تقرير مصور عن تركيب مبرد قير ( مخ سعودي )

[مخ سعودي]

بسم الله الرحمن الرحيم
وبه نستعين
والصلاه والسلام على اشرف الانبياء والمرسلين
اما بعد


كثيرا منا لايعلم فائده مبرد القير ولايهتم له ولايعلم ماهو لذا : سوف انتقل بكم في جوله في عالم الترهيم والتركيب ان شاء الله تستمعون بها كما يهمني لو تخرج حتى بفائده من الموضوع .
في البداية معظمنا لايعلم ماهي اهميه مبرد القير لذا سوف اقتبس من نادي ملاك الجمس وخاصه لاخوي فيصل الخالدي الذي اكن له الاحترام حيث انني استفدت منه الكثير واتمنى انكم تستفيدون معي ولاننساه من دعائنا له بالتوفيق


(اليوم موضوعي عن شي ضروري جدا لاي سياره اوتوماتيك


خاصه السيارات الثقيله والونيتات والصوالين والجيوب


طبعا قبل ما اركب المبرد على سياراتي سألت كم شركه امريكيه مختصه بالقيور وقطع تزويدها وتوضيبها هذا السؤال ( متى يكون الزيت بارد لدرجة انه يضر القير)


طبعا الجواب كان ان القير يختلف عن المكينه وفيه بالنسبه للحراره المثاليه للتشغيل


درجات حراره بارده نسبيا جيده للاداء ولا تضر المكونات الداخليه للقير مثل الكلتشات ,الطنجره, طرمبة الزيت ..الخ من 30 الى 50 درجه مئويه


ودرجات حراره تكون مثاليه للاداء ولافيها ضرر للقير من 51 الى 75


ودرجات حراره عاليه نسبيا جيده للاداء ولا تضر القير من 76 الى 85


ودرجات حراره عاليه وسيئة الاداء ولكن لاتضر القير من 86 الى 100


ودرجات حراره عاليه وسيئة الاداء وتضر القير بشكل بطيء من 100 الى 110


ودرجات حراره عاليه وسيئه فالاداء ومضره لمكونات القير من 111 فاعلى


ومن 120 فما فوق انت جالس تنحر القير بسكين نظريا


طبعا بالنسبه للكلتشات


عالفل ثروتل (الدعسه كامله انت تحتاج الفريكشن) يعني تماسك الكلتشات وهذي الي تحتاجها في القومات والدعسه كامله فقط وهي الدرجه من 51 الى 75 مئوي طبعا فالقومات اغلب تعشيق القير يكون عال5000 ار بي ام وفوق


هنا تحتاج يكون القير في افضل تماسك للكلتشات


ولو تلاحظون عند ارتفاع درجة حرارة القير لما فوق ال85 اغلب القيور تضعف تعشيقاتها خصوصا القيور القديمه وايضا فالمواتر الجديده اغلب القيور تتغير برمجتها على حسب درجة حرارة القير ويبدا يدخل في شي شبيه بالسفتي مود عشان مايضر القير باي شكل من الاشكال


بينما على الخط انت تحتاج درجة حراره متدنيه نسبيا تعطي القير الراحه الي تطول عمره بين ال فالشتاء 50 وال 70 في عز الصيف ظهرا على الخط هي معدل حرارة القير الممتازه )



ـــــــــــــــــــــ
الان سوف انتقل بكم الى موضوعي


اربطوا الاحزمه




قبل سنة تقريبا قمت بتركيب مبرد قير لسيارتي من نوع تاهو 2008 ولكن كان مبرد القير عباره عن مواصير والان استبدلته بمبرد قير شرائح وساذكر الاسباب .



هنا نجد التجربه السابقه
http://www.mekshat.com/vb/showthread.php?t=505631



سبب التغير :
كان مبرد القير السابق تصل درجه الحراره فيه الى 96 درجه وانا اطمح ان تكون اقل وهي جيده تعتبر بالنسبه لي ولكن اطمح للكثير
تاخر تبريد القير بالنسبة لي
مبرد القير الجديد اكبر وكذلك عباره عن نظام رصات مثل رديتر السيارة وهو سريع التبريد
تم تجربته في اقصى الظروف وكان مذهل حيث ان اعلى درجه حرارة سجلت فيه هي 80 والتجربه لها شهر تقريبا ولكن كان في سفر .




