كشته خارج السعودية - موثقة بالصور

[aif]

في البداية توجهنا إلى مطار جنيف واستاجرنا سيارة وعلى طوووووول إلى تلك المدينة الصغيرة - انتر لكن - مدينة هايدي وبيتر dod:dod: تذكرتواا

وأثر ذاك اليوم يوافق اليوم الوطني للمدينة وهات ياألعاب نارية ومهرجانات و.و.و. ( لا يروح بالكم بعيد ) يوم جا الليل الجماعة دروا إننا بردانييييين لأننا طلعنا من الرياض ودرجة الحرارة 50 فما قصروا شبوا لنا ناااار
http://www.mybiznas.com/aif/nar.jpg

فلما كان الغد -عربييييييييييييي -

ضربت ذيك المطره وحنا بالسيارة وجلسنا ندور إلين وقف المطر

واستوقفتني صورة طبيعية راااااااائعة فسحبت الجلنط بوسط الشارع ودقيته صورة - ما راح أقولكم عن المشاكل اللي ترتبت عن الجلنط -
http://www.mybiznas.com/aif/caws.jpg

ثم استمرت الرحلة باتجاه الجبال - الماونتينق - ووقفنا وسسسسسسط الطريق لأنه كان مسدود ؟ بماذا ؟؟؟؟
http://www.mybiznas.com/aif/cow.jpg

وبمحاولات بسييطة من زميلي استطاع التفاهم معها لأنهم ينتمون لمرجع واحد -ههههههههه-

واستمرت الرحلة حتى وصلنا إلى شي أول مره أشوفه بعمري!!!!!
على الطبيعة طبعاً
http://www.mybiznas.com/aif/ice.jpg

وطارت - بوهتي - وبديت أتزحلق بهالثلج

ونزلنا من الجبل وخشوووووووووووووومنا زرق

ومرينا بمكان وأثر هالسويسرييين كاشتييين لهم بفيضة مربعة والله
http://www.mybiznas.com/aif/camp.jpg

وبعد كم يوم طلعنا لجنيف - وحنا بالطريق أمطرت علينا

http://www.mybiznas.com/aif/car.jpg

حتى وصلنا لجنيف عند البحيرة

http://www.mybiznas.com/aif/jeneva.jpg

وما تشوف عينك إلا النووووووووووور تخصصيك واسترح

شارع التخصصي وجماعة التخصصي بس على بروفشينال شوي

قررت -أنا لأني أنا الأمير - نطلع لباغيييه يعني باريس اللي ما يعرفون أسباني!!

وطحنا بطرق تخوف - بس أزين من طريق الساحل -

http://www.mybiznas.com/aif/treeq.jpg

حتى وصلنا باريس بعد 4 ساعات - طاقين الطبلوووون -

وشفنا اييييفل على الطبيييييعة طوييييييييييييييل وأسمر|4|

http://www.mybiznas.com/aif/eivel.jpg


هذا عرض سفري وسريع والصراحة تعبت وأنا أكتب وأنقل الصور

[رحال]

مساك ربي بالخير اخوي (( ابو ريان )) ماشاء الله عليك قصه حلوه مره ومغامرات رهيبه وصور ولا اروع تكفا اذا كان عندك المزيد من هذه الصور لا تبخل علينا يالغالي لأنها والله حلوه اهم شئ انكم انبسطتواهناك ؟؟؟
تمنياتي لك بكل التوفيق
اخوووووك الرحااااااال

http://www.mekshat.com/pix/gallary/data/images/RAHAAL22.jpg

[راعي عنيزة]

اتعب على الكشتات الهاي كلاس يا ولد ;)

هذي لا قالو طبيعه مهب حنا يخلف الله ماغير تمسك خطوط لما تاصل حدود العراق واتلاتها تكشت بشعيب فيه ربيع مترين بمترين وفوقها سبعين مخيم :D

يعطيك العافيه يابو ريان وجعلك تسلم

[عاشق الصحراء]

صحت الكشته يا ابو ريان.
و اشوا انكم رحتو وقت ربيع و خير ما شاء الله
على هالفياض الخضر.
يا عل ربي يخليك ما جبت لنا اقط من باغييييييه,

يا سلام على هالكشته الي ما به غبار.

