للإضاءة اثناء سريان الكهرباء مع تكرار الاستخدام سيدرك المستخدم ذلك .
9ـ اللابتوب يعمل على الاقل 6 ساعات مع اضاءات اللد ، اما اذا كانت تستخدم للإضاءة فقط فهي تعمل لأيام ، كذلك الشوايات تعمل عليها ، اما الثلاجه تعمل 5 ساعات لو كانت الثلاجه 50واط وبقية جهد البطارية يفضل يكون للإنارة .
10ـالدائرة الكهربائية بسيطة وغير مكلفة ( مدخل ولاعة ثلاثي بـ 20 ريال +فيوز بـ 15+شريط نور لد بـ 15 ريال + شاحن سيارة بـ 20 ريال ).
11ـ البطارية بالإمكان شحنها عن طريق ولاعة السيارة بربط الكيبل بولاعة البطارية من (5_6) ساعات ويفضل تعئبتها اثناء المشاوير ، وبالامكان تعبئتها عن طريق عمل اشتراك من السيارة أو عن طريق محول منزلي ، والأفضل من هذا كله ان يتم شحنها عند محل البطاريات بـ 10ريال والشحن لا يتجاوز النصف ساعه .


سعر البطارية مع شغل اليد بـ 400 ريال وهي رخيصه مقارنة بغيرها .


الفكرة دارجة لكن كانت الدقة بأختيار المواد وجودتها وفائدتها للطرقيه واترككم مع الصور :
http://im21.gulfup.com/huIp1.jpg (http://www.gulfup.com/?YT5ahA)


http://im29.gulfup.com/LcBY1.jpg (http://www.gulfup.com/?5XKZmn)


http://im16.gulfup.com/8YFX1.jpg (http://www.gulfup.com/?7vBF7W)


http://im21.gulfup.com/HFno1.jpg (http://www.gulfup.com/?NtkML4)


http://im13.gulfup.com/x6571.jpg (http://www.gulfup.com/?Ds6K02)


اعتذر عن الاطاله مع تمنياتي أن تفي هذه البطارية باحتياجاتكم المكشاتية ^_^






والغرض منها تلقى اقرب وابسط الحلول

دون المغامره بوضعها عند التانكي وغيره :D
بالتوفيق لك يارب

[al faris]

وش المشكله لو حطيتها باخر السياره من تحت

[أبوأسامه...]

أقووول انا لقيت لك الحل طبعا فكرتي انا على البثفندر 2001 _انا ماركبتها بس هي ببالي _ مالقيت مكان للبطاريه وفكرت وانا وأعوذ بالله من كلمت انا لو فكرت ياتكون ناجحه او لها مشاكل كثير


الي وهو افتح الباب الخلفي حق الشروكي أو البثفندر(كل السيارتين مالهن مساحه للبطاريه أضافيه بالكبووت )


الفكره

لو قصيت الارضيه وفصلت صندوق ولحمته ويصير الصندوق من تحت وفتحته من داخل الغماره وتلبس الصندوق وتجيب له غطا بلاستيك وتسكر الفتحه وفوقها الفرشه حقت السياره وابكذا حين تحمل اغراضك ماعندك شي بالصندوق وكل شي مخفي بس شوي ترتيب وتضبط والصندوق لحمه زين عشان لو دخلت ماء مايدخل على البطاريه والصندوق على المقاس الي تبي لو تبي تركب بطاريه تريلا تركب على مقاس الصندوق الي مفصل



وعطونا رايكم او ملاحضات

[ابوحسام9]

ياخوي مر الي يركبون البطاريات الاضافية راح يحصلولك موقع مناسب لانهم هم ابخص بشغلهم ونتبه من الموقع الذي يسبب احتراق