رأيكم يهمني في أختيار السياره المناسبه

[nawaf2013]

السلام عليكم ورحمة الله وبركاته

أخواني أعضاء هذا الصرح العظيم

تكفون أبغى مشورتكم وتوجيهكم لي

بأذن الله ناوي خلال هذا الشهر شراء ساكويا ولكن محتار بين الليمتد والي اقل منه بمرحله. فقط أريد منكم تخبروني وش الفرق بينها حصلت بينها فرق قرابة 37 الف ريال واكثر ..وانا ما شفت فرق واضح وكبير
سؤالي لكم
1/وش الفرق بين الفل الكامل ونص الفل؟ وهل كل الاسكويا يوجد بها ثلاجه وفتحه وسله علويه وجناح؟
2/هل يوجد في 2013 تشغيل عن بعد وهل هذه الخاصيه ترفع سعر السياره؟
3/رأيكم هل أشتري جديد نص فل بسعر 160 من عبداللطيف او اشتري مستخدم فل كامل ماشي اقل من 20 الف ونظيف طبعا 2012 مو 2013 وسعره من 165 الى 170 وراح يكون مركب له اضافات من ناحية التظليل وحماية الوجهيه؟ أو أشتري نصف فل مستعمل وماشي ممشى بسيط وحصلت سعره قرابة 133 الف؟
4/ ماهي الاشياء التي تحذروني منها لكي لا أقع فيها لم ابغى اشتري شي مستعمل؟
5/ وماهي الأشياء التي لابد تكون ضروريه في السياره لكي أنتبه لها؟
6/الكثير يقولو اذا انك راح تدفع 170 ادفعها في فكس ار 2010 او 2009 أفضل لك؟ مارأيكم بهذا الكلام؟
7/وماهو اللون المرغوب في الاسكوياء وانا صراحه ارغب الأبيض الؤلؤي؟

شاكر للجميع تعاونهم معي

[راضي البري]

الله يكتب لك الخير دائما
والله مالي فيها
لكن نصيحه من تجربه ولا اعرفها وانا لا احب السياراة الغير شعبية
خلك حول السيارات المشهوره والمعروفه_ جمسي لاندكروزر باترول....
السكويا تجربتها بالبلد ماتشجع
ولا انصحك بالمستخدم اذا وصلت 170 خذ لك جي ام سي او يوكون
مجرد راي يحتمل الخطاء والصواب

[باسم الرياض]

الفل كامل فيه مواصافت اعلى لكن الاهم من كذا
عندك جميع الفئات نفس المحرك
المحرك: 5.7 لتر 8 إسطوانات 381 حصان صافي.
- ناقل حركة: ستة سرعات اتوماتيكية مع خاصية التحكم اليدوي.

طبعا اهم شي المحرك مدام نفس الشي الباقي اكسسورات

السعر الدبل النص فل 148 الف بدون فتحه سقف اصفار 2013

[مياس العيون]

الله يبارك لك فيما شريت إن شاء الله

السيارتين ما فيهم كلام وخير ما اخترت لكن إذا أنت صاحب عائلة وسفر خذ السكويا واستخدام خفيف ووجود

سيارة بديلة للأستخدام

وإذا استخدامك يومي انصحك بالفكسار ٢٠١٠ وطالع لأنه اخف والبق

وأنا أفضل الدرجة الأولى في السيارتين والمواصفات الكاملة في السيارة ولو كان الموديل اقل لأن المحركات والهيكل

واحد والتفوق بينهم في المواصفات والاكسسوارات وهذي ميزة للفل وتميزك عن العادي وانت مستخدم ما يفرق

معك الموديل وهذي تهم الشريطي واصحاب المعارض

اللون المفضل : لؤلؤي للسيارتين

الماكينة والقوة الاسكويا متفوق كثيراً 5.7 و 6 سرعات للقير

( السكويا ، التندرا ، الكزس 570 ، الفكسار 2011 ) نفس الماكينة مع تفوق التندرا والسكويا في الاحصنة

واعتقد بسبب الحقن المباشر للوقود عكس الكزس والفكسار حقن ألكتروني

بس جميعهم ما كينتهم جبارة وتستحق الشراء

وفيه نوع بلانتنيوم بس انقطع في الموديل ٢٠١٢ أو ٢٠١٣

أسأل الله لك التوفيق

وانصحك تاخذ لك لفه في المنتديات وخاصة ( تويوتا العربية ) قسم السكويا وراح تطلع راضي إن شاء الله

وعندك المشرفين بو حمدان وراعي الجبيل لهم باع طويل في السكويا وانا من المحبين لها لكن حجمها كبير

و عائلتي صغيرة ما تستدعي لها ،،،،

[باترول88]

السكويا ماعليه كلام
مكينه وقير جباره
مبرد القير منفصل عن الرديتر وهذي ميزه وكثير يعاني الي مبردات القير داخل الرديتر من اختلاط الماء مع الزيت
اضافه الى مبرد زيت المكينه وايضا منفصل
مروحه التبريد سير وليست كهرب ومعروف انها اقوى من الكهرب
مروحتين كهرباء خلف الشبك وحجمها كبير للمكيف
6 ارباقات واحساسات خلفيه واماميه وفتحه وسله علويه وكرسي الراكب كهرب
وايضا وجهيه مرتفع بعكس الامريكي
بالنسبه للقياده 0لفته قويه جدا ولا يورط بالطرقات الضيقه وايضا الدركسون خفيف جدا
وسعره 150 الف
وايضا 2013 نزل لون حلو جدا وهو البرونزي
مقارنه مع الشركات الاخرى هو الافضل من ناحيه السعر والصبر والقوه وايضا الصيانه
بالنسبه للفكس ار موتر ممتاز ولاكن يفضل تاخذ اصفار اضمن لك
سعره غالي باللحيل
من وجه نظري السكويا افضل
والكلام السابق عن تجربه

بالنسبه للفل كامل
يفرق اشياء كثيره
ومن الميزات الي ترفع سعره هي الهيدروليك وتقدر ترفع السياره وتنزلها زي اللكزس
باقي الموصفات اتوقع كلها اكسسوارات

بالتوفيق

[هاوي عبث]

الكثير يقولو اذا انك راح تدفع 170 ادفعها في فكس ار 2010 او 2009 أفضل لك؟ مارأيكم بهذا الكلام؟



حياك الله اخوي والله يبارك لك ويطعمك من خيرها ويكفيك شرها مقدما
وانا مع الاغلبيه اذا بتوصل ها السعر اقترح عليك الفكسار والموديلات القديمه 2006 اقوى ياخوك من تجربه