المساعد الشخصي الرقمي

مشاهدة النسخة كاملة : كيف نستفيد من مكان البطارية الثاني في كبوت السيارة


كويتي
21/09/2006, 07:56 PM
:) السلام عليكم ورحمة الله وبركاتة ...

وأنا مره من المرات كنت فاتح كبوت السياره ( لاندكروزر ) طاحت عيني على المكان الاحتياطي لبطارية السيارة المكان الثاني - الفاضي - وردت علي فكرة بان استفيد منه بان اثبت فيه صندوق او اى شى يحفظ العدة الخفيفة او اى شى لايتأثر بحرارة الماكينة وعلى غرار فكرة تثبيت ماطور نفخ الهواء ...

السؤال المطروح : هل هناك صناديق بالاستيكية تباع فى المملكة عندكم ممكن ان تثبت فى المكان هذا أو هل هناك اي فكرة ممكن ان نستفيد منه كماطور الهواء ؟



تحياتي ،،،
المربد
21/09/2006, 08:08 PM
يوجد ونش لايحتاج الى تثبيت بالصدام يمكن ان تشتري واحد وتضعه في هذا المكان واذا احتجت له تفكه وتستعمله
كويتي
22/09/2006, 01:32 AM
جزاك الله خير اخوى المربد على هذه المشاركة ويمكن ان يكون هذا الاقتراح مفيد للاخوان المطلعين على المشاركة ويعم عليم بالفائدة ولكن للاسف لدى ونش مثبت على الجيب من المصنع نفسة ويمكن تعرفة ونش الكروزر وهو قوى جدا .... مع خالص تقديري
راعي الهـــدد
04/10/2006, 01:58 PM
استفد منه ببطاريه اضافيه


فهي مهمه لراعي البر


ودمت طيب
كشته 111
04/10/2006, 02:06 PM
الاخ كويتي ,,,نصيحة اخوية لا تضع شنط بلاستيك داخل كبوت السيارة لان الحرارة عالية جدا والبلاستيك معرض للذوبان والاحتراق لا سمح الله ,,,, اذا لا بد شنطة عدة حديد او المونيوم ,,,,,
عمار السفينه
04/10/2006, 02:19 PM
طيب مافكرت تفصل صندوق حديد
محمد بن راشد
05/10/2006, 01:12 AM
السلام عليكم



أخوي كويتي مشكور عالموضوع الطيب سلمك الله أنا أنصحك بالبطارية الأضافيه تراها تنفعك فالبر ومايخيب ظنك الموتر ويفظي :(

أنا طال عمرك أذا رحت رحله أستخدم المحول من DC ألا AC يعني ياخذ كهربة سيارة ويعطيك كهربة بيت 300 واط وأستخدم 2 ألا 4 ليتات فالرحله والحمدالله ماقد فظت البطاريات لكن كل 3 ساعات أشغل السيارة ربع ساعه عشان أتعبي البطاريات



:good: وهذي صورة للبطاريات فالسيارة :good:





:D والسموحه منكم عالأطاله :D



http://www.9q9q.org/index.php?image=L0b43zjhEmpL (http://www.9q9q.org/index.php?image=iHE2ZxSVs)
طارق الحربي
05/10/2006, 05:42 AM
اخوي محمد بن راشد

كيف موصل البطاريه الاضافيه بالاصليه ؟
هولوكس2005
05/10/2006, 05:58 AM
اخوي مايصلح تحط الماطور في الكبوت علشان يمكن تحتاجون الماطور لأي شي ثاني ابوك يبي ياخذه اخوك جارك

ثم تبلش بفكه حطه وراء المرتبه

والبطاريه الثانيه كانك راي ثلاجه حقت بر فلا تفوتك البطاريه الثانيه

والعده كسل تحطها بالكبوت


أنت
وش موترك ؟؟
محمد بن راشد
05/10/2006, 06:01 PM
اخوي محمد بن راشد

كيف موصل البطاريه الاضافيه بالاصليه ؟


مرحبا أخوي طارق الحربي سلمك الله المكان الفاظي فالسيارة مجهز للبطارية الثانيه بس خذ قاعدة البطاريه ألي تحت وحديدة التثبيت ألي فوق وتوصيلها سهل يبغيلك كابل من البطاريه الأصليه موصل على + ألأحمر أما الأسود ثبته فالبدي ;)

لك كل الأحترام
بواسامه
05/10/2006, 07:26 PM
اذا تبي صندوق بلاستيكي
ركب حق الجمس الصالون من موديل 99 وتحت
يجي في الجهة الثانيه صنيديق على كيف كيفك
ومعالج ولا يتأثر بالحراره ومثبت وجود
كادر
06/10/2006, 09:25 PM
مثل ماقالو الاخوان ماعنك وعن البطارية الاضافيه تراها مهمة جدا