طبعاً كان التركيب بنفسي في منزلي استغرق مني مايقارب الساعه والنصف .
راح ابدء بالصور بالترتيب


هنا صوره الضحيه







http://www.mekshat.com/pix/upload06/images/2013/05/mk21724_3p4i2.jpg

وهنا قبل البدء ونلاحظ ان راح نفك الكلبسات اللي فوقها بسكروب عايدي وهي كبس فقط





http://www.mekshat.com/pix/upload06/images/2013/05/mk21724_yv3ui.jpg




نفتح العده ونجهز غرفه العمليات


http://www.mekshat.com/pix/upload06/images/2013/05/mk21724_flpxa.jpg



وهنا نرى ان الصاجه العلوية قد انفكت


http://www.mekshat.com/pix/upload06/images/2013/05/mk21724_fy3gz.jpg



بعدها يبدء الشغل صح ويبي لك شاهي منعش




هنا نرى الصاجه الثانية وهي مركبه على صواميل مقاس 10


http://www.mekshat.com/pix/upload06/images/2013/05/mk21724_5q6zz.jpg


وهنا نرى المبرد القديم


http://www.mekshat.com/pix/upload06/images/2013/05/mk21724_fxqeh.jpg




وللمعلومية : لابد من الانتباه حيث ان المبرد القديم يوجد به زيت فاحرص على نفسك من الوساخه فقط


http://www.mekshat.com/pix/upload06/images/2013/05/mk21724_scvsy.jpg




بعد مانفصل الليات ونركبها مضبوط بكلبسات انجليزية وسعرها 5 ريال للواحد راح نثبت المبرد بشكل صحيح وبحسب ماتراه مناسب لكن لابد ان يكون مكشوف للهواء وكذلك قريب من المراوح


وهنا صوره المبرد الجديد


http://www.mekshat.com/pix/upload06/images/2013/05/mk21724_bdi07.jpg





بعد تركيبه نرجع كل شي زي ماكان ونزود زيت القير الناقص





وفي الختام لايسعني إلا ان اشكر من رد او علق كما ان الشكر موصول للادارة ولاخواني الاعضاء كما اعتذر عن اي قصور في التقرير لكن للاسف ضاعت بعض الصور حيث انني احببت ان اعدل عليها لكن شاءت الاقدار ان لاتكون والحمد لله على كل حال .
ولكم اروع تحيه

[مخ سعودي]

بيض الله وجهك اخوي ابو صالح وهذا من طيب اصلك ومعدنك


اخواني المشرفين اتمنى المساعده في تصغير الصور حيث انني حاولت لكن دون جدوى

[رحال7]

السلام عليكم مخ سعودي
شكرًا على الموضوع
بخصوص المبرد هو tru cool وآلا شئ ثاني

[مخ سعودي]

هلابك اخوي رحال
نفس الشكل لكن من شركه hayden وهو مكون من ثلاثين وحده
وهنا رابط يوضح حجمه
http://www.customtacos.com/forum/showthread.php?p=1731603

[DBAAS]

فكره ذكيه ومفيده لمناطق الصعود والمناطق الحاره

بارك الله فيك

[مخ سعودي]

الله يطول لي بعمرك اخوي دباس وبالفعل هي ستساعد السياره في الطلوع

[ملك الفكتوريا]

يعطيك العافية يالغالي وحاب أضيف نقطة لأصحاب الكراون فكتوريا وهو أن المبرد الذي عندي حجمه باعرض مثل حجم رديتر المكيف تقريبا

والطول نصف طول رديتر المكيف أيضا


وهو بين رديتر المكيف والمكينه


ولكن الذي اثار استغرابي هو ليات ومواصير القير اثنين جنب بعض واحد رايح للرديتر واحد راجع للقير من بسار المبرد


وعن يمينه نفس المسألة بس متصله بالدركسون

السؤال هل الجمس له تبريد لزيت الدركسون أم لا؟

وهل زيت الدركسون يحتاج تبريد


طبعا زيت الدركسون هو نفسه زيت القير


والرديتر تحسه منقسم 85%منه للقير و15% للدركسون

[ابن العين1]

ما شاء الله عليك
و شغل مرتب
و أفضل شيء إنك تشتغل موترك بنفسك

بس عندي سؤال محيرني
ليه ما ركبوا المبرد من المصنع ما دام له هالفايده الكبيره ؟؟؟؟؟؟

[فرفور بريده]

عندي مبرد قير .. بعد التجربه والتطعيس والمقاوم ماوصلت حتى 85 ابدا

وتبريده سريع .. من 85 الى 73 ب اقل من 40 ثانيه

بالديره والمشي العادي بين 52 - 58

تقرير موفق اخوي .. لاهنتت

[مستربوب]

الله يعطيك العافيه اخوي مخ سعودي شغل مرتب حبيت أسألك شنطة العدة من وين حصلتها

[ابو سالم22]

الله يعطيك العافيه
معلومات متكامله وشرح وافي
والتقرير دسم ومفيد
بارك الله فيك ونفع بك
تقبل مروري

[أبو غدي1432]

أخي مخ سعودي..


فكرة رااااااااائعة بصراحة بس خوفتني يا اخي...


أنا عندي يوكن إكس إل2011 والمشكلة عندنا بالجنوب عقبة الصماء جهة السودة لما أطلع العقبة خاصة بالظهرية توصل الحرارة من 110إلى121 وأشم ريحة تقول حاجة تنصهر..
المشكلة إني أحنه كثير وما قد مشيت فيه18000 بس العقبة هذي مسوية لي قلق وش الحل بنظرك..
على فكرة شاريه وكالة من التوكيلات يعني سعودي مو إمريكي

[مخ سعودي]

يعطيك العافية يالغالي وحاب أضيف نقطة لأصحاب الكراون فكتوريا وهو أن المبرد الذي عندي حجمه باعرض مثل حجم رديتر المكيف تقريبا

والطول نصف طول رديتر المكيف أيضا


وهو بين رديتر المكيف والمكينه


ولكن الذي اثار استغرابي هو ليات ومواصير القير اثنين جنب بعض واحد رايح للرديتر واحد راجع للقير من بسار المبرد


وعن يمينه نفس المسألة بس متصله بالدركسون

السؤال هل الجمس له تبريد لزيت الدركسون أم لا؟

وهل زيت الدركسون يحتاج تبريد


طبعا زيت الدركسون هو نفسه زيت القير


والرديتر تحسه منقسم 85%منه للقير و15% للدركسون

بالنسبه للتاهو يالغالي يوجد مبرد لزيت الدركسون لكن لاعتقد ابد انهما يشتركان في الزيت

[مخ سعودي]

ما شاء الله عليك
و شغل مرتب
و أفضل شيء إنك تشتغل موترك بنفسك

بس عندي سؤال محيرني
ليه ما ركبوا المبرد من المصنع ما دام له هالفايده الكبيره ؟؟؟؟؟؟

يسعدك ربي يالغالي انت ومن يقرا
والسوال يالغالي للاستخدام العادي وبامكان الشركه وضع مبرد اكبر لكن هم يستفيدون من القطع فبالتالي يوضعون شي يستهلك

[مخ سعودي]

عندي مبرد قير .. بعد التجربه والتطعيس والمقاوم ماوصلت حتى 85 ابدا

وتبريده سريع .. من 85 الى 73 ب اقل من 40 ثانيه

بالديره والمشي العادي بين 52 - 58

تقرير موفق اخوي .. لاهنتت

اخوي فرفور يالتي تضع صوره له يالغالي حتى يستفيد من يرغب بشراءه وهذا يعتبر درجه حراره مثاليه جدا وانا اطمح للوصول لهذا الرقم

[مخ سعودي]

الله يعطيك العافيه اخوي مخ سعودي شغل مرتب حبيت أسألك شنطة العدة من وين حصلتها

اخوي الغالي مستر يسعد ربي على ردك واشادتك وبالنسبه للشنطه جتني هديه من احد اصدقائي لاصلاحي سيارته وابشر اسآل لك من اين اتى بها

[مخ سعودي]

الله يعطيك العافيه
معلومات متكامله وشرح وافي
والتقرير دسم ومفيد
بارك الله فيك ونفع بك
تقبل مروري

يطول لي عمرك يابو سالم وبيض الله وجهك على الاشاده وشرفني اشادتك بالموضوع والله يقدرني على رد الجميل للمنتدى

[مخ سعودي]

أخي مخ سعودي..


فكرة رااااااااائعة بصراحة بس خوفتني يا اخي...


أنا عندي يوكن إكس إل2011 والمشكلة عندنا بالجنوب عقبة الصماء جهة السودة لما أطلع العقبة خاصة بالظهرية توصل الحرارة من 110إلى121 وأشم ريحة تقول حاجة تنصهر..
المشكلة إني أحنه كثير وما قد مشيت فيه18000 بس العقبة هذي مسوية لي قلق وش الحل بنظرك..
على فكرة شاريه وكالة من التوكيلات يعني سعودي مو إمريكي
اخي الغالي ابو غدي الله يعطيك خيره ويصرف عنك شره ولهذا السبب قمت بتركيب مبرد اكبر ويلزمك تغير المبرد الى اكبر او تغيير الزيت في اوقات قصيره حتى تحافظ على القير لوقت طويل والله يسهل لك امورك

[رحال7]

الأخ العزيز

المبرد الأكثر شهره في المواقع الامريكيه
Tru cool max LPD 47391
GVW RATING 40000

بينما Hayden 679
GVW rating 30000

[مخ سعودي]

الأخ العزيز

المبرد الأكثر شهره في المواقع الامريكيه
Tru cool max LPD 47391
GVW RATING 40000

بينما Hayden 679
GVW rating 30000

صحيح كلامك وانا اخوك لكن tru سعره ضعف haydenوانا استخدامي عادي ويوفي بالغرض ان شاء الله

[فرفور بريده]

صوره للمبرد

مقارنه مع حجم الرديتر

http://i722.photobucket.com/albums/ww224/bigredmariner/Truck%20repairs/Tru%20Cool/TruCool012.jpg

مايحتاج ترهيم ابدا .. فقط ترهيم بسيط لقاعده المبرد ويضبط

[مخ سعودي]

بيض الله وجهك اخوي فرفور
لكن احسه راح يكتم الموتر لان الاديتر راح يقل دفع الهواء له

[ابوسند9]

الله يعطيك العافيه اخوي مخ سعودي شغل مرتب وماشاء الله الاديتر اشوفه مناسب جداا ويفي بالغرض وزياده
لكن طال عمرك من وين اشتريته والسعر ولا عليك امر

[مخ سعودي]

تم الشراء من امريكا موقع الايباي سعره ٧١ دولار = تقريبا ٢٧٩ ريال وشحنه كلف ٩٠ريال
وتركيبه مجانا في المنزل

[الكدن1]

السلام عليكم
ورد في أعلى الموضوع لصاحب الموضوع كلمة(شاءت الأقدار) وربما أن البعض لايعرف حكم هذه العبارة في الشرع فهنا فتوى الشيخ ابن عثيمين رحمه الله

473‏)‏ وسئل فضيلة الشيخ‏:‏ عن قول‏:‏ ‏"‏شاءت الظروف أن يحصل كذا وكذا‏"‏، ‏"‏وشاءت الأقدار كذا وكذا‏"‏‏؟‏‏.‏
فأجاب قائلًا‏:‏ قول‏:‏ ‏"‏شاءت الأقدار‏"‏، و ‏"‏شاءت الظروف‏"‏ ألفاظ منكرة، لأن الظروف جمع ظرف وهو الزمن، والزمن لا مشيئة له، وكذلك الأقدار جمع قدر، والقدر لا مشيئة له، وإنما الذي يشاء هو الله - عز وجل - نعم لو قال الإنسان‏:‏ ‏"‏اقتضى قدر الله كذا وكذا‏"‏‏.‏ فلا بأس به‏.‏ أما المشيئة فلا يجوز أن تضاف للأقدار لأن المشيئة هي الإرادة، ولا إرادة للوصف، إنما الإرادة للموصوف‏.‏

[رحال7]

صوره للمبرد

مقارنه مع حجم الرديتر

http://i722.photobucket.com/albums/ww224/bigredmariner/Truck%20repairs/Tru%20Cool/TruCool012.jpg

مايحتاج ترهيم ابدا .. فقط ترهيم بسيط لقاعده المبرد ويضبط

تعرف احد مركبه بنفس ألطريقه
فيه الأخ الخالدي يركب بس بمواصير البلاستيك اللي تحي معه

[رحال7]

http://img.tapatalk.com/d/13/05/08/dedyneqy.jpg
Ohttp://img.tapatalk.com/d/13/05/08/he3ugyva.jpg


http://img.tapatalk.com/d/13/05/08/3e9y9y2e.jpg]

[مخ سعودي]

تعرف احد مركبه بنفس ألطريقه
فيه الأخ الخالدي يركب بس بمواصير البلاستيك اللي تحي معه

والسبب اخوي رحال ان الاخ فيصل يركب غير حق الوكاله مجرد تغيير لكن الاستخدام الامريكي بالاساس مو موجوده المواصير فلذلك نعوضها بالليات

[مخ سعودي]

السلام عليكم
ورد في أعلى الموضوع لصاحب الموضوع كلمة(شاءت الأقدار) وربما أن البعض لايعرف حكم هذه العبارة في الشرع فهنا فتوى الشيخ ابن عثيمين رحمه الله

473‏)‏ وسئل فضيلة الشيخ‏:‏ عن قول‏:‏ ‏"‏شاءت الظروف أن يحصل كذا وكذا‏"‏، ‏"‏وشاءت الأقدار كذا وكذا‏"‏‏؟‏‏.‏
فأجاب قائلًا‏:‏ قول‏:‏ ‏"‏شاءت الأقدار‏"‏، و ‏"‏شاءت الظروف‏"‏ ألفاظ منكرة، لأن الظروف جمع ظرف وهو الزمن، والزمن لا مشيئة له، وكذلك الأقدار جمع قدر، والقدر لا مشيئة له، وإنما الذي يشاء هو الله - عز وجل - نعم لو قال الإنسان‏:‏ ‏"‏اقتضى قدر الله كذا وكذا‏"‏‏.‏ فلا بأس به‏.‏ أما المشيئة فلا يجوز أن تضاف للأقدار لأن المشيئة هي الإرادة، ولا إرادة للوصف، إنما الإرادة للموصوف‏.‏
اخوي الكدن جزاك الله كل خير على التنبيه
واعتذر عن ذلك الخطأ

[سيف111]

اخوي الكدن جزاك الله كل خير على التنبيه
واعتذر عن ذلك الخطأ

جزاكم الله خيرا

[مخ سعودي]

جزاه الله كل خير على التنبيه

[المميـز]

:

ماشاء الله عليك ... مبدع دائماً

الله يعطيك العافيه على الموضوع الرائع ويستحق التقييم الاعلى

عندي استفسار ... هل اليوكن السعودي يحتاج الى مبرد قير ام فقط وارد امريكا ؟؟

:

[مخ سعودي]

مرحبا بمشرفنا الغالي
اسعدني تشريفك لموضوعي
وبالنسبة لاستفسارك الاستخدام السعودي مزود بمبرد قير صغير ولايوفي بالغرض بكل امانه
اما الاستخدام الامريكي فبعضها ياتي مزود بذلك وغالبا من موديل ٢٠٠٩ ومافوق لكنه صغير الحجم كذلك
اتمنى اني تشرفت بافادتك

[المميـز]

مرحبا بمشرفنا الغالي
اسعدني تشريفك لموضوعي
وبالنسبة لاستفسارك الاستخدام السعودي مزود بمبرد قير صغير ولايوفي بالغرض بكل امانه
اما الاستخدام الامريكي فبعضها ياتي مزود بذلك وغالبا من موديل ٢٠٠٩ ومافوق لكنه صغير الحجم كذلك
اتمنى اني تشرفت بافادتك


هلابك اكثر

مشكور على الافاده :good:

الله يجزاك خير

:

[س.س.التميمي]

ماشاء الله تبارك الله

[مخ سعودي]

الله يجزاك خير اخوي سعود

[بر الوالدين]

يا سلام عليك ، الله يوفقك و الله ينفع بعلمك يالله يارب

وهذا لو تم عمله و غيرهـ من الأعمال لـ أصبح عمال الورشات على ماقال

يهشون ذبان

[مخ سعودي]

الله يجزاك بالخير اخوي بر الوالدين وهذا مانسعى اليه لكن يظل بعض الاعمال تحتاج الى فني وهم قله
اشكر لك اشادتك واشكرك على مرورك العطر

[أبو غدي1432]

كم التكلفة المتوقعة

ووين أسويه بالجنوب

[مخ سعودي]

مايقارب ٥٠٠ ريال مع الشحن

[بشير حسن]

أخوي مخ سعودي الله يعطيك ألف عافيه انا قرات تجربتك السابقه ولكن عند استفسار مهم جدا ليش نحتاج علبة زيت قير 12 ريال اس ديلكو وقت تركيب مبرد اضافي للقير ؟؟؟؟ لأنه أنا قبل فتره ركبت مبرد على (كابرس 89 قير 700 آر فور) بس ما اضفت علبة زيت أبدا وقت التركيب علما أنه دائما اشيك على زيت القير والاقيه فل مو ناقص شئ أبدا

[مخ سعودي]

بالنسبة لي يالغالي عند فك المبرد السابق قلة كميه الزيت وعبيتها بنصف علبه لكبر حجم المبرد والحمد لله
بالنسبه لك شيك على زيت القير وافضل تغييره عند ٣٥٠٠٠ الى ٤٠٠٠٠ الف كيلو

[بيك اب 4X4]

ما شاء الله اخوي مخ سعودي
فعلاً هذا النوع من المبرد افضل من الأول اللي كنت مركبه
و انا لي رد في موضوعك الأول

[mohannadAs]

مشكوووور على التقرير الرائع و هذي المواضيع اللي نحتاجها لان فيها كل المعلومات اللازمة و هي من فئة ( اصنعها بنفسك)
الله يعطيك العافية و انا اشوف انه موضوع جدير بالتثبيت
استمر يا بطل

[3zyiz]

السلام عليكم ورحمة الله

ماشاءالله تبارك الله .. جد مخ سعودي مية مية
:)

اولا اهنيك طال عمرك على افكارك النيرة واهنيك طولة بالك بتركيب مبرد القير ! كنت احب اشتغل بسيارتي بس فترة الدوام وشيل وحط في هالبزران ومدراسهم وقروشة الحياة صرت يا شيخ ماعاد اشيل مسمار

ثانيا .. ودي تعطيني معلومات اكثر عن هالمبرد ، انا عندي سوبربان LTZ2007 وودي اركب له مبرد قير
طبعا ماعندي خلفية عن الانواع بالضبط ولا لي اي تجربة سابقة

اتمنى تفيدني .. وهل اقدر اشتريه من امازون أو إي بي ؟ وهل نفس السعر الي انت شريته او فيه اقل ؟
بالنسبة للمقاس لو شريته من امازون او إي بي كيف اعرف مقاساته ؟ او ما يحتاج كلها مقاس واحد ؟

هل تنص اشتريه من المواقع او متوفر عندنا بالرياض ؟
ووين الاقيه اذا متوفر بالرياض وكم سعره بالوقت الحالي ؟؟
ومن الشخص الي اقدر اركبه عنده ؟؟؟

اسئلتي كثير بس بكل صدق وقتي ضيق وابغا شخص ثقة وسعره مقبول

[مسير عليكم]

ماشاء الله تبارك الله
تمنتيك منزل صور مفصله وخصوصن شكله بعد التركيب للفائده

[عرنان الشمال]

بارك الله فيك يالغالي

[3zyiz]

يخرب بيتهم eBay وش بلاهم رافعين سعره جعل ضغطهم يرتفع ؟؟؟

الي 133 دولار والي يبي 160 دولار !!
والله حرام هالارتفاع بالسعر !

اخوي اذا عندك صفحة البائع الي شريت منه بـ 70 دولار تكفا دلني عليه

[الهدد الاسود]

اخوي هل يزبط على الجكس القير 6 سرندل

[kkall]

شغل رائع , مشكور

[kkall]

عندي اقتراح , بدون ما نركب مبرد إضافي ,
-1- ركيب مروحة على مبرد زيت القير ( الأساسي )) ,
-2- تربط تشغيلها مع تشغيل مراوح السيارة ,

[مخ سعودي]

يخرب بيتهم eBay وش بلاهم رافعين سعره جعل ضغطهم يرتفع ؟؟؟

الي 133 دولار والي يبي 160 دولار !!
والله حرام هالارتفاع بالسعر !

اخوي اذا عندك صفحة البائع الي شريت منه بـ 70 دولار تكفا دلني عليه
ياهلا والله وغلا يالغالي
اكيد كل شي في تضخم وزيادة الاسعار باتت هاجوسا
عموما في هذه الصحفه تجد انواع كثيره واسعارها متفاوته http://www.ebay.com/sch/i.html?_odkw=transmission+cooler+tahoe+2008&_from=R40&_osacat=0&_from=R40&_trksid=p2045573.m570.l1313.TR9.TRC0.A0.H0.Xtransm ission+cooler+.TRS1&_nkw=transmission+cooler+&_sacat=0

[مخ سعودي]

عندي اقتراح , بدون ما نركب مبرد إضافي ,
-1- ركيب مروحة على مبرد زيت القير ( الأساسي )) ,
-2- تربط تشغيلها مع تشغيل مراوح السيارة ,

انصح اخي الغالي بتركيب المبرد دون اللعب مع كهرباء السيارة

[مخ سعودي]

اخوي هل يزبط على الجكس القير 6 سرندل

هو يركب على كل السيارات دون استثناء لكن التويوتا يجي له مبرد لكن بشكل اخر

[مخ سعودي]

شغل رائع , مشكور

وانت اروع واشكركم على مروركم

[مخ سعودي]

ماشاء الله تبارك الله
تمنتيك منزل صور مفصله وخصوصن شكله بعد التركيب للفائده

الله يسعدك يالغالي لكن الموضوع قديم وماعندي علم من استخرجه

[مخ سعودي]

السلام عليكم ورحمة الله

ماشاءالله تبارك الله .. جد مخ سعودي مية مية
:)

اولا اهنيك طال عمرك على افكارك النيرة واهنيك طولة بالك بتركيب مبرد القير ! كنت احب اشتغل بسيارتي بس فترة الدوام وشيل وحط في هالبزران ومدراسهم وقروشة الحياة صرت يا شيخ ماعاد اشيل مسمار

ثانيا .. ودي تعطيني معلومات اكثر عن هالمبرد ، انا عندي سوبربان LTZ2007 وودي اركب له مبرد قير
طبعا ماعندي خلفية عن الانواع بالضبط ولا لي اي تجربة سابقة

اتمنى تفيدني .. وهل اقدر اشتريه من امازون أو إي بي ؟ وهل نفس السعر الي انت شريته او فيه اقل ؟
بالنسبة للمقاس لو شريته من امازون او إي بي كيف اعرف مقاساته ؟ او ما يحتاج كلها مقاس واحد ؟

هل تنص اشتريه من المواقع او متوفر عندنا بالرياض ؟
ووين الاقيه اذا متوفر بالرياض وكم سعره بالوقت الحالي ؟؟
ومن الشخص الي اقدر اركبه عنده ؟؟؟

اسئلتي كثير بس بكل صدق وقتي ضيق وابغا شخص ثقة وسعره مقبول

وعليكم السلام ورحمه الله وبركاته
واسعد الله مساءك وصباحك بالمسرات واشكرك على مرورك
لابد من زخم الحياة ان ياخذك بعيدا عن هواياتك لكن سددوا وقاربوا عموما انا تحت امرك يالغالي في استفساراتك والافضل تشتريه عن طريق ايبي او الامازون ابحث عن الارخص طبعا وافضل نوع مايكلف واصل للسعوديه 850 ريال هذا الافضل وفيه انواع اخرى ارخص عموما هو افضل للقير بشكل كبير بالنسبة لتركيبه جدا بسيط وبمكانك تركيبه في المنزل او التوجه الى احدى الورش وتركيبه يكلف 200 ريال بالكثير

[مخ سعودي]

في الختام اشكر من علق او مر على هذا الموضوع ولكم جزيل الشكر

[kkall]

السلام عليكم
ما الفرق بين نجمع المبرد الاضافي مع مبرد الوكالة و بين فقط مبرد الاضافي فقط , أيهم أبرد,

[kkall]

ما اسم الورشة التي عملت ذالك ,,

[مخ سعودي]

ما اسم الورشة التي عملت ذالك ,,

حياك يالغالي انا عملت بنفسي على انجازه

[مخ سعودي]

السلام عليكم
ما الفرق بين نجمع المبرد الاضافي مع مبرد الوكالة و بين فقط مبرد الاضافي فقط , أيهم أبرد,

تركيب مبردين حتى يتم تبريد القير بسرعه ويكفي لو ركبت مبرد واحد كبير مثل ترو كول 40 وحده