هل أستطيع بنظام الزحف أقطع سيل بدون مشاكل ؟

[كومبو]

السلام عليكم يالله حي كلن باسمه

الله يطرح بها الأمطار البركة ويجعلها صيبًا نافعًا

كلكم تعرفون نظام الزحف اللي نزل على الفكسار في 2011 ونزل على اللكزس في 2010

http://youtu.be/oR7lnpE-WqA

سؤالي هل يمكن قطع سيل من السيول بنظام الزحف بدون مشاكل مع الخبرة في التحكم بالطارة (الدركسون) ؟

+ علما أن أهل الشاص يقطعه أمامك بلا مشاكل

أفتونا مأجورين

[راعي المجهم]

نظام الزحف دفلك تماتيك بالكمبوتر فقط

[طال الانتظار]

اخوي ابلع العافيه السيل ما يعرف نظام زحف .. لا تخاطر بحياتك ولا تخسر موترك

[دانفوس]

السيل يقلب نضام الزحف إلى نظام تدرررررربي

[4x4ofroad]

انا جربت نظام الزحف بالرمل
بصراحه انا اشوفه ممتاز للغشيم اما اللي يعرف للموتر بيطلعه بدون نظام زحف
ومثل ماقالو الاخوان السيل مايعرف مين اللي قدامه

[Al36auy]

أخوي السيل والله ما يعرف دفلك ولا زحف ولا غيرها

[أطلال نجد]

أغنم العافية و الناس اللي قطعوا السيل بالشاص هؤلاء ناس مجازفين بأنفسهم و ربي ستر عليهم

[قناص 28 عفيف]

ترا السيل قوه هائله تشيل الشاحنات شيل مو جيب
ياخي بعض الناس يحسبون الجيب مايرده شئ الله يهديكم بس

[sgl2002]

نظام الزحف ما ينفع بالرمله اذا دقت الدعاسات بالارض وقامت تلعب الكفرات لحالهن


انا كنت احسب نظام الزحف نظام مختلف لكن طلعت السالفه كلها دفلك

[التعـ King ـديل]

السيل ماله خوي يجرفك ولا يفكر

منت مضظر لمثل هالشي ،، وزي ماقالو الاخوان حتى لو قطع الشاص مو كل مره تسلم الجره

انا معي فتك والله اني ادلعه اكثر من نفسي سواء بخط ولا بالبر مو علشانه جيب لازم اغامر به ولا اهتم

انت تبي موتر لك وللزمن ان شاء الله اذا منت مجبور لا تغامر بموترك

[omar 3]

والله لو مو نظام زحف والله لو نظام مطامر ماقطعته .. اقضب ارضك بارك الله فيك

[رحال7]

نظام الزحف للغشمان في البر ويمكن تستفيد منه ويمكن لا حسب طبيعة الأرض
بخصوص السيل لا تقطعه أبدا الا اذا كان ضعيف وتعرف ان الأرضية سالكه بدون حفر ومعوقات خطيرة مثل الطين وغيره

البلع العافية !!! وانحاش عن السيل يكون بطياره
تراه سحب سيارات نقل ووايتات وكأنها فراشه

لا يخدعك شكله أبدا أبدا أبدا أبدا

[بدوي جنوبي]

اى سياره يجي الماء تحتها ,, تتحول وكأنها قارب حتى لو كان وزنها 100 طن
وما ينفع لا لكزس ولا غيره
أحذر من المغامرة

[ابوشاهه]

السلام عليكم يالله حي كلن باسمه

الله يطرح بها الأمطار البركة ويجعلها صيبًا نافعًا

كلكم تعرفون نظام الزحف اللي نزل على الفكسار في 2011 ونزل على اللكزس في 2010

http://youtu.be/oR7lnpE-WqA

سؤالي هل يمكن قطع سيل من السيول بنظام الزحف بدون مشاكل مع الخبرة في التحكم بالطارة (الدركسون) ؟
+ علما أن أهل الشاص يقطعه أمامك بلا مشاكل

أفتونا مأجورين
اخوي انصحك تبعد عن السيول ولاتغامر بنفسك وسيارتك .. دور العافيه .. ترى العافيه مالها مثيل ..

[al-wa7eed]

اخوي لا شفت الشعيب يمشي طال عمرك ابد وقف وارجع مع دربك السيل ما يعرف لا موتر ولا سواق حتى لو تمرح بالبر ولا تقطعه
اللي يقطع مغامر بنفسه وبحلاله وتلقاه يهايط ان ستر ربي عليه وقطع والا بتشوفه واقف فوق التنده يصيح يبي احد ينقذه ...

وموترك وانا اخوك ما هو جايك ببلاش عشان تغامر فيه وبنفسك جايك عقب تعبك عليه

[كومبو]

مشكورين جميعًا