شكرا جزيلا يا ابو ريان, و عز الله انك جبت الصور
باسلوب (100% ) رائع و ممتع.

تحياتي.

[نقا هشال]

مرحبا اخويaif

والله خوووووش كشته توسع الصدر ماشاء الله عليكم

بصراااحه صور راااايقه من جد

الله يعطيك العافيه

بس خل عنك مامثل نجد اذا ربعت00000000000

تحيااتي لك,,,,

[aif]

أخوي رحاااااال أبشر بالخييير

اخوي راعي عنيزة والله إنك صادق بس (القطه له دوووووووووووور ) وأنت أبخص .

اخوي عاشق الصحراء اقطهم يجي مغلف ومعلب على شكل مثلثات (لافاش كيري )

اخوي نقا هشال إي والله بس ........ كم لك عن ربيع نجد -الله يجيب الخير- أو تقصد نجد العراق !!


المقصووووووووود الكشته والعلوم الزينة والعزبة طالعة طالعة اما للزعبية أو لجبال أوروبا بس والله ما ينقصنا هناك إلا- رعدة دبة البريموس - عيوا علينا بالطيارة نشيله ، بس أبشرك لقينا هناك واحد صغير .

والجايات أكثر

[aif]

وهذي صورة الدافوووووووووووووور

http://www.mekshat.com/pix/gallary/data/images/premos.jpg


وهذي بعد صورة رهييييييييبة لشلال طحنا به ( مهب مثل شلالات حجرة لينة لكن يحتك !!!!! )


http://www.mekshat.com/pix/gallary/data/images/aif-shalalat.jpg



والحييييييييين وش رايكم بالعطلة

سويسرا أو حجرة لينة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[عاشق الصحراء]

حتى دافورهم سنسسيتييل مهو أمغر.
بيني و بينك......>>>>>> تعال>

_



_
























ما شفتو صيد ( وبران تجحر عند الشلال و الا
ارينبات ,,,,,,و انت خابر
قلبي يقول ان الدافور عليه مريق صويده.
ترى منا معلم.هاه وش تقول؟

[aif]

الله يهدينا واياك يالعاشق !!!!!!!!!!!!


هي أرانب وبس

ياخيي الغزلان اتناتق مع كل جخر بهالغابة وتبينا نناظر الوبران !!!


بس المشكلة إنهن للفررررررررررجه بس



والله يقبل

[سـفـاري]

الله رحلة محترمة يابو ريان

بس بغيت أساألك أيهن أزين

الشرق أو الغرب ؟؟؟؟؟؟؟؟؟؟؟

أوروبا أو شرق آسيا ؟؟؟؟ إذا كنت رحت هناك ؟؟



تحياتي لك............ ســـــــــفاري

[الكويتي]

صور رائعه .. الف شكر لك

[الغريب الاول]

اقول تبي الصراحة ياخي اهم شيء الرفقة زينه ولا لا... لو هي بروضة الخفس....!!


ومشكور على الجهد الرائع..........

[هاوي القنص]

الله الله على كشتات الدلع يا أبو ريان ;)

هذي الكشتات وإلا بلاااااش وإلا لينة والصمان خلهن لأهلهن ( واحد مضيع مع الصور ) :rolleyes: :rolleyes:


وبمحاولات بسييطة من زميلي استطاع التفاهم معها لأنهم ينتمون لمرجع واحد -ههههههههه

هذي لازم نحط تحتها مليووون استفهام ؟؟:p لأنك تضرب على وتر حسااااس :p

عموما مشكوووورين يا أبو ريان على هالصور والله الله بالجااااي



أخووووووك : هاوي القنص :cool: